[A1567/12/38]¹

Anent the prenting of the actis maid in this present parliament, and of the act maid in our soveranes grandschiris tyme anent the raising of fyre and birning

Item, the xxix day of December, the yeir of God 1567 yeiris, quhilk was the last day of this parliament, the samin being contineuit to the xj day of Julii nixt to cum, our soverane lord, with avise of my lord regent and thre estatis of parliament, hes ordanit and ordanis all and sindrie the foirsaidis actis of parliament to be autenticklie imprentit; as alswa ordanis the act of parliament maid in our soveranis lordis umquhile derrest gudschiris parliament, haldin at Edinburgh the xij day of November, the yeir of God 1526 yeris, maid anent birning of housis and utheris specifyit thairin, to be alswa imprentit, swa that nane of our soverane lordis liegis may pretend ignorance of the samin.