[1621/6/72]*[print] [email] [cite] [preceding] [following]
Oure soverane lord and estaittis off this present parliament, understanding that ane right reverend father in God, Jhonne, archebischope of Sanctandros, commendater of the abbacie of Kilwynning, with consent of the convent of the said abbacie, be his lettres of dimissioun and procuratorie of resignatioun thairin contenit, subscrivit with his hand of the date the [...] day of [...], the yeir of God jM vjC and [...] yeiris, and be instrument of dimissione and resignatioun following thairupoune of the date the [...] day off [...], for the ressonable causes thairin conteanit, hes dimittit, resignit, renuncit and simpliciter overgevin fra him and his successouris, commendateris of the said abbacie of Kilwinning, to and in favuoures off ane reverend father in God, Andro, bischope off Argyill and his successoures bischopes of the said bischoprik the kirk of Kilmachormuk, personage and viccarage thairoff, advocatioun, donatioun and right of patronage of the same, with all and sindrie teyndis, fructis, rentis, proffittes, emolumentis and dewties quhatsumevir pertening and belanging thairto lyand within the schirefdome of Tarbert, pertening and belanging to the said abbacie of Kilwinning as ane pairt of the patrimonie thairof in the handis of oure soverane lord and his hienes commissionaris in his majesties name, in favoures of the said reverend father in God, Andro, bischope of Ergyill and his successouris bischopes of the said bischoprik, to the effect that the said kirk of Kilmachormuk, personage and viccarage thairoff, advocatioun, donatioun and right of patronage of the same, with all and sindrie teindis, fructis, rentis, proffittes, emolumentis and dewties belanging thairto may be dissolvit and seperat fra the said abbacie of Kilwynning and patrimonie thairoff, quhairunto the samen pertenit and wes unite and annexit off before, and cease to be comptit, repute or haldin ony pairt of the said abbacie or patrimonie thairoff in tyme cuming, and may be unite, annexit and incorporat in and to the said bischoprik of Argyill and patrimonie thairoff, to remane inseperablie thairwith and with the said Andro, bischope of Argyill and his successoures bischopes of the said bischoprik in all tyme cuming, as the saidis lettres off dimissioun and resignatioun and instrument of dimissione and resignatioune following thairupoun in thame selffis respective at mair lenth beiris. Thairfore his majestie and estaittis of parliament ratefies and approvis the saidis lettres off dimissione and resignatione and dimissioun and ressignatioun following thairupoun maid be the said right reverend father in God, Jhonne, archebischope of Sanctandros, with consent of the said convent of the said abbacie, of the said kirk of Kilmachormuk, personage and viccarage thairoff, with all and sindrie teyndis, fructis, rentis, proffittes, emolumentis and dewties quhatsumevir pertening and belanging thairto, in favoures of the said reverend father in God, Andro, bischope of Argyill and his successouris bischopes of the said bischoprik in maner and to the effect abovewrittin, in all and sindrie the heiddis, poyntis, clauses, articles and conditiounes thairoff, and efter the forme and tennour thairoff in all poyntes. And als his majestie and estaittis foirsaidis hes dissolvit and dissolvis the said kirk of Kilmachormuk, personage and viccarage thairoff, with all and sindrie teyndis, fruittis, rentis, emolumentis and dewties pertening and belanging thairto fra the said abbacie of Kilwinning and patrimonie thairoff quhairunto the samen pertenit and wer unite and annexit of before, and unites, annexis and incorporatis the samene kirk, personage and viccarage, with all and sindrie teindis, fruittis, rentis, proffittes, emolimentis and dewties quhatsumevir pertening and balanging thairto in and to the said bischoprik of Argyill and patrimonie thairoff, to remayne inseperablie thairwith; and willes and grantis that the said Andro, bischope of Argyill and his successoures bischopes of the said bischoprik sall bruke, jois and posses the said kirk, haill teindis and fructis of the samene as ane pairt and pertinent of the said bischoprik of Argyill and patrimonye thairoff in all tyme cuming, and gif neid beis ordanis ane infeftment to be exped heirupoun under his hienes gryit seale in favoures of the said Andro, bischope off Argyill and his successoures bischopes of the said bischoprik in dew and competent forme as effeiris. And it is declairit that this present ratificatioun salbe no wayes prejudiciall to the Earle of Eglintounes right quhilk he now hes to the kirk of Kilmachormuk, nor sall nevir be useit or opposit be the Bischope of Argyill to mak his standand right before this act any stronger nor it wes before this act to the Erle of Eglintounes prejudice of his present rightis, quhairunto the Bischope of Argyill, being personalie present, consentit, and ordanis the constent and declaratioune to be insert in the extract of this act, quhilk consent and declaratioun the said bischope, than being present, subscryvit with his awin hand.
