[A1567/12/36]¹

Anent the dekinnis of maltmen

Item, it is statute and ordanit be our soverane lord, my lord regent and thre estatis of this present parliament, for the commoun weill of this realme, that thair be na dekin of craft of maltmen, outher to burgh or land, or ony uther pairt within this realme; and gif ony wrychting, gift or privilege be gevin ony tyme befoir, our soverane lord, with avise of my lord regent and thre estatis foirsaidis, decernis and declairis the samin, to have bene fra the beginning and to be in all tyme cuming null and of nane avail, force nor effect, swa that it salbe newer lesum to ony of the maltmen of this realme to have dekinnis, not to be repute na craft.