[1585/12/33]¹

Procedure: protests; asking of instruments

The quhilk day, Alexander, commendatair of Coldenghame, protestit that be the general act of abolitioun and restitutioun the richt quhilk he hes of the priorie of Coldenghame on nawayis be prejugeit; and Schir Jhonn Maitland of Thirlstane, knicht, secretair to our soverane lord, protestit that he micht bruik the benefite of the foirsaid acts and be repossessit according to the meaning thairof; and thairupoun ather of thame askit instrumentis.

[1585/12/34]²

The quhilk day, in presence of our soverane lord and thrie estaitis of parliament, comperit personally Alexander Home, commendatair of Coldenghame, and protestit that albeit Schir Jhonn Maitland of Thirlstane, knicht, secretair to our soverane lord, may clame to be restorit to the priorie of Coldenghame be the present benefite of restitutioun that the samin prejuge not richt quhilk the said Alexander Home hes to the said priorie and speciallie of the said Schir Johne Maitland self; and thairupoun askit instrumentis.

[1585/12/35]³

And the said Schir Jhonn Maitland protestit in the contrair and that he micht bruik the benefite of the said act of restitutioun safar as the samin may mak for him, and that he micht be repossessit according to the meaning thairof; and thairupoun the said Schir Johne also askit instrumentis.