[1621/6/73]*[print] [email] [cite] [preceding] [following]
Oure soverane lord and estaittis of parliament ratiefies and approvis the chartour and infeftment made and grantit be his majestie to his† hienes traist cousing Williame, lord Kilmaweris, his aires maill and assignais quhatsumevir heretablie off all and haill the landis of Duntryne, with the pertinentis lyand within the baronie of Kilmarnok and schirefdome of Dunbartene, upoun his awin resignatione, and of the advocatioun, donatione and right of patronage of the kirk of Dreghorne, personage and viccarage thairoff, manse, gleib, housis, biggingis, teindis, fructis, rentis and emolimentis quhatsumevir belanging thairto, as becuming in his majesties handis and at his hienes dispositioun ather be dimissioun maid thairof in his hienes handis be Johnne, archebischope of Sanctandros, commendater of the abbacie of Kilwynning, with consent of the convent thairoff, or be quhatsumevir uther dimissioun maid in his majesties handis of the said kirk of before, or be vertew of quhatsumevir dissolutioun made of the said abbacie of Kilwynning, kirkis, teindis, fructis, rentis, emolimetis, proffittes and dewties of the samene at ony tyme bigane, or be vertew of quhatsumevir uther rycht or title quhairby the said kirk, personage and viccarage thairoff, advocatioun, donatioun and right of patronage, manse, gleib, housis, biggingis, teindis, fructis, rentis and emolimentis of the samene or anye pairt thairoff hade vaikit, fallit and pertenit or micht vaik, fall and pertene to his majestie in maner specifit in the said chartour and infeftment, as the samen of the date at Edinburgh, the tent day off Maii, the yeir of God jM vjC and tuentie yeiris in the selff at mair lenth proportis; togidder with the uther chartour and infeftment made and grantit be his majestie under his hienes greit seale of the date at Quhyithall, the tuentie sext day of Apryill, the yeir of God jM vjC tuentie and ane yeiris, ratiefeand and apprevand the said former chartour and infeftment and of new disponand the saidis landis, advocatioun, donatioun and right of patronage of the said kirk of Dreghorne, als weill personage as viccarage thairoff, manse, glebe, housis, biggingis, teindis, fructis, rentis and emolimentis pertening and belanging thairto to the said Williame, lord Kilmaweris, his aires and assignais foirsaidis, with all rycht quhilk his majestie culd pretend to the samene advocatioun, donatioun and right of patronage ather as being ane pairt of the said abbacie of Kilwynning and dissolvit thairfra, or as being ane severall and distinct personage and viccarage and off auld at his majesties presentatioun, or be quhatsumevir uther maner off way the samene pertenit, pertenis or might pertene to his majestie be the lawes and pratik of this realme, with the precept and instrument of seasing following thairupoun, in all and sindrie heiddis, articles, clauses and circumstances of the saidis chartouris, preceptis and instrumentis of seasing. And his majestie and estaittis foirsaidis willes and declaris that this present generall ratieficatioun is and salbe als sufficient to the said Williame, lord Kilmaweris and his foirsaidis for bruiking and joising of the foirsaid advocation, donatioun and right of patronage of the said kirk of Dreghorne, personage and viccarage thairoff, as giff the samen infeftmentis, preceptis and instrumentis of seasing wer at lenth worde be worde insert heirintill; quhairanent his majestie and estaittis foir saidis hes dispensit and, be thir presentis, dispensses for now and evir. And farder, oure said soverane lord and estatttis of parliament hes dissolvit, dismemberit and seperatit and, be thir presentis, dissolvis, dismemberis and seperatis the said kirk of Dreghorne, advocatioun, donatioun and rycht of patronage of the samen, manse, gleib, housis, biggingis, teindis, fructis, rentis and emolimentis quhatsumevir belanging thairto, togidder with the said viccarage of Dreghorne in sa far as the samen is or may be estemit to have bene ane pairt of the said abbacie of Kilwynning at ony tyme bigane, fra the samene abbacie of Kilwynning and benefice thairoff in all tyme cuming, to the effect that his majestie may dispone the advocatione, donatione and right of patronage off the samene kirk, personage and viccarage thairoff, manse, gleib, housis, biggingis, teindis, fructis, rentis and emolimentis quhatsumevir belanging thairto to the said Williame, lord Kilmaweris, his aires maill and assignais quhatsumevir, to be haldin of his majestie and his successoures in frie blenche for payment of ane Scottis pennye yeirlie†at the feast of Witsonday, gif the samen beis askit allanerly in all tyme cuming; and als willis, grantis, decernis and ordanis that the right of patronage off the said kirk of Dreghorne, personage and viccarage thairoff, in sa far as the samene, or ather of thame, wer severall and distinct benefices of before at his majesties presentatioun salbe at the presentatioun of the said Williame, lord Kilmaweris and his foirsaidis in all tyme cuming, and that nochtwithstanding quhatsumevir actis of parliament maid of before requyring the consent off the titularis, fra the quhilk his majestie and estaittis foirsaidis exceptis the saidis infeftmentis maid and to be made to the said William, lord Kilmaweris and his foirsaidis of the said advocatione, donatioun and right of patronage of the said kirk of Dreghorne, personage and viccarage thairoff, for evir; and ordanis ane new chartour and infeftment gif neid beis to be made and past to the said Williame, lord Kilmaweris and his foirsaidis thairupoune in sick dew forme as effeiris, and that for the lang, gude, trew and thankfull service made and done to his majestie and his maist noble progenitouris be the said Williame, lord Kilmaweris and his predicessouris heirtofore; and it is declairit that this present ratificatioune salbe nawayis prejudiciall to the Earle of Eglintounes right quhilk he now hes to the kirk of Dreghorne, nor sall nevir be opposit or used to mak the Lord Kilmaweris former right stronger nor it wes of before, to the Erle of Eglintounes prejudice of his richtis quhilkis he now hes, and ordanis the Lord Kilmaweris to consent to the abovewrittin declaratioun personalie before the extracting of this act and the samen declaratioun and consent to be insert in the extract of this act be the clerk of register; conforme to the quhilk ordinance the said Lord Kilmaweris hes consentit be his subscriptioun.
