[1621/6/102]*[print] [email] [cite] [preceding] [following]
Oure soverane lord and estaittis of parliament, for gude and sene causes and off certane knawledge, ratifies, approvis and perpetuallie confermes the chartour maid be umquhile George, archebischope of Sanctandrois, to umquhile Maister George Lauder of Bass and his aires, off all and haill the landis of Scony, Monflowrie, Bambeith, Threipland, Levin, porte and heavin of Levin, and of the toun and burgh of baronie of Levin, customes and dewties belanging thairto, mylnes, milnelandis, multouris and fischeingis off the water of Levin, and off the uther liberties, priviledgis and donatiounes mentionat in the said chartour and disponit to the said Maister George Lauder and his aires heretablie, to be haldin of the said umquhile archebischope and his successoures efter the forme and maner of halding and for payment off the particular taxt dewties and utheris speciallie expressit in the said chartouris, as the samene off the date the fourt of Julii 1608 at lenth proportis, with oure soverane lordis confirmatioune off the said chartour of the date the sextene day of October, jM vjC and nyne; and als the chartour and heretable dispositioune of the saidis landis and utheris foirsaidis, and of the landis of Balgrummo and astrictit multouris off the landis of Inverlevin, and of certane utheris liberties, priviledges and concessiounes mentionat in the said chartour maid and grantit to Maister Alexander Gibsoun of Durie and his aires be ane reverend father in God, Jhonne, now archbischope of Sanctandros, to be siclyik haldin off him and his successsouris archebischopes of Sanctandros for payment of the taxt dewties and utheris dewties specifit in the said chartour, quhilk is of the date the nynt day off Apryill, the yeir of God jM vjC and nyntene yeiris, according to the forme and tennour thairoff in all poyntes; and oure soverane lordis chartour and confirmatioun of the chartouris abovewrittin conteaning thairin also the new donatiounes, ratieficatiounes and heretable dispositioun grantit† to the said Maister Alexander Gibsoun and his aires off the landis, teyndis, liberties and uther donatiounes specifit at lenth in his hienes chartour and confirmatioune foirsaid, quhilk is of the date the nynt day off Marche, the yeir of God jM vjC and tuentie yeiris; and siclyik ratiefies and apprevis the tack and rightis of the viccarage teyndis off the parochin of Sconye, now standing in the persoun of the said Maister Alexander Gibsoun, with the decreit and sentence of prorogatioun off the said tack, at mair lenthe mentionat in his hienes chartour of confirmatioune abovewrittin and according to the tennour and contentis off the samene; and also the chartour maid to the said Maister Alexander Gibsoun off the landis and baronie of Durie and landis of Donyface, unite and annexit thairto, with the haill rychtes and liberties thairin contenit according to the tennour and halding thairin mentionat off the date the nyntene day off August, the yeir of God jM vjC and auchtene yeiris, in all the poyntis, articles, clauses and heiddis of the foirsaidis evidentis and wreatis, and everie ane of thame, and according to the tennour of the haldingis and contentis of the samene in all thingis. And willis and declaires this present ratieficatioun to be of als gude force and effect and als sufficient in all respectis as gif the haill tennouris of the saidis chartouris, confirmatiounes, tackis, decreit and utheris evidentis and wreatis abovespecifit wer at lenth worde be worde ingrossit heirin, and quhilkis ar haldin as particularlie heir repeittit and expressit. And oure soverane lord and estaittis findes, decernis and declaires the foirsaidis chartouris, confirmatiounes, donatiounes, dispositiounes, tackis and rightis of teyndis and utheris wreatis and evidentis before rehersit, with the infeftmentis, seasingis and uther securities following and depending thairupoun, to be guid, valide and sufficient rightis and tytillis to the said Maister Alexander Gibsone, his aires and successouris for bruiking and injoying of the saidis landis, baronye, milnes, multouris, fischeingis, teyndis and all the liberties and priviledgis and immunities and utheris donatiounes quhatsumevir contenit in the foirsaidis evidentis and wreatis conforme to the tennour and contentis of the same, and everie ane of thame respective in all poyntes, but dirogatioun now and in all tyme cuming.
[1621/6/103]*[print] [email] [cite] [preceding] [following]
Oure soverane lord, with advyse and consent of the haill estaittis of the kingdome of Scotland convenit in this present parliament, hes ratiefiet, approvin and perpetuallie confermit, lyikas, be the tennour heiroff, ratiefies, approvis and for his hienes and his successouris perpetuallie confermes ane chartour and infeftment made and grantit be his majestie under the gryit seale to his lovit Schir Patrik Hepburne of Wauchtoun, knycht, his aires male and assignais therin mentionat, off all and haill the landis and baronie of Wauchtane, comprehending thairin the particular landis, baronies, richtis of patronage and utheris largelie expremit thairintill, and speciallie the advocatione, donatione and rycht of patronage of the paroche kirk of Athelstanefurde, haillie and altogidder unitite and annexit to the said baronie of Wauchtoun, lyand within the constabularie of Hadingtoun and schirefdome of Edinburgh, to be haldin of his majestie and his successoures in frie blenche and fewferme respective in maner thairin conteaned, as the samen infeftment off the date the ellevint day of Januare, the yeir of God jM vjC and tuentie yeiris in the selff mair fullie proportis, togidder with the precept and instrument of seasing following thairupoune, in all and sindrie poyntis, clauses, heiddis, articles and conditiounes thairin expremit; and wills and grantis that this present ratificatioune salbe als valide and effectuall to and in favoures of the said Schir Patrik Hepburne of Wauchtane, knicht, his aires and assigneyis thairin mentionate as gif the foirsaidis chartouris, precept and seasing wer worde be worde at lenth ingrossit and insert heirintill.
[1621/6/104]*[print] [email] [cite] [preceding] [following]
Oure soverane lord and estaittis of this present parliament ratiefies and approvis the infeftment made and grantit be his majestie under his hienes gryit seale to his majesties lovit Schir Robert Gordone of Lochinvar, knycht, his aires maill and assigneyis quhatsumevir heretablie off all and haill the baronie of Crocemichaell, comprehending the landis and right of patronage, teyndis and utheris thairin mentionat of the date the [...] day off [...], the yeir of God jM vjC and [...] yeiris, with the precept and instrument off seasing following thairupone, in all and sindrie poyntes, heiddis, articles and clauses thairin contenit efter the formes and tennouris thairoff, and statutes and ordanis this present ratificatioune to be als valide, effectuall and sufficient in all respectis as gif the infeftmentis abovespecifit, precept and instrument of seasing following thairupoun wer at lenth and worde be worde insert heirintill. And farder, oure said soverane lord and estaittis foirsaidis, for the guide, trew and thankfull service done to his majestie be the said Schir Robert Gordone of Lochinvar, knycht, quhilk service his majestie and estaittis foirsaidis hes tryit and fund to have bene verie proffitable to his majestie and to this realme and liegis thairoff and worthie of renumeratioun, thairfore his majestie and estaittis foirsaidis hes dissolvit and dissolvis all and sindrie the landis and utheris underwrittin, to wit: all and haill the tua merk land and ane halff merk land of Suffok, alias Suffok; the fyve merk land off Erne Almerie; the fyve merk land of Auchindole; the fyve merk land of Largneane; the tua merk and ane halff merk land of Ernephillane; the fyve merk land of Culgruiff; the fyve merk land of Cradell, alias Crodell; the fyve merk land of Mollane; the fyve merk land of Hillintoun; the fyve merk land of Harybrand; the ten merk land of Croftis; the fyve merk land of Glengopok; all and haill the landis and manis of Grenelaw, with the kayne peittis and bonday warkis of the haill baronie of Crocemichaell and dew service of the samene baronye and all thair pertinentis; all and haill the fyve merk land of Ernisbie; the ten merk land of Chapelerne; the tua merk and ane halff merk land of Clarebrand, with partis, pendicles and partinentis of the same quhatsumevir; the fyve merk land of Lytill Dryburgh; the fyve merk land of Drumjarg; the fyve merk land of Ernephillane; the fyve mark land off Eirnecraig; the fyve merk land of Blaironye; the fyve merk land of Mekle Dryburgh; the fyve merk land of Chapmantoun; the fyve merkland of Blakerne; the fyve merk land of Ernemunyie; the fyve merk land of Culnotrie; the corne mylne of Crocemichaell; the fyve merk land of Garrantoun; the tua merk and ane halff merk land of Blakpark, with all and sindrie thair castellis, toures, fortalices, maner places, housis, biggingis, yairdis, orcheartis, milnis, woddis, fischeingis, pairtis, pendicles, annexis, connexis, outseattis, tennentis, tenandries, service of frie tennentis, fewfermes, kaynis, custumes, services, casualities and all uther commodities of all and sindrie the landis, milne, woddis, fischeingis and utheris above rehersit, all lyand within the stewartrie off Kirkcudbright, all unite, create and incorporat in ane haill and frie barronie callit the barronie of Crocemichaell fra his majesties croun and patrimonie thairoff, and fra all actis of annexatioune maid be his majestie and his predicessouris quhairby the landis and utheris foirsaidis, or ony pairt thairoff, wer annexit to his majesties croun, and exceptis the samen landis and utheris above rehersit furth of the saidis actis of annexatioun. And siclyik has dissolvit and disunitit and, be thir presentis, dissolvis and disunittes all and sindrie the teyndschevis and uther teyndis, alsueill personage as viccarage, fruittis, rentis, emolimentis and dewties quhatsumevir