The Records of the Parliaments of Scotland to 1707, K.M. Brown et al eds (St Andrews, 2007-2024), date accessed: 17 April 2024
[1525/7/21]1
Letters: made in 1441, engrossed in the parliamentary register
2Universis pateat per presentes me Rogerum Broun', filium quondam Ricardi Broun' de Hartr', teneri et per presentes firmiter and fideliter obligari nobili et potente domino domino Jacobo, comiti de Douglas et de Anandale, quod quatenus dictus dominus Jacobus alias dederit et concesserit mihi, heredibus meis et assignatis per sasinam et cartam suam hereditariam sine revocatione aliquali omnes and singulas terras suas dominicas de Cultir' Manys cum pertinentiis jacentes infra vicecomitatum de Lanark, volo tamen et concedo et per presentes firmiter et fideliter obligo me, heredes meos et assignatos ad sursum reddendas pureque simpliter resignandas ac liberum deliberandas a me, heredibus meis et assignatis prefatis domino Jacobo, comiti antedicto, heredibus suis and assignatis omnes et singulas predictas terras dominicas de Cultir' Manys unacum carta et sasina suis michi idem confectis et deliberatis quam cito vel q'ncunque ipse prefatus dominus Jacobus comes antedictus, heredes sui vel assignati uno die inter solis ortum et occasum eiusdem super altare Sancti Michaelis in ecclesiam parochiali de Cultir' summam centum marcarum usualis monete regni Scotie michi heredibus meis vel assignatis fideliter persolverit vel persolverint omni fraude et dolo remotis ac totum jus and clameum proprietatem et possesionem que in dictis terris dominicis de Cultir' Manys cum pertinentiis habui, habeo seu quovismodo habere potero pro me, heredibus meis vel assignatis omnino quittumclamando inperpetuum. Ita quod nec ego nec heredes mei aliquod jus vel clameum proprietatis nec possessionem in dictis terris dominicis nec in aliqua parte illarum cum pertinentiis aliqualiter vendicare potero nec poterint sed ab omni juris, titulo tam petitorio quam possessorio dictarum terrarum cum pertinentiis simus exclusi ac absoluti inperpetuum penitus et omnino quam cita summa prefata centum marcarum fuerit totaliter soluto, salua et reservata michi heredibus meis et assignatis assedatione michi facta de dictis terris pro termis septem annorum proximo post solutionem summe predicte centum marcarum. In cuius rei testimonium sigillum meum presentibus est appensum. Apud Edinburgh, xvij diem mensis Januarii, anno Domini millesimo quadringentesimo quadragesimo. Hiis testibus videlicet Patricio de Levingstoun' de eodem, Johanne Levingstoun' de Waranhill, Johanne Seltart de eodem, Jacobo Sandelandis de Mydlerig, Willelmo Inglis de Cormastoun' et Johanne Inglis de Bagby cum multis aliis.
- NAS, PA2/8, I, f.13v-14r.
- In margin 'nota'.