[1584/5/54]¹

Ratificatioun of the infeftment maid to Andro, lord Dingwell

Oure soverane lord, with advise and consent of the thrie estatis of this present parliament, ratefeis, affermis and apprevis the charter and infeftment underwrittin maid, gevin and grantit to Lord Andreas Keyth of Fossa, knycht, his airis maill underwrittin, in few ferme, of all and syndrie the landis specefeit thairin, mylnis, multuris, fishingis, pairtis, pendiclis and service of frie tennentis and all and syndrie thair pertinentis specifeit thairin, and declaris the samyn to have full force, strenth and effect in jugement and outwith in all tym cuming, of the quhilk the tennour followis:

Jacobus Dei gratia rex Scotorum omnibus probis hominibus totius terre sue clericis et laicis salutem. Sciatis quia cum dilectus noster consanguineus Andreas Keith de Forsa miles seu eques aeratus natus ex antiquissima et nobilissima familia et sanguine dilecti nostri consanguinei Georgii comitis Mariscalli domini de Keyth baronis de Inverugie etc., bonis moribus, prudentia et fortitudine tempore pacis et belli Dei optima ex gratia sibi concessis procul ab amicis et patria positus in peregrinis regionibus presertim in regno Suetie benevolentia et liberalitate fratris et consanguinei nostri serenissimi regis Suetie magnos honores et dignitates sibi conciliavit, et ita nobis ac nostris subditis plurima officia fecit patrie vero sue et familie ex qua descendit et sibi emolumento fuit, nos enim nascendi quidem conditione nostrum subditum dignissim' nostro favore et benevolentia quem peregrinum et alienigenum frater noster rex Suetie liberaliter promovit et multis beneficiis affecit, pro fideli servitio suo nobis et charissime nostre matri prestito, et pro multis aliis benemeritis nobis subditis nostris et regno prestitis et pro politia stabilienda et conservanda infra regnum nostrum secundum leges nostras et parliamentorum statuta de terris ad feudifirmam seu emphiteosim dandis per nos et predicessores nostros latas et promulgatas, igitur dedimus, concessimus et disposuimus ac tenore presentis carte nostre cum consensu et assensu nostri computorum rotulatoris damus, concedimus et disponimus prefato domino Andree Keyth de Forsa militi seu equiti aurato, heredibusque suis masculis subscriptis hereditarie et in feudifirma respective modo sequenti, omnes et singulos nostros castrum et maneriem lie wairdis superioritatem piscariam et alia particulariter inferius nominata, viz totem et integrum nostrum castrum de Dingwell cum domibus edificiis et lie wairdis eiusdem una cum omnibus servitiis, commoditatibus et privilegiis ad sustentationem et reparationem earundem usitatis et consuetis superioritatem ville de Dingwall, cum firmis burgalibus eiusdem, terras dominicales vulgo nuncupatas Kyncardie, terras de Glakkis que est quarta pars prefatarum terrarum dominicalium, omnes et singulas terras de Dalmalook, Inchevandie, Ochterneid, Drumglust, Wester Fairbarne, Cumrie, Artoun, Auchnaclerauch et piscariam super aqua de Connan, cum omnibus commoditatibus, libertatibus servitiis et aliis devoriis prefate piscarie rite et legitime pertinentibus seu pertinere valentibus usitatis et consuetis unacum omnibus et singulis earundem prefatarum terrarum et aliarum subscriptarum molendinis, multuris, silvis, nemoribus, partibus, pendiculis, tenentibus, tenandriis et liberetenentium seruitiis et pertinentiis earundem, omnes in comitatu nostro de Ross et infra vicecomitatum de Inverness jacentes. Tenendum et habendum totum et integrum prefatum nostrum castrum de Dingwall cum domibus edificiis et lie wardis eiusdem una cum omnibus servitiis commoditatibus et privilegiis ad sustentationem et reparationem earundem usitatis et consuetis superioritatem prefate ville de Dingwall unacum firmis burgalibus eiusdem, terras dominicales vulgariter nuncupatas Kynnairdy, dictas terras de Clakkis que est quarta pars prefatarum terrarum dominicalium lie manis predictas cum omnibus et singulis earundem partibus, particulis, molendinis, multuris, tenentibus tenandriis et liberetenentium servitiis, silvis nemoribus et aliis suis pertinentiis predictis prefato domino Andree Keyth et heredibus suis masculis de corpore suo legitime procreatis seu procreandis, quibus deficientibus legitimis et propinquioribus heredibus suis masculis quibuscunque cognomen de Keyth et arma principalis domus et messuagii prefati comitatus de