[1621/6/84]*[print] [email] [cite] [preceding] [following]
Oure soverane lord and estaittis of parliament ratiefies and apprevis the chartour and infeftment grantit be his majestie, with avise of his hienes collectour generall and thesaurer of new augmentatiounes for the tyme, to his majesties trustie and weilbelovit counsellour Schir Richert Cokburne of Clerkingtoun, knicht, keiper of his hienes previe seale, and his airis maill specifit thairin, of all and haill the landis off Clerkingtoun, with the maner places, housis, biggingis, yairdis, orcheartis, coirnemilnes and walk milnes thairoff and all thair pertinentis lyand within the parochin and constabularie of Hadingtoune and schirefdome of Edinburgh, to be haldin off his majestie and his successouris in frie blenche for payment of ane pennie upoun the ground of the saidis landis at the feist of Witsonday yeirlie in name of blenche ferme, gif the samene beis askit allanerlie, nochtwithstanding that the saidis landis wer haldin in fewferme of before, daittit at Roystoun, the nyntene day off Januare, the yeir of God jM vjC and ten yeiris, with the precept and instrument of seasing following thairupoune, togidder with the act of his majesties parliament haldin at Edinburgh, the tuentie third day of October, the yeir of God jM vjC and tuelff yeiris, quhairby his hienes and estaittis ratifiet and approvit the said chartour and infeftment, precept and instrument of seasing following thairupoun, and decernit the said act to be ane sufficient dissolutione for securitie to the said Schir Richert and his foirsaidis of the landis and utheris abovewrittin, to be haldin blensche of his majestie in all tyme cuming in all and sindrie heiddis, articles, clauses and circumstances thairoff; and willis and declairis that this present generall ratificatioune is and salbe als sufficient as giff the saidis chartour, infeftment, precept and instrument of seasing and act wer at lenth worde be worde insert heirintill. And farder, oure said soverane lord and estaittis foisaidis, for the causes specifit in the said act, hes off new dissolvit and, be thir presentis, dissolvis the saidis landis off Clerkingtoune, with the maner places, housis, biggingis, yairdis, orcheartis, cornemilnes and walkmylnes thairoff and all thair partinentis, and als hes dissolvit and, be thir presentis, dissolvis the landis of Spittelrig with the pertinentis fra his majesties croune and fra all actis of annexatioun quhairby the samen ar and have bene annexit to his majesties croun at ony tyme heirtofoir; and specialie fra the act of parliament maid in the moneth of September, the yeir of God jM vC thriescore ellevin yeiris, anent the landis, roumes or possessiounes haldin of freiris or nunnes and fra the generall annexatioun of kirklandis maid in the monethe of Julii, the yeir of God jM vC fourscore sevin yeiris, to the effect the samene may be disponit be his majestie to the said Schir Richerd, his aires maill and assignais, to be haldin of his hienes and his successoures in frie blensche for payment of ane pennye upoun the ground of the saidis landis at the feist off Witsonday yeirlie in name of blensche ferme, gif the samen beis askit allanerlie, nochtwithstanding that the samene landis wer haldin in fewferme of before; and ordanis chartouris and infeftmentis to be past heirupoune to the said Schir Richard and his foirsaidis in sick dew and competent forme as effeiris.
[1621/6/85]*[print] [email] [cite] [preceding] [following]
Oure soverane lord and estaittis of this present parliament, haveing sene and considderit the infeftment maid and gevin be his majestie under his hienes gryit seale off the date the fourtene day off August, the yeir of God jM vjC and threttene yeiris to his hienes trustie and familiare counsellour Schir Robert Melvill of Brunteland, knight, and Dame Jeane Hammiltoune, ladye Ross, his spous, and thair aires mentionat thairin off the toun and landis of Lethame and mylne off Monymaill, with the propertie, superioritie and few fermes off the said toun, landis and mylne, with thair pertinentis, lyand within the schirefdome of Fyiff, and of the landis of Monkismyre, and als of the landis and mure callit Edinismure, with thair pertinentis, and lyikwayes of the maner place of Monymaill, housis, biggingis, yairdis and grenes of the same; as als of the teindschevis and utheris teyndis, fruittis and rentis of the kirk and parochin of Monymaill, personage and viccarage thairoff, and erecting and uneitting all and sindrie the foirsaidis landis, teyndis and utheris above expressit in ane frie temporall baronye callit the baronie of Monymaill; and being ryiplie advysit thairwith, his majestie and estaittis foirsaidis hes ratiefiet and approvin and, be the tennour heiroff, ratiefies and approvis the foirsaid infeftment, dispositioun and erectioun thairin contenit in the haill heiddis, articles, clauses, conditiounes and circumstances quhatsumevir specifit and mentionat in the same and haill contentis thairoff; and decernis and ordanis the generalitie heiroff to be als guid, valide, effectuall and sufficient in the selff as gif the said infeftment wer at lenthe worde be worde insert heirin, dispensand thairanent be thir presentis; and decernis, declairis and ordanis the said Schir Robert and his said spous and thair aires to have full rycht to the saidis landis and baronie, milnes, maner places, orcheartis, yairdis, mures, teyndis and utheris, thair priviledges and pertinentis, to be bruikit and josit be thame efter the forme and tennour of the said infeftment in all poyntis.
[1621/6/86]*[print] [email] [cite] [preceding] [following]
Oure soverane lord and estaittis of this present parliament ratifies and approvis the infeftment made and grantit be his majestie under his hienes gryit seale to his majesties trustie and weilbelovit counsellour Schir George Haye off Kinfawnes, knight, clerk of his hienes register and rollis and ane of his hienes secreit counsell, his airis and assigneyis quhatsumevir heretablie off all and haill the landis and baronie of Kinfawnes, comprehending the landis and utheris eftermentionat, viz: all and haill the landis and lordschip of Kinfawnes and Pitsindie, with the mansioun, maner place, housis, biggingis, yairdis and orcheartis thairoff; Over Kinfawnes and remanent pendicles of the samene; the landis of Guktoun, Tillehow, Ribnow, Haggishall, Murehall, Windie Edge, Over Manis of Pitsindie, Kingiswallis, Pyperis Aiker, with the mylne, mylnelandis, multouris and sequellis thairoff, with all and sindrie thair pairtis, pendicles, cottages, annexis, connexis, dependences and pertinentis of the samene quhatsumevir, with the fischeingis in the water of Taye, tennentis, tenandries and service of frie tennentis and all thair partinentis quhatsumevir lyand within the schirefdome of Pearthe as for the principall; and siclyik all and haill the landis of Carretstoun callit Furdetoun, with the toure, fortalice, maner place, yairdis, orcheartis and all thair pertinentis; the landis of Nethir Carretstoun, with the corne and walk milnes of the samen and thair pertinentis; the landis of Litill Watterstoun, Braklaw and Bollehillok, with tennentis, tenandries, service of frie tennentis, annexis, connexis, pairtis, pendicles and pertinentis of the samene lyand within the schirefdome of Forfare; and that in speciall clause of warrandice and securitie off all and haill the foirsaidis landis and lordschip of Kinfawnes and Pitsindie, with the mansione, maner place, housis, biggingis, yairdis and orcheardis thairoff; Over Kinfawnes and remanent pendicles of the samene; the foirsaidis landis of Guktoun, Tilliehow, Ribnow, Haggishall, Murehall, Windie Edge, Over Manis of Pitsindie, Kingiswallis, Pyperisaiker, with the milne, milnelandis, multouris and sequellis thairoff, with all and sindrie thair pairtis, pendicles, cottages, annexis, connexis, dependences and partinentis of the samene quhatsumevir, with the fischeingis in the said water of Tay, tennentis, tenandries and service of frie tennentis and all thair pertinentis quhatsumevir lyand as said is; and siclyik in speciall clause of warrandice and securitie off all and haill the landis of Craigtoun, with the brewhous, brewlandis and fischeingis of the samene callit Pilgartheuch, Cambuspule and Cruke, with all uther fischeingis in the said water of Taye betuix the wode dyike of Kynnoule and limittes or bounder of the landis of Lytlesegedene in all pairtis within the foirsaidis landis of Craigtoune, with all thair partinentis lyand in the lordchip of Scone and within the said schirrefdome of Pearthe; and siclyik all and haill the heretable office of keiping of the said water of Taye on baithe the syiddes of the water thairoff within the haill boundes of the samene, beginnand at that pairt thairoff callit Drumlaw Sandis to the heid of the said water, with all feyis, casualities, priviledgis and dewties pertening and belanging thairto speciallie mentionat in the said infeftment, all unite, create and incorporat in ane haill and frie baronye callit the baronie of Kinfawnes, to be haldin of his majestie and his successouris in frie heretage and frie barony for evir for payment of the yeirlie dewtie thairin specifit, off the date at Halierudhous, the tuentie day of Julii, the yeir of God jM vjC and tuentie yeiris, with the precept and instrument of seasing following thairupoune, in all and sindrie pointis, articles and clauses thairincontenit efter the formes and tennouris thairoff. Lyik as his majestie and estaittis foirsaidis decernes and declairis that this present ratieficatione and confirmatioun of the said infeftment, with the precept and instrument of seasing following thairupoune, salbe als valide, effectuall and sufficient in all respectis as gif the samene infeftment, precept and instrument of seasing following thairupone wer at lenthe insert in this present act of parliament.