[1621/6/74]*[print] [email] [cite] [preceding] [following]
Oure soverane lord and estaittis of this present parliament ratiefies and apprevis the infeftment made and grantit be his majestie under his hienes gryit seall to his hienes right traist cousing Alexander, lord Spynie, his aires maill and assignais quhatsumevir heretablie off all and sindrie the landis and toun of Ballysak, with the maner place, fortalice, housis, biggingis, yairdis, orcheartis, doucate and the tua corne milnes of the samen landis, togidder with the multouris and sequellis of the saidis milnes and uther pairtis, pendicles, outseatis and pertinentis of the saidis landis and milnes respective; all and sindrie the landis of Braidfuttisgardine, with housis, biggingis, yairdis, outseittis and pertinentis of the samene quhatsumevir, with tennentis, tenandries, service of frie tennentis and fewfermes of the saidis landis respective and all thair partis and pertinentis; all and haill the mure adjacent to the saidis landis or besyid the samyne now callit Lindsayes Mure and of auld commonlie callit Douglas Mure and pertinentis of the samene; as also the advocatioun, donatioun and right of patronage of the chaplanrie of Quhyitfeild, with all landis, mansiounes, housis, biggingis, yairdis, teyndis, annuelrentis, proffittes, casualities, priviledgis and utheris dewties pertening or belanging or that ar knawin to partene and belong to the foirsaid chaplanrie of Quhyitfeild and right of patronage thairof; all and sindrie the landis of Murehous, with housis, biggingis, toftis, croftis, pairtis and pertinentis of the samene; all and sindrie the landis of Burnesyid, with housis, biggingis, pairtis, pendicles and pertinentis of the samene lyand within the baronie of Reidcastell, Coghoillis, als Inverkelour, and within the schirefdome of Forfar; and als the advocatioun, donatioune and richt of patronage off all and sindrie the paroche kirkis and benefices underwrittin, to wit: of the deanrie of Murray, comprehending the kirkis of Aulderne and Narne; of the chantorie of Murray, comprehending the kirkis of Alves and Langbryid; of the thesaurarie of Murray, comprehending the kirkis of Kinedwart and Essill; of the chancelarie of Murray, comprehending the kirkis of Kirkmichell, Inverrawin, Knokando, Urquhart and Gleynmoristoun; of the archedenerie of Murray, comprehending the kirkis of Forres and Edinkelyie; of the subdenrie of Murray, comprehending the kirk of Dolles and viccarage of Aulderne; off the subchantorie of Murray, comprehending the kirkis of Raffort and Ardclaich; and off the paroche kirkis, personages and viccarages of Bonoche, Abirloure, Skeirdustane, Advye, Cromdell, Dippill, Ruthven, Inverkeithnye, Lundichtie, Moye, Spynie, Kingusie, Croye and Moye, Uthill, Unthank callit the chaplanrie of Duffus, Bolleskin, Kynnoir, Dumbennan, Botarie, Elchis, Glassessie, Kincardin and Duffus, and siclyik of the kirkis off Alter Alloway, Braaven, Farneway, Lagane, Abirnethie, Edincailyie and Birney, and off all and haill the personages and viccarages of the haill kirkis abovewrittin lyand within the schirefdomes of Elgene, Forres, Narne, Invernes [...] respective, togidder with all and sindrie priviledgis, liberties and commodities pertening or that may be knawin to pertene be the law and consuetude of this realme to the said advocatioun, donatioun and right of patronage of the kirkes abovementionat, personages and viccarages thairoff, all unite, create and incorporat in ane haill and frie lordschip callit the lordschip and baronye of Spynie, to be haldin of his majestie and his successoures in frie blenche, fee heretage, free lordschip and frie barony for evir for the yeirlie payment of the blanche dewtie thairin specifit, off the date the [...] day off [...], with the precept and instrument of seasing following, or to follow thairupoun, in all poyntes, heiddis, articles and clauses thairin contenit efter the formes and tennouris thairoff; and declaris and ordains this present ratificatioun and confirmatioun of the saidis infeftmentis, precept and instrument of seasing following thairupoun to be als valide, effectuall and sufficient in all respectis as gif the samen infeftment, precept and instrument of sesing following thairupoun wer at lenth and worde be worde insert and ingrossit heirintill; quhairanent his majestie and estaittis foirsaidis dispensses for evir. And farder, oure said soverane lord and estaittis abovewrittin declaris, statutes and ordanis that the exceptione of the infeftment maid and grantit be his majestie under his hienes gryit seale to umquhile Alexander, lord Spynie, father to the said Alexander, now lord Spynie, of the patronages of the benefices and kirkes abovementionat fra the act of parliament maid in the moneth of Junii, jM vC fourscoir threttene yearis, intitulat 'Anent infeftmantis gevin be his majestie with new right of patronages', togidder with the foirsaid infeftment grantit be his majestie to the said Alexander, lord Spynie off the advocatione, donatioun and right of patronage off the kirkis and benefices abovewrittin to be als valide, effectuall and sufficient rightis and securities to the said Alexander, lord Spynie and his foirsaidis for bruiking and joising of the heritable right of patronage of the kirkis and benefices abovementionat as gif the samen infeftmentis respective had bene maid and grantit to the said Alexander, lord Spynie and his said umquhile father be his majestie, with consent of the titularis of the saidis benefices and kirkis and of the bischope and cheptour of the cathedrall kirk of Murray for the tyme, nochtwithstanding the act of parliament frome quhilk his majestie and estaittis hes exceptit and exceptis the said infeftment grantit be his majestie to the said Alexander, now lord of Spynie, of the kirkis and benefices abovespecifiet.
[1621/6/75]*[print] [email] [cite] [preceding] [following]
Oure soverane lord and estaittis of this present parliament ratiefies, approvis and perpetuallie confermes the act of dissolutioune maid in his hienes parliament haldin at the burgh off Peirth, the nynt day of Julii, jM vjC and sex yeiris, dissolvand all and haill the landis, lordschip and baronies of Kyillismure and Barmure, with castellis, toures, fortalices, maner places, housis, biggingis, yairdis, orcheartis, milnes, woddis, fischeingis, annexis, connexis, dependences, pairtis, pendicles, tennentis, tenandries, service of frie tennentis thairoff and all thair pertinentis lyand within the bailyerie of Kylestewart and schirefdome of Air fra the act of annexatioun maid at Edinburgh, the tuentie nynt day off Julii, the yeir of God jM vC fourscore sevin yeiris, anent the annexatione of the temporalitie of all benefices within this realme to the patrimonie of his hienes croun; and als dissolvand the paroche kirk of Machlene, personage and viccarage thairoff, lyand as said is, with the haill teindis, fruittis, rentis, proventis and emolumentis pertening thairto fra the abbacie or monasterie of Melros to the effect