Act in favour of Sir Thomas Hope of Craighall, knicht baronett

Oure soverane lord and estates of parliament ratifies and approves the act of commissioun of surranders and teinds, of the dait at Halyrudhous, the auchteine of Marche, jM vjC threttie ane yeirs, quhairof the tennor folloues: The quhilk day Maister Walter Buchannan, minister of Seres, craved of the commissioners for the surranders and teinds that sieing the lands and baronie of Kinninmonth and lands of Arnydie perteining heretablie to Sir Thomas Hope of Craighall, knicht barounet, his majesties advocat, wer of old a pairt of the parische of Sanctandrois and wer laitlie unit to the kirk of Seres, and the unioun thairof ratifiet in parliament, that the said Sir Thomas Hope, his airs and successors micht be tyed for the saidis unit lands and baronie to contribute to the ordinarie burdeins dew to a paroche kirk for reparatione thairof and bigging and reparing the kirk dykes, and that the viccarage teinds of the said baronie, the rait quhairof extends to fourteine pund sax schilling aucht pennies, micht be applyed to the use of the said kirk of Seres. With the quhilk desyre the said commissioners being weill and ryplie advysit, and they having seine the warrand and act of the said unioun ratifiet in parliament, the saidis commissioners hes thairfor ratifiet, allowed and approvin and, by thes presents, ratifies, allowes and approves the said unioun in all pointes and declairs the said Sir Thomas, his airs and successors to be frie of all burdeine, taxt or uther contributioun at the kirk of Sanctandrois and to be subject to the reparatione of the kirk and kirkyaird dykes of the said kirk of Seres in all tyme coming; and ordaines the rait and dewtie of the viccarage teinds of the saidis lands and baronie of Kinnynmonth to perteine to the said kirk of Seres in all tyme to come, to be applyit to the intertainment of the reader and skoolemaister at Seres. Quhairupon the said Maister Walter Buchannan, minister at Seres, askit instruments. Extractum de libris actorum commissionis predictis per me Jacobum Prymrois clericum eiusdem sub meis signo et subscriptione manualibus. And his majestie and estates forsaidis wills and ordaines that the said Sir Thomas and his successors is, and sall be, frie of all burdeine, taxt or uther contributioun at the kirk of Sanctandrois and to be subject to the reparatione of the kirk and kirk yaird dykes of the said kirk of Seres in all tyme coming; and ordaines the rait and dewtie of the viccarage teinds of the saidis lands and baronie of Kinnynmonth to perteine to the kirk of Seres in all tyme to come, to be applyit to the intertainment of the reidar and skoolemaister at Seres. And this act to take effect eftir the dait heirof allanerlie.

  1. NAS, PA2/21, f.100r-v.