[1621/6/6]*[print] [email] [cite] [preceding] [following]
The quhilk day Schir Williame Oliphant of Newithoun, knicht, advocat to his majestie, producit in presens of the haill estaittis than presentlie convenit the commissioun underwritten, under the greit seall, off the date att Outlandis in Ingland, the thrid day of Julii, the yeir of God jM vjC tuentie ane yeiris, off the quhilk commissoun the tennour followes:
Jacobus Dei gracia Magne Britannie Francie et Hibernie rex fideique defensor omnibus probis hominibus suis ad quos presentes litere pervenerint salutem. Sciatis quia parliamentum et conventum ordinum regni nostri Scotie vigesimo tertio die mensis Julii instantis cum continuatione dierum habendum ordinauimus, ubi tam propter gravissima regnorum nostrorum negotia quam mutuam operam principibus exteris deplorato hoc rerum statu prestandam nobis ipsis interesse non dabitur, adeo ut necesse sit absentiam nostram a quodam illustri et generoso in quo honor simul et dignitas enitent suppleri, personamque et authoritatem nostram regiam representari, cumque nobis ex anteactis liquido constat quam singulari prudentia et probata fide preditus fit illustrissimus ac omnium heroicarum virtutum cumulo instructissimus clarissimus et fidelissimus noster consanguineus et consiliarius Jacobus marchio de Hammiltoun comes Arranie et Cambridge, dominus Aven et Inverdaill, quamque idem probe idoneus et aptus sit ad amplissimum et illustrissimum hoc munus pro dignitate abeundum, idcirco designavimus constituimus et ordinavimus tenoreque presentium designamus constituimus et ordinamus dictum illustrissimum Marchionem de Hammiltoune commissionarium et vicegerentem nostrum in dicto parliamento usque quo dictus conventus finem sortietur, volumusque dictum commissionarium regalem nostram personam representare et omnia que ad dignitatem et eutaxiam supreme istius curie necessaria et convenientia videbuntur expedire, presertim in formali processu ad dictam parliamenti curiam affirmandam et inchoandam absentes mulctandum dominos articulorum eligendum, ordinibus dicti regni nostri placita et articulos quoscunque qui ipsi post maturam deliberationem ad Dei immortalis gloriam nostrum et totius reipublice honorem et emolumentum tendere videbuntur exhibendum et proponendum, ac etiam assensum et monarchici nostri sceptri authoritatem interponendum omnibus et singulis istis que is nostro nomine cum consensu dictorum ordinum fieri decreverit et statuerit, ac omnia alia et singula que ad honorern et dignitatem amplius istius muneris conducunt facere, gerere, perpretare firmum atque ratum habentes et habituri quicquid dictum nostrum commissionarium nostro nomine in premissis legitime gerere contigerit. Mandamus insuper et precipimus omnibus et singulis cuiusuis conditionis aut loci subditis nostris ut dictum illuststrissimum Jacobum marchionem de Hammiltoune commissionarium nostrum ac personam nostram representantem tempore dicti parliamenti honorifice ut moris ad locum dicto conventui destinatum deducant et comitentur, omnique alio debito obsequio honore et reverentia afficiant, hancque nostram commissionem validam fore statuimus quandiu dictum nostrum parliamentum durare contigerit nec ultra in cuius rei testimonium presentibus magnum sigillum nostrum apponi precepimus. apud Otelandis tertio die mensis Julii anno Domini millesimo sexcentesimo vigesimo primo regnorumque nostrorum annis quinquagesimo quarto et decimo nono. Sic subscribitur per signaturam manu supremi domini nostri regis suprascriptam. Upoun the productioun and reiding of the quhilk commissioun and fensing of the foirsaid parliament, the said Schir Williame Oliphant, advocat, askit instrumentis.