[1617/5/60]*[print] [email] [cite] [preceding] [following]
Oure soverane lord and estaittis of parliament, haveing at lenth sene and considderit the submissioun maid to his sacred majestie be Williame Crichtoun, sone naturall to umquhile Robert, lord Sanquhair, and his curatoures, and Williame Crichtoun of the Hill, on the ane pairt, and Williame Crichtoun of Ryhill, now styillit Williame, lord Crichtoun of Sanquhare, James Crichtoun of Carco, with consent of his curatouris, and be Maister Alexander Seytoun of Gargunno, on the uther pairt, quhairby all the saidis pairties referrit thame to his majestie anent all rycht, tytill and clame of right quhilk they or ony of thame had or micht pretend to the lordschip and leving of Sanquhair, or to the guidis, geir, takis or teindis and to utheris rightis pertening to the said umquhile Robert, lord Sanquhar; quhilk submissioun is of the daite at Edinburgh, Cannowgate, Sanctandros, Drumlangrig, Sanquhar, Hempisfeild and Mylne of Entirkin respective, the tuentie aucht and penult dayis of Julii, the first, fyift and fourtent of August and fyiftene day of September, the yeir of God jM vjC and threttene yeiris, togidder with the decreit arbitrall gevin and pronuncit be his majestie, quhairby his majestie hes for the causes at lenthe specifit in the said decreit found the reasounes off reduction proponit and alledgit for the pairt off the said Williame, now lord Sanquhare, James Crichtoun of Carco and Maister Alexander Seytoun for reduceing and annulling of the pretendit ordoure of redemptioun useit be the said umquhile Robert, lord Sanquhar, in the monethe of August, the yeir of God jM vC fourescoir and nyntene yeiris, for redemptioun of the said lordschip and leving of Sanquhar fra the said James Crichtoun of Carco and of the declaratoure of redemptioun following thairupone, to be relevant and provin; and thairfore hes decernit the said ordoure of redemptioun with declaratoure thairoff, togidder with all infeftmentis following thairupoun maid to the said umquhile Robert, lord Sanquhare, or maid be him or upoun his resignatioun to quhatsumevir persoun or persounes of the said lordschip and leving of Sanquhare or anye pairt thairoff since the monethe of August, the yeir of God jM vC fourescore nyntene yeiris; and namelie the infeftment, precept and instrument of seasing grantit be his majestie to David Crichtoun of Lugtoun upoun the resignatioun of the said umquhile Robert, lord Sanquhar, proceiding, with the procutorie and instrument of resignatioun quhairupoun the samen dependit, togidder with the pretendit procutorie and instrument of resignatione of the said lordschip and leving maid be the said David Crichtoun of Lugtoun in his majesties handis to and in favoures of the said umquhile Robert, lord Sanquhare and for new infeftment to be gevin to him and to the airis maill lauchfullie to be gottin of his bodie, quhilkis failyeing, to the said Williame Crichtoun, his sone naturall, with his majesties infeftment, precept and instrument of seasing grantit conforme thairto and new infeftment thairin conteanit, to be null, invalide and ineffectuall in thame selffis with all that hes followit or may follow thairupoun, as in the said decreit arbitrall conteaning dyvers utheris heidis, articles and conditiounes of the daite at Theobaldis, the secund day of Maii, the yeir of God jM vjC and fourtene yearis at mair lenth is conteanit. Quhilk decreit, efter the pronunceing thairoff be his majestie, togidder with the said submissioun, quhilk is the warrand of the samyne, wes not onlie registrat be his majesties expres warrand direct to his majesties advocate to that effect and be consent of procutoures compeirand for the saidis haill pairties submittaris in the bookis of his majestyes counsell upoun the auchtene day off Maii, the yeir of God jM vjC and fouretene yeiris, bot also be expres warrand gevin be his majestie to Alexander, earle of Dumfermeling, his majesties chancelar, the extract of the saidis lordis decreit of registeratioun wes ordanit to be gevin furth and extractit to the saidis pairties under his majesties gryit seall. And his majestye, efter the reiding and consideratioun of the said submissioun and decreit, haveing at gryit lenth exponit in presence of the haill thrie estaittis the maist just, ressonable and wechtye causes and argumentis foundit baith upoun law, equitie and conscience, quhairby his majestie wes moved to decyid and determine in favoures of the said Williame, lord Sanquhare and his saidis colligis in maner conteaned in the said decreit, quhilkis the saidis thrie estaittis all in ane voce acknawledgit to be most just, lauchfull and equitabill, thairfore his majestie and thrie estaittis hes ratefiet and approvin and be thir presentis ratefies and apprevis the said decreit arbitrall togidder with the said decreit of the lordis of counsall interponit thairto, to the quhilk his majestyes gryit seall is ordanit to be appendit for gryiter solemnitie as said is, in the haill heiddis, articles and clauses thairoff, quhilkis his majestie and estaittis haldis as heirin expressed, and findis and declairis the said decreit to be maist ordourelie, justlie and lauchfullie gevin and to be aggreable to the foirsaid submissioun in all poyntes.
[1617/5/61]*[print] [email] [cite] [preceding] [following]
Oure soverane lord and estaittis of this present parliament ratifies and apprevis the infeftment made and grantit be his majestie, with consent of his hienes officeris off estaitt and commissioneris of the kingdome of Scotland, to his hienes traist cousing and counselloure Thomas, lord Bynning, secretare to his majestye and president of his hienes colledge of justice of the samen kingdome, and his airis maill lauchfullie gottin or to be gottin of his awin bodie, quhilkis failyeing, to his nerrest and lauchfull airis maill quhatsumevir beiring the surname of Hammiltoun, off all and haill the lordschip and baronye of Bynning, comprehending the baronyes of Byires, Dummanye, Inverkeithing, castellis, toures, fortalices, mylnes, woddis, fischeingis, coillis, coilheuchis, sey poirtis, burghis, annuelrentis and utheris particularlie mentionat and sett doun in the said infeftment, with all thair pairtis, pendicles and pertinentis quhilkis ar thairby unite, create and incorporat in ane haill and frie lordschip and baronye callit the lordschip and baronye of Bynning as said is, to be haldin of oure said soverane lord and his successoures in maner and for payment of the yearelie dewties thairin exprest of the date at Roystoun, the fourtene day of October, the yeir of God jM vjC sextene yeiris, in all and sindrie heiddis, articles, clauses and conditiounes quhatsumevir thairin contenit, with the precept and instrument of seasing following thairupoun. Lyik as his majestye and estaittis foirsaidis willis, decernis and declaires that this present ratificatioun is and salbe als valide, effectuall and sufficient in all respectis as gif the said infeftment, precept and instrument of seasing following thairupoun wer at lenth insert and ingrossed in this present act de verbo ad verbum.
[1617/5/62]*[print] [email] [cite] [preceding] [following]
Oure soverane lord and estaittis of this present parliament ratefies and apprevis the infeftment made and granted be his majestie, with consent of his hienes officeris of estate and commissioneris of this realme of Scotland, to his hienes traist cowsigne and counsellor Thomas, lord Bynning, secretare to his majestie and president of his hienes colledge of justice of the samyne kingdome, his airis maill and successoures heretablie, off all and sindrie the tempill landis and tempill tenementis pertening of before to James, lord Torphechin in propertye or tenandrye quhairevir the same ly within the said kingdome off Scotland, alsueill within burgh as without burgh in landwairt, with castellis, toures, fortalices, maner places, houses, biggingis, yairdis, orcheardis, mylnes, woddis, fischeingis, teyndis, alsueill personage as viccarage, of the samen landis, tennentis, tenandries, service of frie tennentis, annexis, connexis, dependences and all and sindrie priviledgis, liberties, immunities and pertinentis off the samen specifit in the said infeftment, except as is thairin exceptit, to be haldin of oure said soverane lord and his successoures in frie blenche for payment of ane pennie yeirlie at the feast of Witsonday in name of blenche ferme, giff it beis askit, allanerlie, off the date at Roystoun, the threttene day off October, the yeir of God jM vjC and fouretene yearis, in all and sindrie headis, articles, clauses and conditiounes quhatsumevir thairin conteanit, with the precept and instrument of seasing following thairupoun. Lyik as his majestie and estaittis foirsaidis willis, decernis and declairis that this present ratificatioun is and salbe als valide, effectuall and suffcient in all respectis as gif the said infeftment, precept and instrument of seasing following thairupoun wer at lenthe insert and ingrossed in this present [act] de verbo ad verbum.
[1617/5/63]*[print] [email] [cite] [preceding] [following]
Oure soverane lord and estaittis off this present parliament, haveing sene and considderit the infeftment maid and gevin be his majestie, for his hienes selff and as father and lauchfull administratour to his majesties derrest sone, the prince and stewart of Scotland, under his hienes gryit seall off the date the auchtene day of Januare, the yeir of God jM vC fourscore auchtene yearis, to his hienes right traist cousing Walter, lord off Blantyre, his airis maill and assigneyis heretablie, off all and haill the landis and baronye of Blantyre, comprehending thairin the landis, mylnes, woddis, fischeingis, advocatioun, donatioun and richt of patronages and utheris particularlie and generallie specifit and contenit in the said infeftment, with thair pairtis, pendicles and pertinentis quhatsumevir; and als the infeftment maid and gevin be his majestie, for his hienes selff and as father and lauchfull administratoure to his majesties derrest sone, the prince and stewart of Scotland, under his hienes gryit seall off the date the tuelff day off August, the yeir of God jM vjC and fyiftene yearis, to Williame, maister off Blantyre and Helene Scott, his future spous, and thair airis†mentionat thairin, off the foirsaidis landis and baronye of Blantyre, comprehending thairin the landis, mylnis, woddis, fischeingis, advocatioun, donatioun and right of patronages and utheris particularlie and generallie specifit and contenit in the said infeftment, with thair pairtis, pendicles and pertinentis quhatsumevir; and lyikwayis the infeftment maid and gevin be his majestie under his hienes gryit seall off the date the tuentie day of Junii, the yeir of God jM vjC and sextene yearis, to the saidis Williame, maister of Blantyre and Dame Helene Scott, his spous, and thair airis maill specifit thairin, off all and haill ane merk land of auld extent off Blantyre Craig, and of all and haill the place or mansioun callit the Craig of Blantyre, with houses, biggingis, yairdis, orcheartis, parkis, medowes, woddis, fischeingis, pairtis, pendicles and pertinentis thairof, lyand within the baronie of Blantyre and schirrefdome off Lanark; and being ryiplie advyisit thairwith, his majestie and estaittis foirsaidis hes ratiefied and approvin and be the tennour heiroff ratifies and approvis the foirsaidis infeftmentis and ilkane of thame in the haill heiddis, articles, clauses, conditiounes and circumstances quhatsumevir specifit and conteaned thairin and haill contentis thairoff, decerning and ordaning the generalitie heiroff to be als guid, valide and effectuall in all respectis as gif the haill foirsaidis infeftmentis respective wer at lenth worde be worde insert heirin, dispensand thairanent be thir presentis, and declairing the said Williame, now lord off Blantyre and his said spous and thair aires to have the undoubted right to the haill foirsaidis landis, baronyes, mylnis, woddis, fischeingis, maner places, advocatiounes, donatiounes and richt of patronages and utheris particularlie and generallie specifit and exprest in the foirsaidis thrie infeftmentis, and ilkane of thame with all thair pairtis, pendicles and pertinentis quhatsumevir in all tymes cuming, to be bruikit and joysit be thame efter the forme and tennour of the saidis infeftmentis respective in all poyntis.
