Ratificatioun to Maistir George Young and Johnne Andro

2Item, the kingis majestie, with advise of the estaittis of this present parliament, efter his lauchfull and perfite aige of xxj yeiris compleit, ratifies, apprevis and confermis the tua giftis and dispositionis maid be his hienes, the ane of tua hundreth merkis money of this realme to Maistir George Young, assignit to be payit yeirlie of the reddiest of his majesties custumes of the tron of Edinburgh, during all the dayes of his lyvetyme, and the uther of tua hundreth merkis to Johnne Andro, assignit to be payit yeirlie of the reddiest silver maillis of the fischeingis of the abbacie of Kinloss assumit in the thrid, during alsua all the dayes of his lyvetyme, in all and sindrie pointis and claussis thairof, decerning and ordaning that the saidis giftis is not nor sall not be comprehendit in ony in his bipast revocationis present or to cum, bot specialie exceptit and reservit furth of the samin, lyk as his majestie, be thir presentis, speciallie exceptis and reservis the foirsaidis giftis furth of the saidis revocationis. As alsua, for the saidis persounis furder securitie, of new gevis, grantis and disponis to thame during thair lyvetymes as said is the samin pensionis, with power to thame, be thame selffis and thair servandis in thair names, to crave, ressave, intrometwith and uptak the saidis pensionis fra the personnis addettit in payment thairof yeirlie during the said space, and thairupoun to dispone at thair plesure siclyk and alsfrelie as thai usit at ony tyme bigane preceiding the dait heirof, dischargeing his hienes comptrollair, collectour generall and thair deputis and officeris of all craving, ressaving or executing of ony lettres aganis the personis addettit in payment of the saidis pensionis, and of all stope, truble or impediment making to the saidis Maistir George and Johnne in uptaking of the same yeirly during the said space and of thair offices in that part, decerning and declairing alsua the same pensionis on na wayes to be subject to ony his majesties revocationis to be maid heirefter.

  1. NAS, PA2/13, f.131v.
  2. 'P' written in margin.