Mershell vulgo vocate Dunnotter gerentibus de nobis et successoribus nostris in feodo et hereditate ac libera albafirma, in perpetuum. Ac etiam omnes et singulas prefatas terras de Dalmalook, Inchevandie, Auchterneid, Drumglust, Wester Fairbarne, Cumrie, Artoun, Auchnacleurauch et piscariam super aqua de Connan predictam, cum omnibus et singulis libertatibus, commoditatibus, servitiis et aliis devoriis rite et legitime prefate piscarie pertinentibus seu juste spectare valentibus usitatis et consuetis unacum omnibus et singulis prefatarum terrarum et aliorum subscriptorum molendinis, multuris silvis, nemoribus, tenentibus, tenandriis et aliis suprascriptis prefato domino Andree Keyth et heredibus suis masculis suprascriptis cognomen de Keyth et arma prefate domus seu messuagii de Dunnotter ut premittitur gerentibus de nobis et successoribus nostris in hereditate feudifirma et in libero dominio et baronia imperpetuum per omnes rectas metas suas antiquas et divisas, prout castrum cum domibus, wardis ac prenominate terre ac terre et piscaria antedicte cum earundem molendinis, silvis, nemoribus et aliis particulariter prescriptis jacent in longitudine et latitudine, in domibus, edificiis, boscis, planis, moris, marresiis, viis, semitis, aquis, stagnis, riuulis, pratis, bondis, campis, pascuis, pasturis, lesuris, molendinis, multuris et eorum sequelis, aucupationibus, venationibus, piscationibus, petariis, turbariis, carbonibus, carbonariis, columbis columbariis cuniculis cuniculariis, fabrilibus, brasinis, brueriis et genestis, silvis, nemoribis et virgultis, lignis, tignis, lapicidiis, lapide et calce cum curiis, querelis, hereyeldis, bludewittis et mulierum merchetis, amerchiamentis, escaetis prefatarum curiarum, cum lie fork, foss, sok, sak, thole, thame, wraik, wair et waith, infangtheif, outfangtheif, pit et gallous, cum communi pastura libero introitu et exitu, ac cum omnibus et singulis aliis libertatibus, commoditatibus, proficuis et asiamentis ac justis suis pertinentiis quibuscunque, tam non nominatis quam nominatis, tam subtus terra quam supra terram, procul et prope, ad predictum castrum, terras, piscariam et alia particulariter suprascripta, cum universis suis pertinentiis spectantibus seu juste spectare valentibus quomodolibet in futurum libere, quiete, plenarie, integre, honorifice, bene et in pace, absque revocatione, contradictione, impedimento aut obstaculo aliquali. Reddendo annuatim prefatus dominus Andreas Keyth de Forssa miles aut eques auratus [et heredes sui mas]² culi suprascripti nobis et successoribus nostris pro prefato castro de Dingwall domibus [edifciis et lie]³ wardis eiusdem servitiis commoditatibus et privilegiis ad sustentationem et reparationem [earundem usi]⁴tatis et consuetis superioritate dicte ville de Dingwall firmis burgalibus eiusdem cum dictis [terris]⁵ dominicalibus vulgo lie manis de Kynnairdie, dictis terris de Clakkis cum tenentibus tenandriis et liberetenentium servitiis et aliis earundem prescriptis, unum denarium argenti usualis monete regni nostri apud prefatum castrum nostrum de Dingwall in festo penthecostes nomine albe firme si petatur tantum, ac etiam soluendo annuatim dictus dominus Andreas Keith heredes sui masculi suprascripti nobis et successoribus nostris nostrisque computorum rotulatoribus camerariis et factoribus pro tempore existentibus pro prefatis terris de Dalmalook summam sex librarum tredecim solidorum et quatuor denariorum monete et pro argento bondagio sexdecim solidos septem gallinas fumosas vulgo reik hennis, pro prefatis terris de Inchevandie quatuor libras monete et pro argento bondagio octo solidos tres gallinas fumosas, pro prefatis terris de Ochterneid sex libras tredecim solidos quatuor denarios quatuor muttones pro argento bondagio sexdecim solidos et novem gallinas predictas, pro prefatis terris de Drumglust sex libras octodecim solidos et octo denarios monete unam celdram duas bollas hordei, unam celdram duas bollas auenarum sex lie mairtis sex muttones pro argento bondagio viginti quatuor solidos et tredecim gallinas predictas, pro prefatis terris de Wester Fairbarne quatuor libras decem solidos monete pro bondagiis octo solidos monete et unam gallinam fumosam predictam, pro prefatis terris de Cumrie quinquaginta tres solidos quatuor denarios monete pro bondagiis octo solidos unam gallinam predictam, pro prefatis terris de Artoun quatuor libras quatuor