[1617/5/64]*[print] [email] [cite] [preceding] [following]
Oure soverane lord and estaittis of this present parliament ratifies and approvis the tua infeftmentis respective underwrittin: the ane thairoff maid and grantit be his majestie under his hienes gryit seall to his majesties trustie and weilbeloved counsellor Schir Gedeone Murray of Elibank, knight, his hienes thesaurer, comptroller, collectour and thesaurer of the new† augmentationes depute be his majestie, and ane of the lordis of his majestyes previe counsell and sessioun of the kingdome of Scotland, and to the airis maill lauchfullie gottin, or to be gottin, of his awin bodye, quhilkis failyeing, to his nerrest and lauchfull airis maill beirand the surname and armes of Murray and assigneyis quhatsumevir heretablie off all and haill the tenandrie of Elibank, comprehending the landis and utheris efterspecifit, viz: all and haill the landis of Elibank, alias Elieburne, with the maner place, houses, biggingis, pairtis and pendicles of the samen, all and haill the landis and place of Glenpoit, with tennentis, tenandries, service of frie tennentis thairoff, all and haill the eister halff of the landis and place of Ploro, with tennentis, tenandries, service of frie tennentis thairoff, pairtis, pendicles and pertinentis of the samen, and landis of Hamlote callit Preistishope, with all and sindrie pairtis, pendicles and pertinentis of the samen lyand in the wairde of Tueid within the lordschip of the Forrest of Ettrik and schirrefdome of Selkirk, to be haldin of oure said soverane lord and his successoures in fewferme for payment of the fewmaillis and dewties mentionat in the said infeftment; quhairby the mariages of the aires of the said Schir Gedeoun and proffittis thairof ar taxt and disponit to thame for payment to his majestie and his successoures of the soume off ane hundereth pundis monie of the said realme of Scotland als oft and sa oft as the samen sall happin to fall in the handis of his majestie or his hienes successoures off the date† at Linlithgow, the tuentye nynt day off September, the yeir of God jM vjC and ane yeiris; and the uther of the saidis infeftmentis maid and grantit be his majestie under his hienes gryit seall to the said Schir Gedeone Murraye, his airis maill and assignais quhatsumevir heritablie, off all and haill the baronye off Ballincreif comprehending the landis and utheris efterspecifit, viz: all and haill these foure housband landis of Ballincreif sumtyme occupiet be umquhile Adame Nisbite, and als ane husband land lyand thair sumtyme occupiet be umquhile James Newtoun, thrie quarteris or thrie fourte pairtis of ane husband land in Ballincreif of auld occupiet be umquhile Elizabeth Sinclair, with the doucatt, yaird and houses biggit before the yaird on the southe with the aiker behind the yaird callit the Doucat Aiker on the northe, all and haill tuentie aucht cottage aikeris of the toun of Ballincreif with the mylne of Ballincreif, thirle multeris and suckin thairoff, and of the haill lordschip, toun, manis and landis of Ballincreif, Gosfurde and Spittell, with castellis, toures, fortalices, maner places, houses, biggingis, pairtis, pendicles, tennentis, tenandries, service of frie tennentis thairoff, togidder with the office of bailyerie of the same, with all utheris rightis, priviledgis, proffittis and dewties pertening and belanging thairto, all and haill ane husband land of these tua husband landis callit Rewingstounislandis, with the pertinentis, as also ane tua mark, four schilling, sex penny land of the uther husband land callit as is abovewrittin, with houses, biggingis, pairtis and pendicles thairof, and siclyik all and haill the landis of Ballincreif callit the ten pund land, with houses, biggingis, yairdis, outseittis, cottages, pairtis, pendicles and pertinentis of the same quhatsumevir, all and haill ane husband land of the tua husband landis commonlie callit Myretoun, with houses, biggingis, outseattis, toftis, croftis, pairtis, pendicles and pertinentis of the samen, ane husband land sumtyme occupiet be James Tailyeour in Drem, eldest lauchfull† sone to Alexander Tailyeour in Mungoiswallis, all and haill these four husband landis and brewlandis in Ballincreif, with houses, biggingis, yairdis, doucat, pairtis, pendicles and all thair pertinentis sumtyme occupiet and possessit be Alexander Richartsoun, brother germane to Schir James Richartsoun off Smetoun, knicht, and his subtennentis, all and haill that pece of land in Ballincreif callit the halff merk land with the pertinentis sumtyme occupiet and possessit be umquhile Schir Johnne Murray of Eddlestoun, knight, and his subtennentis, lyand in the territorie and lordschip of Ballincreif within the constabularie off Hadingtoun and schirefdome off Edinburgh, and siclyik all and haill the landis of Power How, alias Proro, and that pairt of the landis of Fortoun and Fentoun lyand betuix the landis of West Fortoun on the east, the landis of Byires on the west, the landis of Elstanefurde and West Fortoun on the southe, and the landis of Congiltoun and Eist Fortoun on the north pairtis, with the pasturage of tua hundereth scheip, tuentie oxin and tua horsis in the commontye of Kingstoun, with frie ische and entrie thairto, togidder with the haill teindis of the saidis landis of Power How, Fortoun and Fentoun includit annexis, connexis, feufermes, tennentis, tenandries, service of frie tennentis, pairtis, pendicles and all thair pertinentis lyand within the lordschip of Newbotle, constabularie of Hadingtoun and schirrefdome of Edinburgh, to be haldin of oure said soverane lord and his successoures of the date at Edinburgh, the sevintene day off Apryill last bypast in this instant yeir of God jM vjC and sevintene yeiris, togidder with the preceptis and instrumentis of seasing following upoun the saidis tua infeftmentis, in all and sindrie conditiounes, heiddis, articles and clauses quhatsumevir thairin conteanit efter the formes and tennoures thairoff. Lyik as his majestie and estaittis foirsaidis decernis and declaris that this present ratificatioun and confirmatioun of the saidis tua infeftmentis, with the preceptis and instrumentis of seasing following thairupoun, is and salbe als valide, effectuall and suffcient in all respectis as gif the samen wer at lenth de verbo ad verbum insert in this present act of parliament. Attoure oure said soverane lord, considering the gude, trew and thankfull service done be the said Schir Gedeoun Murray to his majestie, not onlie in his hienes privat and particular effaris bot also in the publict effairis of the said realme of Scotland, in the faithefull and diligent discharge of the offices and commissiones trusted and committit to him be his majestie thir dyvers yeiris bygane, tending gryitumlie to his hienes contentment and to the honour, commoun weill, peax and tranquillitie of the said kingdome of Scotland and liegis thairoff, quhilk services ar sufficientlie tryed, verifiet and knawin to his majestye and haill estaittis of this present parliament to have bene verie proffitable to his majestie, this realme and liegis thairoff; thairfore, and to giff occasioun to utheris his hienes gude subjectis to do and performe the lyik faythfull and thankfull service to his hienes and his successoures in tyme cuming, oure said soverane lord and estaittis foirsaidis have dissolvit and be thir presentis dissolvis all and haill the foirsaid tenandrie of Elibank comprehending the landis and utheris foirsaidis unite and annexat thairto and contenit in the infeftment thairoff abovementionat, and als all and haill the foirsaidis landis and baronye of Ballincreiff, comprehending the landis and utheris abovespecifit unite and annexit thairto be vertew of the infeftment of the samen abovewrittin grantit to the said Schir Gedeone Murray and his foirsaidis fra his hienes croun and patrimonye thairoff, and fra all actis and statutes off parliament made be his hienes or his maist noble progenitouris annexing the lands and utheris abovespecifit to his hienes croun and that to this effect following, viz: that his majestie may of new gif, grant and dispone to the said Schir Gedeoun Murraye, his airis maill and assignais all and haill the foirsaidis tenandrie of Elibank, alias Eliburne, comprehending the saidis landis of Elibank, the foirsaidis landis and place of Glenpote, the foirsaid eister halff of the saidis landis and place off Ploro and landis of Hamlote, alias Preistishope, with thair maner places, houses, biggingis, yairdis, orcheartis, tennentis, tenandries, service of frie tennentis thairoff, pairtis, pendicles and pertinentis off the same, to be haldin of his majestie and his successoures in feuferme for the yeirlie payment of the few maillis and uther dewties contenit in the said infeftment grantit to the said Schir Gedeoun thairupoun, off the date the tuentye nynt day off September, the yeir of God jM vjC and ane yeiris, quairbye the mariage of the air is taxt and disponit for payment of the said soume off ane hundereth pundis toties quoties the said mariage salhappin to waik in tyme cuming; and als to the effect that his majestie may of new giff, grante and dispone to the said Schir Gedeoun Murraye, his airis maill and assigneyis heretablie, all and haill the foirsaidis landis and baronie of Ballincreiff, comprehending all and sindrie the landis and utheris specifit in the said infeftment grantit to him thairupoun of before off the date the sevintene day of Apryill lastbypast, to be haldin of oure said soverane lord and his successoures in maner following, to wit: the saidis particular landis of Ballincreif, with the mylne and office of bailyerie foirsaid, to be haldin in fewferme, and the saidis landis of Power How, Fortoun and Fentoun, with the pasturage and teyndis thairoff abovewrittin, to be haldin in