mentionat in the said act of parliament, togidder with the chartour past under his hienes gryit seall maid and grantit be his majestie, with advyse and consent of umquhile Maister Johnne Prestoun off Penniecuke, collectour generall and thesaurer of his hienes new augmentatiounes for the tyme, to his hienes right traist cousing Hew, lord of Lowdoun and his aires maill thairin specifit, off all and haill the saidis landis, lordschip and baronies of Kyillismure and Barrowmure, with castellis, toures, fortalices, maner places, housis, biggingis, yairdis, orcheartes, milnes, woddis, fischeingis, annexis, connexis, dependences, pairtis, pendicles, tennentis, tenandries, service of frie tennentis thairoff and all thair pertinentis lyand as said is, with all and sindrie teindschevis, utheris teyndis, alsueill personage as viccarage, fruittis, rentis, emolimentis and dewties quhatsumevir of the said paroche kirk of Machlene lyand as said is, contening also ane erectioune of the toun of Machlene in ane frie burgh of baronie, with the precept and instrument of sesing following upoun the said chartour, quhilk chartour is daittit at Grenewitche, the last day of Junii, the yeir of God jM vjC and aucht yeiris, in all and sindrie heiddis, articles, clauses, conditiounes and circumstances quhatsumevir thairin contenit efter the formes and tenouris thairoff, with the haill liberties and priviledgis thairin conteanit; and declairis this present ratificatioun to be als valide, effectuall and sufficient in all respectis as gif the saidis actis of parliament, chartour, precept and instrument of seasing following thairupoun wer at lenth insert in this present act, dispensand with the not inserting thairoff heirin be thir presentis for evir. And lyikwayis findes, decernis and declaris that the foirsaidis landis, lordschip and baronies of Kyillismure and Barrow Mure, with castellis, toures, fortalices, maner places, housis, biggingis, yairdis, orcheartis, mylnes, woddes, fischeingis, annexis, connexis, dependences, pairtis, pendicles, tennentis, tenandries, service of frie tennentis thairoff and all thair partinentis lyand as said is, with the said paroche kirk of Machlene, personage and viccarage thairoff, and haill fructis, rentis, praventis, emolimentis and dewties quhatsumevir pertening thairto, as lauchfullie dissolvit fra the said act of annexatioun and abbacie of Melros be vertew of the said act off dissolutioun made in the foirsaid parliament haldin at Pearthe, the said nynt day off [...], the yeir off God jM vjC and sex yeiris; and that oure said soverane lord, with advyse and consent foirsaid, hes lauchfullie gevin, grantit and disponit to the said Hew, lord of Lowdoun and his foirsaidis all and haill the saidis landis, lordschip and baronies of Kyillismure and Barmure, with the castellis, toures, fortalices, maner places, housis, biggingis, yairdis, orcheartis, milnes, woddis, fischeingis, annexis, connexis, dependences, pairtis, pendicles, tennentis, tenandries, service of frie tennentis thairoff and all thair pertinentis lyand as said is, with the foirsaid paroche kirk of Machline, personage and viccarage thairoff, with the haill fructis, rentis, proventis, emolimentis and dewties quhatsumevir pertening thairto in maner exprest in the foirsaid chartour; and that the act of dissolutioun (gif anye be maid in this present parliament or that salhappin to be maid in onye parliament heirefter) to and in favoures of Thomas, erle of Melros, lord Bynning etc., or of quhatsumevir persoun or persounes, dissolvand the lordschip off Melros with all utheris lordschipis, baronies and kirkis of auld pertening to the said abbacy and monasterie of Melros fra the said act of annexatioun and fra the said abbacie and monasterie of Melros, nor the infeftmentis alreddie maid, nor to be maid to the said Thomas, erle of Melros, nor quhatsumevir uther persoun or persounes thairupone, is not nor sall nawayes be hurtefull nor prejudiciall to the said Hew, lord of Lowdoun, his aires, successoures nor assignais, nor to thair rightis and heretabill infeftmentis maid and grantit to thame be oure said soverane lord in maner before rehersit off the saidis landis, lordschip and baronies of Kyillismure and Barmure, paroche kirk of Machlene, personage and viccarage thairoff, nor to na pairt of the samene; and that the saidis actis of dissolutioun maid or to be maid of the remanent landis, lordschip and utheris foirsaidis quhilkis pertenit of auld to the said abbacie and monasterie of Melros in favoures of the said Thomas, erle of Melros, or of quhatsumevir uther persoun or persounes, is not nor sall nawayes be hurtfull nor prejudiciall to the rightis and securities maid in favoures of the said Hew, lord of Lowdoun and his foirsaidis off the saidis landis, lordschip and baronyes of Kyillismure and Barrowmure, paroche kirk of Machlene, personage and viccarage thairof, nor na pairt of the samene.
[1621/6/76]*[print] [email] [cite] [preceding] [following]
Oure soverane lord and estaittis of parliament ratiefies and apprevis the chartour and infeftment grantit be his majestye to his hienes trustie counsellour David, lord of Scone and to his airis maill and off tailyee specifit thairintill, off all and haill the landis and baronie of Drumduff, comprehending thairintill the particular landis, kirkes, teindis, offices and superiorities at lenth specifit and conteanit in the said infeftment, all unite and annexit in ane haill and frie baronie callit the baronie of Drumduff, to be haldin of his majestie in maner and forme mentionat in the said infeftment, as the samene infeftment of the date at Quhyithall, the tuentie nynt day off Apryill, the yeir of God jM vjC and tuelff yeiris, at mair lenthe beiris, in the haill heiddis, articles, clauses and conditiounes thairin contenit; and willis and grantis that this present ratificatioune salbe als valide and effectuall to the said David, lord of Scone and his foirsaidis as giff the said infeftment de verbo ad verbum wer insert heirintill.
[1621/6/77]*[print] [email] [cite] [preceding] [following]
Oure soverane lord, with advyse and consent of the estaittis of parliament, statutes and ordanis that na ratificatioune off the abbacie of Jedburgh or ony pairt thairoff be exped in favoures off Schir Jhonne Ker of Lytledene, knicht, or his assigneyis till first he have gevin assurance for setting of the laird of Phernehirst in his awin teyndis off Phernehirst, Oxname, Hopkirk, Fewrewll, Over and Nethir Wallis, Over Crailing, Swynesyid and the pertinentis pertening to the said Schir Andro heretablie, in suche maner as the said Schir Andro Ker of Phernehirst and his aires may heirefter enjoye and posses the saidis teyndis for payment to the said Schir Johnne, his airis and assigneyis quhatsumevir off sum ressonable dewtie, and to the ministeris serveing the kirkis quhair the saidis landis lyes lyikwayes sum ressonable dewtie pro rata according to the modificatioun that is alreddie or heirefter salbe maide for stependis to the samyne.
