[1612/10/4]¹

Procedure: presentation of the king's commission to the estates

The quhilk day Schir William Olyphant of Newtoun, knycht, advocat to his majestie, producit in presens of the haill estaittis than presentlie convenit the commissioun underwrittin, under the great seill, of the dait at Theobaldis, the twentye day of September, the yeir of God ane thowsand sex hundreth and twelf yeris, off quhilk commissioun the tennoure followis:

Jacobus Dei gratia Magne Britannie Francie et Hybernie rex etc., fideique defensor omnibus regni nostri Scotie fidelibus subditis ad quorum notitiam has literas peruenire contigerit salutem. Sciatis quia quamplurima ad vtilitatem regni nostri Scotie pernecessaria ante oculos ponentes ordinauimus parliamentum et conventum ordinum dicti nostri regni habendum duodecimo die mensis Octobris proxime futuri cum continuatione dierum apud Edinburgh ubi nobis propter diuersa et grauia regnorum nostrorum et monarchie opera interesse non dabitur, adeo vt necesse sit absentiam nostram a quodam illustri et generoso viro in quo honor simul et dignitas emicent suppleri, personamque authoritatem nostram regiam representari; cumque predilecti et fidelis nostri consanguinei et consilarii Alexandri comitis de Dumfermling magni Scotie cancellarii fidelitatem prudentiam nobilitatem aliasque laudatissimas qualitates plusquam perspectas habeamus, ac itidem aptitudinem honoratissimum illud munus pro dignitate obeundi idcirco designauimus constituimus ordinauimus et nominauimus dictum Alexandrum comitem de Dumfermling commissionarium vicegerentem nostrum in dicto parliamento usque quo dictus conuentus finem sortietur, volumusque dictum commissionarium regalem nostram personam representare, et omnia que ad honorem et entaxiam supreme istius curie necessaria aut conuenientia videbuntur expedire, tam in formali processu ad dictam parliamenti curiam affirmandum absentes mulctandum, dominos articulorum eligendum, ordinibus dicti nostri regni articulos et placita manu nostra signata siue signanda que ad ipsum vel custodem archiuorum nostrorum perferentur exhibendum et proponendum, quam ad assensum et monarchici nostri cheptri authoritatem interponendum omnibus et singulis istis que nos cum consensu dictorum ordinum fieri decreverimus et statuerimus. Concedimus itidem potestatem dicto nostro commissionario omnia alia ad celebritatem et digni parliamenti perfectionem exercendi, tam legittime et sub eadem penitus forma qua dilecti nostri consanguinei et consiliarii Ludouicus dux Lennoxie, quondam Joannes comes Montis Rosarum, aut Georgius comes Mariscalli commissionarii nostri in parliamentis nostris dicti nostri regni non ita pridem habitis vel eorum quilibet exercuit veI exercere potuit, secundum tenorem vim et efficaciam commissionis huius nostre in omnibus. Mandamus insuper et precipimus omnibus et singulis cuiusuis conditionis aut loci subditis nostris vt dictum Alexandrum comitem de Dumfermling commissionarium nostrum ac personam nostram representante tempore dicti parliamenti debito honore afficiant et reverentia, hancque commissionem validam fore statuimus quandiu dictum nostrum parliamentum durare contigerit, nec vltra. In cuius rei testimonium presentibus magnum sigillum nostrum apponi precepimus, apud palacium nostrum de Theobaldes vicesimo die mensis Septembris anno Domini millesimo sexcentesimo duodecimo, et regni nostri annis quadragesimo sexto et decimo respectiue. Per signaturam manu supremi domini nostri regis suprascriptam ac manibus dominorum sui secreti consilii subscriptam. Upoun the productioun of quhilk commissioun, the said Schir William Olyphant, advocat, askit instrumentis.