[1621/6/81]*[print] [email] [cite] [preceding] [following]
In presence of my lord commissioner and estaittis of parliament, comperit Schir George Home of Manderstoun, knycht, heretabill proprietar of the landis of Flemingtoun callit Nethir Aytoun, Reidhall, Nather Byre, Bromesland and Gunnisgrene, coirne and walk mylnes and mylnelandis, multoures, pairtis and pertinentis thairoff, with thair teyndschevis includit, the landis of Fairnysyid, with the teyndis thairoff includit, all lyand within the baronie of Coldinghame and schirefdome off Beruick, and protestit that the dissolutioune off the pryourie of Coldinghame, haill landis, kirkis and teindis thairoff maid in this present parliament and erectioun and dispostioune thairoff in favoures of Johnne Stewart, sone to umquhile Frances, sumtyme earle of Bothuell suld nawayes be hurtfull nor prejudiciall to the said Schir George Home of Manderstoun, his infeftmentis, rightis, tytillis and securities maid to him and his predicessoures of the foirsaidis landis and teyndis includit, and to umquhile George, erle of Dunbar, his author of the samen, bot that the samen may remayne to him and thame gude and valide in thame selffis, nochtwithstanding of the said dissolutioune and erectione of the said pryourie made in favouris of the said Johnne Stewart as said is. And siclyik protestit that the foirsaid dissolutione and erectione might nawayes be prejudiciall to ony right or tytle the said Schir George hes to ony utheris landis or teyndis lyand within the said abbacye and baronye of Coldinghame and schirefdome of Beruick, bot that the samene may lyikwayes remayne to him gude and valide in thame selffis, nochtwithstanding of the said dissolutioune and erectione in favouris of the said Johnne Stewart as said is. And the said Johnne Stewart, being present with Maister Lues Stewart, his procuratour, protestit in the contrair.
[1621/6/82]*[print] [email] [cite] [preceding] [following]
I, Schir David Home of Wodderburne, knight, for my selff and in name and behalff of George Home, my sone, protestis that quhatsumevir erectione salbe past and exped in this present parliamet of the lordschip of Coldinghame in favouris of Jhonne Stewart sall nawayes be hurtfull nor prejudiciall to ws and our aires off our infeftmentis, takis and richtis of ony landis, teyndis and possessiounes pertening to ws, bot that the samene sall remayne in the awin full strenthe, force and effect siclyik as giff the said erectione had nevir bene grantit. And the said Johnne Stewart, being present with Maister Lues Stewart, his procuratour, protestit in the contrair.
[1621/6/83]*[print] [email] [cite] [preceding] [following]
In presence of my lord commissioner and estaittis of parliament compeirit Johnne Home of Rentoun, heretable proprietar of the landis of Horsley and Grenewode, with all thair teindis includit, all lyand within the baronie of Coldinghame and schirefdome of Beruick, and protestit that the dissolutioun of the priorie of Coldinghame, haill landis, kirkes and teyndis thairof made in this present parliament and erectioun and dispositioun thairoff in favoures of Johnne Stewart, sone to umquhile Frances, sumtyme erle of Bothuell, suld nawayes be hurtfull nor prejudiciall to the said Johnne Home of Rentoun, his infeftmentis, rightis, tytillis and utheris securities made to him and his prediceisouris of the saidis landis and teyndis includit, and to umquhile George, earle of Dunbar, his author of the samene, bot that the same may remayne to him and thame gude and valide in thame selffis, nochtwithstanding of the said dissolutioun and erectione of the said pryourie made in favouris of the said Johnne Stewart as said is. And the said Johnne Stewart, being present with Maister Lues Stewart, his procuratour, protestit in the contrair.