frie blenche payand thairfore yeirlie to his hienes and his successoures the fewmaillis, fewfermes and utheris dewties efter specifit, viz: for the saidis four husband land in Ballincreif, sumtyme occupiet be the said umquhile Adame Nisbit, the foirsaid ane husband land lyand thair sumtyme occupiet be the said umquhile James Newtoun, the foirsaidis thrie quarteris or thrie fourt pairtis of ane husband land in Ballincreif off auld occupiet be the said umquhile Elizabeth Sinclare, quhairoff ilk husband land now extendis in his hienes rentall to tua merkis monie of this realme of Scotland, sex bollis beir, thrie caponis and sex pultrie, and for the foirsaid doucat, yairdis, orcheartis, with the houses and aiker callit the Doucate Aiker, extending in his hienes rentale to thrie hundereth young dowes, ane thousand chirries, sex schillingis and aucht pennyes money foirsaid, and for the saidis tuentie aucht cottage aikeris of the said toun of Ballincreif, quairoff everie aiker now extendis in his hiens rentall to thrie schillingis money foirsaid and sex pultrie, and for the said mylne, multuris and sequellis thairoff now extending in his hienes rentall to aucht merkis money abovewrittin yeirlie, quhilkis landis with the mylne astrict, multeris, yairdis, orcheardis, houses and thair pertinentis and the foirsaid office of bailyerie extendis now in the haill, the auld fewferme and augmentatioun being comptit togidder, to the soume of tuentye pundis usuall money of the said realme of Scotland at tua usuall termes in the yeir, Witsonday and Mertimes in winter, be equall portiounes, tua chalderis, tua bollis and tua firlottis beir, with capones, pultrie, young dowes and chirries foirsaidis, and als the airis of the said Schir Gedeone payand to his hienes and his successoures the double of the said silver dewtie of ane yeir at thair first entrie to the saidis landis as use is off fewferme, and likwayis the said Schir Gedeoun and his foirsaidis biggand and uphaldand upoun the foirsaidis landis ane sufficient mansioun of stane and lyme with hall, chalmer, barne, byir, stable, doucatt, orcheartis, yeardis, behyves, with hedgis and planting of aik and all uther tries necessar, stankis and briggis for passage of his hienes liegis in places convenient within the saidis landis, with utheris houses and policie convenient and correspondent to the ground off the saidis landis.† And mairattour, the said Schir Gedeone Murray and his foirsaidis, finding for everie ten pund land of the saidis landis of Ballincreif immediatly abovewrittin tua horsis men, the ane thairof with lance and the uther with ane cariage horse, to do service to his majestie in his hienes weiris and armyes quhen they salbe lauchtfullye requyred and chairgit thairto be lettres or proclamatiounes as effeiris; and lyikwayis payand to his majestye and his successoures for all and sindrie the foirsaidis landis callit Rewingstounes landis, with the pertinentis, and the foirsaid ane husband land commonlie callit Myretoun, with the pertinentis, the soume of thrie pundis, threttene schillingis and four pennyes monie foirsaid at the saidis tua termes in the yeir, Witsonday and Mertimes in winter, be equall portiounes, and als the airis maill of the said Schir Gedeoun doubland the said fewferme the first yeir of thair entrie to the foirsaidis landis as use is of fewferme for all and haill the foirsaidis landis of Ballincreif callit the ten pund land, with houses, biggingis, yeardis, outseattis, cottagis, pairtis, pendicles and pertinentis of the same quhatsumevir, the soume off tuelff pundis, sex schillingis and aucht pennyes monie abovewrittin at the saidis tua termes in the yeir, Witsonday and Mertimes in winter, be equall portiounes as the auld few ferme and augmentatione useit and wount to be payit for the foirsaidis landis with the pertinentis of before, and als the aires maill of the said Schir Gedeoun doubland the said fewferme dewtie the first yeir of thair entrie to the foirsaidis landis as use is of fewferme, and also the said Schir Gedeoun Murraye and his foirsaidis biggand and uphaldand upone the saidis landis ane sufficient mansioun with hall, chalmer, kitcheing, barne, byir, doucatt and utheris policies necessar correspondent to the ground of the samen landis conforme to the tennoure of the auld infeftmentis of the saidis landis allanerlie for the foirsaidis four husband landis and brewlandis in Ballincreif, with housis, biggingis, yairdis, doucat, pairtis, pendicles and all thair pertinentis sumtyme occupiet be Alexander Richartsoun, and the foirsaid pece land in Ballincreif callit the halff merkland, with the pertinentis, the soume of aucht pundis money foirsaid at the saidis tua usuall termes in the yeir, Witsonday and Mertimes in winter, be equall portiounes, ane chalder, nyne bollis, tua firlottis beir, tuelff capones and tuentie foure pultrie at the termes useit and wount, as the auld fewferme useit to be payit for the foirsaidis landis with the pertinentis, togidder with the soume of thrie schillingis, foure pennyes monie foirsaid at the termes abovewrittin in augmentatioun of his hienes rentall of the saidis landis; and als the airis maill of the said Schir Gedeoun doubland the said fewferme the first yeir of thair entrie to the foirsaidis landis as use is of fewferme. And in lyik maner the said Schir Gedeone and his foirsaidis bigand and uphaldand upoun the saidis landis ane sufficient mansioun with hall, chalmer, kitcheing, barne, byir, doucat, yairdis, orchardis, hedgis and utheris policie neidfull corresponding to the ground, for all and sindrie the foirsaidis landis off Power How, alias Proro, with that pairt of the saidis landis off Fortoun and Fentoun lyand and boundit in maner abovewrittin, with the foirsaid pasturage upoun the said commontie of Kingstoun and teindis of the saidis landis of Power How, Fortoun and Fentoun, includit annexis, connexis, few fermes, tennentis, tenandries, service of frie tennentis and all thair pertinentis, the sowme of sevintene pundis money foirsaid in name off blenche ferme yeirlie at the feast of Witsonday allanerlie; and that for releiff of Robert, earle of Lothioune, his airis and successouris of ane pairt of the blenche dewtie contened in his infeftment of the said lordschip of Newbotle; and als the said Schir Gedeone and his foirsaidis freithand and releiffand the said Robert, earle of Louthiane and his foirsaidis of all taxatiounes, impositiounes and all uther burdingis quhatsumevir imposed, or to be imposed, upoun the foirsaidis landis, teyndis and utheris abovewrittin according to the raite and proportioun of the samen allanerlie. And forsamekle as be vertew of certane auld infeftmentis of the saidis landis of Ballincreiff maid to the predicessouris and authoures of the said Schir Gedeoun Murraye, they wer obleist to pay to his hienes the fewmaillis and fewfermes abovespecifit, togidder with the mariage of the air quhen it suld happin; and his majestye and estaittis foirsaidis, considdering that his hienes of before taxt and modifier the mariage of the air of the said Schir Gedeoun be vertew of the said infeftment grantit to him of the said tenandrie of Elibank to the said soume off ane hundereth pundis als oft as the samen suld happin to waik, and his majestye and estaittis foirsaidis, off certane knawledge, for the causes abovespecifit, being willing to taxt and modifie the mariage of the airis maill of the said Schir Gedeoun and his successoures quhensoevir the samen suld happin to waik be vertew of quhatsumevir infeftmentis grantit to him, his predicessoures or authoures off the saidis landis off Ballincreif or ony pairt thairof, thairfore his majestie and estaittis foirsaidis gevis, grantis and disponis to the airis maill and successoures of the said Schir Gedeoun thair awin mariages and haill proffittis thairoff for payment to his hienes and his successoures off the soume off tua hundereth pundis, and that in contentatioun off the foirsaid taxt dewtye of the said mariage contenit in the said infeftment of the foirsaidis landis and tenandrie of Elibank; and that als oft and sua oft as the said mariage salhappin to waik, fall and becum in the handis of his majestie or his successoures in tyme cuming be vertew of quhatsumevir infeftmentis of the saidis landis and tenandrie of Elibank and off the saidis landis off Ballincreiff or ony pairt thairoff; and that for all uther dewtie, service, warde, mariage of airis or ony uther burding or exactioun quhatsumevir quhilk may be askit or acclamit of the landis and utheris particularlie abovementionat with thair pertinentis be vertew of quhatsumevir anteriour infeftmentis off the samen grantit be his majestie or his hienes predicessoures, quhairanent his majestie and estaittis foirsaidis have dispensit and be thir presentis dispenises for evir; and declairis that thir presentis sall mak expres dirogatioun thairto, retreiting, rescinding, lyik as his majestye and estaittis foirsaidis retreitis and rescindis all and quhatsumevir actis and statutes of parliament maid be his majestie and his hienes predicessoures of before quhilkis may be prejudiciall to this present act and infeftmentis to follow heirupoun in sa far as the saidis anterioure actis and statutes off parliament may be extendit to all and sindrie the landis and utheris above expressit with thair pertinentis; and declaires the saidis anteriour actis in that pairt to be voyde and ineffectuall in all tyme cuming; and that this present act with the infeftmentis to follow heirupoun salbe gude, valide and effectuall rightis to the said Schir Gedeoun and his foirsaidis for bruiking and joysing off all and sindrie the landis above expremit with thair pertinentis perpetuallie in all tyme heirefter conforme to the tennour of this present act and infeftmentis to follow heirupoun.