[1621/6/78]*[print] [email] [cite] [preceding] [following]
Oure soverane lord and estaittis of this present parliament ratiefies and apprevis the chartour maid and grantit be his majestie under his hienes gryit seale to his majesties right traist cousing and counsellour David, lord Carnegye of Kynnarde, his aires maill and assigneyis off the landis and baronie off Ferne, comprehending the landis conteanit in the said chartour, with the advocatioun, donatioun and rycht off patronage off the kirk of Ferne, personage and viccarage thairoff, alsueill off all landis lyand of auld within the said parochin of Ferne as of the personage and viccarage off the landis of Waterstoun, with the pertinentis underwrittin, viz: of the manis of Waterstoun, Eister and Wester Hertounes, milne and milnelandis of Waterstoun, Windisoir and Blaklawes mortiefied and annexit to the said kirk, off the date the tuentie tua day off Apryill, jM vjC and nynetene yeiris; the lettres of procuratorie, dispositioun and mortificatioun of the teindis of the saidis landis of Waterstoun, with the pendicles and pertinentis thairoff abovewrittin, to the said kirk off Ferne and to the personage and viccarage thairoff maid and grantit be umquhile Alexander, bischope of Breichin, titular of the personage teindis of the saidis landis, as ane pairt of the patrimonie of the said bischoprik, and be Robert Kinnear, vicare of the said kirk of Breichin, titular of the viccarage teindis of the saidis landis, with consent of the deane, channones and cheptour of the cathredrall kirk off Breichin, off the date in anno jM vjC and ane yeiris, with the chartour of mortificatioune following thairupoun, maid and grantit be his majestie under his hienes gryit seale off the date the fourt day of Junii, jM vjC and sex yeiris, with the preceptis and instrumentis of sasing following upoun the saidis tua chartouris and with all infeftmentis, rightis and tytilles maid and grantit to David Lindsay of Edyell, umquhile Schir David Lindsay of Edyell, knycht, his father, thair predicessoures or authoures of the foirsaid advocatioun, donatioune and right of patronage of the said kirk of Ferne, personage and viccarage thairoff, in all and sindrie poyntis, articles and clauses thairin contenit, efter the formes and tennouris thairoff; and declairis this present ratieficatioun to be als sufficient in all respectis as gif the infeftmentis, rychtes and tytillis abovementionat wer at lenthe insert heirintill, dispensing withe the not inserting thairoff.
[1621/6/79]*[print] [email] [cite] [preceding] [following]
Oure soverane lord and estaittis of this present parliament of the kingdome of Scotland, understanding that albeit Jhonne Stewart, sone lauchfull to umquhile Frances, sumtyme erle Bothuell, wes be the lawes, actis and constitutiounes of this realme dishabilitat and maid unhable to have bruikit and possessit landis, offices and honoures within this kingdome throw or be the occasioun of the foirfaultoures of the said umquhile Frances, his father, quha wes convict and foirfaultit for certane crymes of treasoun and lesemajestie committit be him, nevirtheles it pleasit his majestie of before, out of pitie and commiseratioun had be his majestie to the said Jhonne Stewart as ane persoun altogidder innocent of the saidis crymes, being onlie ane infant the tyme of the committing thairoff, within the age off [...] yeiris, be his majesties lettres of restitutioun and rehabilitatioun under his majesties greit seale, to grant the benefite of restitutioune and rehabilitatione to the said Jhonne Stewart, restoring and rehabilitating him to his gude name and fame and all and sindrie landis, benefices, offices, honoures, dignities and priviledgis quhairofft he wes depryvit and prejudgit be the saidis lawes, actis and constitutiones, as at mair lenth is contenit in the saidis lettres of rehabilitatione and restitutioun, quhilkis ar of the date the [...] day off [...], the yeir of jM vjC and [...] yeiris. And now his majestie, following his naturall clemencie, considdering that the said Jhonne Stewart hes continewallie frome his youthe behaveit him selff as ane trew, luiffing and dewtiefull subject and servand to his majestie, depending altogidder upoun his majesties gracious will and plesour, thairfore oure said soverane lord, with advyse and consent of the haill estaittis and bodie of this present parliament, ratiefies and apprevis the lettres of rehabilitatioun and restitutioun grantit be his majestie under his majesties gryit seale to the said Jhonne Stewart in maner and to the effect aboveswrittin in all and sindrie heiddis, poyntis, clauses and articles thairoff; and decernis and declaires this present ratificatioun to be als valide and sufficent to the said Jhonne Stewart as gif the saidis lettres of rehabilitatioune wer ad longum de verbo in verbum ingrossit and insert heirintill. And farder, oure said soverane lord, withe consent foirsaid, hes retreittit, rescindit, cassit, annullit and, be the tennour heiroff, retreitis, rescindes, casses and annulles now and fra the begynning all and quhatsumevir lawes, actis off parliament, statutes and constitutiounes quhatsumevir made anent the dishabilitatioun off the bairnes and posteritie of the said umquhile Frances, sumtyme erle Bothuell, in sua far as the same may be extendit to the said Johnne Stewart and to the aires lauchfullie gottin or to be gottin of his bodie, and in sua far as thairby the said Johnne Stewart wes in onywayes maid unhable to bruke, use and posses any benefice, landis, roumes, possessiounes, dignities or honoures, togidder with all actis of parliament, decreittis and sentences following upoun the saidis actis off dishabilitatioune for annexing of quhatsumevir landis, baronies or benefices pertening to the said Johnne Stewart, and to the quhilk he wes prowydit to his majesties croun; and speciallie all and quhatsumevir actis of parliament made for annexing of the abbacie of Coldinghame, temporalitie and spiritualitie thairoff, to his majesties croun, maid in the yeir of God jM vC fourescore tuelff yeiris or fourscoir fourtene yeiris, to the quhilk the said Johnne Stewart wes prowydit, declairing the saidis actis and statutes to be and to have bene null and of nane availl fra the begynning, with all rightis, infeftmentis and dispositiounes grantit be his majestie to quhatsumevir persone or persounes following and depending thairupoune in sua far as the same may prejudge the said Johnne Stewart of his right and tytill of the said abbacie and pryourie of Coldinghame, spirtualite and temporalitie thairoff, or of the fruittes, rentis and emolimentis of the same; and that the said nullatie of the saidis actis in generall salbe als sufficient and valide as giff the same actis wer speciallie expressit and insert thairintill, and that the same salbe als weill ressavit be way of exceptioune and reply as be way of actioune. Mairover, oure said soverane lord, with consent of the saidis estaittis, hes ratifiet and approvin and, be the tennour heiroff, ratifes and apprevis all and quhatsumevir giftis and provisiounes grantit be his majestie in favoures of the said Johnne Stewarte of the said priorie of Coldinghame, spiritualitie and temporalitie of the same, in ony tyme bigame be quhatsumevir maner of way, of quhatsumevir date or daitis, tenour or contentis the same be off in all and sindrie heiddis, poyntes, clauses and articles of the same; and decernis and declairis this present ratificatioun to be als valide and sufficient to the said Jhonne Stewart and his foirsaidis as giff the saidis giftis and provisounes wer all at lenth et per expressum de verbo in verbum ingrossit and insert heirintill.