off the paroche kirk of Kirkmabrek lyand within [...] fra the abbacie of [...], and fra all uther abbacyes and benefices quhairunto the same wes annexit or pertenit off before, to the effect that his majestie may giff, grant and dispone to the said Schir Robert Gordoun of Lochinvar, knycht, his airis maill and assignais foirsaidis heretablie all and sindrie the landis, kirkis, teyndis and utheris particularlie and generalie abovespeit, togidder with all richt, tytill, enteres and clame of right quhilk his majestie, his hienes predicessoures or successoures had, hes or onie wayes may have or clame thairto, or ony parte thairoff, in tyme cuming; and siclyik to the effect that his majestie may off new unite, creat and incorporat all and sindrie the landis, kirkes, teyndis and utheris particularlie and generalie abovespecifit, and all thair pairtis, pendicles and pertinentis abovespecifit in ane haill and frie temporall baronie to be callit now and in all tyme cuming the baronye of Crocemichall, ordaning the foirsaid maner place off Grenelaw to be the principall messuage of the said baronie and that ane seasing now to be takin be the said Schir Robert Gordone of Lochinvar, knycht, and be his aires maill and assigneyis foirsaidis in all tyme cuming at the said principall messuage sall stand and be sufficient sesing for all and sindrie the landis, kirkis, teyndis and utheris particuiarlie and generalie abovewrittin, with all thair pertis, pendicles and pertinentis above expremit, but onie uther speciall or particular sasing to be takin be him or thame at ony uther pairt or place thairoff, to be haldin of oure said soverane lord and his successoures in frie blenche, fie, heretage and frie barrony forevir, payand yearlie the said Schir Robert Gordoun and his aires maill and assignais foirsaidis to oure said soverane lord and his successouris for all and sindrie the landis and utheris abovespecifit, with all† thair pairtis, pendicles and pertinentis above expremit (except the foirsaidis teyndis, personage and viccarage, of the said kirk of Kirkmabrek), the soume off tuentie pundis usuall money of this realme of Scotland at the feast of Witsonday in name of blenche ferme allanerlie, and for all and sindrie the foirsaidis teindschevis, utheris teindis, alsueill personage as viccarage, fructis, rentis, emolimentis and dewties off the said paroche kirk of Kirkmabrek ane pennye money foirsaid at the feist of Witsonday at the said maner place of Crocemichaell in name of blanche ferme, if it beis askit, and lyikwayes payand to the minister present and to cum serveing the cure at the said kirk of Kirkmabrek thair yeirlie stependis and dewties conteanit in the infeftmentis grantit to Jhonne Murraye of the said kirk and teyndis thairoff, and relevand the said Johnne Murray and his foirsaidis of the samen stependis and of the reparatioun of the said kirk and of all taxatiounes, impositiounes and uther burdingis imposit and to be imposit upoun the said kirk and teyndis thairoff, and of the furnesing of the elementis of breid and wyne to the celebratioune of the communione within the said kirk in all tyme cuming allanerlie, with this declaratioun: that this present ratieficatioun extendis not to the kirk of Crocemichaell, quhairunto the laird of Lochinvar, present, consentit. And my lord Nithisdaill presentlie protestit for Dame Agnes Maxuell, spous to Williame Douglas, his sister, that this present act prejudge not hir in hir right to the manis and hous and landis off Grenelaw and pertinentis; quhilk protestatioun the lordis admittit.
[1621/6/105]*[print] [email] [cite] [preceding] [following]
Oure soverane lord and estaittis of this present parliament convenit, haveing sene and considderit the infeftment maid and gevin be his majestie under the gryit seale of the date the tuentie ane day of November, the yeir of God jM vjC and fourtene yeiris, to his hienes trustie and obedient subject Schir Johnne Campbell of Calder, knycht, and his aires maill heretablie in fewferme, of all and haill the yle and landis off Ylay and Rynnis, and midle waird of Ylay Ilyntassan, alsueill rentallit of before as unrentallit, at lenth particularlie mentionat in the said infeftment, with all thair pertinentis, togidder with the castell, toure, fortalice and maner place of Dwnyvaig and with the haill salmond fischeingis and utheris fischeingis of the saidis landis and yle of Ylay; and lyikwayes conteaning thairin ane erectione of the saidis landis, yles and utheris thairin mentionat in ane haill and frie barronie callit the baronye of Yla, togidder also with ane burgh of baronye to be biggit upoun onye pairt within the boundis of the said yle quhair the said Schir Johnne or his airis sall think maist expedient, with all priviledgis, liberties and immunities of ane frie burgh of baronie, as in the said infeftment at lenth is contenit. And being ryiplie advysit thairwith, his majestie and estaittis foirsaidis hes ratiefiet and approvin and, be the tennour heirof, ratefies and approvis the said infeftment in the haill heiddis, clauises, articles, circumstances and conditiounes contenit thairin and haill contentis thairoff, decerning and ordaning the said Schir Johnne, his aires male and successouris to have undouttit right to the foirsaidis landis and yle particularlie mentionat and contenit in the foirsaid infeftment, with thair haill pairtis, pendicles and pertinentis quhatsumevir to be peciablie bruikit and joysit be thame efter the forme and tennour of the samene infeftment in all poyntes perpetuallie in all tyme cuming.
[1621/6/106]*[print] [email] [cite] [preceding] [following]
Oure soverane lord and estaittis of this present parliament, remembering and considdering the gude, trew and thankfull service done to his majestie be his hienes right weilbelovit Schir Archbald Douglas off Quhittinghame, knycht, late senature of his majesties colledge of justice, in the publict effairis of this realme thir monie yeiris bygane, and speciallie his majestie calling to mind the lovable service done be the said Schir Archbald in passing with his hienes to the kingdome of Denmark and thair remaning the haill tyme and space of the solemnizatioun of that happie mariage celebrat betuix his majestie and his hienes late spous and quene of most worthie memorie, thairfore oure said soverane lord and estaittis foirsaidis and haill bodie of this present parliament hes ratiefiet, apprevit and confermit and, be the tennour of this present act, ratiefies, approvis and perpetuallie confermes the chartour of donatioun and fewferme, dispositioune and locatioun thairin contenit, made, gevin and grantit be oure soverane lord, with advyse and consent of the lordis commissioneris of the kingdome of Scotland and of Schir Gedeoun Murraye of Elibank, knycht, his majesties thesaurer, controller and collectour depute of the said kingdome, to the said Schir Archbald Douglas of Quhittinghame, knycht, his airis maill and assignais quhatsumevir heretablie off all and sindrie the landis off Quhittinghame, with the toure, fortalice, maner place, housis, biggingis, yairdis, orcheardis, milne, milnelandis, multouris, sequellis, annexis, connexis, pairtis, pendicles and all thair partinentis, and of all and haill the kirklandis and gleib of Quhittinghame, with housis, biggingis and all thair pertinentis lyand within the constabularie of Hadingtoun and schirefdome of Edinburgh, and of all and haill that carrucate or pleughgait of land callit Cauldsyid Land, with the pertinentis lyand within the toun and territorie of Quhittinghame within the lordschip of Haillis be annexatioun, constabularie and schirefdome foirsaidis; and als of all and haill that pece and portioun of land callit the Birkis, with the pertinentis lyand contigue betuix the landis of Quhittinghame and the landis of Stanypethe, togidder with the advocatioun, donatioun and right off patronage of the paroche kirk of Quhittinghame, alsueill personage as viccarage of the samene; and siclyik of all and haill the landis of Stanypethe, with the toure, fortalice, maner place, housis, biggingis, yairdis, orcheartis, milnes, milnelandis, multouris, sequellis, pairtis, pendicles and pertinentis thairoff; and of all and haill the landis of Hartremwode, with the pertinentis with commoun pasture in the mure of Lammermure, with priviledge and libertie to the said Schir Archebald and his foirsaidis and to thair tennentis of the foirnamit landis to cast and wine faill, fewall, peittis and dovettis upoun the said mure with frie usage and entrie and utheris eismentis quhatsumevir specifit and contenit in the chartour and infeftment maid be umquhile Patrik, sumtyme erle of Marche to umquhile Issobell [...] of Stanypethe, or be anye utheris erles of Marche to quhatsumevir persounes within the meithis and marches of the commontie of Lammermure contenit in thair infeftmentis; quhilk chartoure beiris and contenis ane erectione and unione of all and sindrie the landis and utheris abovementionat in ane haill and frie baronie callit the baronie of Quhittinghame, as the samen under the gryit seill of the kingdome of Scotland of the date at Grenewiche in England, the third day of Julii, the yeir of God jM vjC and sextene yeiris mair fullie proportis, togidder with the precept of seasing gevin conforme to the foirsaid chartour under the testimonie of the gryit seale and instrument of seasing following thairupoune in all and sindrie the heiddis, clauses, articles, provisiounes, circumstances and conditiounes thairoff, with all that hes followit or may follow thairupoun. And his majestie and estaittis foirsaidis declairis, decernis and ordanis this present ratificatioun to be of als gryit availl, force, strenthe and effect and to be als lauchfull and effectuall in all respectis to the said Schir Archebald Douglas and his foirsaidis as giff the said chartour and infeftment, precept and instrument of seasing had bene at lenthe worde be word heirin ingrossit and at lenth ratiefiet, nochwithstanding quhatsumevir actis, statutes, constitutiounes or ordinances maid or to be maid in the contrair.
