The Records of the Parliaments of Scotland to 1707, K.M. Brown et al eds (St Andrews, 2007-2024), date accessed: 28 March 2024
[1612/10/28]1
Ratificatioun in favouris of Robert, lord Lyndesay
Oure soverane lord and estaittis of this present parliament ratifies, apprevis and perpetualie confermis ane infeftment gevin and grantit to Robert, lord Lyndesay, his airis maill and assignais, be George, archiebischop of Sanctandrois and chaptoure of the metrapolitan kirk thairof, off all and sindrie the landis, baronies or tenandreis of Auchter Uther Struther, Auchter Munsie, Carnye, Balmane, and of ane taxt ward thairof, taxt mariage and utheris mentionat and exprest in the said charter, quhilk is of the dait the sevintene day of October instant, with all utheris infeftmentis, charters, preceptis, instrumentis of seasing, richtis and securities quhatsomevir maid and grantit be oure said soverane lord and the said archiebischop and thair predicessours to and in favours of the said Robert, lord Lyndsay, his predicessours and authors quhatsomevir, off and concerning the foirnemmyt landis, baronyes, tenandreis, partes and pendicles thairof, and of all utheris landis, offices, jurisdictiones, feis, previlegis, liberties and utheris mentionat and exprest in the saidis charters, richtis and infeftments, of quhatsomevir dait or daittis, tennoure or contentis they be. And ordanis thir presentis to be als effectuall to the said Robert, lord Lyndesay and his foirsaidis thairanent as gif everie particular infeftment, richt and securitie wer heirintill set downe and ingrost ad longum et de verbo in verbum; and decernis and ordanis the samyn infeftments, richtis and securities to have bene and to be in all tyme cuming gude, valide and effectuall richtis and titillis to the said noble lord and his foirsaidis for bruiking, joysing and using of the foirnemmyt landis, baronyes, tenandreis, offices and utheris thairin mentionat as thair proper heritage efter the formes and tennoures thairof in all pointis.
- NAS, PA2/18, f.10r.