The Records of the Parliaments of Scotland to 1707, K.M. Brown et al eds (St Andrews, 2007-2024), date accessed: 18 April 2024

[M1641/8/68]1

[Earldom of Leven granted to Alexander Leslie, lord general; acts read and remitted to each estate]

Rege presente.

The quhilk day, in presence of the kingis majestie sittand in plaine parliament, compeirit personallie Generall Alexander Leslie of Balgonie, clothed in parliamentarie robis, accompanied be the Duke of Lennox, Erles of Eglintone and Dumfermelin, also clothed in thair robbis, with all solemnities of trumpettis, herauldis and others ordinar, ane patent of erledome of Levin and lordship of Balgonie graunted to him and his airs maill lawfullie gotten of his awin bodie wes publiklie red be the clerk and thairefter convoyed be the lord president to his majestie sittand upon the throne. And the kingis majestie delyvered the said patent to the said lord generall efter he had sworne the oath accustomed, and thairefter putt the crowne of ane erle upon his heid.2

Act rescinding the forfaltour of Generall Ruthven red, and ane copie appointed to be delyvered to everie estaite.

Act anent the expensis of the commissioners of shyris to the parliament red, and ane copie appointed to be gevin to everie estaite.

[Supplication remitted to the committee for the bills; continuation]

Supplicatione be McIntosh against Glengarie and others, being produced in parliament, is remitted to the committe for the billis.

Appointis the parliament to meitt upon Tuesday at ten hours, and the severall bodies upon Mooneday at ten hours, and the committes for accomodatione and the billis this efternoone.

  1. NAS, PA6/5, 'November 5 1641', f.1(a) v.
  2. Followed by a blank space of approximately four or five lines.