[1621/6/107]*[print] [email] [cite] [preceding] [following]
Oure soverane lord, with advyse and consent off the estaittis of parliament, ratiefies, apprevis and for his hienes and his successoures perpetuallie confermes the chartour and infeftment grantit be his majestie, with consent of his hienes thesaurer, comptrollar, collectour generall and thesaurer of the new augmentatiounes of the kingdome of Scotland and remanent lordis commissioneris under his hienes gryit seale to his lovit Schir George Forrester of Corstorphin, knycht, his aires maill and assignais thairin designit of all and haill the landis and baronye off Corstorphin, comprehending thairin the particular landis and utheris mentionat in the said chartour, with advocatioun, donatioun and right off patronage of the provestrie, prebendaries and chaplanrie off the colledge kirk of Corstorphin lyand within the schirefdome of Edinburgh, proceiding upoun the said Schir George, his awin resignatioun; be vertew of the quhilk infeftment, his majestie, with advyse abovewrittin, hes dissolvit the paroche kirk of Corstorphine, personage and viccarage thairoff, with manse, gleib, teyndis, fructis and rentis of the samene, quhilk wes of auld ane of the proper kirkes of the abbacie of Halierudhous, fra the samene abbacie and benefice thairoff, and hes create and erectit the samene in ane severall and distinct personage and viccarage callit the personage off Corstorphin, quhilk paroche kirk wes demittit and resignit in the handis of the saidis lordis commissioneris be Schir Johnne Spottiswode, eldest lauchfull sone to ane reverend father in God, Jhonne, archebischope off Sanctandros and undouttit abote and commendater of Halierudhous, to the effect above writtin; as also his maist excellent majestie hes dissolvit the foure prebendaries of the said colledge kirk off Corstorphine callit Halff Dalmahoye and Halff Haltoun, Halff Bonytoun and Halff Plat, teyndis, gryit and small, and fruittis thairoff, fra the said colledge kirk of Corstorphin, and hes unite and annexit the samene four prebendaries with the teyndis thairoff to the said paroche kirk of Corstorphin, reservand ane certane soume of money to be payit be the ministeris of Corstorphin furth of the fructis of the saidis prebendaries yeirlie to the actuell minister at Ratho, the right of presentatioun, donatioun and advocatioune off the quhilkis four prebendaries pertenit be the auld fundatioun to the saidis Archebischope of Sanctandros and Schir George Forrester, thair predicessoures and successouris alternatis vicibus, and wer lyikwayes resignit in the handis of the saidis lordis commissioneris be the saidis Jhonne, archebischope of Sanctandros and Schir George Forrester to the effect above mentionat. And siclyik, his maist excellent majestie, be the said chartour, hes unite, annexit and incorporat the advocatioun, donatioun and right off patronage of the said paroche kirk of Corstorphine, personage and viccarage thairoff, to the foirsaid baronie of the samene, and hes made and constitute the said Schir George, his aires maill and successoures undouttit and irrevocable patrones of the said paroche kirk of Corstorphine, personage and viccarage thairoff, and prebendaries foirsaidis annexit thairto, as in the said chartour off the date at Halierudhous, the penult day of Julii, the yeir of God jM vjC and auchtene yeiris, at mair lenth is conteaned, togidder with the procutories and instrumentis off resignatioun quhairupone the said infeftment proceidit, with the instrument of seasing following thairupoun, in all and sindrie heiddis, articles and clauses mentionat thairintill. Lyik as his maist excellent majestie, with consent abovewrittin, willes, grantis and declairis that this present ratieficatioun is and salbe als suffcient to the said Schir George and his foirsaidis siclyik as gif the said chartour, procutories and instrumentis of resignatioune wer heirin speciallie exprest, dispensing thairanent be thir presentis; prowyding that thir presentis prejudge not the present prebendares during thair lyvetymes.
[1621/6/108]*[print] [email] [cite] [preceding] [following]
Oure soverane lord, with consent and adwyse of the estaittis of parliament, ratiefies and approvis the act off the commissionaris appoyntit for establischeing and plantatioun of kirkes, off the date at Edinburgh, the xiij day off December, jM vjC sevintene yeiris, quhairby they have ratifiet certane uther actis dissolving the landis of Buchannane whiche wer ane pairt of the parochin of Luss frome the said kirk, and annexand the samene in all tyme cuming to the paroche kirk of Inchecalleoch, in all the haill heiddis, clauses and articles thairoff, quhairbye the saidis landis of Buchannane may in all tyme cuming remayne ane proper pairt off the said parochin of Inchealleoche, salvo jure cuiuslibet.
[1621/6/109]*[print] [email] [cite] [preceding] [following]
Oure soverane lord and estaittis of this present parliament ratiefies and apprevis the chartour, donatioun and concessioun thairin conteanit, with the precept of seasing insert in the samene, maide, gevin and grantit be umquhile George, archebischope of Sanct Andros, with consent of the chaptour of the metrapolitane kirk of the said archebischoperik, to his majesties lovit Williame Sandelandis of Sanctmonans, his aires maill and assigneyis off all and sindrie the landis of the halff of Sanctmonanis, utherwayis callit Inverie, with the milne, fortalice, house, poirt and harberie of the samene, and anchorages of the said poirte and harberie, with the wrak, wair and all uther priviledgis and pertinentis, togidder with aucht aikeris of ane uther halff off the saidis landis nixt adjacent to the samen fortalice and hous, and bray and landis betuix the said hous and the sey, and siclyik off all and haill that fyve merk land of Inverie, utherwayis Sanctmonanes, extending to threttene aikeris of land, with the toft and croft adjacent thairto and thair partinentis, with the annexis, connexis, pendicles and pertinentis off all and sindrie the foirsaidis landis, milne, hous, fortalice and harberie with the pertinentis; and siclyik off all and haill ane uther halff off all and sindrie the foirsaidis landis of Inverie, utherwayes callit Wester Sanct Monanes, with the halff of the milne thairof, with toftis, croftis, yairdis, pairtis, pendicles and all thair pertinentis lyand within the regalitie of Sanctandros and schirefdome of Fyiff, contening ane erectioune off the toun of Sanctmonanis with all and sindrie housis, biggingis, toftis, croftis and outseattis thairoff, in ane frie burgh in baronie with ane frie porte and harberie in all tyme cuming, and als conteaning ane unione of the haill landis and utheris foirsaidis in ane haill and frie tenandrie and lordschip callit the tenandry and lordschip of Sanct Monanis, to be haldin of the said umquhile George, archebischope of Sanctandros and his successouris, payand yeirlie to the said umquhile George, archebischope of Sanctandros and his successouris, thair chalmerlanis and factoures, for the foirsaidis fortalice, hous and harberie, with the saidis aucht aikeris of land nixt adjacent to the saidis fortalice and hous and braye betuix the said hous and the seye and burgh off baronie foirsaid, ane pennie usuall money of the kingdome of Scotland at the said fortalice and hous at the feast of Witsondaye in name of blenche ferme, giff it beis askit, and for the foirsaidis halff landis of Sanctmonanis, utherwayes callit Inverie, and fyve merk land of Inverie, utherwayis Sanctmonanis, and the foirsaid toft, croft and milne abovespecifit, and the foirsaid uther halff off all and sindrie the saidis landis of Inverie, utherwayes callit Wester Sanctmonanes, with the halff of the milne thairoff, toftis, croftis, yairdis, pairtis, pendicles and pertinentis, with the annexis, connexis, pendicles and pertinentis off all and sindrie the saidis landis and milne, the soume of foure merkis usual money foirsaid at tua usuall termes in the yeir, Witsonday and Mertimes in winter, be equall portiounes in name of kayne, with services useit at the courtis of the said regalitie of Sanct Andros allanerlie; be the quhilk chartour the wairde, releiff and nonentres of the landis and utheris haldin be service of warde and releiff as said is ar taxt yeirlie to the soume of tuentie ane pundis, sex schillingis, aucht pennyes, and the mariage of the air to the soume of ane hundereth pundis, off the date at Sanctandros, the first day of Apryill, jM vjC and ellevin yeiris, with the instrument of sesing following thairupoun, in all and sindrie poyntis, articles, clausses and conditiounes thairin contenit, efter the forme and tennour thairoff. Lyikas his majestie and estaittis foirsaidis declairis that this present ratieficatioun of the said chartour and instrument of sesing following thairupoun is and salbe als valide, effectuall and sufficient in all respectis as gif the samene chartour and instrument of seasing abovewrittin wer at lenthe insert heirintill, nochtwithstanding the not inserting of the samene, quhairanent his majestie and estaittis foirsaidis hes dispensit and, be thir presentis, dispensses for evir. And lyikwayes his majestie and estaittis foirsaidis declaires the foirsaid chartour, precept of seasing thairin contenit and instrument of seasing following thairupoun, with this present ratificatioune thairoff, to be guide, valide and sufficient rightis and tytillis to the said Williame Sandelandis of Sanctmonanis, his airis maill, assigneyis and successoures in the saidis landis, for bruikeing and joysing of the samene landis and utheris foirsaidis as thair awin proper heretage at thair plesour in tyme cuming.