[1621/6/80]*[print] [email] [cite] [preceding] [following]
Oure soverane lord and estaittis of this present parliament, considdering that Johnne Stewart, sone lauchfull to umquhile Frances, sumtyme earle Bothuell, wes lauchfullie prowydit to the benefice of the pryourie of Coldinghame, spiritualitie and temporalitie thairoff, and that his majestie and estaittis foirsaidis in this present parliament hes alreddie restoired the said Johnne Stewart aganis quhatsumevir lawes, actis of parliament, statutes and constitutiounes quhatsumevir made anent the disshabilitatioun of the bairnes and posteritie of umquhile Frances, sumtyme erle Bothuell in sa far as the same may be extendit to the said Johnne Stewart and the aires lauchfullie gottin or to be gottin of his bodie, and in sa far as thairby the said Johnne Stewart wes in anywayes maid unhable to bruke, use and posses the said benefice of the pryourie of Coldinghame or ony uther benefices, landis, roumes, possessiounes, dignities or honoures; lyikas the said Johnne Stewart, be his lettres of procuratorie and dimissione seillit and subscrivit with his hand, and be his procuratouris speciallie constitute for that effect, is to mak lauchfull resignatioune and dimissioun in the handis of oure said soverane lord of the said benefice of the foirsaid pryourie of Coldinghame, with the monasterie and abbaye place of Coldinghame, closter, houssis, biggingis, yairdis, orcheartis, close and haill boundis, commodities and easmentis within the precinct of the same and all thair pertinentis, with the haill landis, baronies, milnes, woddis, fischeingis, kirkis, teyndis, castellis, toures, fortalices, tenementis, annuelrentis, croftis and aikeris pertening to the said pryourie of Coldinghame, alsueill temporalitie as spiritualitie of the same, quhairevir the samene ly within this realme, to the effect that his majestie may dissolve, extinguische and suppres the said pryourie, name and memorie thairoff, and of new erect the samene in ane temporall lordschip and dispone the same heretablie to the said Jhonne Stewart, his aires and assigneyis in dew and competent forme as effeiris, as the said procuratorie and instrument of dimissioun mair fullie proportis. Thairfore his majestie and estaittis foirsaidis hes dissolvit and, be thir presentis, dissolvis fra the said pryourie and monasterie of Coldinghame and fra all and quhatsumevir statutes and actis of parliament quhairby the said pryourie or ony pairt of the samene, spiritualitie or temporalitie thairoff, wes annexit to his majesties croun, all and sindrie landis, barronies, milnes, woddis, fischeingis, tenementis, croftis, aikeris, annuelrentis, castellis, toures, fortalices, maner places, yairdis, orcheardis, kirkis, teindschevis and uther teindis, fructis, rentis, emolimentis, feufermes, kaynes, custumes, casualities, profittes and dewties quhatsumevir, with tennentis, tenandries and service of frie tennentis quhilkis pertenit off auld to the said pryourie of Coldinghame, and quhairoff the commendatouris of the said pryourie hes bene in possessioun in any tyme bygane, quhairevir the same ly within the kingdome of Scotland, and namelie all and haill the maner place of Coldinghame, closter, housis, biggingis, yairdis, orcheartis, clausteris and haill boundis, commodities and easmentis within the precinct of the same, with all thair pertinentis; all and haill the toun and landis of Coldinghame, with the mansiounes, cottages, tenementis, housis, biggingis, yairdis, toftis, croftis, milnes, pairtis, pendicles, outseattis, gress, landis, parkis, annexis, connexis off the same and thair pertinentis; the landis callit Halbank, with thair pertinentis; all and haill the landis of Northfeild, with the loches and teindis of the same includit and all thair pertinentis; all and haill the landis of Fewallis and Sanct Tabbis, with thair pertinentis; all and haill the landis of Steill, with thair pertinentis; all and haill the landis callit Capone Land and Sacristane Croft, with thair pertinentis; the croft of land callit Grevestyill, with thair pertinentis; all and sindrie the landis callit Hawcroft, Armistranges Park and Bea Park, with thair pertinentis; all and haill the landis of Pressis, with thair pertinentis; all and sindrie the landis of Binrig, Floures, Helidand, Hielawes, Mawisbalk and Mawisaiker, with thair pertinentis; all and haill the landis of Blakhill, with thair pertinentis; all and sindrie the landis of Quhyitfeild, eister and wester, with thair pertinentis; all and haill the toun and landis of Eymouthe, with housis, biggingis, yairdis, cottages, tenementis, milnes, multouris, toftis, croftis, pairtis, pendicles of the same and all thair pertinentis; all and haill the toun and landis of Suynewode, with housis, biggingis, toftis, croftis, cottages, milnes, pairtis, pendicles and all ther pertinentis; all and haill the landis of Hilend, with the woddis of the same and thair pertinentis; all and haill the landis of Hunwode, Howlaw and Lambdene, with the maner place, housis, biggingis, yairdis, orcheartis, woddis, milnes, outseittis, pairtis, pendicles and all thair pertinentis; all and sindrie the toun and landis of Rentoun, with the maner place, housis, biggingis, tenementis, cottages, yairdis, orcheartis, woddis, milnes, pairtis, pendicles, outseattis, annexis, connexis of the same and all thair pertinentis; all and haill the toun and landis of Auld Cambus, with housis, bigingis, toftis, croftis, woddis, milnes, pairtis, pendicles and outseattis, annexis, connexis of the same and all thair pertinentis; all and haill the toun and landis of Eister Lummisdene, with the maner place, housis, biggingis, yairdis, toftis, croftis, outseattis, pairtis, pendicles of the samene and all thair pertinentis; all and haill the toun and landis of Auchincraw, with housis, biggingis, milnes, multouris, cottages, partis, pendicles, outseittis, annexis, connexis of the same and thair pertinentis; all and sindrie the landis of Suanfeild