[1621/6/87]*[print] [email] [cite] [preceding] [following]
Oure soverane lord, estaittis and haill bodie of this present parliament ratifies, apprevis and perpetuallie confermis the chartour grantit be his majestie for the causes thairin exprest to his familiare clerk†and trustie counsellour Schir Williame Oliphant of Newithoun, knycht, his hienes advocate, in lyverent for all the dayes of his lyiftyme, and to Maister James Oliphant of Murehous, advocate, before the lordis of counsell and sessioun of the kingdome of Scotland, his aires maill and assignais quhatsumevir in fee heretablie, off all and haill the toun and landis of Kildonyng, with housis, biggingis, toftis, croftis, pairtis, pendicles, outseittis, cottages, prviledgis and commodities thairoff quhatsumevir lyand within the parochin of Fertiveote and schirefdome of Pearthe; and off all and haill the landis of Collindreme and Maw, with the milne of Maw, milnelandis and multouris thairoff lyand within the schirefdome of Fyiff, gevin in speciall warrandice and securitie of ane pairt of the foirsaid toun and landis of Kildoning; and siclyik of all and haill the landis of Baldoneis, with tennentis, tenandries and service of frie tennentis of the samene, pairtis, pendicles and pertinentis thairoff lyand within the schirefdome off Pearthe, quhilkis haill landis speciallie above rehersit, with the salmond fischeing in the water of Erne and commontie in and throw the haill commontie of Forgundenye, with pairtis, pendicles, priviledgis and commodities thairoff, ar erectit in ane haill and frie baronye callit the baronye of Kildoning, and to the said Schir Williame in lyverent and to Maister Williame Oliphant, his secund sone, his aires maill and assigneyis quhatsumevir in fee heretablie off all and haill the halff landis and baronie of Strabrok, with the halff milne thairoff, advocatioune and donatioune off the kirk and chaplanrie of Strabrock, alternatis vicibus, with tennentis, tenandries, service of frie tennentis thairoff and thair partinentis lyand within the schirefdome of Linlithgow, erectit in ane frie baronye callit the barronye off Strabrok Oliphant, quhilk chartour conteanis ane claus de novo damus and is gevin, grantit and disponit to be haldin of oure said soverane lord and his hienes successoures in frie blensche ferme for payment of the blensche ferme dewtie expressit in the samene, with the preceptis and instrumentis of seasing following upoun the said chartour, quhilk is of the date at Newmercate, the fourt day off Februare, the yeir of God jM vjC and auchtene yeiris, in all and sindrie heiddis, poyntis, articles, clauses, circumstances, conditiounes, priviledges, liberties and immunities quhatsumevir conteanit in the foirnamit chartour; and willes, declairis, statutes and ordanis this present ratificatioune to be of als gryit strenthe, force and effect as gif the said chartour, with the preceptis and instrumentis of seasing following thairupoun, haill tennouris and contentis thairoff wer worde be worde at lenthe insert heirin; quhairanent oure said soverane lord and estaittis of parliament dispensis be thir presentis.
[1621/6/88]*[print] [email] [cite] [preceding] [following]
Oure soverane lord and estaittis of this present parliament, respecting and considering the gude, trew and thankfull service done to his majestie be his trustie and weilbelovit counsellour Schir Andro Hammiltoun of Reidhous, knycht, ane of the senatoures of the colledge of justice, in the publict effairis in this realme in tyme bygane, and his majestie and estaittis foirsaidis willing to encourage him and to gif him occasioun to continew in the lyik thankfull service in tyme cuming, thairfore his majestie hes ratiefiet, approvin and confermit and, be the tennour of this present act, with avise and consent of his estaittis and haill bodie of this present parliament, ratiefies, approvis and perpetuallie confermes the chartour and infeftment maid and grantit be his majestie, with avise and consent of his majesties principall thesaurer and comptroller, thesaurer and comptroller depute and of the remanent lordis commissioneris within the said kingdome, under his majesties gryit seale thairoff, of the date at Newmercate in England, the tuentie day off Februar, the yeir of God jM vjC nyntene yeiris, to the said Schir Andro Hammiltoun, his aires maill and assignais quhatsumevir heretablie, off all and haill the landis of Eister Spittell, alias Eister Reidspittell, with the maner place thairoff callit Reidhous, houssis, biggingis, yairdis, orcheartis, toftis, croftis, medowes, outseittis, pairtis, pendicles and pertinentis thairoff quhatsumevir; all and haill that housband land of the landis of Ballincreif callit Wester Bissetleyis; all and haill the halff of the manis of Ballincreiff sumtyme pertening to Johnne Borthuik, portionar off Ballincreif, with the cornemilne biggit be umquhile Frances Borthuik, father to the said Johnne Borthuik, upoun the foirsaid halff of the manis of Ballincreiff, with the multouris and sequellis of the said mylne, with the mansioun, yeardis, doucattis and medowes of the samene, halfis landis and maynes lyand within the lordschip of Ballincreif, constabularie of Hadingtoun and schirefdome of Edinburgh; and als of all and haill the heretable office off bailyerie of all and sindrie the landis, milne and utheris abovewrittin, with the haill liberties, priviledges, casualities and commodities pertening to the said office sua far as concernis the landis, milne and utheris abovespecifit allanerlie, conteaning ane new gift and dispositioune of the foirnamit landis, milne†and utheris abovementionat and heretable office of bailyerie thairoff foirsaid, erecting, creating, uniting and incorporating the samene in ane haill and free barronye to the said Schir Andro, his aires maill and assignais, callit the baronie off Reidspittell, with the precept of seasing under the testimonye of the greit seale and instrument of seasing gevin conforme to the said chartour, and als the lettres of procutorie of resignatioun made and grantit be Robert Trottar, prebender of the prebendarie of Reidspittell, foundit within the colledge kirk of Dunglas, with avise and consent of the provest and remanent prebendaris of the said colledge kirk, and siclyik with speciall avyse and consent of James, earle of Home, lord Dunglas, undouttit patrone of the samene colledge kirk, provestrie and prebendaris thairoff, and of Dame Marie, countes of Home, his mother and tutrix testamentar for hir entres, off all and sindrie the landis of Reidspittell, als Wester Reidspittell, with the maner place, housis, biggingis, yairdis, orcheartis, doucattis, milne, multeris, milnelandis, medowes, pairtis, pendicles and all thair pertinentis, and off all and haill the landis of Coittis, with pairtis, pendicles, annexis, connexis, and all thair pertinentis, quhilkis landis and fewferme dewties thairof wer of before proper pairtis and partinentis of the patrimonie of the said prebendarie of Reidspittell in the handis of the lordis of secreit counsell within the kingdome off Scotland, his majesties commissionaris haveing power and commissioun of his hienes to ressave all resignatiounes in his majesties name, togidder with all rycht, tytill, entres and clame of rycht quhatsumevir quhilkis the saidis prebendar and provest or patrone of the colledge kirk of foirsaid, or any of thame, thair aires or successouris, had, hes