[1621/6/110]*[print] [email] [cite] [preceding] [following]
Oure soverane lord and estaittis of this present parliament ratifies and apprevis and, for his majestie and his successoures, perpetuallie confermes the chartour and infeftment maid and grantit be his majestie under his hienes gryit seale to his majesties lovit Schir Jhonne Scott of Scottistarvett, knicht, directour of his hienes chancelarie, his aires maill and assigneyis quhatsumevir heretablie off all and haill the landis and baronye of Scottistarvet, comprehending the landis and utheris efterspecifit, to wit: all and haill the landis and barronie of Tarbert, with the toure, fortalice, maner place, housis, biggingis, yairdis, orcheardis, cunningar, doucat, milne thairoff, milne landis and multouris of the samen, annexis, connexis, outseattis, pairtis, pendicles and pertinentis off the samene quhatsumevir lyand within the parochin of Seres and schirefdome off Fyiff; and siclyik of all and haill the landis and baronie of Caiplie, comprehending the landis and utheris eftermentionate, viz: all and haill the landis of Caiplie Overtoun, alias callit Third Pairt, with the pendicle thairoff callit Stavert; the landis of Nethirtoun of Caiplie, with the milne landis, multouris and sequellis thairoff, togidder with the fischeingis pertening to the saidis landis and with toure, fortalice, maner place, housis, biggingis, yairdis, orcheartis, doucat, annexis, connexis, pairtis, pendicles and all thair pertinentis lyand within the baronie off Tarvet be annexatioun and schirefdome of Fyiff foirsaid; and lyikwayes all and haill the landis of Eister Pitcorthie, with housis, biggingis, yairdis, orcheartis, annexis, connexis, pairtes, pendicles and pertinentis thairoff quhatsumevir lyand within the parochin of Kylrynnie and schirefdome of Fyiff foirsaid, with full right, libertie and priviledge off commontie and commoun pasturage and casting, wynning and away leiding of fewall, faill and dovett in and upoun the mures, commonlie callit the Kingis Mure and Craill Mure, within the haill boundis, meithis and marchis thairoff, conforme to the said Schir Johnne, his predicessoures and authoures, thair possessioun of the samene; and als all and sindrie the teindschevis and viccarage teindis of the saidis landis of Over Kaiplie, als Third Pairt of the foirsaid toun† and landis of Nethir Caiplie, with the milne thairoff and milnelandis of the samene; and off the foirsaid toun and landis of Eister Pitcorthie, withe the cottages, pairtis, pendicles and all thair pertinentis includit thairwith pertening to the said Schir Jhonne heretablie, all unite, annexit, create and incorporat in ane haill and frie baronye callit and to be callit the baronye off Scottistarvet, conteaning thairintill ane new gift, with ane unione thairoff, in ane haill and frie baronie callit the baronye of Scottistarvet as said is, to be haldin of oure said soverane lord and his successouris in fee and heretage for evir, lyik as at mair lenthe is contenit in the said chartour and infeftment of the dait at Edinburgh, the ellevint day off Februare, the yeir of God jM vjC and nynetene yeiris, togidder with the precept of seasing maid conforme to the said chartour and instrument of seasing following thairupoun, off quhatsumevir date or daittis, tennour and contentis the samen be, in all and sindrie poyntis, passis, heiddis, articles, clauses, circumstances, provisiounes and conditiounes quhatsumevir thairin contenit, with all that hes followit or may follow thairupoun; willing and granting and, for his majestie and his successoures, with advyse and consent of the haill estaittis of this present parliament, decerning and ordaning this present generall ratificatioun to be als gude, valide, effectuall and sufficient to the said Schir Johnne Scott and his foirsaidis for bruiking and joysing of the landis, baronye, teyndis and utheris with the pertinentis thairoff abovementionat as thair heretage at thair plesour in all tyme cuming, siclyik as giff the foirsaid chartour and infeftment, precept and instrument of seasing following thairupoun wer at lenth and worde be worde ingrossit heirintill; quhairanent his majestie, with advyse and consent foirsaid, have dispensit and, be thir presentis, for his hienes and his successouris, dispensses for evir, saiffand and reservand alwayes to his majestie and his successoures the few blenche and uther dewties off the landis, baronie, teyndis and utheris abovespecifit with the pertinentis thairoff abovewrittin aucht and wount to his hienes and his predicessoures before this present ratificatioun. Attoure, oure said soverane lord and estaittis foirsaidis, understanding that umquhile King James the Fyift off worthie memorie, his majesties guidschir, gave and grantit speciall licience, facultie and friedome to umquhile Alexander Inglis of Inglistarvet, heretable proprietar of the landis and baronie above expremit, with the pertinentis for the tyme, to ditt up, remove and distroy that pairt of his hienes hie streit and commoun gaite passand betuix his place and his barnes, barneyairdis and stablis of Inglis Tarvet, now callit Scottis Tarvet, on the west syid off the place thairoff, and to mak the said hie passage and commoun gate als lairge and wyid as it wes of before and als commodius upoun the eist syid off the said place of Inglischtarvet, now callit Scottistarvet, and to hald the samene als large in all tyme cuming to be useit be his majestie and his hienes liegis resorting thairto as his hienes commoun gate wes and is at the west end of the said place, and willit and grantit that he suld not be accusit nor incure any skaithe or danger in his persoun, landis, guidis or geir thairthairow in anye tyme thairefter, nochtwithstanding of quhatsumevir actis of parliament, lawes, statutes or constitutiones of this realme maid or to be maid in the contrair, as the said licience of the date subscrivit be his majesties awin hand and gevin under his hienes signet at Sanctandros, the secund day of Junii and of his majesties reignne the tuentie nynt yeir, at mair lenth beiris. Quhilk licience, oure said soverane lord and estaittis foirsaidis ratiefies and approvis in all poyntis conforme to the tennour thairoff, and of new agane his majestie, with advyse and consent foirsaid, be thir presentis, gevis and grantis full licience, frie facultie and libertie to the said Schir Johnne Scott and his foirsaidis to remove, divert and distroye that pairt of the foirsaid hee streit and commoun way quhilk lyis fra the ferrie syid to the burgh off Cooper on the west syid of the said Schir Johnne, his place of Scottistarvet, at quhat tyme he or thai best pleis, prowyding alwayes that he and they mak als lairge, ample and commodius ane hie way and commoun streit upoun the eist syid of the said place of Scottistarvet for serveinig of his majesties liegis as the foirsaid commoun hie passage and gait is at the west end off the said place, and willes and grantis and, for his majestie and his successouris, with advyse and consent foirsaid, declairis that the said Schir Johnne nor his foirsaidis sall not be accusit nor incure ony skaithe, damnadge or danger in his persoun, landis, guidis or geir thairthairow be ony maner of waye in tyme cuming, nochtwithstanding quhatsumevir actis of parliament, lawes, statutes or constitutiounes off this realme maid or to be maid in the contrair; quhairanent, and anent all paynes thairin conteanit, oure said soverane lord, with advyse and consent foirsaid, have dispensit and, be thir presentis, for his hienes and his successoures, dispensis for evir. Dischargeing lyikwayis be thir presentis the lordis off his hienes previe counsell and sessioun, justices, schirreffis and all utheris officeris and ministeris off the lawes within this his majesties kingdome, and all and sindrie thair deputtis and substitutes present and to cum, off all calling, accusing, simmonding, atteicheing, arreisting and persewing off the said Schir Johnne Scott or his foirsaidis, thair tennentis and servandis thairfore be ony maner of waye in tyme cuming, and off thair offices in that pairt for evir, and that the said confirmatioun and licience stand as said is.
