[A1621/1/1]*[print] [email] [cite] [preceding] [following]
[A1621/1/2]*[print] [email] [cite] [preceding] [following]
†The quhilk day Alexander, erll of Dunf[ermling, lord high chancellor] of Scotland, producit and exhibit unto the [the nobilite and counsaill] presentlie convenit the kingis majesties first mis[sive and propositioun] directit to the lordis of his majesties pre[vie counsaill anent a volun]tair contributioun to be grantit for defen[ce of the Pallatinat, being] the dowrie of his majesteis darrest doght[er and patrimonie of his majesties] grand childrene. As alsua he producit [...] copie of the lettre writtin and directit fra the [nobilitie and counsaill] present for the tyme to his majestie in ansuer to his majesties lettre foirsaid, and in lyke maner he produceit his majesties missive lettre writtin bak agane to the saidis lordis in ansuer to the lettre foirsaid directit to his majestie from his said nobilitie and counsaill. Quhilkis three lettrez being all red in the saidis lordis audience and dewlie considderit be thame, the said lord chanceller proponed to the conventioun the equitie, expediencie and necessitie of his majesties desire. And sindrie of the nobilitie and counsallouris being desirit to delyver thair opinionis, quhilk faithfullie wes done be thame, and after some tyme spent [in this]† way, it wes universallie thoght best that some xij or xiiij of gritest judgement and experience sould conveene upoun the morne thairefter to advyse upoun the best and reddiest meanis to gif unto his majestie most reall contentment. Quhairupoun the lordis chancellair and thesaurair, the archiebisopis of St Androis and Glasgu, the erllis of Angus, Mortoun, Nithisdaill, Roxburgh, the lordis Ogilvie, Scoone, Cranstoun and Carnegie and the bishoppis of Abirdeene and Ross (without excluding suche otheris of the nobilitie as pleises to come) wer nominat and appointit to that effect and thay wer ordanit to reporte thair opinionis to the publict meeting upoun the mourne, the xxvj of this instant.