or any wayes may have clame or pretend in and to the landis and utheris abovewrittin, propertie or superioritie of the samen or onye pairt thairoff, or to the maillis, fermes, gressumes, rentis, proffittes and dewties of the samene in speciall favouris of the said Schir Andro Hammiltoune of Reidhous, knight, his aires maill and assignais. And to the effect that his majestie may dismember, dissolve and seperate all and sindrie the landis and utheris foirsaidis frome the said prebendarie of Reidspittell and colledge kirk of Dunglass and gif, grant and dispone the samen to the said Schir Andro and his foirsaidis heretablie, to be haldin of his majestie and his successouris in frie blensche for payment of ane pennie money of Scotland upoun the ground of the saidis landis or ony pairt thairoff yeirlie at the feast of Witsonday, gif the samene beis askit allanerlie, off the date the 23, 27, 13, 7 dayis of Marche, Maii, Junii, the yeir of God jM vjC and tuentie ane yeiris instant, with the instrument of resignatioun following thairupoun; and als the band of alienatioun and procuratorie of resignatioune thairin insert, maid and grantit be Johnne, lord Halierudhous off all and haill the teindschevis of the landis callit the Eist Outfeildland of Langniddree, pertening heretablie to the said Schir Andro Hammiltoun, in favouris of the said Schir Andro, his aires maill and assignais foirsaidis, to be haldin of his majestie and his successouris in free blensche for payment of ane pennye usuall money of Scotland yeirlie at the feist of Witsonday, gif the samene beis askit allanerlie, with the instrument of resignatioun following thairupoun, togidder with the chartour under the gryit seall grantit be oure soverane lord to the said Schir Andro Hammiltoune and his foirsaidis off all and sindrie the landis, maner places, milnes and utheris respective and particularlie above expressit, conteaning ane new gift and dispositione and ane new unione and erectioun of the samene in ane haill and frie baronye callit the baronie of Reidhous, with the precept of seasing under the testimonie of the gryit seale gevin conforme to the foirsaid chartour and instrument of seasing following thairupoune in all and sindrie heiddis, clauses, articles, provisiounes, conditiounes and circumstances off the saidis chartouris, procuratories, instrumentis, preceptis and utheris wreatis and evidentis before mentionat, specifit and contenit thairintill, efter the formes, tenouris and contentis thairoff in all poyntis, with all that hes followit or may follow thairupoune. And oure said soverane lord and estaittis foirsaidis decernis, willes and declaires that this present ratificatione is and salbe als gude, valide, effectuall and sufficient in all respectis to the said Schir Andro Hammiltoun and his foirsaidis as gif the samene haill chartouris, procutories, instrumentis and utheris wreatis and evidentis wer at lenth worde be worde insert heirintill and expreslie ratiefiet, nochtwithstanding quhatsumevir actis, statutes, ordinances or constitutione made or to be made in the contrair. Lyikas his majestie and estaittis foirsaidis, be the tennour of this present act, have dismemberit, dissolvit and seperatit and dismemberis, dissolves and seperattis all and haill the saidis landis of Reidspittell, als callit Wester Reidspittell, with the maner place, housis, biggingis, yairdis, orcheartis, doucattis, mylne, mylne landis, multouris, medowes, pairtis, pendicles and all thair pertinentis, and als all and haill the saidis landis of Coittis, with pairtis, pendicles and pertinentis thairoff, quhilkis and fewferme dewties of the samene wer of before proper pairtis and pertinentis of the patrimonie of the said prebendarie of Reidspittell and pertenit thairto before the resignatioun foirsaid frome the said prebendarie of Reidspittell and colledge kirk of Dunglass foirsaid, to the effect the samene landis respective and few dewtie thairoff may be the more effectuallie establischit in the persone of the said Schir Andro and his foirsaidis; and gif neid beis ordanis ane new chartour and infeftment to be made and grantit off the samene to the said Schir Andro Hammiltoun and his foirsaidis under his majesties gryit seale, to be haldin of his hienes and his successoures in frie blenche for payment of ane pennye money of Scotland upoun the ground of the saidis landis or ony pairt thairoff yeirlie at the feast of Witsondaye, gif the samene beis askit allanerlie.
[1621/6/89]*[print] [email] [cite] [preceding] [following]
Oure soverane lord and estaittis of this present parliament ratiefies and apprevis the tua infeftmentis respective eftermentionat, viz: ane of the saidis infeftmentis maid, gevin and grantit be his majestie under his hienes gryit seale to his majesties trustie and weilbelovit familiar servitour Jhonne Murray off Lochmaben, his aires and assignais quhatsumevir heretablie off the landis and barony of Lochmaben, comprehending the landis, baronies and utheris particularlie and generalie efter specifit, viz: the landis and baronie of Lochmaben; the heretable office of custodie and keiping of the castell and fortalice of Lochmaben; the heretable office of the stewartrie of Annandaill; the advocatione, donatione and right of patronage of the paroche kirk of Lochmaben, personage and viccarage thairoff; all and sindrie the teindschevis and utheris teindis, alsueill personage as viccarage, fructis, rentis, emolimentis and dewties quhatsumevir of the paroche kirkis and parochines of Reidkirk and Gratney, with thair pertinentis; the landis and baronye of Arikstane; the advocatione, donatioun and right of patronage of the paroche kirk of Wanfrey, personage and viccarage thairoff; the landis and baronie off Bruchtoun; the castelsted of Faulkland; office of forrestarie of Faulkland and of all woddis, medowes, schawis and deiris thairoff; the office of bigging and uphalding of the saidis wallis, dyikis and pealling of the said medow and woddis with the feyis, casualities, proffittes and dewties pertening and belanging to the said office; all and haill the sex merk land of the manis of Lincluden, the sex merk land of Crochane, alias Carrowchane, with the milne of Staikfurde and certane uther landis quhilkis pertenit of auld to the provestrie of Lincluden; the advocatioun, donatione and rycht of patronage of the paroche kirk of Annand, personage and viccarage thairoff, togidder with certane uther landis, baronies, kirkis, teindis, offices and utheris mentionat in the said infeftment, quhilk is of the date at Quhytehall, the fourt day off Marche, the yeir of God jM vjC and sevintene yeiris; and the uther of the saidis infeftmentis maid, gevin and grantit be his majestie under his hienes great seall to the said Johnne Murraye of Lochmaben, his aires and assignais foirsaidis, off the landis and baronie of Haliewode, comprehending the landis, kirkis, teyndis and utheris particularlie and generalie thairin mentionate, quhilkis pertenit of auld to the abbacie of Haliewode, spiritualitie and temporalitie thairoff, quhilk infeftment is of the date at Quhyithall, the nynt day of Apryill, the yeir of God jM vjC and auchtene yeiris, togidder with the preceptis and instrumentis of seasing following upoun the saidis infeftmentis respective in all and sindrie heiddis, articles, clauses and conditiounes thairin contenit efter the formes and tennouris thairof; and statutes and ordanis