[1621/6/111]*[print] [email] [cite] [preceding] [following]
Oure soverane lord and the estaittis of this present parliament ratiefies and approvis the chartour and infeftment made and grantit be his majestie, with advyse and consent off his hienes right traist cousing and counsellour Johnne, erle of Marr, lord Erskine and Garioche etc., his hienes principall thesaurer, comptrollar and collectour or thesaurer of his new augmentatiounes within the realme of Scotland, and of his hienes trustie counsellour Schir Gedeoun Murray of Elibank, knycht, his hienes depute in the saidis offices, and of the permanent lordis off his hienes secreit counsell of Scotland, his hienes commissionaris, to Alexander Cranstoun of Morestoun, his aires maill and assigneyis quhatsumevir heretablie off all and sindrie the landis of Burnecastell, with the tennentis, tenandries, service of frie tennentis thairoff and all thair pairtis, pendicles and pertinentis; and off all and sindrie the halff teynd schevis, halff teynd woll and halff teynd lamb off the kirk and parochin of Chingilkirk, alsueill personage as viccarage thairoff, with all and sindrie proffites and emolimentis quhatsumevir pertening and belanging to the said halff teyndis and now possessit be the said Alexander Cranstoun of Morestoun, all lyand within the bailyerie of Lauderdaill and schirefdome of Beruick. Quhilkis landis off Burnecastell, with the tennentis, tenandries, service of frie tennentis and pertinentis thairoff pertenit of before to the said Alexander Cranstoun him selff and wer resignit be him and his procuratouris, and quhilkis halff teindscheavis, halff teind woll and halff teynd lambe of the said kirk and parochin of Chingilkirk, with the pertinentis, pertenit of before to the said Johnne, erle of Marr as ane pairt of the patrimonie of his lordschip of Cardros, and wer resignit be him with expres advyse, consent and assent of Henrie Erskin, his secund lauchfull sone procreate betuix him and Dame Marie Stewart, countes of Marr, his spous, for all right quhatsumever quhilk he hes or may pretend to the said halff teyndis, with the pertinentis, or ony pairt thairoff; and be the said Henrie Erskin, for him selff, his awin right and entres, with advyse and consent off his said father, and be thame baithe with ane consent and assent, and thair procuratouris in thair names, in the handis of the saidis lordis of his hienes said secreit counsell of Scotland, his hienes commissioneris in his majesties name, in favouris and for the said infeftment thairoff to be made and gevin to the said Alexander Cranstoune of Morestoun and his foirsaidis in maner thairin contenit, to be haldin of oure soverane lord and his hienes successouris in fee heretages and frie blenche ferme for evir, as the said chartour and infeftment under his hienes gryit seale, of the date the tuentie day off December lastbypast 1620 yeiris, at mair lenthe beiris, with the resignatiounes quhairon the said chartour and infeftment proceidit and seasing following on the said chartour in all and sindrie the heiddis, poyntes, clauses, articles, circumstances and conditiones thairin contenit and efter the formes and tennouris thairoff in all poyntes. And willes, grantis, decernis and ordanis the said chartour and infeftment to be ane gude, valide and sufficient right to the said Alexander Cranstoun [of] Moreistoun and his foirsaidis for bruiking of the saidis landis, halff teyndis and utheris abovewrittin thairin contenit conforme thairto in all tyme cuming without ony objectioun, exceptioune, impediment or contradictione quhatsumevir to be maid be his hienes or his successoures in tyme cuming.
[1621/6/112]*[print] [email] [cite] [preceding] [following]
Oure soverane lord and estaittis of this present parliament, haveing consideratioun that the paroche kirk of Liggertwode, being of auld ane of the paroche kirkis of the abbacye of Paislay, quhilk abbacye in lang tyme bygane wes erectit in ane temporall lordschip in favoures off umquhile Claud, lord Paislay and his aires, and quhilk kirk of Liggertwode, togidder with the kirklandis of the said parochin of Liggertwode, being ane proper pairt of the patrimonie of the said abbacie of auld and off the said lordschip sen the erectioun wes sensyne resignit in the handis of oure said sovearane lord his hienes commissionaris of this kingdome be umquhile James, earle of Abircorne, procuratour and commissioner for the said umquhile Claud, lord Paislay, his father, in favoures off Alexander Cranstoun of Morestoun and his aires specifit in the said resignatioun, quhairupoun oure said soverane lord hes gevin and grantit to the said Alexander ane infeftment under his hienes gryit seale off the foirsaidis kirklandis of Lidgertwode and paroche kirk thairoff, with the teyndis of the said kirk, baith gryit and small, togidder with the advocatioune, donatioun and right of patronage of the said paroche kirk and parochin of Lidgertwode, personage and viccarage thairoff, (exceptand and reservand to the minister off the said kirk present and to cum the manse and glebe of the said kirk conforme to the act of parliament). And to the effect that the said infeftment may be the more valiable and that the saidis kirklandis and teyndis, gryit and small, togidder with the advocatioune and donatioune of the said paroche kirk, baith personage and viccarage thairoff, (except before exceptit) may remayne perpetuallie with the said Alexander Cranstoun and his aires in all tyme cuming, unquerrellit or impugnit in any soirte, oure said soverane lord and estaittis foirsaidis hes ratiefiet, approvin and confermit and, be this present, ratiefies, approvis and confermes the foirsaid infeftment in all and sindrie heidis, poyntis, articles, clauses and circumstances thairoff, and declairis the samene to be ane gude, valiable and sufficient tytill and securitie to the said Alexander and his foirsaidis for bruikeing, joising and possessing of his said landis and teyndis, gryit and small, with the advocatioun, donatioune and right of patronage off the said paroche kirk and parochin of Liggertwode, personage and viccarage thairof, in all tyme cuming, nochtwithstanding of anye law, cannone, civile or municipall, made in the contrair, to the quhilk thir presentis sall mak expres derogatioun. And declairis this present ratificatioun to be als sufficient as gif the said infeftment wer at lenthe insert heirintill word be worde; quhairanent oure said soverane lord and estaittis foirsaidis hes dispensit and, be thir presentis, dispenses for evir.
[1621/6/113]*[print] [email] [cite] [preceding] [following]
Oure soverane lord and estaittis of this present parliament ratiefies and approvis the infeftment maid and grantit be his majestie under his majesties gryit seale to his hienes lovit Williame Syidserff of Ruchlaw, his aires and assigneyis thairin conteanit off all and haill the landis of Rouchlaw and mylne thairoff biggit be the said Williame, with the multouris and sequellis of the samene, maner place, housis, biggingis, yardis, orcheardis, annexis, connexis, pairtis, pendicles and all thair pertinentis; all and haill the landis off Howden, with the pairtis, pendicles, annexis, connexis and pertinentis off the samene quhatsumevir, togidder with the commontie and commone pasturage within the mure off Lammermure usit and wount, and with the priviledge of casting, winning and away leiding of peitis, turves and hether within the samyne, all lyand within the constabularie of Hadingtoun and schirefdom of Edinburgh; to be haldin of his majestie and his successouris in fewferme for the yeirlie payment of the sowme off fourtie merkis usuall money of this realme of Scotland in name of fewferme, and dowbland the samyne fewferme att the entrie of the air, off the date att Roystoune, the sexteine day of October, the yeir of God jM vjC and auchtene yeiris, with the precept and instrument of sesing following thairupoune, in all and sindry poyntis, articles and clauses thairin contenit, with all that hes followit or may follow thairupoun. Ordaning this present ratificatioune off the chartour, precept and instrument of sesing abovewrittin to be als valide, effectuall and sufficient in all respectis to the said Williame Sydserff and his foirsaidis for bruiking and joysing off the landis, mylne and utheris abovespecifit with the pertinentis as gif the samyne chartour, precept and instrument of sesing wer att lenth insert and ingrossit heirintill, nochtwithstanding the not inserting thairof; quahiranent his majestie and estaittis foirsaidis be thir presentis dispenses for evir.
[1621/6/114]*[print] [email] [cite] [preceding] [following]
Oure soverane lord, remembring the guid, trew and thankfull service done to his majestie manywayis heirtofoir be his lovitis Williame Berclay of Invergellie and be umquhile Schir James Hay of Kingask, knicht, comptroller to his majestie off the kingdome of Scotland for the tyme and father in law to the said Williame Berclay, and for sindry utheris greit respectis and guid consideratiounes moving his majestie, thairfore his majestie and estaitis of this present parliament ratifies, apprevis and confermis a chartour and infeftment maid and grauntit be George, archehischope of Sanctandros and chaptour of the metrapolitane kirk thairof, to and in favouris of the said Williame Berclay and Margaret Borthuik, his spous, in conjunctfie and to the airis maill lawfullie gottin or to be gottin betuix thame, quhilkis failyeing, to the airis maill and assignayis quhatsumevir of the said Williame Barclay heritablie off sindrie pairtis and portiounes of the towne and landis of Invergellie, in all extending to all and haill the said toune and landis of Invergellie, with the pertinentis, except a quarter thairof also pertening heretablie to the said Williame Berclay haldin of the abbottis of Dryburgh and thair successouris; as also excepting uther aucht aikeris or ane thrid pairt of a quarter of the said toune and landis of Invergellie pertening heretablie to David Beatoune of Balfour, haldin be him in fewferme of the said Archebischope of Sanctandrois lyand within the regalitie thairof and schirefdome of Fyiff, quhilk chartour and infeftment is of the dait the sext day of Apryle, jM vjC fyftene yeiris, and contenis ane unioune of the foirsaidis landis thairby disponit in ane haill and frie tennandrie, togidder with a taxt waird and mariage, in all and sindry heidis, articlis, clauses and conditiounes mentionat and sett downe in the said chartour and infeftment. And his majestie and estaitis foirsaidis declaris that the said ratificatioun of the said chartour is and salbe als guid, valide and effectuall to the saidis William Berclay, his spous and thair foirsaidis as gif the said infeftment wer ad longum de verbo in verbum insert heirintill, and siclyk that the said chartour and ratificatioun thairof is and salbe a guid, valide, perfyte and effectuall securitie to thame for bruiking, joysing and using off the saidis landis, priviledgis and utheris thairincontenit conforme to the tennour thairof in all poyntis nochtwithstanding of quhatsumevir law, act, statute or constitutioune maid or to be maid in the contraire.
