[1629/9/1]¹

Procedure: continuation of parliament

The whilk day the commissionaris underwrittin of the foresaid parliament videlicet, George, vicount of Dupline, chancelloure of Scotland, Thomas, erll of Hadingtoun, lord privie seil, Alexander, erle of Lynlythgow, George, erle of Wintoune, Schir Archebald Achesone of Clancairne, secretar, Schir Johnne Hammiltoun of Magdalenis, clerk of registere, and Schir Thomas Hope of Craighall, knicht barronet, advocat, haveing causit fens the said parliament and callit the suttis thairof the said Schir Thomas Hope, advocat to oure soverane lord, produceit ane lettre direct frome his majestie beiring date frome his hienes court at Windsoir 16 Julii 1629 yeiris, foure continowing the foresaid parliament whill the first day of Junii nixt 1630 yeiris; quhilk being red publictlie in fensit parliament,

The saidis commissionaris abonenameid hes continowit and continowis this present parliament in the same forme, force and effect etc., with all summondis, actiounes, causis and utheris materis belonging thairto whill the said first day of Junii nixt 1630 yeiris, to be holdine then at Edinburghe or whair it sall happine his majesteis privie counsale to direct be thair lettres be oppen proclamatioune; and ordanes all the estaittis of parliament and utheris his majesties leiges to await thairupone under the panes contenit in the actis of parliament of this realme.

Wpone the fensing of the whilk parliament and continowatioun thairof foresaid and haill premisis abonewrittin, the said Schir Thomas Hope, advocat to oure soverane lord, for his hienes interes, askit instrumentis.