and Scheilhopdyikes, with thair pertinentis; all and haill the toun and landis of West Restoun, with housis, biggingis, milnes, multouris, cottages, pairtis, pendicles, outseattis, annexis, connexis of the samene and all thair pertinentis; all and haill the toun and landis off Eistrestoun, with housis, biggingis, milnes, multouris, cottages, pairtes, pendicles, outseittis, annexis, connexis of the samene and all thair pertinentis; all and haill the toun and landis of Aytoun, with toures, fortalices, maner places, housis, biggingis, tenementis, cottages, yairdis, orcheartis, milnes, outseattis, annexis, connexis, pairtes, pendicles of the same and all thair pertinentis; all and haill the manis of Aytoun, with thair pertinentis; all and haill the sey poirtis and havening places of Eymouth and Coldinghame, with all uther poirtes and hevning places within the boundis of the landis respective abovewrittin, with ancorages, custumes, proffittes, commodities and dewties of the same; all and sindrie the landis of Paxtoun, with housis, biggingis, yairdis, toftis, croftis, milnes, outseattis, annexis, connexis, pairtes, pendicles and all thair pertinentis; all and haill the landis of Fischeweik, with the fischeingis of the same upoun the water of Tueid, with housis, biggingis, yairdis, toftis, croftis, milnes, outseatis, annexis, connexis of the same, pairtis, pendicles and all thair pertinentis; all and haill the landis and lordschip of Swyntoun, with the maner place, housis, biggingis, yairdis, orcheartis, toftis, croftis, milnes, outseittis, annexis, connexis, pairtis, pendicles of the same and all thair pertinentis; all and sindrie the landis of Eistnisbite, comprehending the landis and utheris particularlie† efterspecifit, viz: the landis callit the Eistquarter, the landis of Brumedyikis, the landis of Craigiswallis, the landis of Quhytmyre, the landis callit Wolquarter and Maynequarter of Eist Nisbite, with the toure, fortalice, maner place, housis, biggingis, yairdis, orcheartis, milnes, multouris, pairtis, pendicles of all and sindrie the foirsaidis landis, with thair partinentis; all and haill the toun and landis of Eddreme, with the maner place, housis, biggingis, milnes, multouris, outseittis, pairtes, pendicles of the same and all thair partinentis; all and haill the landis of Bromehous, with the maner place, housis, biggingis, tour, fortalice, yairdis, milnes of the samene and all thair partinentis; all and haill the landis of Horsley and Grenewode, with the haill teyndis of the same included; the manis of Fastcastell or Wester Lummisden; Dowlaw; Duddoholme, alias Cauldsyid; Auldtoun; Newithoun, with the mylnes, multouris, fischeingis and haill teyndis of the samene includit; with the castell and maner place of Fastcastell and with all thair pertinentis; the landis of Flemingtoun callit Nethir Aytoune, Reidhall, Nethir Byre, Brumesland and Gunnisgrene, with the corne milne and walkmylne, milnelandis of the same, multouris, pairtis, pendicles and all thair pertinentis, with the haill teyndis of the same includit; the landis of Fairnysyid and teyndis of the same includit; the landis of Lambertoun, with the milnes, pairtis, pendicles, annexis, connexis and pertinentis of the same, with the haill teyndis thairoff includit, all lyand within the schirefdome of Beruick; togidder with all uther landis, croftis, tenementis, aikeris, mylnes, woddis, fischeingis, annuelrentis and utheris quhatsumevir quhilkis pertenit of before to the said pryourie of Coldinghame and temporalitie of the same quhairevir the same ly within the said kingdome of Scotland, with all and sindrie castellis, toures, fortalices, maner places, housis, biggingis, yairdis, orcheartis, doucattis, milnes, woddis, fischeingis, outseattis, pairtis, pendicles, annexis, connexis, tenentis, tenandries and service of frie tennentis, fewfermes, annuelrentis, castell, wairdis, kaynis, customes, casualities and dewties quhatsumevir of all and sindrie the foirsaidis tounes, landis and utheris speciallie and generalie above mentionate, and all thair pertinentis. And siclyik, his majestie and estaittis foirsaidis hes dissolvit and dissolvis all and sindrie the teyndschevis, uther teyndis, fructes, rentis, proventis, emolumentis and dewties, alsueill personage as viccarage, of all and sindrie the paroche kirkis underwrittin pertening to the said abbacie and pryourie of Coldinghame, viz: all and sindrie the teyndschevis and uthair teyndis, personage and viccarage, of the kirk of Coldinghame, the kirk of Aytoun, the kirk of Fischeweik, the kirk of Swyntoun, the kirk of Eddreme, the kirk of Ednem, the kirk of Stitchell, the kirk of Ersiltoun, the kirk of Auldcambus, the kirk of Lambertoun and als all and sindrie the teindschevis and uther teyndis, personage and viccarage, of the landis of Edringtoun with thair pertinentis, with all uther kirkis and teyndis pertening of auld to the said pryourie and abbacie of Coldinghame as spiritualitie thairoff and patrimonie of the said abbacie, and quhairoff the pryouris and commendatouris of the said abbacie and thair conventis hes bene in possessioun, quhairevir the same ly within the said kingdome, fra the said abbacie and monasterie of Coldinghame and first fundatioun and erectioun thairoff, and fra all and quhatsumevir the saidis actis and statutes of parliament quhairby the said pryourie of Coldinghame, landis, kirkes or teyndis of the same, temporalitie or spiritualitie thairoff, wes annexit to his majesties croun in ony tyme bygane; and hes suppressit and extinguischit and, be the tennour of this present act, suppressis and extinguisches the name, title and memorie of the said pryourie for evir, to the effect that his majestie may giff, grant and dispone to the said Johne Stewart, his aires and assignais heretablie all and sindrie the foirsaidis landis, baronies, mylnes, fischeingis, rentis, kaynis, custumes, casualities, castell, wairdis, fewfermes, portis, hevening places, annuelrentis, croftis, aikeris