[1612/10/64]¹

Ratificatioun to the laird of Balmowto off his infeftment of the landis of Balmowto and patronage of the kirk of Auchtertule

Oure soverane lord and estaittis of this present parliament ratefies, apprevis and confirmis the heritabill infeftment grantit to Schir Johnne Boiswell of Balmowto, knycht, of his landis of Balmowto, with the patronage of the kirk of Auchtertule, resignit be Henrye, commendater of Sanctcolme, in his favouris and now unitit and annext in the said infeftment to the saidis landis of Balmowto, quhairof the tennoure followis:

Jacobus Dei gratia rex magne Britanie, Francie et Hybernie, fideique defensor omnibus probis hominibus totius terre sue clericis et laicis salutem. Sciatis nos dedisse concessisse disposuisse et hac presenti carta nostra confirmasse tenoreque eiusdem dare concedere et disponere et hac presenti carta nostra confirmare predilecto nostro domino Joanni Boiswell de Balmowto militi suisque heredibus et assignatis quibuscunque hereditarie totas et integras terras de Balmowto cum turre fortalicio manerie loco domibus edificiis hortis pomeriis columbariis carbonibus carbonariis molendinis terris molendinariis multuris toftis croftis lie owtsettis partibus pendiculis annexis connexis dependentiis tenentibus tenandriis liberetenentium seruitiis et omnibus earundem pertinentiis iacentibus infra baroniam de Glasmonth per annexationem et vicecomitatum nostrum de Fyff. Quequidem terre et alia predicta cum pertinentiis perprius prefato domino Joanni Boiswell de Balmowto militi hereditarie pertinuerunt, et quas ipse per procuratores suos ad hoc legitime constitutos et literas suas patentes in manibus nostris et nostrorum commissionariorum ad recipiendas resignationes ordinatorum, tanquam in manibus domini sui immediati superioris earundem apud Edinburgh sursum reddidit pureque et simpliciter per fustum et baculum vt moris est resignauit ac totum ius et clameum proprietatem et possessionem que seu quas in et ad easdem habuit habet seu quouismodo habere potuit omnino quiete clamauit imperpetuum pro hac nostra noua carta et infeodatione hereditaria prefato domino Joanni suisque heredibus et assignatis per nos nostro sub magno sigillo desuper in debita forma danda et conficienda. Insuper nos pro bono fideli et gratuito seruicio nobis per prefatum dominum Joannem prestito et impenso ac pro diuersis aliis respectibus et bonis considerationibus nos mouentibus de nouo dedimus concessimus et disposuimus et hac presenti carta nostra confirmauimus, tenoreque eiusdem de nouo damus concedimus disponimus et pro perpetuo confirmamus prefato domino Joanni Boiswell de Balmowto militi suisque heredibus et assignatis quibuscunque hereditarie totas et integras predictas terras de Balinowto cum turre fortalicio manerie loco domibus edificiis hortis pomeriis columbariis carbonibus carbonariis molendinis terris molendinariis multuris toftis croftis lie outsettis partibus pendiculis annexis connexis dependentiis tenentibus tenandriis et liberetenentium seruitiis et omnibus earundem pertinentiis, unacum omnibus iure titulo interesse iurisclameo tam petitorio quam possessorio que seu quas nos nostri predicessores aut successores ad easdem seu ad aliquam earundem partem vel ad census firmas proficua et diuorias earundem de quibuscunque annis seu terminis preteritis habuimus habemus seu quouismodo habere vel clamare poterimus aut poterint ratione warde relevii nonintroitus eschaete forisfacture recognitionis purprusionis disclamationis bastardie infeofamentorum saisinarum seu retornatuum reductionis totius aut maioris partis alienationis, aut ob quamcunque aliam causam actionem seu occasionem preteritam diem date presentis carte nostre precedentem. Renunciando et exonerando eisdem cum omnibus actione et instantia earundem pro nobis et successoribus nostris prefato Domino Joanni suisque heredibus et assignatis predictis pro nunc et imperpetuum, cum pacto de non petendo ac cum supplemento omnium defectuum tam non nominarorum quam nominatorum, quos tanquam pro expressis in hac presenti carta nostra haberi volumus. Preterea considerantes quod rectoria et vicaria ecclesie parochialis et parochia de Auchtertule iacentes infra vicecomitatum nostrum de Fyff ab antiquo ad abbaciam de Sanctcolmes Inche tanquam vnam partem patrimonii et proprietatis spiritualitatis eiusdem spectantes et pertinentes nunc in manibus nostris vacare per dimissionem et resignationem de huiusmodi factam per Henricum nuper commendatarium dicte abbacie, prout dicta dimissio proportat; et nos intelligentes quam necessarium extat quod rectorie et vicarie dicte ecclesie parochialis et parochie de Auchtertule qualificatis [idoneis] et discretis personis conserentur et concedentur que pro sua literatura honestate et congruis moribus habiles sint earum curam exonerare in functione ministerii et predicatione evangelii in consolatione inhabitantium et parochianorum in quibus magna tarditas et negligentia his annis elapsis extitit; et ob id pro maiori parte dicta ecclesia ex consolatione spiritualis pastoris