this present ratificatione to be als valide, effectuall and sufficient in all respectis as gif the infeftmentis respective above specifit, preceptis and instrumentis of seasing following thairupoun wer at lenth and worde be worde insert heirintill. And farder, oure said soverane lord and estaittis foirsaidis, for the gude, trew and thankfull service done to his majestie be the said Johnne Murraye in attending upone his majesties sacred persone continewally sen his majesties youthe, quhilk service his majestie and estaittis foirsaidis hes tryit and found to have bene verie proffitable to his majestie and to this realme and liegis thairoff and worthie of renumeratione, thairfore his majestie and estaittis foirsaidis hes dissolvit and dissolvis all and sindrie the baronies, offices, kirkis, teyndis, with the advocatiounes, donationes and right of patronages and utheris mentionat and contenit in the saidis tua infeftmentis, and lyikwayes all and sindrie the landis and utheris efterspecifit, viz: the aucht merk land of Hilmanis, with the toure, fortalice, maner place, milne thairoff, milnelandis, multouris and sequellis of the samene; the advocatioun, donatioun and rycht of patronage of the paroche kirk and parochin off Lytle Datoun, personage and viccarge thairoff; the fourtie schilling land of [...]; fourtene aikeris of the aucht merk land off Auldtoun; the tua merk, sex schilling, aucht pennye land in the toun of Ruthvell, with the saltcoittis thairoff; the landis of Kirkstyill; the landis of Raffetlis, Robiequhat and Howchattis; the milne of Mekle Datoun, milnelandis, multouris and sequellis thairoff, with the advocatioun, donatioun and right of patronage of the paroche kirk and parochin of Mekle Datoun, personage and viccarage thairoff; the fourtie schilling land of Copewode; the fourtie s. land of Bengalhill, with thair maner places, housis, biggingis, yairdis, orcheartis, milnes, mylnelandis, multeris and sequellis thairoff, woddis, fischeingis, tennentis, tenandries and service of frie tennentis, annexis, connexis and outseattis, pairtis, pendicles and pertinentis off the samen quhatsumevir lyand within the said stewartrie of Annandaill; the tenementis, housis and yairdis lyand besyid the Brigend of Drumfreis quhilkis pertenit of auld to the sacristeris and prebendaries of the colledge kirk of Lincluden, lyand within the stewartrie of Kirkcudbright; and all and haill the fyve pund land of Traqueir, with the annexis, connexis, pairtes, pendicles and pertinentis thairoff, lyand within the stewartrie of Kirkcudbright, fra his majesties croun and patrimonie thairoff and fra all actis of annexatioun maid be his majestie or his hienes predicessouris quhairby the landis and utheris foirsaidis, or onye pairt thairoff, wer annexit to his majesties croun and fra all abbacies and benefices quhairunto the samene wes annexit or pertenit of before, to the effect his majestie may giff, grant and dispone the samen to the said Johnne Murraye and the aires maill lauchfullie gottin or to be gottin of his awin bodie; quhilkis failyeing, to his aires quhatsumevir lauchfullie gottin or to be gottin of his awin bodie; quhilkis failyeing, to his nerrest and lauchfull aires maill beiring the surname and armes of Murraye and thair assigneyis quhatsumevir heretablie, togidder with all richt, title, interes and clame of right quhilk his majestie, his hienes predicessouris or successouris hade, have or onywayes may have or clame thairto, or ony pairt thairoff, in tyme cuming; to be haldin of his majestie and his successouris in forme and maner as followes, viz: the landis, baronies, kirkis, offices, teyndis and utheris contenit in the saidis tua infeftmentis to be haldin of his majestie and his successouris in forme and maner and for payment of the dewties mentionat in the saidis tua infeftmentis respective, and the remanent particuler landis and utheris abovementionat to be haldin of his majestie and his successouris in frie blenche for the yeirlie payment of the soume of fourtie schillingis at the feast of Witsonday in name of blenche ferme. And als his majestie and estaittis foirsaidis hes exceptit and, be thir presentis, exceptis the rightis and infeftmentis maid and grantit be his majestie to the said Johnne Murray of the advocatioun, donatioun and right of patronages of the foirsaidis kirkis of Lochmaben, Wanfray and Annand, personages and viccarages thairoff, and of all uther kirkis and teyndis mentionat in the saidis infeftmentis fra the act of parliament made in the monethe of Junii, jM vC fourescore threttene yeiris, intitulat 'Anent infeftmentis gevin be his majestie with new right of patronage', and declairis the said act of parliament nawayes to be extendit to the infeftmentis, rightis and tytillis maid be his majestie to the said Johnne Murraye of the saidis kirkis and right of patronages thairoff at anye tyme preceiding the date of thir presentis, bot that the saidis infeftmentis and rychtes made and grantit be his majestie to the said Johnne Murraye off the saidis kirkes and rightis of patronages thairoff ar and salbe als valide, effectuall and sufficient in all respectis as gif the samene had bene made and grantit be his majestie with consent of the titularis thairoff for the tyme; quhairanent his majestie and estaittis foirsaidis dispensses for evir.
[1621/6/90]*[print] [email] [cite] [preceding] [following]
Oure soverane lord, estaittis and haill bodie of this present parliament ratiefies, apprevis and perpetuallie confermes the chartour and infeftment gevin and grantit be his majestie to his hienes trustie and familiar servitour Jhonne Levingstoun off Kynnarde, his aires maill and of tailyie thairin exprest heretablie, off all and haill the landis and baronye of Kynnairde, with castellis, toures, fortalices, maner places, orcheardis, yairdis, milnes, woddis, fischeingis, pairtis, pendicles, annexis, connexis, dependences, advocatioun, donatioun, rycht of patronage and utheris particularlie and generalie specifit and contenit in the said infeftment, with tennentis, tenandries, service of frie tennentis thairoff and all thair pertinentis; and als of all and haill the paroche kirk of Kynnairde, with all and sindrie the teyndschevis and utheris teindis, alsueill personage as viccarage, fruittis, rentis, emolimentis and dewties quhatsumevir of the said paroche kirk and haill parochin thairof lyand within the schirefdome of Pearthe, all erectit in ane frie baronie callit the baronie of Kynnairde; quhilk chartour conteanis ane claus de novo damus and is maide, gevin, grantit and disponit to be haldin of oure said soverane lord and his hienes successoures in taxt warde for payment of the taxt waird dewtie thairin exprest, with the precept and instrument of seasing following upoun the said chartour, quhilk is of the date at Hinchinbrooke, the sext day of December, jM vjC auchtene yeiris, in all and sindrie heiddis, poyntis, articles, clauses, circumstances, conditiounes, priviledgis and immunities quhatsumevir contenit in the foirnamit chartour; and willis, declairis, statutes and ordanis this present ratificatioun to be of als gryit strenth, force and effect as gif the said chartour, with the preceptis and instrumentis of seasing following thairupone, haill tennouris and contentis thairoff war worde be worde at lenthe insert herin; quairanent oure said soverane lord and estaittis of parliament dispensses be thir presentis.
