[1633/6/125]¹

Act in favour of Sir James Lokhart, younger, of Ley

Oure soverane lord and estates of this present parliament, having consideratione of the trew and thankfull service done to his majestie and his hienes most noble progenitors be Sir James Lokhart of Castellhill, knicht, gentleman of his majesties privie chalmer, and his predicessors, ordaines ane act to be maid, ratifiand and approvand and, for his hienes and his successors, perpetuallie confirmand that chartor and infeftment and donatione thairin contenit, grantit be Sir James Lokhart of Lie, knicht, in favours of the said Sir James, his sone, and umquhile Elizabeth Fairlie, his spous, the langer leivar of thame tua, in lyfrent and to his airs male and assignais thairin mentionat, of the dait the tuentie day of December, j^M vj^C and sevinteine yeirs, of certane peices and portiones of the lands and baronie of the Lie, and of the said Sir James and his forsaidis of the haill remanent of the samyn lands and baronie, extending in the haill to ane tuentie pund land of auld extent, tours, fortalice, mylnes, multors and uthers thairincontenit, and of the fyftie schilling land of Nemphlar, unite thairto in ane frie baronie, and of the ten pund land of Hewheids, the superioritie thairof, togider with the chartor of confirmatione of the forsaid infeftment grantit be our umquhile darrest soverane lord, King James the Saxt of blissed memorie, wnder the great seale, of the dait the penult day of Junii, j^M vj^C and nynteine yeirs, conteining thairintill ane new gift of the saidis lands and baronie, and of the burgh of Cairtland and lands of Hewheids, erecting thairby lykwayes the saidis lands of Lie, Nemphlar and Hewheids in ane frie baronie and the burgh of Cairtland in ane new burgh, all incorporat in ane frie baronie callit the baronie of Lie as said is; togider with the ratificatione in parliament grantit be our said last soverane lord and estates of parliament in favours of the said Sir James Lokhart, elder, his airs male and assignais of the lands, baronie and uthers abone and thairin mentionat, of the dait the tuentie thride day of October, j^M vj^C and tuelf yeirs, quhilks ar haldin heirby as ingrost verbatim, with the not inserting of the quhilks infeftments and act of ratificatioun our said soverane lord, with advyse and consent forsaid, hes dispensit and dispenses in all and sundrie heads, articles, clauses, obleisments, pointes, pases, circumstances, articles and conditiones of the samyn quhatsumever specifiet and contenit thairintill. Lykas our said soverane lord and estates forsaidis of this present parliament wills, grants, statuites and ordaines that the said Sir James Lokhart, his airs male and assignais forsaidis sall peaciblie bruik, joyse and posses the forsaidis lands and baronie, burgh of baronie and uthers respective forsaidis with the pertinents as thair awne propper heretage at thair pleasure in all tyme coming, conforme to the tennor of the saidis infeftments in all pointes, but any stope, trouble or impediment, nothwithstanding of any defect or infirmitie (if any be) contenit thairintill; quhairanent oure said soverane lord, for his hienes and his successors, with advyse and consent forsaid, hes dispensit and dispenses, ordaining the forsaid act to be ane sufficient supplement of all faults and defects (if any be) contenit in the saidis infeftments and againes all actioun and questioun quhatsumever that can be maid or moved in the contrair, ordaining the samyn act to be registrat in the buikes of parliament as effeirs.