solidos et quatuor denarios monete duodecim bollas hordei, duodecim bollas farine auenatice, sex bollas avenarum duos lie mairtis duos muttones pro argento bondagio octo solidos octo gallinas predictas duo onera abietum, sexaginta lie girth stingis sexaginta onera glebarum seu cespitum vulgo fewalle, adeo sufficientes sicuti terre de Ardmannoch centum tractus de lie fewall predicta, pro prefatis terris de Auchnaclerauch quinquaginta tres solidos quatuor denarios unam gallinam predictam, et pro bondagiis quatuor solidos, et pro prefata piscaria super aqua de Connan cum libertatibus, privilegiis, commoditatibus, seruitiis et devoriis eiusdem predictis summam centum triginta trium librarum sex solidorum et octo denariorum monete predicte tanquam pro firmis feudifirmariis devoriis et debitis seruitiis pro prefatis terris piscatione et aliis suprascriptis cum suis pertinentiis in nostro rentali contentis annuatim solui debitis et consuetis in terminis solutionis eiusdem usitatis et consuetis una cum summa decem solidorum monete predicte in augmentationem nostri rentalis eiusdem ac etiam heredes masculi dicti domini Andree predicti duplicando dictas feudifirmas et devorias antedictas prefatarum terrarum, piscarie et aliorum suprascriptorum eis in feudifirma ut predicitur concessorum et locatorum primo anno eorum introitus ad easdem prout usus est feudifirme tantum nos pro bonis causis prescriptis volentes ipsum dominum Andream Keyth de Forssa militem aut equitem auratum talibus dignitatibus et honoribus promoveri quibus ipsum dignum judicavimus, ereximus, creavimus, univimus, anneximus et incorporavimus, prout tenore presentis carte unimus erigimus creamus, annectimus et incorporamus, omnes et singulas prefatas castrum, terras, superioritatem, firmas burgales, piscariam et alia particulariter suprascripta cum earundem partibus, pendiculis, molendinis, silvis, tenentibus, tenandriis, liberetenentium servitiis earundem quibuscunque predictis in unum liberum dominium et baroniam dominium de Dingwall omni tempore futuro nuncupandam decernendo et ordinando dictum dominum Andrea Keyth et heredes suos masculos in dicto infeofamento specificatos dominos et barones de Dingwell omni tempore affuturo nuncupandos et intitulandos qui honorem dignitatem locum et preeminentiam unius domini nostri parliamenti in omnibus nostris parliamentis congregationibus et aliis conventionibus cum singulis eisdem congruentibus habebunt et possidebunt, ipsisque concedendo integros honores, dignitates et preeminentias que de jure vel consuetudine ad dominum parliamenti dinoscuntur pertinere absque prejudicio nihilominus devoriarum in hoc nostro presenti infeofamento contentarum nobis debitarum ordinando et constituendo dictum castrum de Dingwall principale messuagium dicti dominii, ac pro caussis predictis volumus et concedimus ac pro nobis et successoribus nostris volumus et ordinamus quod unita sasina apud prefatum castrum de Dingwall eiusque heredes eiusdem nunc et tempore affuturo capienda stabit extendebit et sufficiens erit sasina pro omnibus et singulis prenominatis castro wairdis superioritate firmis burgalibus terris piscaria et omnibus earundem pendiculis et pertinentis, silvis, nemoribus, tenentibus, tenandriis et liberetenentium seruitiis earundem et aliis particulariter supraspecificatis nunc in dominum et baroniam de Dingwall ut predicitur creatis et incorporatis, non obstante quod prefate terre et alia supraspecificata insimul contigue non iacent, penes que tenore presentis carte nostre dispensamus imperpetuum. In cuius rei testimonium huic presenti carte nostre magnum sigillum nostrum apponi precepimus, testibus predilecto nostro consanguineo Colino ergadie Comite, domino Campbell et Lorne etc., cancellario et justiciario nostro generali, reverendissimis ac venerabilibus in christo patribus Patricio Sanctiandree Archiepiscopo, Roberto commendatario monasterii nostri de Dumfermling nostro secretario, Waltoro commendatario prioratus nostri de Blantyir nostri secreti sigilli custode, dilectis nostris familiaribus et consiliariis Alexandro Hay de Eister Kennett nostrorum rotulorum registri ac consilii clerico, Ludovico Ballenden' de Auchnoull milite nostre justiciarie clerico, et Roberto Scott nostre cancellarie directore, apud Halieruidhous decimo octauo die mensis Martii anno Domini millesimo quingentesimo octuagesimo tertio et regni nostri decimo septimo.