[1621/6/91]*[print] [email] [cite] [preceding] [following]
Oure soverane lord and estaittis of this present parliament, understanding that the landis and leving off Scougall lyand within the lordschip of Tynninghame, schirefdome of Edinburgh and constabularie of Hadingtoun, now pertening heretablie and irredimablie to his hienes† right trustie and weilbelovit servitour Johnne Auchmowtie of Scougall, ane of the gromes of his majesties bedchamber, ar and wer haldin of auld of the archebischopes of Sanctandros and thair successouris in frie blenche for payment yeirlie of the soume of tuentie schillingis usuall money of Scotland at Witsonday and Mertimes be equall portiounes in name of blenche ferme allanerlie, and his majestie and estaittis, considdering that the toure and fortalice of Scougall, haill housis and biggingis thairoff wer brunt be ane suddent fyir be the space of threttie yeiris syne or thairby, be the quhilk fyre the haill chartouris and evidentis for the maist pairt of the saidis landis and leving of Skougall, being within the said toure and fortalice thairoff, wer brunt and distroyit; and his majestie and estaittis being alwayes willing that the want and inlaik of the saidis auld evidentis and wreatis sall infer na hurt nor prejudice to the said Jhonne Auchmowtie, his aires nor successouris, thairfore his hienes and† estaittis foirsaidis hes ratiefiet, approvin and confermit and, be the tennour heiroff, ratiefies, approvis and confermis all and sindrie infeftmentis, chartouris, preceptis, instrumentis of seasing, confirmatiounes, resignatiounes and utheris wreittis, rightis, tytillis and securities quhatsumevir maid and grantit to the said Johnne Auchmowtie of Skowgall, or anye utheris his predicessoures and authoures of the saidis landis and leving of Skowgall, with the toure, fortalice, linkis, cuninghair, doucat, pasturage, pairtis, pendicles and all thair pertinentis be quhatsumevir persoun or persounes in all tyme bygane, in the haill heiddis and conditiounes thairof, and in speciall, but prejudice of the generall ratificatioun foirsaid, his majestie and estaittis ratiefies and apprevis the chartour and infeftment grantit be the right reverend father in God, umquhile George, archebischope of Sanctandros, with consent of the chaptour thairoff for the tyme, to umquhile Johnne Scougall, sumtyme of that Ilk, his aires maill and assignais quhatsumevir heretablie, off all and haill the saidis landis of Skougall, with the toure, fortalice, housis, biggingis, doucatt, yairdis, cunninghair and haill pertinentis, priviledgis and commodities thairoff, alsueill be sey as land within the auld boundes and merchis of the samene, and with libertie in the commoun mure of Tynninghame to pasture goodes and to cast fewall thairupoun, and utheris dewties pertening to the said commountie, with all thair pertinentis, to be haldin of the said umquhile Archebischope off Sanctandros and his successouris in frie blenche for payment of the said soume of tuentie schillingis usuall money of Scotland at Witsonday and Mertimes in name of blenche ferme allanerlie, quhilk infeftment is of the date at Sanctandros, the tuentie fyift day of Apryill, the yeir of God jM vjC and sevin yeiris, togidder with his majesties confirmatioun past thairupoun under the gryit seale off the date the auchtene day off Junii, the yeir of God jM vjC and tuelff yeiris; togidder also with the contract, chartour and infeftment maid and gevin be the said umquhile Johnne Scougall, sumtyme off that Ilk, of the saidis landis and leving of Scougall and utheris foirsaidis to the said Johnne Auchmowtie, his aires† and assignais quhatsumevir heretablie and irredimabill, and with the chartour and infeftment of resignatioune maid and grantit be the said umquhile George, archebischope of Sanctandros to the said Johnne Auchmoutie, his aires and assignais off the saidis landis and leving of Scougall and utheris abovewrittin, with thair pertinentis, proceiding upoun the resignatione of the said umquhile Johnne Scougall of that Ilk, lyikwayis haldand of the said umquhile archebischope and his successouris in frie blenche for payment of the said soume off tuentie schillingis in name of blenche ferme allanerlie, quhilk infeftment of resignatioun is of the date the tuelff day off Junii, the yeir of God jM vjC and threttene yeiris; togidder with the haill instrumentis of seasing and utheris rightis and securities following upoun the saidis infeftmentis respective in the haill heidis, clauses and circumstances thairoff with all that hes followit or may follow thairupon. And his majestie and estaittis declairis, decernis and ordanis that this present ratieficatioune and confirmatione salbe als valide, effectuall and sufficient to the said Johnne Auchmowtie, his aires and successouris for bruiking and joysing of the saidis landis and leving of Scougall with the pertinentis as gif all and sindrie the saidis infeftmentis, chartouris, instrumentis of seasing, contractis, procuratories and utheris rychtes, titles† and securities particularlie and generalie foirsaidis wer speciallie and expreslie insert heirin; anent the quhilk, and all inconvenientis that may follow thairupoun, and with the inlaik and want of the saidis evidentis, his majestie and estaittis foirsaidis hes dispensit and dispensses be thir presentis. And als declares that the want and inlaik of the said old and originall evidentis of the saidis landis salbe no caus of querrelling, annulling and impunging of the said Johnne his present rightis and securities thairoff, bot that the said Johnnes present rychtis and securities of the samene, with the said chartour and infeftment grantit to the said umquhile Johnne Scougall, sumtyme of that Ilk, his authoures thairoff, sall remayne, abyid and be als sufficient to the said Johnne and his foirsaidis as gif the saidis principall and originall evidentis wer extant; and that the said infeftment grantit to the said umquhile Johnne Scowgall, sumtyme of that Ilk, is and salbe fra this tyme furthe repute and haldin the originall infeftment of the saidis landis, and the productioun thairoff sall serve the said Johnne, his aires and successouris in place of the haill auld evidentis and wreatis brunt and destroyed as said is, quhilkis auld brunt evidentis and wreatis the said Johnne nor his foirsaidis sall nawayes be haldin to exhibite nor produce in any judgement at na tyme heirefter.
[1621/6/92]*[print] [email] [cite] [preceding] [following]
Oure soverane lord and estaittis of this present parliament ratiefies, apprevis and confermes the particulare and severall chartoures and infeftmentis underwrittin maid and grantit be his hienes most noble progenitouris under thair gryit seale to and in favouris of the provest, bailyeis, counsell and deacones off craftis and communitie of the burgh off Edinburgh for the tyme and thair successoures for evir, off all and sindrie landis, offices, customes, liberties and utheris particularie thairin conteanit, that is to say: the chartour made and grantit be umquhile Robert, king of Scotland, under his gryit seall to the saidis provest, bailyeis, counsell and communitie of the said burgh of Edinburgh and thair suceessouris off the burgh of Edinburgh, poirt of Leith and pertinentis thairoff, to be haldin of oure soverane lord and his hienes successoures in maner conteanit in the said chartour off the date at Cardros, the tuentie aucht day of Maii, and of his regnne the tuentie fourt; and als the chartour grantit be umquhile King James the Third of famous memorie under the gryit seall to the saidis provest, bailyeis, counsell and communitie of the said burgh of Edinburgh off the office of schirrefschip within the said burgh and liberties thairof, with all and sindrie utheris priviledgis and immunities thairin conteanit, of the date the sextene day of November 1482 yeiris, to be haldin as is thairin contenit; and siclyke the chartour grantit be the said umquhile King James the Third of famous memorie to the saidis provest, bailyeis, counsell and communitie of the said burgh of Edinburgh and thair successoures for evir, off all and sindrie customes of the poirt of Leithe and raid of the samene mair at lenth particularlie insert thairin, to be haldin off his hieghnes and successoures in maner thairin conteanit, of the date the foirsaid sextene day of November 1482; and siclyik ane chartour and infeftment grantit be umquhile Schir Robert Logane of Restalrig, knycht, under his seale to the saidis provest, bailyeis, counsell and communitie of the said burgh of Edinburgh off all and sindrie the passages and wayes leidand to and fra the poirt and harberie of Leithe, conteaning also sindrie utheris liberties, priviledges and immunities thairin contenit, to be haldin