Declaration and judgment of the assemblie anent the band, wherof there judgment was craveit be the parliamente

The quhilk day Maister Andro Cant and Maister Johne Strang, commissionaris from the generall assembly, compeired judiciallie in parliament in presence of the estats therin convenit and produceit the act and declaratione wnderwrittin, quherof the tennour falloueth: Edinburghe, the nynt of August 1641, act sessionis 172, the assemblie taking to ther consideratione the questione proponit wnto them concerneing a band, the copie wherof was presented befor them from the parliament, doeth find and declair that bandis of this and the lyke nature may not laufullie be mad, by which declaratione the assemblie doeth not intend to bring any censure for what is past and by the wisdome and caire of the committie of the parliament is takine away upoun any persone, who, being requyrit by the moderatour and the clerk, shall wnder his hand declair befor them that as the assembly doeth find that the subscryveris are not astricked by ther oath to the tennour of the said band, so he findeth himselfe not to be astricted be his oath to the tennour therof, but the intentioun of the assemblie is meerlie to prevent the lyke in tymecomeing. Extracted furth of the bookis of the generall assembly be me, Maister Archibald Johnestoun, clerke therto, witnessing my signe and subscriptione manuall. Sic subscribitur: A. Johnstoun, clericus ecclesiae. Quhilke declaration abovementionat the saidis Maister Andro Cant and Maister Johne Strang, commissioneris sent be the generall assembly, produceit from the generall assembly as the judgment of the assemblie anent bandis, agrieing in natur to the copie of the band represented to the assembly be the parliament.

  1. NAS, PA2/22, f.84v.
  2. Sic.