[1621/6/115]*[print] [email] [cite] [preceding] [following]
Oure soverane lord and estaitis of parliament ratiefies and apprevis the chartour and infeftment grauntit be umquhile George, archebischope of Sanctandros and chaptour thairof, to Johnne Weymis of Monturpie, in lyfrent, and Maister Johnne Weymis of Craigtoun, his sone, than commissioner of Sanctandrois and now ane of the senatouris of the colledge of justice, in fie, off all and haill the landis off Arnedie, with the pertinentis, to be haldin of the said archbischope and his successouris be service of waird and releiff, contening ane taxt waird and mariage, viz: payand for the waird thrie pundis money and for the mariage quhene the samene sould vaike ane hundereth merkis money, quhilk infeftment is of the date the last day off September, jM vjC and threttene yeiris; togidder with ane uther chartour and infeftment of the saidis landis of Arnydie and of the landis callit the kirklandis of Seres, landis of Kinkell and Snadoun and office of bailliarie of the provestrie of Kirkheuche maid be Johnne, now archebischope of Sanctandros and chaptour thairoff, upoune the resignatioune thairoff maid be the said Johnne Weymis and of the said Maister Johnne Weymis, his sone, to Maister Thomas Hope of Craighall, advocat, in lyfrent, and Johnne Hope, his sone, in fie, and to the aires maill to be gottin of his body, quhilkis failyeing, to the said Maister Thomas, his airis maill and assignayis quhatsumevir, to be haldin of the said archebischope and his successouris in maner specifit in the said infeftment, quhilk is of the dait the nyntene day of Julii, jM vjC and nyntene yeiris, with the preceptis of sesing thairincontenit and instrumentis of sesing following thairupoune, togidder with the chartour of confirmatioun grauntit be his majestie under the gryit seill conferming the chartour and infeftment immediatlie abovespecifit, quhilk chartour of confirmatioun is of the dait the tuentie tua day of Merche, jM vjC tuentie ane yeiris, in the haill heidis, articlis, clauses and conditiounes thairof, eftir the forme and tennour off the samyne in all poyntis. And willis and grauntis that this present ratificatioun salbe als valide and effectuall as gif the saidis chartouris, infeftmentis and utheris foirsaidis wer per expressum and worde be worde insert in this present act.
[1621/6/116]*[print] [email] [cite] [preceding] [following]
Oure soverane lord and estaittis of parliament, understanding that ane reverend father in God, Johnne, archebischope of Sanctandros hes for the weill and commoditie of the tennentis and inhabitantis of the landis of Kynninmonthe, Baldinny, Ballchuny Mylne, Ardnydie, Ladedie Lyme Landis, Over and Nethir Magaskies and Balmakie Medow pertening heretablie to Maister Thomas Hope of Craighall, advocat, lyand of auld within the parochyn of Sanctandros, ordanit that they sall repair to the kirk of Seres in all tyme cuming for heiring of the word, partaking of the sacramentis, ressaving of the benefite of mariage and utheris benefites and liberties of ane paroche kirk; lykeas the tennentis and inhabitantis off the saidis landis hes repairit this lang tyme bygane to the said kirk of Seres as thair paroche kirk continuallie sence the dait of the said ordinance and of befoir as the kirk maist ewest and commodious for thame; thairfore his majestie and estaitis ratefies and apprevis the said act and ordinance maid be the said Archebischope of Sanctandros anent the unioune of the saidis landis to the said kirk of Seres, and als be thir presentis dissolvis and separatis the saidis landis frome the said kirk of Sanctandros within the parochyn quhairof they wer and lay of auld, and unitis and annexis the samyn to the said kirk of Seres, and ordanes the tennentis and inhabitantis off the saidis landis to repair to the said kirk of Seres as thair paroche kirk in all tyme cumming; but prejudice alwayes to the said Maister Thomas Hope of Craighall, advocat, of his infeftment of the teindschaves of the saidis landis and of his rightis of the small and viccarage teindis thairof, maid and to be maid to him of the samyn, to the quhilk thir presentis sall mak no dirogatioune, bot sall remane in the selff same estait and conditioune as they wer befoir the date of this present act.
[1621/6/117]*[print] [email] [cite] [preceding] [following]
Oure soverane lord and estaittis off this present parliament, understanding the alteratioun and chainge whiche hes bene maid of the first fundatiounes of the colledges within the Universitie of Sanctandros to haif bred suche uncertantie in professioune of sciences and observatioun of ordoures appointit be the first fundatouris of the saidis collegis that the greitar pairt off the professoures ar negligent, making no professioune nor teiching as not knawing quhairto they sall betak thame selffis; nather can thair visitatiounes, whiche ar maid for reformatioun off disordoures, tak any proffitable effect in respect of the alteratiounes befoirmentionat; and that it semeth most equitable that the willis of the first fundatoures sould tak effect and be mantained, except quhair the samyn is repugnant to the trew religioune presentlie professit within this realme, thairfore oure said soverane lord and estaitis foirsaidis ratifies and apprevis the foirsaidis first fundatiounes off the saidis collegis in all the heidis, articles and clauses of the samyn so far as the samyne may stand with the estait of trew religioune, and ordanes the maisteris and professoures within the samyne colledges heireftir to observe the professiounes appointit be the first fundatoures to thame and conform thame selffis to the ordoures contenit and sett downe in thair first fundatiounes, this onlie exceptit: that the maisteris of the new colledge keip still the professioune of divinitie within thair scooles as presentlie is and hes bene usit and exercit thir yeiris bygane, and that in all uther thingis the maisteris of the said new colledge they observe the lawis of the first fundatioun according to the whiche all visitatiounes and tryallis heirefter salbe maid and no utherwayes. Discharging all actis and statutis maid in prejudice of thair first fundatiounes, reservand to the Erle of Cassillis all his rightis and priviledges whiche he hes in and to Sanct Salvatouris colledge and prebendaries within the samen. Als oure said soverane lord and estaitis foirsaidis ratifies and apprevis all giftis, mortificatiounes, patronages, priviledgis and immunities grauntit be his hienes or his noble progenitouris or by the archebischopes of Sanctandros to any of the saidis colledges or to the universitie in generall, and in speciall the right of conservatorie of the liberties and priviledges of the studentis within the samyne and the jurisdictioune belanging thairto, with ane speciall ordinance that executioun of horning, poynding and utheris salbe grauntit be the lordis of sessioune upoune all decreitis pronuncit be the rectour of the said universitie or the conservatour of the priviledge of the samen in suche maner as is grauntit upoune the decreitis of commissioneris, schireffis and stewartis of regalities within this realme; and als statutis and ordanes that all maisteris, professoures, studentis and foundit persounes within the said universitie sall heireftir walk in thair gownis throchout all the said universtie according to the forme that salbe prescryvit to thame by thair visitoures under the pane of expelling thame furth of the saidis colledgis and universitie that do wilfullie in the contrare thairof. Forder statutis and ordanes that all takis to be sett heireftir by the principall and maisteris of ony colledge exceid not the space of nyntene yeiris, bot prejudice alwayis of all takis alreddie sett be the saidis principall and maisteris for all the dayes of thair lyftymes and fyve yeiris thaireftir to quhatsumevir persoun or persounes, quhilkis takis alreddie sett the saidis estates declares to be guid, valid and effectuall in thame selffis, and als of sik takis of prorogatioune as ar sett be the lordis of parliament be vertew of thair commissioune grauntit for plantatioun of kirkis. And to the effect the maisteris and studentis within the colledges of the said Universitie off Sanctandros may be the bettir furnissit with all sortis of freche viveris and victuallis all the tymes and seasounes in the yeir, oure said soverane lord and estaitis (by and besyidis thair ordiner mercat day whiche is upoune ilk Settirday) grauntis be thir presentis full libertie and power to the said citie of Sanctandros to haif ane uther oulklie mercat upoune ilk Woddisday for bying and selling of all soirtis of victuallis and viveris. It is alwayes declarit that this present ratificatioune sall nawayes exeme the said universitie nor memberis thairof frome the jurisdictioune of the lordis of sessioun, secreit counsale, nor justice generall, and that nochtwithstanding any priviledges contened in the foundatiounes and originall mortificatiounes grantit to thame off before.
