[1592/4/125]¹

Ratificatioun to the Maister of Drummond

²Oure soverane lord and estaitis of this present parliament ratifies, apprevis and confermis the charter and infeftment maid be his majestie efter his hienes perfite aige of tuentie ane yeiris compleit, declarit in parliament to James Drummond, eldest lauchtfull sone to Patrik, lord Drummond, and his aris maill and of tailyie mentionat thairintill, off all and sindre the landis, lordschippis, baronies, offices, privilegis and utheris of the lordschip and leving of Drummond specifiet in the said charter, with all and sindre uther heidis, clausis and articles contenit in the samyne, efter the forme and tennour thairof in all pointis, reservand to the said Patrik, lord Drummondis lyfrent of the samyn, as the said charter and infeftment thairupoun of the dait the xvj day of Merch, the yeir of God j^M v^C fourscoir aucht yeris beris.