in maner thairin specifit off the date the last day off Maii, jM thrie hundereth nyntie aucht; togidder with the chartour of confirmatione maid and grantit be umquhile King James the Fourt of famous memorie under the gryit seale to the saidis provest, bailyeis, counsell and communitie of the said burgh of Edinburgh and thair successouris off the foirsaidis tua chartouris particularlie abovewrittin maid be the said umquhile King James the Third of famous memorie and the said Schir Robert Loganis chartour maid be the said umquhile Schir Robert Logane to the saidis provest, bailyeis, counsell and communitie of the said burgh of Edinburgh and thair successoures, quhilk is of the date at Stirling, the nynt day off Merche 1510; and siclyik the chartour maid and grantit be umquhile King James the Fourt, his hienes grandfather, under his gryit seale to the saidis provest, bailyeis, counsell and communitie of the said burgh of Edinburgh for the tyme and thair successouris, off all and haill the landis and harberie of Newhevin lyand and boundit as is thairin conteined, with the heavin silver, uther proffittis and dewties thairto appertening, with all and sindrie liberties and immunities thairin contenit, to be haldin in maner thairin specifit off the date at Stirling, the nynt day off Marche jM vC and ten; and siclyik ratiefies, approvis and confermis the chartour maid and grantit be his hienes umquhile derrest mother efter hir perfyit aige compleit under the gryit seale to and in favouris of the provest, bailyeis, counsell and deacones of craftis and communitie off the burgh off Edinburgh and thair successoures off all and haill the superioritie of all and haill the toun of Leith, with the pertinentis, alsueill inhabitantis and induellaris within the samene as of the housis, tenementis, annuelrentis, lynkes, orcheartis, proffittes, dewties, services, tennentis, tenandries and service of frie tennentis of the samene and all thair pertinentis, mair at lenth mentionat and sett doun in the said infeftment off the date the fourt day of October 1565 yeiris, to be haldin in maner thairin conteanit in all and sindrie poyntis, passages, heiddis, articles, clauses, conditiounes, priviledgis, liberties and immunities and utheris circumstances quhatsumevir thairin contenit, efter the forme and tenour thairoff. And siclyik oure said soverane lord and estaittis foirsaidis ratiefies and approvis oure soverane lordis lettres under his hienes gryit seale gevin to his umquhile rycht traist counsellour Schir Johnne Maitland of Thirlestane, knight, his majesties chancelar and secretare, makand him and his aires his hienes undouttit cessioneris and assigneyis in and to the lettres of reversioun made be the saidis provest, bailyeis, counsell and communitie of the said burgh of Edinburgh to oure said soverane lord umquhile derrest mother, hir aires and successouris for redemptioun fra thame off the said superioritie of the toun of Leithe annaliet be oure said soverane lord, his derrest mother, under reversione of the soume of ten thousand merkis usuall monie of this realme, as at mair lenth is contenit in the said assignatioune of the date the tuentie sevint day of Julii 1587; togidder with the act of parliament ratifieing and appreving the samene, of the date the tuentie nynt day off the saide monethe of Julii the yeir of God foirsaid; togidder with the renunceatioun of the said reversioun maid be Johnne, lord Thirlstane, sone and air off the said umquhile Schir Johnne Maitland, lord chancelair, with advyse and consent of Schir Richert Cokburne of Clerkingtoun, knycht, his tutour testamentar, in favouris of the saidis provest, bailyeis, counsell, deacones of craftis and communitie of the said burgh of Edinburgh, of the date the 28 day of December 1604 yeiris; togidder with the ratificatioun of the same discharge and renunciatioun of the reversioun maid be the said Jhonne, lord Thirlestane to the saidis provest, bailyeis, counsell, deacones of craftis and communitie of the said burgh of Edinburgh, the 24 of November 1614; togidder with the chartour grantit be his majestie under the gryit seall to the saidis provest, bailyeis, counsell and communitie of the said burgh of Edinburgh of the jurisdictioun of the poirt and harberie of Leithe, with the libertie of the prymgilt to be uplifted for sustentatioun of the pure and decayit marineris within the said toun of Leith, with all and sindrie liberties, priviledgis and immunities thairin conteaned, to be haldin in maner therin conteaned, of the date above writtin. And als ratiefies, approvis and confermes ane chartour grantit be oure said soverane lord under his gryit seale to the saidis provest, bailyeis, counsell and communitie of the said burgh of Edinburgh of all and haill that pairt of the landis of Hieriggis, conteaning ten aikeris of land or thairabout, lyand boundit, conteaning and to be haldin in maner conteanit in the said chartour, of the dait the threttie day off Julii 1618, in all and sindrie passages, heiddis, articles, clauses, conditiounes, priviledgis, immunities and utheris circumstances quhatsumevir conteanit in the chartouris, infeftmentis, actis and utheris particularlie abovespecifit, and everie ane of tham, efter the forme and tennour thairoff. Lyik as his majestie and estaittis foirsaidis statutes and ordanis that this present ratificatioune is and salbe valide, effectuall and sufficient in all respectis as gif the foirsaid haill chartouris, infeftmentis, actis and utheris abovewrittin of the daittis respective abovespecifit wer at lenth worde be worde ingrossit in this present act. And siclyik, his majestie and estaittis foirsaidis willis, grantis, statutes and ordanis that the foirsaidis chartouris, infeftmentis, actis and utheris particularlie abovespecifit and this present ratificatione thairoff ar and salbe goode, valide, effectuall and lauchfull rightis and securities to the saidis provest, bailyeis, counsell and communitie of the said burgh of Edinburgh and there successouris for bruiking and joysing of the said burgh of Edinburgh, mylnes thairoff, poirtis, harberie of Leith and Newhevin, boundis of the samene, wayes and paissages leidand to and fra the samene throwche the boundis of Restalrig, and of the said superioritie of Leithe, and of the said office of schirrefschip and justiciarie of peace within the said burgh of Edinburgh, toun of Leith, poirt of Leithe and Newhevin, and liberties thairoff, and utheris boundis particularlie above expressit, jurisdictioun of the said porte and harberie of Leithe, togidder with the prymgilt to be uplifted to the use foirsaid, and of the saidis ten aikeris of land or thairabout; ordaning the clerk of register and his deputtis to extend ane act of parliament heiron and to insert and ingrose thairintill, ather joyntlie or severallie, the haill chartouris abovespecifit in ample forme. Lyik as his majestie, with the advyse of the estaittis of this present parliament, of new gevis, grantis and disponis to the saidis provest, bailyeis, counsell and communitie of the said burgh of Edinburgh and thair successouris the said burgh, porte and harberie of Leithe and Newhevin, boundes of the same and passages leidand to and fra the samen burgh throw the said landis of Restalrig, and als the said superioritie of Leithe, and als the said office of schirrefschip and justiciarie of peax within the said burgh of Edinburgh, toun of Leithe, poirt of Leith and Newhevin and liberties thairoff and utheris boundis particularlie above expressit, jurisdictioun of the said porte and harberie of Leith, togidder with the prymgilt to be upliftit to the use foirsaid, with the saidis ten aikeris of land with the Hie Riggis, with als ample liberties, priviledgis and immunities as is conteanit in the particular chartouris, infeftmentis, actis and utheris abovespecifit, to be haldin of his majestie and his successouris in maner contenit and expressit in the severall infeftmentis and tytillis abovespecifit. And for thair farder securities, his majestie and estaittis hes dissolvit and dissolvis the saidis haill burgh, poirtis, harberies, offices, prymgilt and ten aikeris of land and utheris particularlie abovespecifit frome his majesties croun and fra all actis of parliament made thairanent, in sa far as the samen or ony pairt thairoff is or may appear to have bene annexit thairto in any tyme bygane, to the effect particularlie abovespecifit; and annullis all and quhatsumevir actis and statutes quhilkis may be prejudiciall or dirogatorie to the premisses, and, gif neid be, ordanis new chartouris and infeftmentis to be exped thairupoun, but prejudice of the haill remanent royall borrowes, thair haill richt, liberties and immunities useit and wount as accordis of the law.
