[A1630/7/6]¹

Anent the giving up of inventars within burgh

Quhereas in the taxatioun grantit in the moneth of October, the yeere of God j^M vj^C and twentie fyve yeeres, the upgiving of inventars of moneyes within burgh wes onelie restricted to suche burrowes as wer heretable shireffs within thameselffes, whilk wes ane great hinder and prejudice to his majestie in his extraordinar taxatioun and ane great vexatioun and trouble to the free burrowes of this kingdome, thairfoir the estaits, according to his majesteis gratious letter and directioun read in thair audience, ordains the inventars of moneyes within burgh to be givin up to the provests and bailleis of all the free burrowes within this kingdome, everie ane within thair awin bounds and jurisdictioun.