[1592/4/189]¹

Ratificatioun to Williame Wylie, writtar

²Oure soverane lord, with avise of the estaitis of this present parliament, ratifies, apprevis and confermis his hienes lettres of gift off the yeirlie pensioun off meill grantit and gevin to his lovit servitour Williame Wylie, writter, for his lyftyme furth of the abbacie of Kilwinning, and speciallie of the gift maid to him under the privie seill off the dait at Falkland, the xxiiij day of Julii, the yeir of God j^M v^C fourscoir ellevin yeiris, efter his majesties full and perfite aige of xxv yeiris compleit, contening assignatioun of the said pensioun with all clausis, pointis and articles thairin contenit, declarand, decernand and ordinand that the said Williame sall bruik, joyse and uplift the said pensioun according to his giftis, decreittis and lettres alreddie grantit or to be grantit to him thairupoun, notwithstanding quhatsumever actis, constitutionis or ordour maid in the contrair, or tending onywayis to the prejudice of the saidis giftes; quhairanent, his hienes, with avise foirsaid, dispensis be this present act.