[1607/3/8]¹

Procedure: king's commission to parliament

The quhilk day the said Lodowick, duk of Lennox producit in presens of the haill estaittis now presentlie convenit the comissioun underwrittin, under the great seall, of the date at Theobaldis, the threttene day of Julii 1607, off the quhilk commissioun the tennoure followes:

Jacobus Dei gratia Magne Britannie Francie et Hibernie rex fideique defensor omnibus probis hominibus suis ad quos presentes litere pervenerint salutem. Cum in publicis regni nostri Scotie ordinum comitiis iis temporibus convocatis quibus pro maioribus et grauioribus nostris negotiis alibi impediti, nos in sacrosancta persona nostra interesse nequierimus, necesse sit vt ex illustrium dicti nostri regni nobilium numero aliquem regie nostre persone in dictis ordinum comitiis provinciam subeat eligamus, cumque pro singulari nostro in fidelissimum consanguineum et consiliarium nostram Joannem Montrosie comitem affectu, proque multiplici fidelium obsequiorum et officiorum numero ab ipso in nos impenso, visum nobis fuerit dictum comitem quoad vixerit proficere, qui locum nostrum et vicem in omnibus regni Scotie ordinum comitiis nobis absentibus gerat, vnde ipsum submovere dignitatem illam aut tollere aut minuere nunquam in mentem venit; nunc autem valetudinarius et infirmior factus ac proinde non satis idoneus qui proxime futuris Scotie ordinum comitiis intersit, aliumque qui vices gerat nominare necesse sit; nos igitur (neque in animum ducentes dicti comitis Montrosie iuri aut titulo quoad vixerit dirogare, aut alium in presentia constituendo, illi impedimento fore, quo minus postea vbi convaluerit omnibus subsequentibus ordinum comitiis locum suum occupet et subeat, neque etiam si per dicti comitis mortem locus ipse vacuerit, vllum alium ad vitam eidem dignitati vnquam postea preferre) pro hisce proxime futuris regni ordinum comitiis designauimus nominauimus et constituimus prout vigore presentium designamus nominamus et constituimus fidedignissimum et charissimum consanguineum et consiliarium nostrum Ludouicum Lennoxie ducem supremum nostrum dicti regni nostri Scotie procuratorem seu commissionarium, qui personam nostram regiam sustineat, ad perficienda omnia quecunque vel per ipsum facta necessaria sunt, vel per prefatum comitem prius dum locum gereret facta et prestita fuerunt; quare omnibus et singulis nostre ditionis subditis cuiuscunque ordinis prenominatum Ludouicum Lennoxie ducem vicem nostram sustinentem durantibus dictis regni ordinum comitiis omni cum reverentia et debita observantia colere agnoscere eique parere mandamus eadem reverentia et obsequio prosequi quo prefatum comitem nostrum supremum procuratorem in retroactis ordinum comitiis persequuti sunt. Preterea concedimus et damus per presentes prefato Ludouico Lennoxie duci plenam et liberam potestatem pro nobis et nostro nomine suo consensu omnia acta statuta et decreta quecunque tam generalia quam particularia per dicti regni ordinum status durantibus hisce comitiis stabilienda ratificare et approbare, ratum gratumque habemus totum et quicquid dictus noster consanguineus in premissis rite duxerit faciendum. Has autem procurationis seu commissionis literas pro hisce proxime futuris ordinum comitiis vicesimo nono die mensis Iulii inchoandis et non vltra durare volumus. In cuius rei testimonium presentibus magnum sigillum nostrum apponi precepimus, apud aulam nostram de Theobaldis decimo tertio die mensis Julii anno Domini millesimo sexcentesimo septimo, ac regni nostri anno quadragesimo et quinto, per signaturam manu supremi domini nostri regis suprascriptam, ac manu sui secretarii regni Scotie subscriptam. Upon the productioun of the quhilk commissioun, the said lord duik of Lennox askit instrumentis.