[1621/6/118]*[print] [email] [cite] [preceding] [following]
Oure soverane lord and estaitis of this present parliament ratifies and apprevis the chartour and infeftment maid and grauntit be his majestie, with advyse and consent off his majesties greit thesaurer, comptroller and collectour or thesaurer of his hienes new augmentatiounes within the realme of Scotland, and of his hienes umquhile depute in the saidis offices and of the remanent lordis of his hienes secreit counsale of Scotland, his hienes commissionaris, to and in favouris of his hienes lovit Maister Williame Forbes, then of Meny and now of Cragiewar, in lyfrent for all the dayes of his lyftyme, and to Williame Forbes, his eldest lauchfull sone, his aires maill and of tailyie thairin designit heritablie (under the express provisioune and conditioune thairincontenit allanerlie and na utherwayis), off all and sindry the paroche kirkis off Fintray and Culsamond, personages and viccarages thairof, advocatioun, donatioun and richt of patronage thairof, with all and sindrie teindis, fruittis, rentis, manse, gleibis, kirklandis, proffittes and dewties quhatsumevir pertening and belanging thairto; and of all and sindrie the teindschaves off all and haill the townes, landis and stedingis lyand naturally and locallie within the parochinis of Chrystis Kirk and Premney; and of all and sindry the tounes, landis, mylnis, wodis, fischingis and with the office of bailliarie and utheris att lenth speciallie and particularlie sett doune in the said chartour; and of the advocatioun, donatioun and right of patronage of the personages and viccarages of the paroche kirkis of Kincardin Oneill, Glentanner, Lumquhannen, Cluny and Midmar lyand within the diocie and schirefdome of Abirdene; and of the advocatioun, donatioun and right of patronage of the kirk of Auchtertuill, personage and viccarage thairof, with all landis, teindis, rentis, fruittis, proffitis, emolumentis and dewties pertening and belanging thairto lyand within the diocie of [...] and schirefdome of Fyff, contening thairintill ane new gift and unione, erectioune and incorporatioun off all and sindry the saidis tounes, landis, mylnes, wodis, fischingis, kirkis, personages, viccarages, advocatiounes, donatiounes, richtis of patronage, teindis and utheris contenit in the said chartour in ane haill and frie baronie thairin callit and appointit to be callit in all tyme cumming the barony of Logiefintrey, as the said chartour under his hienes greit seill of the date the fourt day of December, the yeir of God jM vjC sevintene yeiris att mair lenth beiris. And siclyke oure said soverane lord and the estaitis of parliament ratifies and apprevis that uther chartour and infeftment maid and grantit be oure said soverane lord, with advyse and consent foirsaid, to the said Maister Williame Forbes in lyfrent during all the dayes of his lyftyme and to the said Walliame Forbes, his sone, his aires maill and of taillie and assignayis thairincontenit heritablie, under the provisiounes and conditiounes specifit and sett doun in the said chartour, in favouris of the said Maister Willim Forbes himselff allanerlie and na utherwayis off all and sindrie the particuler tounes, landis, croftis, mylnis, wodis, fischingis, kirkis, personages, viccarages, advocatiounes, donatiounes and richtis of patronage, teindis and utheris speciallie and particularlie thairincontenit, all thairby unite, annexit and incorporat in ane haill and frie barrony to be callit lykwayis now and in all tymecuming the barony off Logiefintray, as the said chartour under his hienes greit seill of the dait the tuentie twa day of Apryle, the yeir of God jM vjC and nyntene yeiris also att mair lenth beiris; quhilkis haill tounes, landis, mylnis, wodis, fischingis, kirkis, personages, viccarages, advocatiounes, donatiounes and richtis of patronages, teindis and utheris specifit in the saidis chartoures, and ather of thame, and thairby unite in the saidis barronies in maner foirsaid, ar appointit to be haldin of our soverane lord and his hienes successouris in fie heretage and frie barronies for ewir in maner specifit in the saidis chartoures. And in lykmaner, our said soverane lord and estaitis of parliament ratifies and apprevis the act of dissolutioun maid in his hienes parliament haldin att Perth, the nynt day of Juli 1606 yeiris, quhairby his majestie and estaitis of parliament dissolvit fra his majesties croun and patrimony thairof, and fra the act of annexatioun off all kirklandis and temporall benefices within this realme to his hienes crowne, all and sindry landis, lordschipis, baronies, mylnis, wodis, fischingis, kirkis, personages, viccarages, advocatiounes, donatiounes, richtis off patronages, teindis and utheris quhatsumevir quhilkis pertenit of befoir to the abbacie of Lundoris, spiritualitie and temporalitie thairoff, quhilkis wer erectit in ane temporall lordschip and baronie to Patrik, now lord off Lundoris, callit the lordschip and baronie of Lundoris, to the effect it micht be lesum to his majestie to gif and dispone the zamen to and in favouris of the said Patrik, lord Lundoris, his aires and assignais in maner specifit in the said act off dissolutioune, as the samyn also beiris. And siclyk oure said soverane lord and estaittis of parliament ratifies and apprevis the chartour and infeftment maid and grauntit be ane reverend father in God, Alexander, bischope of Dunkeld, superiour of the landis, baronies and utheris underwrittin, with advyse and consent of the dene, chaptoure and channonis off the cathedrall kirk of Dunkell, to the said Maister Willim Forbes and Margaret Udwart, his spous, and to the langest levar of thame twa in lyfrent, and to the said Williame Forbes, thair eldest sone, his airis maill and of taillie and assigneyis thairincontenit heritablie off all and haill the landis and barrony of Auchtertuill, comprehending the particular tounes, landis, mylnis, wodis, fischingis and utheris thairincontenit lyand within the said baronie of Auchtertule and schirefdome of Fyf, to be haldin of the said reverend father in God, Alexander, bischope of Dunkeld and his successoures in fewferme and heretage for payment of ane certane yeirlie fewferme dewtie mentionat in the said chartour, as the samyne, contening ane new gift and dyverse utheris heidis and clauses, off the dait att Sanctmadois, the [...] day of Merche, the yeir of God jM vjC and sextene yeiris, att mair lenth also beiris; togidder also with the chartour of confirmatioun thairof grauntit be his hienes, with advyse and consent foirsaid, upoun the said chartour of fewferme, thairincontening ane new gift quhairby his hienes for all richt, tytill, entres and clame of richt quhatsumevir quhilk his majestie, his predicessouris or successoures had, hes or may pretend to the saidis landis and baronie of Auchtertuill, gave, grauntit and disponit the samyne to the said Maister William Forbes and his said spous, the langest levar of thame twa, in lyfrent and to the said Williame, thair sone, his airis maill and of taillie and assigneyis thairincontenit, and unite and annexit the samen in ane haill and frie barronie callit the barronie of Auchtertuill, with all priviledges belanging to ane frie baronie, and maid and erectit the toune and landis of Mylnetoune of Auchtertuill in ane frie burgh of baronie, with all liberties belanging thairto, as the said chartour of confirmatioune under his hienes greit seill off the dait the sext day of Februar, the yeir of God jM vjC and sevintene yeiris, also att mair lenth beris, in all and sindrie the heidis, poyntis, clauses, articles, circumstances and conditiounes contenit in the saidis thrie chartoures, confirmatioun and act of dissolutioune abovewrittin and ilkane off thame, and eftir the formes and tennouris thairof in all poyntis. Lykeas our said soverane lord and estaitis of this present parliament willis and grauntis and, for his majestie and his successoures, decernis and ordanis that the foirsaidis infeftmentis, chartouris, confirmatioun and act of dissolutioun and this present ratificatioun thairof is and salbe guid, valide and sufficient richtis in thame selffis to the said Maister Williame Forbes, his spous and sone and thair foirsaidis for bruiking of the saidis haill tounes, landis, baronies, mylnis, wodis, fischingis, burghis of barrony and utheris abovewrittin contenit in the saidis chartoures and infeftmentis, and haill priviledges, liberties, fredomes and commodities pertening and belanging thairto specifit in the saidis infeftmentis, or ony off thame, according thairto in all tymecumming; and that this present ratificatioun off the saidis richtis is and salbe als effectuall and sufficient to thame for that effect as gif the haill tennouris of the saidis infeftmentis, chartoures, confirmatioun and act of dissolutioune wer heirin speciallie and particularlie insert and ingrossit de verbo in verbum. And farder, inrespect off the dissolutioun alreddye maid off the saidis tounes, landis, kirkis, personages, viccarages, advocatiounes, donatiounes, richtis of patronage and utheris contenit and comprehendit in the said barony of Logyfintray, quhilkis pertenit of auld to the abbacie and thaireftir to the lordschip of Lundoris, in favoures of the said Patrik, lord Lundoris be the said act of dissolutioune abovementionat in maner and to the effect thairin contenit, thairfore oure soverane lord, for guid, trew and thankfull service done to his majestie and his predicessouris be the Maister William Forbes and his predicessouris in tyme bygane and for dyverse utheris guid respectis, causes and consideratiounes moving his majestie, with advyse and consent of the estaitis of this parliament present, off new dissolvis fra his majesties croune and patrimonie thairof and fra the first act of annexatioun of all kirklandis and kirkrentis within this realme to his hienes crowne and fra all utheris annexatiounes, baith speciall and generall maid thairto att ony tyme heirtofoir, all and sindry the foirsaidis tounes, landis, kirkis, personages, viccarages, advocatiounes, donatiounes, richtis of patronage and utheris unite and comprehendit in the said barronie of Logyfintrey be the saidis twa infeftmentis thairof abovewrittin quhilkis pertenit of befoir to the said abbacie and lordship of Lundoris, to the effect it may be lesum and lawfull to oure soverane lord, be his hienes chartour under the greit seill, to gif, graunt and dispone the samen to the said Maister Williame