[1581/10/77]¹

Ratificatioun of the burgh in baronie of the toun of Myretoun

Oure soverane lord, with avise of the thrie estaitis of this present parliament, ratefeis and apprevis the infeftment maid be our soverane lordis maist noble predicessour of worthie memorie, King James the Thrid, efter his perfite aige, of the infeftment of the toun of Myretoun pertening to Johnne Kennedy, now of Blairquan, and to his predicessouris, lyand within the schirefdome of Wigtoun, erectand the said toun in ane frie burgh of barony, and dotand the same with privilegeis as ony uther frie burgh in baronie joisit within this realme conforme to his said infeftment grantit to his predicessouris thairof, and efter the forme and tennour of the samyn in all pointis; of the quhilk the tennour followis:

Jacobus Dei gratia rex Scotorum omnibus suis ad quos presentes litere pervenerint salutem. Sciatis quod propter gratuita servicia per dilectum et fidelem nostrum Johannem Kennedy de Blairquhan nobis impensa in captione et importatione certorum rebellium nostrorum ad cornu nostrum existentium fecimus et infeodavimus, ac tenore presentium facimus et infeodamus, villam de Myretoun dicto Joanni pertinentem jacentem infra vicecomitatum nostrum de Wigtoun liberum burgum in baronia pro perpetuo. Concessimus etiam ac tenore presentium concedimus dictum burgum inhabitantibus et in posterum inhabitaturis plenam et liberam potestatem ad emendum in ipso burgo ceram, vinum, pannum latum, strictum, linium et laneum ac omnia alia quecunque bona et mercimonia illuc advenientia, cum potestate et libertate habendi et tenendi in eodem burgo pistores brasiatores, carnifices tam carnium quam piscium ac artium quarumcunque operarios ad libertatem burgi in baronia spectantes seu spectare valentes quomodolibet in futurum. Concessimus tenoreque presentium etiam concedimus burgensibus et inhabitantibus dictum burgum de Myretoun ut in ipso burgo habeant teneant et possideant crucem ac forum pro perpetuo singulis ebdomadis die Saboti, et nundinas publicas quolibet anno imperpetuum in vigilia Sancti Petri in estate cum tholoneis ac omnibus aliis libertatibus ac privilegiis ad huiusmodi nundinas spectantibus seu spectare valentibus in futurum; tenendam et habendam prefatam villam de Myretoun perpetuis futuris temporibus in merum et liberum burgum in baronia cum predictis privilegiis libertatibus ac concessionibus ac universis aliis libertatibus proficuis commoditatibus asiamentis ac justis pertinentibus quibuscunque tam non nominatis quam nominatis ad burgum in baronia spectantibus seu juste spectare valentibus in futurum, et adeo libere quiete plenarie integre honorifice bene et in pace in omnibus et per omnia sicut aliquis burgus in baronia in regno nostro quibuscunque retroactis temporibus infeodatur seu tenetur, et in revocatione quacunque futuris temporibus inde facienda, strictius inhibendo ne quis in contrarium premissorum aliqualiter devenire presumat sub omni pena que competere poterit in hac parte. In cuius rei testimonium presentibus magnum sigillum nostrum apponi precepimus, apud Edinburgh decimo die mensis Decembris anno Domini millesimo quadringentesimo septuagesimo septimo, et regni nostri decimooctavo.