[1585/12/77]¹

Ratificatioun to Maistir Edward Bruce of the abbacie of Kinloss

²Oure soverane lord, with advise of the thrie estaitis of this present parliament, ratefeis, confermis and apprevis the gift and dispositioun maid and grantit to Maistir Eduard Bruce, ane of the commisseris of Edinburgh, of the abbacie of Kinloss, with all fruictis, rentis, proffitis, kanis and dewateis perteining thairto; and decernis and declairis the samyn to have fuill strenth and effect in all tyme cuming, swa that thay may peceablie bruik, joise and possess the samyn, with all fruictis, rentis and dewateis pertening thairto, nochtwithstanding ony revocatioun maid or to be maid be our said soverane lord in ony tymes bygane or to cum; off the quhilk gift and dispositioun, the tennour is contenit in his lettre of gift.