The Records of the Parliaments of Scotland to 1707, K.M. Brown et al eds (St Andrews, 2007-2024), date accessed: 28 March 2024
[1633/6/52]1
Commissioun anent the Lord Torphichen
In the parliament haldine at Edinburgh upon the tuentie aucht day of Junii, jM vjC threttie thrie yeirs, the quhilk day anent the petitione presentit to his majestie and estates of parliament be ane noble lord Johne, lord of Torphichen, makand mentione that quhairas be statuit of this present parliament the superiorities of all erectiones ar annexit to the crowne, which will not onlie comprehend the superiorities of church lands erected in temporall lordschipes bot also all superiorities of erectiones of quhatsumever uther natur, and in speciall these of the lordschip of Torphichen which was auncientlie of the lordschip of Sanct Johne, and quhich never did belong to any prelatte, bischop or churchman, as sall be maid appear to his majestie or to any quhome his majestie sould appoint for examining the bussines; and being tryed and fund that his particular caice differres frome the natur of these superiorities intendit be his majestie to be reduicit to the crowne, and, thairfor, most humblie beseiking his majestie that in the act of annexatioun it may be declarit that the superioritie of his lordschip of Torphichen is nawayes thairine comprehendit, or that the same be remitted to the counsall, as at mair lenth is contenit in the said petitione. His majestie, with the advyse of the estates of parliament, remittes the said petitione to the counsall, with power to thame to trie bot not to decerne till they acquant his majestie with quhat they find and have his majesties pleasure returned to thame thairanent.
- NAS, PA2/21, f.44v.