[1621/6/93]*[print] [email] [cite] [preceding] [following]
Oure soverane lord and estaittis of this present parliament ratifeis, approvis and confermes the particular and severall giftis underwrittin maid and grantit be his majestie under his gryit seall to and in favouris of the provest, bailyeis, counsell, deaconis of craftis and communitie of the burgh of Edinburgh for the tyme and thair successoures for evir, off all and sindrie offices, custumes, liberties and utheris particularlie thairin contenit; that is to say: the gift maid and grantit be oure soverane lord under his gryit seale to the provest, bailyeis, counsell and communitie of the said burgh of Edinburgh of beiring ane sworde before the provest of Edinburgh within the liberties of the said burgh, ryding of the merchis of the samine, off the office of justiciaries of peax in maner thairincontenit, and of all and sindrie utheris liberties and immunities thairin specifit, off the date at Quhyithall, the tent day of November, jM vjC and nyne yeiris; and siclyik the gift of justiciarie of peace grantit be oure said soverane lord to the saidis provest, bailyeis, counsell and communitie of the said burgh of Edinburgh within the toun of Edinburgh and Leithe and boundis thairin contenit, of the date at Hamptoun Court, the tuentie nyne day of September, jM vjC and tuelff yeiris; and siclyik the gift grantit be his majestie to the saidis provest, bailyeis, counsell and communitie of the said burgh of Edinburgh of all unlawes, amerciamentis and unlawes† pertening to the office of schirrefschip and justiciarie of peace within the boundis of thair schirrefschip and justiciarie of peace, of the date at Quhyithall, the sevintene day off Apryill, the yeir of God jM vjC and threttene yeiris; and siclyik the lettres of gift grantit be his majestie under the gryit seale to and in favores of the saidis provest, bailyeis, counsell and communitie of the said burgh off Edinburgh and thair successouris off the custome and exsyise of the soume of four pundis usuall money of Scotland of ilk tune of wyne to be toppit, ventit and sauld in smallis within the said burgh, libertie and jurisdictioun thairoff to be upliftit be thame, thair thesaureris, collectouris and utheris in thair names fra the ventineris, topsteris and selleris thairoff in all tyme cuming, off the date at Quhyithall, the tent day of November, the yeir of God jM vjC and nyne yeiris; togidder with the ratificatioun off the said gift and new dispositioune of the said custome and excyse of four pundis of ilk tune of wyne to be toppit, ventit and sauld in smallis within the said burgh, libertie and jurisdictioun thairoff and within the toun of Leithe in all pairtis of the same on the southe syid of the water of Leith, to be upliftit fra the ventineris and topsteris of the said wyne in all tyme cuming, of the date at Hamptoun Courte, the tuentie fyift day of September, the yeir of God jM vjC and tuelf yeiris; and siclyik the gift and priviledge grantit be oure said soverane lord under the quarter seale to the saidis provest, bailyeis, counsell and communitie of the said burgh of Edinburgh and thair successouris of erecting of ane weyhous at the over trone of this burgh, with sindrie liberties, priviledgis and immunities and dewties thairin contenit, of the date at Roystoun, the nynt day of December, jM vjC and ellevin yeiris; and siclyik ratiefies, approvis and confermes the gift made and grantit be oure said soverane lord under his gryit seale to the saidis provest, bailyeis, counsell and communitie of the said burgh of Edinburgh of the jadgerie of salmond, herring and quhyitfische packit and peillit within the kingdome of Scotland, of the date the auchtene day off October, jM vjC auchtene; and siclyik ratifies, approvis and confermes ane gift grantit be oure said soverane lord under his gryit seill to the saidis provest, bailyeis, counsell and communitie of the said burgh of Edinburgh of making of thame oversearis of all warkis and visitouris, seirchearis, aulnagers and sealleris of all cloath, stemming, stuffes and stokkingis maid in thair said burgh, the toun of Leith and schirefdome of Edinburgh in maner conteanit in the said gift, contening dyverse and sindrie utheris liberties, immunities and dewties, of the date the 8 day of Merche 1621, in all and sindrie passis, heiddis, articles, clauses, conditiounes, priviledgis, immunities and utheris circumstances quhatsumevir contenit in the giftis and utheris particularlie abovespecifit, and everie ane of thame, efter the forme and tennour thairoff. Lyik as his majestie and estaittis foirsaidis statutes and ordanis that this present ratificatioune is and salbe als valide, effectuall and sufficient in all respectis as gif the foirsaidis haill giftis and utheris abovewrittin off the daittes respective abovespecifit wer at lenth worde be worde ingrossit in this present act. And siclyik, his majestie and estaittis foirsaidis willes, grantis, statutes and ordanis that the foirsaidis giftis and this present ratieficatioun thairoff ar and salbe guide, valide, effectuall and lauchfull rightis and securities to the saidis provest, bailyeis, counsell and communitie of the said burgh of Edinburgh and thair successoures for bruiking and joising of the particular giftis respective abovespecifit, ordaning the clerk of register and his deputtes to extend ane act of parliament heirupone and to insert and ingrose thairintill, ather joyntlie or severalie, the haill giftis abovespecifit in ampill forme. Lyik as his majestie, with the advyse of the estaittis of this present parliament, off new gevis, grantis and disponis to the saidis provest, bailyeis, counsell and communitie of the said burgh of Edinburgh and thair successouris the particuler giftis conteaning the severall priviledges, liberties and immunities contenit in the samene giftis and utheris abovespecifit, to be haldin of his majestie and his successouris in maner contenit and expressit in the severall giftis abovespecifit. And for thair farder securitie, his majestie and estaittis hes dissolvit and dissolvis the foirsaidis haill giftis and utheris particularlie abovespecifit fra his majesties croun and fra all actis of parliament maid thairanent in sua far as the same, or onye pairt thairoff, is or may appeir to have bene annexit thairto in all tyme bygane, to the effect particularlie abovespecifit; and annulles all and quhatsumevir actis and statutes quhilkis may be prejudiciall or dirogatorie to the premisse, and, gif neid beis, ordanis new giftis to be exped thairupoun, but prejudice to the toun of Abirdene of thair right of the jadgerie and measour off salmond conforme to ane act of secreit counsell conceavit in thair favoures; as also but prejudice to the haill remanent burghis royall within this kingdome of all thair fredomes, priviledges and immunities dew to thame and quhilk they have heirtofoir enjoyed, quhilkis ar nowayes heirby derogate.
[1621/6/94]*[print] [email] [cite] [preceding] [following]
Oure soverane lord and estaittis of this present parliament, considdering that his majestie, with avise of the lordis of his hienes secreit counsell, for the gude and thankfull service done to his hienes and his most noble progenitoures be the provest, bailyeis, counsell and communitie of the burghe of Edinburgh and for the gryit zeale quhilk his majestie cariet to see the youthe tranit up in learning and vertew, gave, grantit and disponit to the saidis provest, bailyeis, counsell and communitie of the said burgh of Edinburgh and thair successoures licience and libertie to erect ane colledge and builde and repair sufficient housis and places for receptione of professoures of humane letteris and toungis of philosophie, theologie, medicine, the lawes and of† all uther liberall sciences, and to erect and chuis sufficient professouris for teiching the saidis professiounes; and to that effect, gave, grantit and disponit to thame and thair successoures the provestrie of the Kirk a Feild with the landis, tenementis, fruittis, possessiounes, rentis, dewties and pertinentis of the same, as at mair lenth is contenit in the chartour and infeftment grantit to theme thairupoune under his hienes gryit seale of the date at Stirling, the fourtene day of Apryill jM vC fourscore tua yeiris. Lyikas, conforme thairto, the saidis provest, bailyeis and counsell of Edinburgh biggit, edifiet and repairit ane gryit ludgeing, togidder with the manse and housis of the said provestrie of the said Kirk of Feild to the use of ane colledge for professioun of philosophie, theologie and humanitie, quhilk colledge hes continewallie sensyne flurischit now be the space of threttie fyve yeiris; and his majestie, schortlie efter the bigging and edifeing of the said colledge, viz: in the moneth of [...] 