[1585/12/40]¹

Declaratioun of the Lord Hamiltoun to be curatour to the Erle of Arrane, his brother

²Oure soverane lord, be advise of this present parliament, statutis and ordanis that the nearest agnettis and kinsmen of naturall foulis, ideottis and furious salbe servit, ressavit and preferrit according to the dispositioun of the commoun law to thair tutorie and curatorie; and seing his hienes dearest cousing James, erle of Arrane is declairit ideot and impos mentis, and hes bene destitut of ane lawfull curatour be the lait exile and banishement of Johne, lord Hamiltoun, Claud, commendatair of Paislay, and utheris, his nearest kinsmen and friendis, oure said soverane lord, be the advise foirsaid, declaris the said Johnn, lord Hamiltoun able and capable as nearest agnet and kinsmen to the said James, erle of Arrane, to use and exerce the office of curatorie to him for the reull and administratioun of his landis, lordschipis, effaris and leving; and ordanis his hienes brevis to be direct to that effect, to serve the said Johne to the said office of curatorie, notwithstanding the dative gevin be his hienes to the lait chancellar, the quhilk is declarit be this present act to be retreatit, rescindit, cassit and annullit and sall be of na strenth, force nor effect in ony tyme heireftir.