[1641/8/228]¹

Reference in favoures of Maister James Robertoune

The quhilk day the supplicatione givine in to the parliament be Maister James Robertoune, justice depute, desyreing his majestie and estates of parliament to give order that the supplicant may be payet of his fie of tuelfe hundreth pundis due to him for his service in the said office conforme to his gifte, and that yeirlie for the space of foure yeeres and ane halfe bygone, and to take ane setled course for his payment in tymecomeing, as the supplicatione at moire lenth proportes. Quhilke supplicatione being moved to the kingis majestie and estates of parliament, his majestie and estates foirsaidis remittes the foirsaid supplicatione and desyre therof to the exchekker to be considered be them.