[1617/5/65]*[print] [email] [cite] [preceding] [following]
Oure soverane lord and estaittis of this present parliament ratifies and approvis the lettres of gift and pensioun maid and grantit be his majestie under his hienes previe seall, with advyse and consent of his hienes right traist cousing and counsellor Johne, erle of Mar, lord Erskyne and Garioche etc., his hienes thesaurer, comptroller, collectour and thesaurer of his hienes new augmentatiounes of the kingdome off Scotland, and als with advyse and consent of the remanent lordis of his majesties secreit counsell of the same kingdome, his hienes commissoneris, to his majesties trustie and weilbelovit counsellor Schir Gedeoun Murraye of Elibank, knicht, his hienes thesaurer depute of the said kingdome of Scotland, in lyverent during all the dayis of his lyiftyme, and efter his deceis to Williame and Walter Murrayes, his lauchfull sounes equalie betuix thame dureing all the dayis of thair lyiftymes, and to the langest levar of thame thrie, off ane yeirlie pensioun of the soume of tua thousand and four hundreth pundis usuall money off the said kingdome of Scotland yeirlie to be upliftit be the said Schir Gedeoun Murray during his lyiftyme and efter his deceis be the saidis Williame and Walter Murrayes, his sones, equalie betuix thame dureing all the dayis of thair lyvetymes, and be the langest levar of thame thrie, furth of the reddiest of his hienes proper rentis and casualities of the said kingdome of Scotland fra his hienes thesaureris, comptrollaris and collectoures present and to cum at tua termes in the yeir, Witsonday and Mertimes in winter, be equall portiones, off the date at Quhyithall, the tuentye fourt day off December, the yeir of God jM vjC and sextene yeiris. And siclyik, oure soverane lord and estaittis foirsaidis ratefies and approvis the lettres of gift maid and grantit be his majestie under his hienes previe seall, with advyis and consent of the lordis of his hienes previe counsell and chekquer and of the lordis commissionaris of his hienes rentis of the said kingdome, to the said Schir Gedeoun Murray of Elibank, knicht, for all the dayes off his lyiftyme off the libertie and fredome to bring in yeirlie within the said kingdome of Scotland be him selff, his freindis, factoures and servandis in his name, threttie tunes of wyne frie but payment of ony kynd of impoist, custome or uther dewtie to be payit be him or his foirsaidis thairfore, off the date at New Market, the first day off Februare, the yeir of God jM vjC and sextene yeiris. And lyikwayis oure said soverane lord and estaittis foirsaidis ratefeis and apprevis the letteris of gift maid and grantit be his majestye under his hienes previe seall, with advyise and consent of the said Jhonne, erle of Mar, thesaurer, comptroller, collectour and thesaurer of his hienes new augmentatiounes off the said kingdome of Scotland, and als with advyis and consent off the remanent lordis of his hienes previe counsell of the samen kingdome, his majesties commissioneris foirsaidis, to the said Schir Gedeoun Murray of Elibank, knight, in yearlye pensioun during all the dayes of his lyiftyme, off all and sindrie the fewfermes, fewmaillis, augmentatioun, kaynes, custumes and dewties addebtit to his majestie furth of all and haill the toun and landis and manse of Ballincreif and mylne thairoff, with the pertinentis, lyand within the constabularie of Hadingtoun and schirrefdome off Edinburgh, pertening heretablie to Schir Archibald Murray of Dernehall, knight, for the tyme, and now to the said Schir Gedeoun Murray, extending to the particular quantities following, to wit: thrie chalderis, tuelff bollis beir, tuentye nyne capones, ane quarter capone, ane hundereth fyve scoir sex pultrie, halff pultrie, thrie hundereth pair of dowes, ane thousand chirries, and the soume of fourtie pundis, ten schillingis money foirsaid with all uther dewties quhatsumevir addettit to his majestie furth of the landis and mylne abovewrittin, with the pertinentis, pertening to the said Schir Archbald Murraye for the tyme and now to the said Schir Gedeoun Murray as said is, off the date at Quhitehall, the tuentie fourt day off December, the yeir of God jM vjC and sextene yeiris foirsaid, in all and sindrie poyntis, passis, heiddis, articles, clauses, conditiones and circumstances quhatsumevir conteanit in the lettres of gift and pensioun respective abovespecifit efter the formes and tennoures thairoff, with all that hes followit or may follow thairupoune. Lyik as his majestie and estaittis foirsaidis willes, grantis, decernis and declairis that this present ratificatioun off the letteris of gift and pensioun respective abovementionat is and salbe als valide, effectuall and sufficient in all respectis as giff the samen lettres of gift and pensioun respective abovespecifit war at lenth and worde be worde insert and ingrost in this present act, nochtwithstanding the not inserting thairoff; quhairanent his majestie and estaittis foirsaidis have dispensit and be thir presentis dispenses for evir. And farder oure said soverane lord and estaittis foirsaidis willis and declairis that the said Schir Gedeoun Murray during his lyvetyme, and, efter his deceis, the saidis Williame and Walter Murrayis, his sounes, sall peciablie bruke, jois and possess the maillis, fermes, dewties, sowmes of money and utheris abovespecifit, togidder with the foirsaid libertie and fredome to inbring within this realme of Scotland off the saidis threttie tunnes wyne, custome frie as said is, during thair lyvetymes respective in maner specifit in the lettres off gift and pensioun respective above specifit grantit to thame thairanent; and that nochwithstanding of quhatsumevir actis of annexatioun of landis, maillis and customes to the croun or of quhatsumevir act of parliament quhairby giftis and pensiounes disponit be his majestie furth of his hienes propertie annexit or utheris his hienes casualities ar declairit null and ineffectuall, quhilkis sall mak na dirogatioun to the lettres of gift and pensioun respective abovementionat. Lyikas his majestie and estaittis foirsaidis willis and declairis that thir presentis salbe ane effectuall and lauchfull dissolutioun to the effect abovewrittin and all to this effect: that his majestie may of new geve and dispone the saidis yearlie pensiounes, fewfermes and utheris abovespeit to the said Schir Gedeone Murraye and his saidis sones in maner and during the space respective above designit.
[1617/5/66]*[print] [email] [cite] [preceding] [following]
Oure soverane lord and estaittis of this present parliament ratifies and apprevis the provisioun and lettres of gift made and grantit be umquhile Schir Walter Scott of Branxholme, knight, thairefter styillit Walter, lord Scott of Buckcleugh, undouttit patrone of the provestrie of Crichtoun lyand within the diocie of Sanctandros and schirrefdome of Edinburgh, to his majesties trustie and weilbelovit counsellor Schir Gedeone Murray off Elibank, knicht, during all the dayis of his lyiftyme off† all and haill the provestrie off Crichtoun with all and sindrie† teindschevis, utheris teindis alsweill personage and viccarage, fructis, rentis, proventis, proffittis, emolumentis and uther dewties pertening and annexit thairto, with all and sindrie landis, manses, houses, biggingis, yairdis, toftis, croftis, maillis, fermes, annuelrentis and uther dewties pertening and richteouslie knawin to pertene and belang thairto quhairevir the same ly within ony pairt of this realme, off the date at Hawick, the tent day of Februare, the yeir of God jM vC fourscor sextene yeiris, togidder with the chartour maid and grantit be the said Schir Gedeoun Murraye as provest of the said colledge kirk of Crichtoun, with consent of the said umquhile Walter, lord Scott of Buckcleuch, patrone foirsaid, and off the prebendaris off the samen colledge kirk to Williame Murray, brother germane to umquhile Schir Jhonne Murray of Edilstoun, knight, his airis and assigneyis quhatsumevir heretablie off all and haill the kirklandis pertening and belanging to the said provestrie, with the teyndschevis and utheris teyndis of the samen includit mansioun, houses, biggingis, yairdis, toftis, croftis and all thair pertinentis lyand within the lordschip of Crichtoun and schirrefdome of Edinburgh, to be haldin of the said Schir Gedeone and his successoures, provestis of the said colledge kirk of Crichtoune, in fewferme and heretage for ever, off the date at Edinburgh, the third day off Merche, the yeir of God jM vC fourscore sevintene yeiris, with the instrument of seasing following thairupoun, togidder with his hienes confirmatioun of the said chartour of fewferme and instrument of seasing following thairupoun under his majesties gryit seall off the date at Edinburgh, the tuentie day of Junii, the yeir of God jM vjC and ellevin yeiris, togidder also with tua tackis and assedatiounes sett be the said Schir Gedeoun Murray, with consent of the said patrone and prebendaris of the said colledge kirk of Crichtoun, to the said Williame Murraye, his airis and assignayis thairinspecifit for the yeiris and spaces thairin expremit, off all and sindrie the teindschevis of the said provestrie quhatsumevir in all pairtis quhairevir the same ly, quhilkis takis are of the date the third day off Merche, the yeir of God jM vC fourscoir sevintene yeiris, togidder also with ane decreit gevin and pronuncit be the lordis of counsall and sessioun upoun the tuenty thrie day of Julii, the yeir of God jM vC fourscoir sevintene yeiris, at the instance of the said Schir Gedeoun Murraye off Elibank, knicht, as provest of the said provestrie of Crichtoun, aganis the persounes speciallie and generallie thairin conteanit, for ansuering of him of all fewfermes, maillis, kaynis, customes and dewties of the said provestrie during his lyiftyme conforme to the saidis lettres of gift grantit to him thairupoun, in all and sindrie conditiounes, heiddis, articles and clauses thairin conteanit efter the formes and tennouris thairoff, with all that hes followit or may follow thairupoun. Lyik as his majestie and estaittis foirsaidis declairis that this present ratificatioun and confirmatioun off the rightis and securities abovespecifit is and salbe als valide, effectuall and sufficient in all respectis as gif the samen wer at lenth de verbo in verbum insert in this present act.