and utheris specialie and generalie abovewrittin, with thair castellis, toures, fortalices, maner places, housis, biggingis, yairdis, orcheartis, doucattis, milnes, woddis,† fischeingis, outseattis, pairtis, pendicles, tennentis, tenandries and service of frie tennentis, fewfermes, annuelrentis, kaynes, custumes, casualities and dewties quhatsumevir, of all and sindrie the foirsaidis townes, landis, baronyes and utheris speciallie and generalie above expremit, and all thair pertinentis, togidder with all and sindrie the foirsaidis teindschevis, uther teindis, fructis, rentis, proventis, emolumentis and dewties of all and sindrie the foirsaidis paroche kirkis and parochines abovementionat, personage and viccarage of the same, and all rycht, tytill, entres and clame of right quhilk his majestie, his predicessouris or successouris had, hes or ony wayes might have, clame or pretend thairto, or to ony pairt of the same be ony maner of waye in tyme cuming; and als to the effect the same may be erectit, unite, create and incorporat in ane haill and frie baronie to be callit now and in all tyme cuming the barony of Coldinghame, ordaning the maner place of Coldinghame to be the principall messuage for taking of seising thairat in all tyme heirefter; and that the said seasing salbe sufficient for all and sindrie the foirsaidis landis, baronies, milnes, multouris, woddis, fischeingis, tenementis, annuelrentis, croftis, aikeris, castellis, toures, fortalices, maner places, housis, biggingis, tennentis, tenandries, service of frie tennentis, kirkis, teyndis and utheris generalie and particularlie abovementionat, without any uther particular seasing to be takin at ony uther place or pairt thairoff, nochtwithstanding that thai ly not contigue togidder, to be haldin of oure said soverane lord and his majesties successouris in frie blensche ferme, fee and heretage for evir; payand thairfore yeirlie the said Johnne Stewart, his aires and assignais foirsaidis to oure said soverane lord and his majesties successouris the soume of tua hundereth merkis guid and usuall money of this realme of Scotland at the feist of Witsonday in name of blensche ferme, gif the same be askit allanerlie; and als payand to the present ministeris serveing the cure at the said kirkis and thair successoures the yeirlie stependis efter rehersit, ilk ane of thame for thair awin pairtes as is efter dewydit at the termes off payment useit and wont, viz: to the minister serveing the cure at the said kirk of Coldinghame, thrie chalderis victuell, halff beir, halff aitmeill, besyid and attour the viccarage of the said kirk; to the minister serveing the cure at the said kirk of Aytoun and kirk of Lambertoun unite and annexit thairto, four chalderis victuell, halff beir, halff mukit land aittis, with the haill viccarages, manse and gleibis of the saidis kirkes; to the minister serveing the cure at the said kirk of Swyntoun, four chalderis victuell, halff beir, half mukkit land aittis, with the haill viccarage, manse and gleib of the said kirk; to the minister serveing the cure at the said kirk of Edreme, four chalderis victuell, halff bair, halff mukkit land aittis, with the haill viccarages of the said kirk; to the ministeris serveing the cure at the said kirk of Ednem yeirlie the soume of fyve hundereth merkis, with the haill viccarage of the said kirk, with sick uther augmentationes and dewties as ar alreddye or sall heirefter be appoyntit be the commissionaris and utheris haveand power of his majestie and estaittis of parliament to that effect. And becaus the said kirk of Stitchell is unite to the kirk of Home, quhilk is ane kirk of Kelso, and the said kirk of Fischewick is unite to the kirk of Hutoun, quhilk is ane kirk of the provestrie of Dunglas, thairfore his majestie and estaittis foirsaidis decernis and declaires that the said Johnne Stewart and his foirsaidis salbe onlie haldin to pay to the saidis ministeris serving the cure at the saidis kirkes the proportionall pairtes of the saidis ministeris stependis efter following, to wit: to the minister serveing the cure at the said kirk of Stitchell and kirk of Home unite thairto, tuentie tua bollis victuell, halff beir, halff mukkit land aittis, and fiftie four pundis money as his proportionall pairt of the soume of ane hundereth merkis money of augmentatioune augmentit for the saidis unite kirkis of Home and Stitchell be the lordis commissioneris of his majesties last parliament, besyid and attour the viccarages, manses and gleibis of the saidis kirkis; and to the minister serveing the cure at the saidis unitit kirkis of Fischeweik and Huttoun, the soume of thrie hundereth merkis money as the proportionall pairt off that yeirlie stepend of sex hundereth merkis money prowydit to the minister serveing the cure at the said unitit kirkes of Fischeweik and Huttoun; and als furnesand the elementis of breid and wyne yeirlie to the celebratioun of the holie communione at the kirkes abovewrittin sua oft as said sall requyre, and relevand the saidis ministeris of all taxatiounes and impositiones quhatsumevir that may be imposit upoun the saidis teindis, fructis and rentis of the saidis kirkes or for repairing of the same in tyme cuming. And ordanis ane infeftment to be past and exped heirupoun to the said Johnne Stewart and his foirsaidis in dew and competent forme as efferis, but prejudice to the Bischope of Dumblane as deane of the chapell royall off his richt to anye dewtie addettit to the chepell royall out of the landis off Coldinghame. And Jhonne Belchis, for the lairdis of Aytoun and Blacader, protestit that the foirsaid act suld not be prejudiciall to thair rightis of anye teyndis or landis pertening to Coldinghame; and the said Johnne Stewart, being present with Maister Lues Stewart, his procuratour, protestit in the contrair. And siclyik Schir George Home, the laird off Wodderburne and the laird of Rentoun gave in thair protestatiounes in wreit, quahiroff the tennoures followes: