The Records of the Parliaments of Scotland to 1707, K.M. Brown et al eds (St Andrews, 2007-2024), date accessed: 16 April 2024

[A1573/1/14]1

Tueching the recovering and collecting of the kingis majesties jowellis and movables

Forsamekle as the jowellis, houshald stuff, munitionis and movable guidis quhatsumevir, sumtyme pertenyng to the quene, oure soverane lordis moder, and now pertening to his majestie sen his hienes coronatioune, ar disperit and fallin in the handes of divers the subjectis of this realme and utheris quhilkis hes the samyn, and dalie sellis and disponis or hes sauld and disponit thairupoune to thair privat uses, greitlie to the dampnage and prejudice of his hienes, that thairfore it may be fund expedient and convenient be the thre estaittis and haill body of this present parliament that my lord regentis grace caus persew the havaris, resettaris, sellaris and intromettouris with the saidis jowellis, houshald stuff, munitionis and movable guidis, now pertening to oure soverane lord as said is, and recovering and collecting of the same agane to his hienes use and behalf, declarand and decernand that my lord regentis grace acquittance thairupoun salbe sufficient discharge and warrand for deliverance of the saidis jowellis, houshald stuff, munitionis and movables presentlie and in all tyme cuming.2

  1. This act is not included in The Actis of King James the Sext, printed by R. Lekprevick (St Andrews, 1573). Bound with earlier parliamentary material at NLS, Black Acts, 1566-94, H.33.c.21, Scots Acts of Parliament, H.33.c.23 or Scots Acts, H.33.c.25. A version at NAS, PA6/1, 1572/3 appears to be a draft and may not have been passed by parliament.
  2. In the margin of PA6/1: 'xxvo Januarij 1572, the lordis or articlis hes agreit to this act. xxvjo Januarij 1572, this votit in parliament and agreit thairto'.