[1617/5/67]*[print] [email] [cite] [preceding] [following]
Oure soverane lord, with advise and consent of the estaittis off this present parliament, haveing sene and considderit the infeftment maid, gevin be his majestye under his hienes gryit seall of the date the tuentye day of Januare, the yeir of God jM vjC and nyne yearis to his hienes right traist cousing James, lord Colvill off Culros, namit thairin Schir James Colvill of Easterweymis, knicht, his airis maill and assigneyis heretablie off all and haill the lordschip and baronye off Culros, alsueill temporalitie as spiritualitie off the same, with all landis, kirkis, teyndis, fructis, rentis and utheris particularlie and generalie specifit thairin, and of the dissolutioun thairoff fra the croun and off the erectioun thairoff in ane temporall lordschip and baronie; and being ryiplie advysit thairwith, his majestye and estaittis foirsaidis hes ratefiet and approvin and be thir presentis ratefies and apprevis the said infeftment in the haill heiddis, clauses, articles, conditiounes and circumstances quhatsumevir specifit† and conteanit thairin, and haill contentis thairoff, decerning and ordaning the generalitie heiroff to be als guid, valide and effectuall as gif the said infeftment wer at lenth word be word insert heirin, dispensand thairanent be thir presentis; and als declairing and ordaning the said James, lord Colvill, his airis maill and successoures to have the undouttit right to the foirsaidis landis and lordschip of Culros, bath temporalitie and spiritualitie thairoff, in all tyme cuming, to be bruikit and josit be thame efter the forme and tennour of the said infeftment in all poyntes. And for thair bettir securitie, his majestie and estaittis foirsaidis hes of new dissolvit, annullit and infringit and be the tennour heiroff annulles, dissolvis and infringis the said generall annexatioune of the kirklandis of this realme to the croun in swa far as it may be extendit to the temporalitie of the said abbacie off Culros; and ordanis ane new infeftment to be maid and gevin off the samen to the said James, lord Colvill of Culros, his airis maill and successoures heretablie, to be extendit in maist ample forme with all clauses necessar.
[1617/5/68]*[print] [email] [cite] [preceding] [following]
Oure soverane lord and estaittis of this present parliament, considdering the gude, trew and thankfull service done to his majestie be his trustie and weilbelovit counselloure Schir Andro Hammiltoun of Reidhous, knicht, ane of the senatouris of his hienes colledge off justice in the publict effairis off the realme, and willing to encowrage him to continew thairintill; and als haveing advysedlie considderit the tennouris of the chartoures and infeftmentis underwrittin and haill progres of the auld tytillis, rightis and securities quhairupoun the samen proceidit, have thairfore ratefiet, approvin and confermit and be the tennour heiroff for his majestie and his succeisoures, with advyse of the saidis estaittis off this present parliament, ratifies, apprevis and for evir confermes the chartouris and infeftmentis following, viz: ane chartour of alienatioun maid and grantit be umquhile James Fawsyid, than apperand of that Ilk, heretable proprietar of the landis underwrittin, and Maister Robert Fawsyid of that Ilk, lyverentar of the same, with advyse and consent of certane persounes thairin mentionat, to umquhile Maister Jhonne Layng off Spittellis, keipar of his majestyes signet, and Rebecca Dennestoun, his spous, in lyverent, and to the said Schir Andro Hammiltoun off Reidhous, knicht, and umquhile Dame Jeane Layng, his spous, in conjunctfie and thair airis and assignayis thairin mentionat, off all and haill ane of thair tua housband landis lyand in the toun and territorie of Ballincreiff callit Westir Bissetleyis, off the date the tuenty third and tuenty sext dayes of November 1609, togidder with his majesties confirmatioun maid under the gryit seall off the date the tuentie aucht day of Apryill 1610, ratefiand and confirmand the foirsaid chartour of alienatioun; and ane uther chartour of confirmatioun and infeftment grantit be his majestie under the gryit seall off the date the nyntene day of November 1612, ratefeand and apprevand ane instrument of seasing grantit be the said umquhile Maister Jhonne Layng off Spittellis, off all and sindrie the landis off Reidspittell, alias Wester Reidspittell, and landis off Easter Spittell, and landis off Coittis with maner places, toures, fortalices, houses, biggingis, yairdis, orcheardis, doucattis, mylne, mylnelandis, medowis, outseattis, toftis, croftis, pairtis, pendicles, annexis, connexis and all thair pertinentis, and dyvers utheris chartoures, infeftmentis and securities of the saidis landis and utheris foirsaidis consavit in favouris of the said Schir Androw Hammiltoun, his said spous and airis betuix thame, quhilkis failyeing, the nerrest lauchfull aires of the said Schir Andro and his assigneyis quhatsumevir; and als conteanand ane new gift and dispositioun quhairby his majestie hes of new gevin, grantit, disponit and confermit to the said Schir Andro Hammiltoun and umquhile Dame Jeane Layng, his spous, in conjunctfie and to thair airis and assigneyis thairin mentionat heretablie all and sindrie the saidis landis of Easter Spittell with the pertinentis foirsaid; and als ane uther chartour and infeftment grantit be his majestie under the gryit seall to the said Schir Andro Hammiltoun, his aires maill and assignais quhatsumevir, off all and haill the halff of the landis and manis of Ballincreiff sumtyme pertening to Johnne Borthuik, portionar of Ballincreif, with the corne mylns biggit thairupoun, multeris and sequellis of the same, with mansiounes, yairdis, doucattis, medowes, pairtis, pendicles and haill pertinentis thairoff, off the date the penult day off Junii 1616, beirand the samen landis to be haldin of his majestie in frie blenche, togidder with the act of dissolutioun maid in favoures of the said Jhonne Borthuick thairanent in the parliament haldin at [...], upoun the [...] day off [...] 1592; and als the decreit of the lordis of counsell gevin in favoures of the said Schir Andro Hammiltoun aganis his majestyes comptrollar, thesaurer and advocate upoun the [...] day off Merche lastbypast 1617, quhairby the lettrez raisit at the instance of his majesties comptroller, thesaurer and advocat for payment of a certane few dewtie acclamit furth of the saidis halff landis of the manis of Ballincreif ar simpliciter suspendit in all and sindrie poyntis, passis, heiddis, claussis, provisiounes and conditiounes thairin conteanit, with all that hes followit thairupoun; and declairis and ordanis this present ratificatioun to be als guid, valide, effectuall and sufficient to the said Schir Andro, his airis and assignayes thairin mentionat as gif the foirsaidis chartouris and decreittis de verbo in verbum had bene exprest and sett doun heirintill, and that nochtwithstanding quhatsumevir law, statute, act or ordinance maid or to be maid in the contrair.
[1617/5/69]*[print] [email] [cite] [preceding] [following]
Oure soverane lord and estaittis of this present parliament ratefeis and apprevis the lettiris off gift and pensioun maid and grantit be his majestye under his hienes previe seall, with advyse and consent off his hienes thesaurer, comptroller, collectour and thesaurer off his hienes new augmentatiounes off the kingdome of Scotland, to his majesties lovit Schir Patrik Murray off Langschaw, knight, eldest lauchfull sone and appeirand air to his hienes trustie and weilbelovit counsellor, Schir Gedeone Murray of Elibank, knight, his hienes thesaurer depute, in pensione yeirlie dureing all the dayis of his lyfetyme off the soume of ane hundreth pundis sterling money yeirlie to be upliftit be the said Schir Patrik dureing all the dayis of his lyvetyme off the reddiest of his hienes proper rentis and casualityes of the said kingdome off Scotland frome his hienes thesaureris, comptrollaris and collectoures of the said kingdome of Scotland, present and to cum, at tua termes in the yeir, Witsonday and Mertimes in winter, be equall portiounes, off the date at Tybollis, the tuentie ane day of September, the yeir of God jM vjC and fyiftene yearis, in all and sindrie poyntis, passes, heidis, articles, clauses, conditiounes and circumstances quhatsumevir thairin conteanit efter the forme and tennour thairoff, with all that hes followit or maye thairupoun. Lyikas his majestie and estaittis foirsaidis willis, grantis, decernis and declairis that this present ratificatioun of the lettres of gift and pensioun abovewrittin is and salbe als valide, effectuall and sufficient in all respectis as gif the samen lettre of gift and pensione wer at lenth and word be word insert and ingrossit heirintill, nochtwithstanding the not inserting thairoff, quhairanent his majestye and estaittis foirsaidis have dispensit and be the tennour heiroff dispenses for evir. And farder oure said soverane lord and estaittis foirsaidis willis and declairis that the said Schir Patrik Murray of Langschaw, knicht, sall peciablie brooke, jois and posses the yeirlie pensioune abovewrittin during the said space of his lyiftyme, nochtwithstanding quhatsumevir act of parliament quhairby giftis and pensiounes disponit be his majestie furth of his hienes propertie annexit, or utheris his hienes casualities, ar declarit null and ineffectuall, quhilkis sall mak na dirogatioun to the lettres of gift and pensioun abovewrittin. Lyik as his majestie and estaittis foirsaidis willis and declares that thir presentis salbe ane effectuall and lauchfull dissolutioun to the effect abovespecifit and als to this effect: that his majestie may of new giff and dispone the yeirlie pensioun abovewrittin to the said Schir Patrik Murray off Langschaw, knicht, dureing all the dayes of his lyiftyme in maner abovementionat.
