The Records of the Parliaments of Scotland to 1707, K.M. Brown et al eds (St Andrews, 2007-2024), date accessed: 29 March 2024
[1607/3/17]1
Act anent woddis, parkis, planting, dowcattis etc.
26. Oure soverane lord and estaittis of this present parliament, considering how woddis, parkis and all sorte of planting and hanyng decayes within this realme, and how dowcattis ar brokin, bees stollin, meinis propir lochis and stankis heryit, to the great hurte and prejudice of the countray and decay of policie, thairfoir ratefeis and appreves all actis of parliament maid of befoir for conservatioun of planting and policie and aganis brakeris of dowcattis, steiling of beis and of fisches furth of meinis stankis and propir lochis in the haill pointis, articlis and clauses thairof, and ordinis the samin to be put to executioun aganis the controveneris thairof. And forder, the saidis estaittis statutis and ordinis that quhasoevir shall be fundin heireftir to brak down his nichbouris woddis and park dyikis, fenses, stankis or closouris to pasture within the saidis fenses, cutte treis, browme or schear grasse within the same, or yit brakis dowcattis, steillis beis and fisches in propir stankis and loches, shall be callit and convenit thairfoir as a braker of the law ather befoir the privie counsall or ony uther ordinar magistrat within this realme at the optioun of the pairtie complenar; and the penaltie to be imposit and takin of the controvenaris befoir the saidis ordinar inferiour judges aucht not to exceid the sowme of fourtie pundis of this realme, and the secrete counsaill to impose sic penalteis aganis the controvenaris of this present act as eftir tryell tane in the cause they sall find the offendar to merite and deserve, but prejudice alwayes of putting of all former actis maid anent the premises to executioun eftir the forme and tennoure thairof.
- NAS, PA2/17, f.7r-v.
- Top left hand corner of f.7v. is torn.