Forbes in lyfrent and to the said William Forbes, his sone, his airis maill and of taillie abovewrittin, and erect the samyn in ane frie baronie to be callit the barronie of Logiefintray, to be haldin of oure soverane lord and his hienes successoures in fie heritage, frie barrony and blenchferme for payment of the sowme of money, and with the uther priviledges and liberties in maner as the said Maister Williame and his sone hes the samen be the saidis former infeftmentis grauntit to thame thairupoune. Lykeas oure said soverane lord and estaitis of parliament willis, grauntis, declaris and ordanis that the said dissolutioun thairof maid be his majestie of the samene in favouris of the said Patrik, lord Lundoris, fra quhome the said Maister Williame and his sone thair richt thairof proceidis, is and salbe als valed and sufficient as gif infeftment thairof had followit in favouris of the said Patrik, lord Lundoris eftir and conforme to the said act of dissolutioune, notwithstanding that na infeftment thairoff followit thairupoune; quhairanent oure said soverane lord and estaitis off parliament hes dispensit and dispenses for evir. And siclyk, forsamekill as be the saidis infeftmentis abovewrittin the foirsaydis tounes, landis, mylnis, wodis, fischingis and utheris abovewrittin thairin contenit pertening off auld to the said lordschip of Lundoris and regalitie thairof ar dissolvit and seperate fra the said lordship and regalitie and cease to be ony langer ony pairt or portioune thairof, and that the burgh of Newburgh in Fyiff is the heid burgh of the regalitie of Lundoris, quhairatt all horningis, inhibitiounes and utheris lettres and proclamatiounes useit aganes ony persounes dwelling within the boundis of the said regalitie, or upone ony landis lyand thairin, behovit to be usit and execute, and that the foirsaidis landis, tounes, mylnis, wodis, fischeingis and utheris abovewrittin contenit in the saidis infeftmentis off the said barrony of Logiefintrey, quhilkis pertenit of auld to the said lordship and regalitie of Lundoris and now dissolvit and seperatit thairfra as said is, lyis far north and far distant fra the said burgh of Newburgh and hes be the last infeftment thairof abovewrittin ane burgh off baronie erectit thairin within the middis of the samen landis, quairatt the saidis executiounes may be mair convenientlie usit to the greiter weill of all our soverane lordis lieges, less expenses of the pairties usaris thairof and to be soner gottin knawledge of be the persounes aganes quhome the samen ar usit nor gif the samen wer done att the said mercate croce of Newburgh, thairfore, and for the greiter weill and ease of all oure soverane lordis lieges and for dyverse utheris guid respectis, causes and consideratiounes moving his majestie, our soverane lord and the estaitis of this present parliament statutis and ordanis that all executiounes, lettres, summoundis, brevis and utheris proclamatiounes and executiounes to be maid aganes or in favouris of ony persounes dwelling upoune the saidis landis, tounes, mylnis, mylnelandis and utheris abovewrittin contenit in the saidis infeftmentis pertening of auld to the said lordschip and regalitie of Lundoris salbe now and in all tymecumming onlie usit and execute in the said burgh of barronie of Haltoune of Fintray and att the mercat croce thairof and att the courtis of apprysing, service of brevis and utheris courtis sa fer as concernis the saidis landis and utheris abovewrittin pertening of auld to the said lordship and regalitie and now to the said Maister Williame Forbes and his sone, sall sitt and be haldin in the tolbuith of the said burgh of barronie of Haltoun of Fintrey, and the saidis proclamatiounes and executiounes swa to be maid att the said mercat croce of Newburgh and courtis to be haldin, saidis proclamatiounes and executiounes swa to be maid att the said mercat croce of Haltoun of Fintrey, and courtis to be haldin and sentences to be gevin in the tolbuith thairof in all tymecuming to be als effectuall and lawfull as gif the samyn wer done att the croce and in the tolbuith off the said burgh of Newburgh; and declares and ordanes that the persounes dwelling within the boundis of the saidis townes, landis and utheris abovewrittin unite in the said baronie of Logyfintrey pertening of auld to the said lordship and regalitie of Lundoris, and now to the said Maister Williame Forbes and his sone, sall nawayis be haldin to compeir in na courtis of the said regalitie of Lundoris haldin at Newburgh intymecumming, and that na executiounes nor proclamatiounes to be usit aganis thame in tymecumming att the said mercat croce of Newburgh salbe repute nor haldin lawfull, bot the samyn to be done intymecumming att the croce and in the tolbuith of Haltoun of Fintrey sicklyk and als lawfullie as the samen wes done or micht haif bene done in tyme bygane att the said croce and in the said tolbuith of Newburgh. And our soverane lord ordanes his hienes clerk of register and his deputis to amplifie and extend this present ratificatioun upoun the saidis infeftmentis, act of dissolutioune, confirmatioun and utheris abovewrittin and upoune everie particular heid and poynt thairof and utherwayis in maist ampill forme, with extentioun of all clauses necessar in favouris of the said Maister Williame Forbes, his spous and sone and thair foirsaidis.
[1621/6/119]*[print] [email] [cite] [preceding] [following]
Oure soverane lord, with advyse and consent of the estaittis of parliament, and in speciall with advyse and consent of the commissionaris off the haill frie burrowes royall within this realme, gevis and grauntis full and frie libertie, licence and powar to Schir George Hay off Kinfawnis, knicht, clerk off his hienes register, be him selff, his servantis and utheris in his name, to transport and carye ony irone maid be him and his saidis servantis in his name within this realme to any poirt or harbrie off any frie burgh royall, or ony uther place within the samen; to unloade, weigh and dispone upoune the said irone to any persoune quhatsumevir within this realme that they sall think expedient, and that nochtwithstanding off ony privilegis or liberties quhatsumevir formarlie grauntit to the saidis burghes to the contrar heiroff; quhairanent his majestie, with advyse and consent foirsaid, dispensses be thir presentis, provyding alwayis that this present act sall nawayis hurt nor prejudge the liberties and priviledges of the saidis royall burghis in any uther caices and that in regaird they thame selffis haif consentit to this priviledge.
[1621/6/120]*[print] [email] [cite] [preceding] [following]
Oure soverane lord and estaittis of this present parliament ratifies, apprevis and, for his hienes and his successouris, perpetuallie confermis the infeftment grauntit be his majestie under his hienes greit seill, with advyse and consent of his richt traist cousignes and counsallouris David, lord off Scone, comptroller, and Schir Johnne Prestoun of Pennycuke, collectour generall of his majesties new augmentatiounes, to Williame Maxwell of Kirkhous and his airis thairincontenit, off all and haill the landis of Justingleyis, with medoes, pairtis, pendiclis and pertinentis of the samyn, the kirklandis of Kirkpatrik Fleming, extending to ten aikeris of land, togidder with the advocatioun, donatioun and richt off patronage of the kirk and haill viccarage of the paroche kirk of Kirkbene, with the teindis, fruitis, rentis and emolumentis quhatsumevir pertening and belanging to the said viccarage, all lyand within the stewartrie of Kirkcudbricht and schirefdome off Drumfries, as the said infeftment of the date at Quhythall, the tent day of Januar 1607, att mair lenth beiris, in all and sindrie heidis, articlis, clases and conditiounes of the samen, conforme to the tennour thairof in all poyntis.
[1621/6/121]*[print] [email] [cite] [preceding] [following]
Oure soverane lord and estaitis of this present parliament ratifies, apprevis and, for his hienes and his successouris, perpetuallie confermis the chartour under the greit seill of the kingdome off Scotland and heretable infeftment maid and grantit to umquhile Schir James Hay of Kingask, knycht, comptroller of the said kingdome for the tyme, his airis male and assigneyis heritablie and irredimablie off all and haill the heretable office of chalmerlanrie of the erledome and lordschip of Fyiff within the said realme of Scotland, togidder with all and quhatsumevir fies and dewties belanging to the samen office, haill proffittis, priviledges and commodities thairof, and namelie the soume of twa hundreth pundis Scottis money, twa chalderis quheit and twa chalderis beir dew thairfore and for administring and using the said office contenit in the said heritable infeftment yeirlie, to be upliftit and takin up furth of the first and reddiest maillis, fermes, rentis and dewties of the said lordschip and erledome of Fyiff; and als the infeftment heritable of the samen office, fees and dewties maid and grantit to James, viscount of Doncaster, lord Hay of Sawley, heritable proprietar thairof, with all richt, tytill, entres and clame of richt quhilk the said umquhile Schir James Hay of Kingask, knycht, his airis maill and assigneyis or the said James, viscount of Doncaster, or ather of thame, had, hes or onywayis may haif in and to the samen heretable office, fies and dewties thairof, mailles, fermes, proffitis and commodities of the samen, or ather of thame, conforme to thair richtis, titillis and infeftmentis grauntit to thame thairanent, togidder with all and sindry clauses and conditiounes thairof eftir the forme and tennour of the samen in all poyntis; willing, declairing and ordaning the samen ratificatioun, approbatioun and confirmatioun to be als valed and sufficient in all poyntis to the saidis persounes, or any of thame, thair airis and asigneyis respective, as gif the foirsaid erledome and lordschip of Fyiff, with the haill fies and dewties, mailles, fermes, proffittis and commodities of the samen erledome, lordschip and office of chalmerlanrie thairof generallie and particularlie abovemetionat, had bene dewlie and lawfullie dissolvit fra the croun and disponit in parliament to the foirsaidis persounes, or ather of thame respective, thair aires and assignaes provydit in the saidis infeftmentis, richtis and securities efter the forme and tennour thairof in all poyntis; and ordanes lettres of publicatioun to be direct thairupoun in dew and ampill forme.