[1617/5/70]*[print] [email] [cite] [preceding] [following]
Oure soverane lord and estaittis of this present parliament, understanding that his majestie, efter his hienes lauchfull and perfyit aige and generall revocatioun declared in parliament, and efter the annexatioun off the kirklandis within this realme of Scotland to his hienes croun, with consent of his hienes officeris of estait for the tyme, be his majesties infeftment under his hienes gryit seall, gave, grantit and disponit to James Douglas of Pinyearie, his airis and assignayis quhatsumevir all and sindrie the landis, fischeingis and utheris particularlie underwrittin, to witt: the tua merk and halff merk land off Suffok, the fyve merk land of Ernealmerie, the fyve merk land of Achindolie, the fyve merk land of Largue, ane the tua merkland with the halff merkland of Ernefillane, the fyve merk land of Culgruff, the fyve merk land of Crodell, the fyve merk land off Airdis, the fyve merk land off Mollance, the fyve merk land of Hillintoun, the fyve merk land off Clarybrand, the ten merk land off Croftis, the fyve merk land off Glengopoke, all lyand within the stewartrie of Kirkcudbright; all and haill the salmond fischeing in the water of Nethe belanging to the provestrie of Lincluden lyand within the baronie off Drumsleit and stewartrie foirsaid; all and haill the manis of Grenelaw, with the cayne peittis and bonday warkis of the baronie of Crocemichaell, with dew services of the samen barony and with all thair pertinentis lyand in the samen baronye and stewartrie foirsaid; the sex merk land of the manis of Lincluden, with the maner place, woddis, yairdis, medow of the samen and all thair pertinentis; the sex merk land of Crochane; the mylne of Staikfurde with the mylne landis and thair pertinentis; the mylne of Terauchtie with the mylne landis and pertinentis of the samen; the medow of Clunye lyand within the said baronye of Drumsleit and stewartrie of Kirkcudbright foirsaid; all and haill the fyve merk land of Drinsbie; the ten merk land of Chapellarne liand within the baronye of Crocemichaell and stewartrie foirsaidis, togidder with all and sindrie toures, fortalices, maner places, milnes, woddis, fischeingis, yairdis, orcheardis, pairtis, pendicles, annexis, connexis, tennentis, tenandries, services of frie tennentis, off all and sindrie the foirsaidis landis, milnes and medowes, with thair pertinentis, togidder with the advocatioun, donatioun and right of patronage of the kirk of Glencarne, personage and viccarage thairoff, quhilkis all and sindrie the landis and utheris abovespecifit ar be vertew of the said infeftment unite, creat and incorporat in ane haill and frie baronie callit the baronye of Crocemichell to be haldin of oure said soverane lord and his successoures in feuferme, heretage and frie baronye for evir, for payment yeirlie to his hienes and his successoures of the fewmaillis and utheris dewties contenit in the said infeftment grantit to the said James Douglas and his foirsaidis thairupoun. Be the quhilk infeftment, the fewmaillis and dewties of the landis and utheris foirsaidis wer reservit to umquhile Maister Robert Douglas, than provest of Lincluden, during all the dayis of his lyfetyme, and efter his deceis to Williame Douglas, now of Drumlangrig, as successourre to the said umquhile Maister Robert Douglas in the said provestrie of Lincluden, sua that the first termes payment of the saidis fewmaillis and dewties of the landis and utheris foirsaidis to his majestie and his successoures wes appoyntit to begin at the terme of Witsonday or Martimes nixt, and immediatlie following the day of the deceis of the said umquhile Maister Robert Douglas and off the said Williame Douglas of Drumlangrig, and off the langest levar off thame tua, quhen it suld happin allanerlie, as the said infeftment of the date at Halierudhous, the secund day off Apryill, the yeir of God jM vC fourscore aucht yearis at mair lenth proportis. And siclyik his majestie and estaittis foirsaidis, understanding that his hienes be vertew of his uther infeftment under the gryit seall efter his said lauchfull and perfyit age, generall revocatione and making of the said act off annexatioun, with advyse and consent off his hienes officiaris of estate for tyme, gave, grantit and disponit to the said James Douglas of Pingyerie, his airis and assigneyis quhatsumevir, all and sindrie the landis and utheris particularlie efterspecifiet, viz: the fyve merk land of Lytle Dryburgh, the fyve merk land off Drumjarg, the fyve merkland of Earnephillane, the fyve merk land off Ernecraig, the fyve merk land off Blaironye, the fyve merk land of Mekle Dryburgh, the fyve merk land off Chapmantoun, the fyve merk land off Blakerne, the fyve merk land off Ernemunyie, the fyve merk off Culnotrie, the cornemylne of Croce Michaell, the fyve merk land of Garrintoun, the tua merk with the halff merk land of Blakpark, all lyand within the barronie off Crocemichell and stewartrie of Kirkcudbright foirsaid; the fyiftene schilling land of Staikfurde, the fourtie schilling land of Newtoun, the merk land of Clunye and Skellingholme, the sex merk land off Terrauchtie, the sex merk land of Drumganis, the fyve merk land of Troqueir, the merkland of Stotholme, the fyve merk land of Nuneland, the fvye merk land of Crufestanes, the sex merk land of Holme, the tuentie schilling land of Marieholme, the four merkland of Nuneholme, all lyand within the foirsaid baronie of Drumsleit and stewartrie abovewrittin, togidder with all castellis, toures, fortalices, maner places, houses, biggingis, yairdis, orcheardis, mylnes, woddis, fischeingis, pairtis, pendicles, annexis, connexis, outseittis, tennentis, tenandries, fewfermes, caynis, custumes, services, casualityes and utheris commodities quhatsumevir, off all and sindrie the landis and mylnes abovespecified with thair pertinentis to be haldin off oure said soverane lord and his successoures in frie blenche for the yearlie payment of the soume of ane hundereth merkis money foirsaid at tua termes in the yeir, Witsonday and Mertimes in winter, be equall portiounes in name of blenche ferme allanerlie, with expres reservatioun alwayis of all and sindrie the feufermes, maillis, dewties, services and utheris casualities of the haill foirsaidis landis, mylnes and utheris above specifit with thair pertinentis to the said umquhill Maister Robert Douglas, provest of Lincluden for the tyme, and to the said Williame Douglas, now of Drumlangrig, his successoure in the said provestrie of Lincluden, and off the langest levar off thame tua during all the dayes of thair lyvetymes, as the said infeftment of the date at Halierudhous, the secund day of Apryill, the yeir of God jM vC fourscore aucht yeiris at mair lenthe beiris. And likewayis his majestie and estaittis foirsaidis, understanding that his majestie be his hienes infeftment under the gryit seill, with consent of umquhile Schir Jhonne Arnote off Bersuick, knycht, generall ressaver for the tyme, depute be his majestie of his hienes rentis and casualities of the kingdome of Scotland, and off the lordis off his hienes secreit counsall of the samen kingdome, his hienes commissioneris, gave, grantit and disponit to his hienes trusty and weilbelovit Schir Robert Gordone of Lochinwar, knycht, and Jhonne Murray of Lochmaben, ane of the groumes of his majesties bed chamber, equallie betuix thame, thair airis and assigneyis quhatsumevir heretablie all and sindrie the landis and utheris particularlie abovespecifit contenit in the anterioure infeftmentis respective abovementionat, with thair castellis, toures, fortalices, maner places, houses, biggingis, yairdis, orcheardis, milnes, woddis, fischeingis, pairtis, pendicles, annexis, connexis, outseattis, tennentis, tenandries, service of frie tennentis, feufermes, maillis, kaynis, custumes, services, casualities and utheris commodities quhatsumevir, off all and sindrie the landis, mylnes, medowes, fischeingis and utheris particularlie abovexpremit pertening to his hienes throw the proces and dome of foirfaltoure ordourelie led and deducit aganis Williame Douglas, sone and apperand air to the said James Douglas of Pingyerie, quha wes also designed off Beatfurd, quha wes prowydit be the said James Douglas of Pingyerie to the heretable right off the landis and utheris foirsaidis; and likwayis pertening to his majestie and becum in his hienes handis throw the resignatioun maid be the said James Douglas of Pingyerie, als Beatfurde, of the landis and utheris abovespecifit in the handis of the saidis lordis of his hienes secreit counsell of the said kingdome of Scotland, his majesties commissioneris, in favoures of the said Schir Robert Gordone and Jhonne Murray; and for the said new infeftment made and grantit to thame of the samen be his majestie under his hienes gryit seall foirsaid to be haldin of his hienes and his successoures in fee and heretage for payment of the feufermes, maillis, dewties, rightis and services of the landis and utheris foirsaidis with the pertinentis wount and useit to his majestie and his predicessoures before the said resignatioun, as the said infeftment off the date at Edinburgh, the nyintene day off December, the yeir of God jM vjC and ellevin yeiris mair fullielie proportis. And in lyikmaner his majestie and estaittis foirsaidis, understanding that his hieghnes be his majesties infeftmentis under his hienes gryit seall, with consent of his hienes trustie and weilbelovit counsellor Schir Gedeoun Murray off Elibank, knight, his hienes thesaurer, comptroller, collectoure and thesaurer of his hienes new augmentatiounes, depute be his majestie off the said kingdome of Scotland, and off the remanent lordis of his hienes secreit counsell of the samen kingdome, his majesties commissionaris, gave, grantit and disponit to the said Schir Robert Gordoun of Lochinvar, knight, and Jhonne Murray of Lochmaben, equalie betuix thame, thair airis and assigneyis, all and haill the foirsaid fyve merk land of Litle Dryburgh, the fyve merk land of Drumjarg, the fyve merk land off Ernephillane, the foirsaid fyve merkland of Ernecraig, the foirsaid fyve merk land of Blairony, the foirsaid fyve merk land off Mekle Dryburghe, the foirsaid fyve merkland of Chapmantoun, the foirsaid fyve merk land of Blakerne, the foirsaid fyve merk land off Ernmingyie, the foirsaid fyve merk land of Culnotrie, the corne mylne off Crocemichell, the foirsaid fyve merk land of Garrantoun, the foirsaid tua merk and halff merk land of Blakpark, the foirsaid fyvetene schilling land off Staikfurd, the foirsaid fourtie schilling land of Newtoun, the foirsaid merkland off Clunye and Skellingholme, the foirsaid sex merk land off Terrauchtie, the foirsaid sex merk land of Drumganis, the foirsaid fyve merk land of