[1527/9]¹

Legislation: private act

Quo die idem supremus dominus noster rex in prefato suo parliamento presentibus regni sui statibus predictis et de eorum expressis consensu et assensu requisito, habito et deliberato illas donacionem et concessionem factas et concessas dilecto consanguineo et consiliario² suo Jacobo, comiti de Mortoun', etc., de et super terris et baronia de Buthill cum pertinentiis in feodifirmam jacentibus in dominio Galwedie infra vicecomitatum de Wigtoun' prout in carta prefati³ supremi domini nostri regis sibi desuper confecta plenius continetur de data apud Edinburgh die decimoseptimo mensis Aprilis anno Domini millesimo quingentesimo vigesimoseptimo et regni dicti supremi domini nostri regis xiiij^o confirmavit, ratificavit et pro se heredibus et successoribus suis omnibus melioribus modo forma et effectu de consensu et deliberatione predictis approbavit non obstantibus quibuscunque annexationibus, unionibus aut⁴ aliquibus aliis prius per eundem supremum dominum nostrum regem aut suos predecessores quoscunque in contrarium factis seu expeditis et desuper litteras suis confirmatorias premissorum concessit et deliberari mandavit.