1584, considdering the saidis provest, bailyeis, counsell and communitie of the said burgh of Edinburgh had bestowit gryit chargis and expenses in erectioun of the said colledge, building of housis and had doted gryit sowmes of money for intertenement off professouris of humanitie, philosophie and theologie within the samene, for instructing of the youthe thairin, gave, grantit and disponit to the saidis provest, bailyeis, counsell and communitie of the said burgh to the use of the said colledge and for sustentatioune off the rectour and regentis within the samene all and haill the archedenerie of Louthiane, conteaning thairin the personage of Currye, with manse, gleib, kirklandis, teindis, fructis, rentis, proffittes and dewties of the samene, as at mair lenth is contenit in the chartour grantit thairupoune off the dait the fourt day off Apryill 1584 yeiris under his hienes grychte seale. Lyik as his majestie, considdering the great chargis and expenses debursit be the saidis provest, bailyeis, counsell and communitie off the said burgh of Edinburgh in erectioun of ane hospitall upoun intertenement of thair ministerie and colledge foirsaid, gave, grantit and disponit to the saidis provest, bailyeis, counsell and communitie of the said burgh of Edinburgh and thair successouris all and haill the provestrie of the Trinitie Colledge, landis, housis, rentis, kirkis, teyndis, utheris fructis, rentis and emolimentis thairto annexit, mair at lenth contentit in the said chartour under his hienes gryit seale off the date the tuentie sext day of Maii 1587 yeiris. Lyik as his majestie, efter his perfyit age of tuentie ane yeiris compleit, be his lettres patentis under his gryit seale, ratiefiet, apprevit and confermit the foirdaidis chartouris off the contentis, daittis respective foirsaid, as at mair lenth is contenit in the chartour of confirmatioun off the samene under his hienes gryit seall off the date the 29 of Julii 1587. Lyik as his majestie, be his new chartour under his hienes gryit seale, off new gave, grantit and disponit to the saidis provest, bailyeis, counsell and communitie off the said burghe of Edinburgh and thair successouris, for intertenement of the said colledge, ministrie and hospitall, all and haill the foirsaid provestrie of the Trinitie Colledge, with utheris certane benefices, kirklandis, teyndis, annuelrentis, tenementis and utheris mair at lenth sett doun in the said chartour and infeftment to be haldin in maner thairin conteaned, quhilk is of the date at Bearvoir Castell, the sevint day off August 1612. Lyik as his majestie, considdering that sindrie and dyerse godlie and wieldisposed persounes hes doted and mortiefied dyerse and sindrie gryit soumes of money to the use of the said colledge and for sutentatioun of professouris of humanitie, theologie and certane bursaris within the same, and his majestie, out off his gratious lufe, affectioun and royall care quhilk he beiris to the grouthe and incres of leirning within this realme, and speciallie within the said burgh of Edinburgh, being his majesties principall toun and burgh within this his kingdome, being maist willing that the formar giftis and particularis grantit thairto be confermit and all farder immunities grantit thairto in als ample forme as any uthair colledge hes or bruikes within this realme, thairfore his majestie, with advyse of the estaittis of the present parliament, ratifies and approvis the foursaidis infeftmentis grantit be his majestie under his hienes gryit seale, togidder with the erectioune of the said gryit ludgeing, manse and hous of the Kirk of Field in ane colledge for professioun of thelolgie, philosophie and humanitie, togidder with the foirsaids mortificatiounes maid be his majestie ather to the use of the colledge or to the use of the ministrie and hospitall of the said burgh, in all and sindrie poyntis, passis, heiddis, articles, conditiounes, pruivledgis, immunities, liberties and utheris circumstances quhatsumevir thairin contenit, efter the forme and tennour thairoff. Lyik as his majestie and estaittis foirsaidis statutes and ordanis that this present ratificatioun is and salbe als valide, effectuall and sufficient in all respectis as giff the forsaidis infeftmentis of the dates respective abovewrittin wer at lenthe and worde be worde ingrossit in this present act. And siclyik his majestie and estaittis foirsaidis willes, grantis, statutes and ordanis that the foirsaidis chartouris and this present ratificatioun of the samene ar and salbe guide, valide, lauchfull and effectuall rightis and securities to the saidis provest, bailyeis, counsell and communitie of the said burgh of Edinburgh and thair successouris for bruiking and joising of the landis, benefices, teindis and for erectioun of the said colledge and all uther priviledgis, liberties and commodities contenit in the saidis chartouris in all tyme cuming efter the forme and tennour thairoff; ordaning the clerk of register and his deputtis to extend ane act off parliament heirupoun and to insert and ingrose thairintill the chartouris abovespecifit in mair ample forme. Lyik as his majestie, off his princelie and royall favour and for gude service done to him be the saidis provest, bailyeis, counsell and communitie of the said burgh of Edinburgh, and for thair further encouragement on repairing and reedifeing off the said colledge and placeing thairin sufficient professoures for teiching of all liberall sciences, ordaning the said colledge in all tyme to cum to be callit King James Colledge, and als with advyse of the saidis estaittis, hes of new agane gevin, grantit and disponit to thame and thair successouris in favoures of the said burgh off Edingurgh, patrones of the said colledge and off the said colledge and of the† rectouris, regentis, bursaris and studentis within the samene, all liberties, fredomes, immunities and priviledgis appertening to ane free colledge, and that in als ample forme and lairge maner as any colldge hes or bruikis within this his majesties realme; and, gif neid beis, ordanis ane new chartour to be exped under his hienes gryit seall for erecting of the said colledge with all liberties, priviledgis and immunities quhilk anye colledge within this realme bruikis, joises or to the samene is knawin to appertene. And for thair farder securitie, his majestie and estaittis hes dissolvit and dissolvis the foirsaids haill giftis and utheris particularlie abovespecifit fra his majesties croun and fra all actis of parliament maid thairanent in sa far as the samene or any pairt thairoff is or may appeir to have bene annexit thairto in tyme bigane to the effect particularlie abovespecifit, and annullis all and quhatsumevir actis and statutes quhilk may be prejudiciall or dirogatorie to the premisse, and, giff neid beis, ordanis new giftis to be exped thairupoun.
[1621/6/95]*[print] [email] [cite] [preceding] [following]
Oure soverane lord and estaittis of parliament, considdering that thair is sum pairtis off the burgh of Edinburgh within the poirtes of the samene quhairoff the inhabitantis and induellaris have in tyme bygane bene repute and haldin parochoneris off the paroches of Sanctcuthbertis Churche and Halierudhous, albeit they duelt within the poirtes and jurisdictioun of the said burgh of Edinburgh, and that be the samene divisoun of the inhabitantis of the said burghe frome the ordinarie paroche churches thairoff thair hes occasioun bene gevin in tyme bygane to many insolencies, the inhabitantis of these pairtis thairoff whiche wer of before of the paroche of Sanctcuthbert and Halierudhous not yeilding thair dew obedience to the ordinarie pastoures of the said burgh, bot resorting in tyme of divyne service and at all uther occasiounes to thair saidis severall paroches outwith the jurisdictioun and poirtes of the said burgh, quhilk hes bred gryit disturbance to the policie and discipline of the churche establischit thair and quhairby thair ensewis also hevie domage and hurt to the burgh off Edinburgh, being the cheiff burgh off the kingdome. For remeid heiroff, oure said soverane lord, with advyse and consent off the estaittis of this present parliament, statutes and ordanis that the inhabitantis within the poirtis off the said burgh of Edinburgh sall in all tyme cuming be subject under the governament of the pastures and sessiounes of the churches of the same burgh and astrictit to the discipline thairoff as ordinarie parochoneris of the samene, and thairfore oure said soverane lord and estaittis off parliament hes dismemberit and disjoyned these pairtis of the foirsaid burgh lyand within the poirtis thairoff and quhilkis wer off before of the saidis parochis off Sanct Cuthbertis churches and Halierudhous fra the samen kirkis and parochines off Sanct Cuthbert and Halierudhous, and unitis, annexis and incorporattis the samene to the paroche kirkis of the foirsaid burgh of Edinburgh, to remayne thairwith as ane pairt of the parochines thairoff. And ordanis and appoyntis the inhabitantis of these pairtis off the said burgh now unite thairto to resorte and repair to the paroche kirkis of Edinburgh to be servit thairat proportionallie as they dwell and ly maist ewest and convenient to the saidis kirkis quhairunto they ar now incorporat as thair awin paroche kirkes; and findes, decernis and declairis that the saidis inhabitantis of these pairtes of the said burghe off Edinburghe, now unite to the parochines thairoff, salbe subject to the ordinarie pastures and discipline of the saidis paroche kirkes off the samene burgh as the rest of the inhabitantis of the samen in all tymes heirefter.
[1621/6/96]*[print] [email] [cite] [preceding] [following]
Oure soverane lord and estaittis of this present parliament findes and declaires that na ratificatioun grantit in this parliament in favoures off the toun of Edinburgh or any burgh within this realme salbe prejudiciall oniewayis to the kingis majesties castellis and palaces and housis and to the landis, rentis and dewties belanging thairto, or to the captanes and keiparis off the saidis castellis and thair servandis, haill priviledgis and immunities presentlie joysit and possesst be thame.
[1621/6/97]*[print] [email] [cite] [preceding] [following]
[...]†
[1621/6/98]*[print] [email] [cite] [preceding] [following]
[...]†
[1621/6/99]*[print] [email] [cite] [preceding] [following]
[...]†