Troqueir, the foirsaid merk land of Stotholme, the foirsaid fyve merk land off Nuneland, the foirsaid fyve merk land off Crufestanis, the foirsaid sex merk land of Holme, the foirsaid tuenty schillingland off Marieholme, the foirsaid foure merkland of Noncholme, all lyand as saidis, togidder withall thair castellis, toures, fortalices, maner places, houses, biggingis, orcheardis, mylnes, yairdis, woddis, fischeingis, pairtis, pendicles, annexis, connexis, outseattis, tennentis, tenandries and fewfermes, kaynis, custumes, services, casualities and utheris commodities of the samen quhatsumevir pertening to his majestie and being at his hienes gift and dispositioun throw the resignatioun and dimissione of the samen maid be the said Williame Douglas of Drumlangrig as provest off the said provestry of Lincluden, with consent of the prebendaris of the said colledge kirk of Lincluden for thair entresse, to be haldin off his hienes and his successoures in frie blenche for payment yeirlie of the soume of ane hundereth merkis money foirsaid yeirlie† at the feist of Witsonday in name of blenche ferme allanerlie, as the said infeftment of the date at Theoballis in England, the nyntene day of September, the yeir of God jM vjC and sextene yeiris at mair lenth beiris. And als his majestie and estaittis, understanding that the saidis Schir Robert Gordone of Lochinvar, knicht, and Jhonne Murray of Lochmaben be thair lettres† obligatouris contening ane procuratorie of resignatioun ar bundin and obleist to resignne, surrender, upgiff and overgiff all and sindrie the landis and utheris particularlie above expremit contenit in the infeftmentis respective aboverehersit, with all thair pairtis, pendicles and pertinentis abovewrittin, except the foirsaid fyve merk land off Airdis, togidder with the advocatioun, donatioun and right off patronage of the said paroche kirk of Glencairne, personage and viccarage thairoff, quhilk war disponit be thame of before in favoures of the said Williame Douglas of Drumlangrig and his airis in the handis of oure said soverane lord and his successoures or in the handis of the saidis lordis of his hienes secreit counsell of the said kingdome of Scotland, his majesties commissioneris, for new infeftment of the samen to be made and grantit be his majestie under his hienes gryit seill to the said Schir Robert Gordoun, his airis maill and assignais heretablie off all and sindrie the landis and utheris efterspecifit, viz: off all and haill the foirsaid tua merk land and ane halff merkland of Suffok, the foirsaid fyve merkland of Ernealmerie, the foirsaid fyve merkland of Achindolie, the foirsaid fyve merk land of Largneane, the foirsaid tua merkland and ane halff merkland of Ernephillane, the foirsaid fyve merkland of Culgrufe, the foirsaid fyve merk land off Croddell, the foirsaid fyve merk land off Mollance, the foirsaid fyve merk land off Hillintoun, the foirsaid fyve merk land of Harybrand, the†foirsaid ten merk land off Croftis, the foirsaid fyve merk land of Glengopok, all and haill the foirsaidis landis and manis of Grenelaw, with the kayne peittis and bonday warkis of the said haill baronye of Crocemichell and dew services of the samen baronie and all thair pertinentis, all and haill the foirsaid fyve merkland off Eirnisbie, the foirsaid ten merkland of Chapelerne, the foirsaid tua merk and ane halff merk land of Clarybrand with pairtis, pendicles and pertinentis of the same quhatsumevir, togidder with the foirsaid advocatioun, donatioun and right of patronage of the paroche kirk of Crocemichaell, personage and viccarage thairoff, the foirsaid fyve merk land of Litle Dryburgh, the foirsaid fyve merk land of Drumjarg, the foirsaid fyve merk land of Ernefillane, the foirsaid fyve merk land of Ernecraig, the foirsaid fyve merk land of Blairony, the foirsaid fyve merk land of Mekle Dryburgh, the foirsaid fyve merk land of Chapmantoun, the foirsaid fyve merk land of Blakerne, the foirsaid fyve merk land of Erneminyie, the foirsaid fyve merk land off Culnotrie, the foirsaid corne mylne of Croce Michell, the foirsaid fyve merk land of Garrantoun, the foirsaid tua merkland and ane halff merk land of Blakpark with all and sindrie thair castellis, toures, fortalices, maner places, houses, biggingis, yairdis, orcheartis, mylnes, woddis, fischeingis, pairtis, pendicles, annexis, connexis, outseittis, tennentis, tenandries, service off frie tennentis, fewfermes, kaynis, custumes, services, casualities and all uther commodities off all and sindrie the landis, milnes, woddis, fischeingis and utheris immediatly aboverehersit; and for new infeftment to be made and grantit be his majestie under his gryt seall to the said Jhonne Murray off Lochmaben, his airis and assignais quhatsumevir heretablie off all and sindrie the landis and utheris above and efter specifit, viz: off all and haill the foirsaid sex merk land of the manis of Lincluden, with the maner place, woiddis, yairdis, medow and thair pertinentis, the foirsaid sex merk land of Throchane, alias Carnihan, with the said mylne of Staikfurde, mylne landis and pertinentis thairoff, the foirsaid medow off Clunye, the foirsaid fyiftene schilling land of Staikfurd, the foirsaid fourtie schilling land off Newtoun, the foirsaid merk land of Cunye and Skellingholme, the foirsaid sex merk land off Tarrauchtie, the foirsaid sex merk land of Drumganis, the foirsaid fyve merk land of Troqueir, the foirsaid fyve merk land of Stotholme, the foirsaid fyve merkland of Nuneland, the foirsaid fyve merkland of Crufstanes, the foirsaidis sex merk landis of Holme, the foirsaid tuentye schilling land of Marieholme, the foirsaid four merk land of Nunholme, and all and haill the foirsaid salmond fischeing upoun the water off Neth pertening to the said provestrye of Lincluden, with all and sindrie castellis, touris, fortalices, maner places, houses, biggingis, yairdis, orcheardis, mylnes, woddis, fischeingis, pairtis, pendicles, annexis, connexis, outseittis, tennentis, tenandries, service of frie tennentis, feufermes, kaynis, customes, services, casualities and all uther commodities of all and sindrie the landis, mylnes, woddis, fischeingis and utheris immediatlie abovewrittin, as the saidis lettres obligatoures contening the said procuratorie of resignatioun off the date at Thoballis in England, the tuentie day off December, the yeir of God jM vjC and sextene yeiris, at mair lenth proportis; conforme to the quhilkis lettres obligatouris and procuratorie of resignatioune thairin contenit, the saidis Schir Robert Gordoun of Lochinvar, knicht, and Jhone Murray of Lochmaben ar infeft, at the least ar to be infeft and seasit be his majesties infeftmentis under his hienes gryit seall in the particular landis and utheris abovespecifit contenit in the saidis lettres obligatouris, and be vertew of thair resignatiounes maid or to be maid of the samen in utheris favoures as said is. Thairfore oure said soverane lord and estaittis off this present parliament, for the gude, trew and thankfull service done to his majestie and his most noble progenitouris be the saidis Schir Robert Gordoun of Lochinvar, knicht, and Johnne Murray off Lochmaben and thair predicessoures notourelie knawin to his majestie and estaittis foirsaidis, ratefies and apprevis the foirsaidis infeftmentis grantit be his majestie to the said Schir Robert Gordoun of Lochinvar, knight, and Jhonne Murray of Lochmaben, equalie betuix thame, thair aires and assignais off all and sindrie the landis and utheris particularly abovementionat thairin conteanit, togidder with the foirsaidis lettres obligatoures and procuratorie of resignatioun mentionat in the samyne maid be the saidis Schir Robert Gordoun and Johnne Murray of the landis and utheris respective foirsaidis for new infeftmentis thairoff to be grantit to the saidis Schir Robert Gordoun and Jhonne Murray, thair airis and assignais thairin specifit, proportionallie for thair awin pairtis as is before dewydit, togidder with all infeftmentis past, or to be past,† in favoures of the said Schir Robert Gordoun and Jhonnie Murraye or thair foirsaidis proceding upoun the saidis lettres obligatoures and procuratorie of resignatioun thairin contenit, in all and sindrie conditiounes, heiddis, articles and clauses mentionat in the samen, efter the forme and tennour thairoff, with all that hes followit or may follow thairupoun; lyik as his majestie and estaittis foirsaidis declairis that this present confirmatioune of the infeftmentis, uthir richtes and securities foirsaidis is and salbe als valide, effectuall and sufficient in all respectis as gif the samen wer at lenthe word be word ingrost heirintill. And forder oure said soverane lord and estaittis foirsaidis hes now dissolvit and dissolvis all and sindrie the landis and utheris particularlie above expremit with all thair pairtis, pendicles and pertinentis above rehersit fra his hienes croun and patrimonie thairoff and fra all actis and statutes of parliament maid be his majestie, or ony of his hienes most noble progenitouris, annexing the samyne landis and utheris abovespecifit to his hienes croun, and that to this effect following, viz: that his majestie may of new gif, grant and dispone to the said Schir Robert Gordoun of Lochinvar, knicht, his airis maill and assigneyis heretablie all and sindrie the landis above and efterspecifit with thair pertinentis, viz: all and haill the foirsaid tua merk and ane halff merk land of Suffok, the foirsaid fyve merk land of Ernealmerie, the foirsaid fyve merk land of Achindolie, the foirsaid fyve merkland of Largneane, the foirsaid tua merk land and ane halff merkland of Ernephillane, the foirsaid fyve merk land of Culgruff, the foirsaid fyve merk land off Crodell, the foirsaid fyve merkland of Molance, the foirsaid fyve merk land of Hillingtoun, the foirsaid fyve merk land of Clarybrand, the foirsaid ten merk land off Croftis, the foirsaid fyve merk land off Glenpook, all and haill the foirsaidis landis and manis of Grenelaw with the kayne peittis and bonday warkis of the said haill baronie of Crocemichaell and dew services of the same baronie and all thair pertinentis, all and haill the foirsaid fyve merk land of Ernisbie, the foirsaid ten merk land of Chapellerne, the foirsaid tua merk and ane halff merk land of Clariebrand with pairtis, pendiclis and pertinentis of the same quhatsumevir, to be haldin of oure said soverane lord and his successoures in few ferme for the yeirlie payment to his hienes and his successoures off the soume of tua hundereth threttene pundis sex s. viij d. usuall money of this realme of Scotland at tua termes in the yeir, Witsonday and Mertimes in winter, be equall portiounes in name of feuferme; and als the airis maill of the said Schir Robert Gordoun doubland the said