The Records of the Parliaments of Scotland to 1707, K.M. Brown et al eds (St Andrews, 2007-2024), date accessed: 28 March 2024
[1592/4/193]1
Ratificatioun of ane pensioun to Walter Henrysone
Oure soverane lord, remembring the guid, trew and thankfull service done to his majestie be his lovit Walter Henrysoun, writter, in dyverse effaires committit to his credite, and speciallie anent the forme and platt for ingaddering of the rest of the thriddis and superplus of benefices, quhairin he, with greit diligence and excessive pane, sufficientlie dischargit his honest dewtie as is notourlie knawin to his majestie and estaitis of this present parliament; thairfoir, and for dyverse utheris wechtie causis and guid considerationis foirsene to his hienes and estatis, now efter his perfite aige of xxv yeris compleit, generall and last revocatioun off his certane knaulege and propir motive, with avise of the estatis of this present parliament, ratifies, apprevis and perpetuallie confermes tua lettres of pensioun maid and grantit to the said Walter, be umquhill Maistir Thomas Hay, minister at the Croce Kirk of Peiplis far the tyme, the ane lettre of xlj2 bollis of wictuall, and the uther of xvij bollis, being the fermes of the landis of Eist Fortoun, lyand within the constabularie of Hadingtoun; togider with his majesties tua lettres of confirmatioun and ratificatioun of the said pensioun, contening ane speciall dispositioun of the saidis xvij bollis wictuall, with ane new dispositioun of the saidis xvj bollis wictuall, as the saidis lettres of pensioun, confirmatioun and ratificatioun respective grantis to the said Walter thairupoun in thame selffis at mair lenth proportis, in all and sindre heidis, pointis, articles and conditionis thairin contenit; and will and grantis and, be thir presentis, decernis and ordanis that the saidis lettres of pensioun, confermatioun, ratificatioun and dispositioun respective thairin contenit off the foirsaidis tua pensionis, extending in the haill to xxxiij bollis wictuall, salbe als effectuall and sufficient in all respectis to the said Walter for his peceable bruiking, uplifting and ressaving of the saidis pensionis during all the space and yeris mentionat in the saidis giftis and confermatioun respective, as gif the samyn wer de verbo in verbum at lenth insert in this present act, and as gif the said pensioun of xvij bollis wictuall grantit be the said umquhill Maistir Thomas Hay wer past with all consentis and sollempnities requisit, dispensand with all faultis that mycht be opponit aganis the same, quhilkis salbe als largelie extendit and interpreit in favouris of the said Walter as gif the saidis pensionis wer be vertew of thir presentis disponit to him; lyk as for his gretar securitie thairof, his majestie, with advise foirsaid be thair presentis, gevis and disponis to the said Walter the saidis xxxiij bollis wictuall conforme to the saidis lettres of pensioun, confermationis and dispositionis thairin contenit in all pointis; and als for the causis foirsaidis, his majestie, with avise foirsaid, be thir presentis, gevis and disponis to the said Walter the tua freris portionis with the housis, yardis, proffittis and utheris dewties quhatsumevir pertening thairto, quhilkis pertenit of befoir to umquhile freiris Thomas Smyth and Johne Newtoun, freris of the said Croce Kirk for the tyme, alsueill of all yeiris bygane sen thair and ather of thair decesis as yeirlie in tyme cuming, to be peceablie upliftit and ressavit be the said Walter during his lyftyme, cum plena parte sibi etiam in articulo mortis transferendi praefatas duas pensiones et portiones respective cuicumque persone vel personis quibus dicto valtero magis expediens videbitur, to the quhilkis persone or personis thir presentis ar, and salbe, als valide and effectuall during thair lyftymes as gif the saidis pensionis and portionis wer disponit to thame principallie; quhilkis dispositioun and assedatioun of the saidis pensionis and portionis respective his majestie and his saidis estatis, be thir presentis, findis, decernis and declaris to be sufficient richt and title to the said Walter and his foirsaidis for bruiking and possessing thairof in tyme cuming during the said space respective, notwithstanding the act of annexatioun of kirklandis and dewties thairof to his hienes croun, or ony uther act, law or constitutioun alreddie maid in the contrair that may be prejudiciall to the samyn in ony point. Quhairanent and with supplement of all faltis and defectis that may be opponit aganis the saidis pensionis, confermationis and dispositionis thairin contenit, or yit aganis this present act, his majestie, with avise of the saidis estaittis, for the causis foirsaidis, be thir presentis, dispenssis for evir; and to the effect abonewrittin, his hienes and estaitis present, be the tennour heirof, dissolvis the saidis pensionis and portionis fra the patrimonie of his croun during the said Walter and his assignais, and the langer levar of thair lyftymes, allanerlie.
- NAS, PA2/14, ff.73r-v.
- APS has 'xvj'.