[A1567/12/10]¹

Anent thame that salbe teicheris of the youth in sculis

Item, forsamekle as by all lawis and constitutiounis it is provydit that the youth be brocht up and instructit in the feir of God and gude maneris, and gif it be utherwyse, it is tinsell baith of thair bodyis and saulis gif Goddis worde be not rutit in thame; quhairfoir, our soverane lord, with avise of my lord regent and thre estatis of this present parliament, hes statute and ordanit that all sculis, to burgh and land, and all universiteis and colleges be reformit, and that nane be permittit nor admittit to have charge and cure thairof in tyme cuming, nor to instruct the youth privatlie or oppinliem, bot sic as salbe tryit be the superintendentis or visitouris of the kirk.