The Records of the Parliaments of Scotland to 1707, K.M. Brown et al eds (St Andrews, 2007-2024), date accessed: 29 March 2024
[1594/4/109]1
Provisioun in favouris of burghes erectit sen the act of annexatioun
Oure soverane lord and estaitis of this present perliament findis and declairis that albeit all erectionis maid or erectit sen the act of annexatioun (except samonie as ar speciallie exceptit in the said act) ar decernit and declairit in this present perliament to be null and of nane availl, yit the same salbe nawayes prejudiciall or hurtfull to sic burghes ar2 ar erectit be his hienes in frie burghes sen the said act and hes bene in use to pay custume to his hienes and in making of thair comptes in checker, bot thay sall stand erectit with all privileges, immunities and liberties grantit be his hienes unto thame, providing alwayes that thair presentis prejuge not ony particular perties richtis anent the rycht or superioritie of thair few landis haldin be thame of befoir of the kirk, and in speciall Alexander Gaw in Maw and sic utheris as may be interest be the erectioun of the burgh of Culros in ane frie burgh, quhais richtis oure soverane lord and estaittis foirsaidis declairis to stand in thair full authoritie notwithstanding the saidis erectionis, quhill the same be discussit be the juge ordiner as accordis of the law.
- NAS, PA2/15, f.58r.
- Sic. APS silently corrected this to 'as'.