[1641/8/177]¹

Act in favoures of the Laird of Edgell and his tennentes

The quhilk day, anent the tuo supplicationes givine in to the parliament be David Lindesay of Edgell, for himselfe and his tennentes of his landis and barronyes of Gleneske, Edgall and Newdoske, makeand mentione of the hirshipes and oppressiones done aganes him and his saidis tennentes be great nomberes of brokine hielandmen carieing away of great quantities of horss, nolt, sheepe and other plenishing fra him and his saidis tennentis in ane barbarous and violent way, and wounding of sundrie of the tennentes, occasioned by his subscryveing of the covenant, as the supplicatione at mair lenth beires. Quhilk supplicatione being this day moved in audience of the kingis majestie and estates of parliament, and they now not haveing tyme to ansuer the samene, his majestie and estats of parliament remittes the consideracione of the foirsaidis loisses mentionat in the saidis supplicationes to the committee appoynted for settling the commoune burdings of the kingdome, seeing that the saidis loisses perchance will fall wnder the compas of the act of oblivion or the pairties will be fund not solvendo.