[1597/11/36]¹

All schippis and mercheandis suld land at the ordinar staple

It is statute and ordanit that na schippe passand to the law cuntreis sall land onie menis, gudis or geir in ony pairt thairof bot at the toun of Campveere or the ordinarie stapill for the tyme. And na persoun sall gang on land or transport onie thing out of the schippe befoir his arrivell at the same porte under the pane of ten pundis Flemish, to be taikin up fra the contravenaris be the conservatour and [he]² to be comptabill thairof to the thesaurar. And ordanis the conservatour in tyme cuming to tak the aithe of the skipper and mercheandis heareanent befoir the lossing of onie of thair gudis and geir.