destituta fuit, qua inconvenientia per dictam negligentiam increscere poterit nisi melius prouideatur remedium. Ideo nos in dei timore et nostre conscientie hac in parte exoneratione volentes ac cum prouisione dicte ecclesie prefatum dominum Joannem Boiswell de Balmowto militem suos heredes et successores in antedictis terris de Balmowto onerare, et per bonam et bene approbatam experientiam prudentie discretionis et iudicii dicti domini Joanis in sui ipsius negotiorum prudentie gubernamento, ac de ardenti zelo que in propagatione evangelii gerit, nosque ex mente et resoluta voluntate existentes vt patronatus dicte ecclesie de Auchtertule cum prefato domino Joanne suisque heredibus et successoribus predictis manebit ac pro diuersis aliis rationabilibus caussis et bonis considerationibus nos moventibus ex certa scientia et proprio motu vniuimus annexauimus et incorporauimus, tenoreque presentis carta nostre pro nobis et successoribus nostris vnimus annexamus et incorporamus advocationem donationem et ius patronatus dicte ecclesie de Auchtertule rectorie et vicarie eiusdem in et ad predictas terras de Balmowto cum eisdem omni tempore affuturo inseparabiliter remanentes ac fecimus et constituimus tenoreque presentis carte nostre pro nobis et successoribus nostris facimus et constituimus prefatum dominum Joannem Boiswell de Balmowto militem suos heredes et successores in dictis terris de Balmowto indubitatos [et] irreuocabiles hereditarios patronos dicte ecclesie de Auchtertule rectorie et vicarie eiusdem, cum potestate ipsis personas habiles aptas et qualificatas pro huiusmodii toties quoties per decessum dimitiionem depriuationem seu inhabilitatem possessorum presentium aut futurorum aut alias quouismodo eadem vacare contigerit ordinariis presentare vt iuris postulat ordo ac omnia alia et singula ad dictam advocationem donationem et ius patronatus spectantia adeo libere vtendi gaudendi et exercendi sicuti aliquis alius patronus infra regnum nostrum fecit seu in similibus facere potest. Tenendas et habendas [totas et integras]² predictas terras de Balmowto cum turre fortalicio manerie loco domibus edificiis hortis pomeriis columbariis carbonibus carbonariis molendinis terris molendinariis multuris toftis croftis lie outsettis partibus pendiculis annexis connexis dependentiis tenentibus tenandriis liberetenentium seruitiis et omnibus earundem pertinentiis, vnacum dicta advocatione donatione et iure patronatus dictarum ecclesie et parochie de Auchtertule rectorie et vicarie eiusdem prefato domino Joanni Boiswell de Balmowto militi suisque heredibus et successoribus predictis de nobis et successoribus nostris in feodo et hereditate imperpetuum, per omnes rectas metas suas antiquas et diuisas prout iacent in longitudine et latitudine in domibus edificiis boscis planis moris marresiis viis semitis aquis stagnis riuolis pratis pascuis et pasturis molendinis multuris et eorum sequelis aucupationibus venationibus piscationibus petariis turbariis carbonibus carbonariis cuniculis cuniculariis columbis columbariis fabrilibus brasinis brueriis et genestis siluis nemoribus et virgultis lignis tignis lapicidiis lapide et calce [cum curiis et earum exitibus hereyeldis bludewetis et mulierum marchetis],³ cum communi pastura libero introitu et exitu ac cum omnibus et singulis aliis libertatibus commoditatibus proficuis asiamentis et iustis suis pertinentiis quibuscunque tam non nominatis quam nominatis tam subtus terra quam supra terram procul et prope ad predictas terras cum pertinentiis spectantibus seu iuste spectare valentibus quomodolibet in futurum libere quiete plenarie integre honorifice bene et in pace, absque reuocatione contradictione impedimento aut obstaculo quocunque. Reddendo inde annuatim dictus dominus Joannes suique heredes et successores predicti nobis et successoribus nostris vnum denarium argenti in die festo penthecostes super solo dictarum terrarum nomine albe firme, si petatur tantum. In cuius rei testimonium huic presenti carte nostre magnum sigillum nostrum apponi precepimus. Testibus predilectis nostris consanguineis et consiliariis Jacobo marchione de Hammyltoun comite Arranie domino Even etc., Georgio Mariscalli comite domino Keith etc., regni nostri mariscallo, Alexandro comite de Dumfermling domino Fyvie etc. cancellario nostro, dilectis nostris familiaribus consiliariis dominis Alexandro Hay nostro secretario, Richardo Cokburne iuniore de Clerkingtoun nostri secreti sigilli custode, Thoma Hammyltoun de Byris nostrorum rotulorum registri ac consilii clerico, Joanni Cokburne de Ormistoun nostre iusticiarie clerico, et Magistro Joanne Scot de Caiplie nostre cancellarie directore; apud Quhitehall primo die mensis Julii anno Domini millesimo sexcentesimo duodecimo ac regnorum nostrorum annis quadragesimo quinto et octauo, in all and sindrie heidis, clauses, articulis, pointis and conditionis thairof quhatsomevir, and declaris the said infeftment to be gude, valide, effectuall and sufficient to the said Schir Johne Boiswell of Balmowto, knycht, in all tyme heirefter.