feuferme the first yeir of thair entrie to the landis and utheris foirsaidis as use is of feuferme allanerlie; and als to the effect that his majestie may gif, grant and dispone to the said Schir Robert Gordoun, his airis maill and assigneyis heretablie all and haill the foirsaid fyve merk land of Litle Dryburgh, the foirsaid fyve merk land of Drumjarg, the foirsaid fyve merk land of Ernephillane, the foirsaid fyve merk land of Ernecraig, the foirsaid fyve merk land of Blaironye, the foirsaid fyve merk land of Mekle Dryburgh, the foirsaid fyve merk land of Chapmantoun, the foirsaid fyve merk land off Blakerne, the foirsaid fyve merkland of Ernemungyie, the foirsaid fyve merkland of Culnotrye, the foirsaid corne mylne of Crocemichaell, the foirsaid fyve merk land of Garrantoun, the foirsaid tua merk and ane half merkland of Blakpark with all thair pairtis, pendicles and pertinentis abovespecifit, togidder with the advocatioun, donatioun and right of patronage of the said paroche kirk of Crocemichell, personage and viccarage thairoff, to be haldin of oure said soverane lord and his successoures in frieblenche for payment of the soume of fourtye pundis monie foirsaid yeirlie at the feast of Witsondaye in name of blenche ferme allanerlie. And likwayis to the effect that his majestie may of new geve, grant and dispone to the said Jhonne Murray, his airis and assignais heretablie all and sindrie the landis and utheris above and efterspecifit, viz: all and haill the foirsaid sex merkland of the manis of Lincluden with the maner place, woddis, yairdis, medow and thair pertinentis, the foirsaid sex merkland of Throchan, alias Carnihane, with the said mylne of Staikfurde, mylne landis and pertinentis thairoff, the said mylne of Tarrauchtye, with the mylne landis and pertinentis thairoff, the said medow of Clunye, all and haill the foirsaid salmond fischeing upoun the water of Neth pertening to the said provestrie of Lincluden, with thair pairtis, pendicles and pertinentis, to be halden of oure said soverane lord and his successoures in fewferme for the yeirlie payment for the landis immediatlie abovespecifit of the soume of fourtye pundis money foirsaid, and for the said fischeing in the water of Neth pertening to the said provestrie of Lincluden, the soume of ten merkis monie abovewrittin at tua termes in the yeir, Witsonday and Mertimes in winter, be equall portiounes in name of fewferme; and als the airis of the said Jhonne Murray doubland the said fewferme the first yeir of thair entrie to the landis and utheris immediatlie abovewrittin as use is of feuferme allanerlie. And siclyik to the effect that his majestie may gif, grant and dispone to the said Jhonne Murray, his airis and assignais heretablie all and haill the foirsaid fyvetene schilling land of Staikfurde, the foirsaid fourtye schilling land of Newtoun, the foirsaid merk land of Clunye and Skellingholme, the foirsaidis sex merk land of Tarrauchtie, the foirsaidis sex merk land of Drumganis, the foirsaid fyve merk land off Troqueir, the foirsaid fyve merkland of Stotholme, the foirsaidis fyve merkland of Nuneland, the foirsaidis fyve merk land of Crufestanis, the foirsaidis sex merk land of Holme, the foirsaid tuentye schilling land of Marieholme, the foirsaid four merk land off Nunholme, with all thair pairtis, pendicles and pertinentis, to be haldin of oure said soverane lord and his successoures in frie blenche for payment off the soume of fourtye merkis money abovewrittin yearlie at the feist of Witsonday in name of blenche ferme allanerlie. And becaus be vertew of the said act of annexatioune of the kirklandis to the croun maid in the moneth of Julii, the yeir of God jM vC four score sevin yeiris, the said Williame Douglas, now of Drumlangrig, hes right reservit to him during all the dayis of his lyiftyme as being prowydit to the said provestrie of Lincluden in and to the haill fermes, maillis, kaynes and utheris dewties of all and sindrie the landis and utheris abovexpremit, quhilkis pertenit of before to the said provestrie of Lincluden as ane pairt of the temporalitie and patrimonye thairoff, thairfore oure said soverane lord and estaittis foirsaidis findis, declairis, decernis and ordanis that the said Schir Robert Gordoun and Jhonne Murray, thair airis and successoures ar and salbe exonerit and dischargit, lyik as his majestie and estaittis foirsaidis exoneris and dischargis the said Schir Robert Gordoun and Jhonne Murray and thair foirsaidis off all and sindrie the fewfermes, maillis and utheris dewties abovespeit conteanit in thair infeftmentis off the landis and utheris respective above expremit, with thair pertinentis, during all the dayis of the lyiftyme off the said Williame Douglas of Drumlangrig as provest of the said colledge kirk of Lincluden.
[1617/5/71]*[print] [email] [cite] [preceding] [following]
Oure soverane lord and estaittis of this present parliament, remembering the guid, trew, thankfull and faithfull service done be his hienes trustie and weilbelovit familiar servitour, Jhonne Murray of Lochmaben, not onlie in his hienes privat and particular service fra his majesties infancye to his hienes preferment to the kingdome of England, France and Ireland, and continewallie sensyne in attending upoun his hienes most sacred persoun at all tymes and occasiounes, bot also in the publict effairis of this realme of Scotland concredite to the said Jhonne gryitumlie tending to the commoun weill, peace and tranquillitie of the samen and liegis thairoff, quhilk service is sufficientlie knawin, verifiet and tryed be his majestie and haill estaittis off this present parliament to have bene verie proffitable to his majestie, this realme of Scotland and liegis thairoff, thairfore oure said soverane lord and estaittis of this present parliament hes dissolvit, lyik as his majestie and estatis foirsaidis dissolvis all and sindrie landis, baronies, castellis, toures, fortalices, maner places, milnes, multeris, woddis, fischeingis, annuelrentis, caynes, customes, casualities, emolimentis and dewties quhatsumevir of the temporalitie of the abbacie of Haliewode fra the act of annexatioun made in the parliament haldin at Edinburgh, the tuentye nynt day off Julii, the yeir of God jM vC fourscore sevin yeiris, annexand the temporalitie of all benefices within this realme to the patrimonie of his hienes croun, togidder with the paroche kirkis of Haliewode, Dunscore, Penpont, Tynrone and Kirkonell, lyand within the schirefdome of Dumfreis, personages and viccarages thairoff, with all and sindrie teindis, fruittis, rentis, emolimentis and dewties pertening and belonging thairto fra the said abbacie of Halywode and benefice thairoff, quhairunto the samen pertenis and pertenit of auld as ane pairt of the patrimonye thairoff, to the effect that his majestie may gif, grant and dispone to the said Jhonne Murray of Lochmaben, his airis and assigneyis heretablie all and sindrie the particular landis, baronyes, castellis, toures, fortalices, maner places, milnes, multeris, woddis, fischeingis, annuelrentis, kaynes, customes, casualities, emolimentis and dewties quhatsumevir pertening and belonging to the temporalitie off the said abbacye off Halywode; togidder with all and sindrie the teindschevis and utheris teindis, fructis, rentis, emolimentis and dewties quhatsumevir off the paroche kirkis and parochines respective above specifit, personages and viccarages thairoff, and with all right, tytill, entres and clame of right quhilk his majestie, his hienes predicessoures or successoures had, hes or onywayes may have or clame thairto, or ony pairt thairoff, be ony maner of way in tyme cuming; and als to the effect that the samen may be unitite, erectit, creat† and incorporat in ane haill and frie baronie to be callit now, and in all tyme cuming, the baronye off Haliewode; and siclyik to the effect that the said abbacye or monasterie off Haliewode maye be supprest and extinguischit perpetuallie in all tyme cuming, and that na persoun, nor persounes, be prowydit thairto in na tyme heirefter, renunceand and dischargeand all right and tytill quhilkis his majestie or his successoures had, hes or may have or pretend in and to the thriddis off the fructis off the said abbacie be quhatsumevir rightis, actis off parliament or lawis off this realme; dischargeand his hienes collectoures present and to cum off all uplifting of the saidis thriddis simpliciter and for evir, revoikand, dischargeand and annulland all pensiounes disponit furth of the thriddis of the said abbacye in anye tyme bigane, and decernand the samen to be null in all tyme cuming; and willing and granting that na monkis portiounes be upliftit furth of the samyne, quhilkis his majestie, for his hienes and his sucessoures, renunces and dischairgis simpliciter and for evir; and ordaning the place of Haliewode within the precine thairoff to be the principall messuage off the said baronie for taking of seasing thairat in all tyme heirefter, and that the samen seasing salbe sufficient for all and sindrie landis, baronyes, mylnes, multouris, woddis, fischeingis, castellis, toures, fortalices, maner place, anuelrentis and utheris foirsaidis quhilkis pertenit to the temporalitie of the said abbacye of Haliewode, togidder with all and sindrie the teyndschevis and utheris teyndis, fructis, rentis, emolimentis and dewties quhairsumevir off the paroche kirkis and parochines respective above specifit, personages and viccarages thairoff, and for everie pairt of the samen without ony uther speciall or particular seasing to be takin at onye uther pairt thairoff, nochtwithstanding that they ly not contigue togidder, to be haldin of oure said soverane lord and his successouris in frie blenche, frie heretage and frie baronye for evir, payand thairfore yearlie the said Jhonne Murraye, his airis and assigneyis foirsaidis to oure said soverane lord and his successoures the soume of tuentye poundis usuall money off the realme of Scotland at the feast of Witsonday in name of blenche ferme allanerlie; and als the said Jhone Murray and his foirsaidis payand to the ministeris present and to cum serveing the cure at the kirkis respective abovementionat the yearlie dewties and stependis to be modifiet be the commissionaris conforme to the commissioun maid and grantit be his majestie and estaittis to that effecte; and als the said Jhonne Murray and his foirsaidis biggand, beitand, repairand and uphaldand the saidis kirkis respective and queiris thairoff, and furnessing the elimentis off breade and wyne to the celebratioun of the communione within the saidis kirkis, and payand all taxatiounes and impositiounes imposit, or to be imposit, upoun the samen kirkis, teyndis, fructis and rentis thairoff, and relevand the saidis ministris, present and to cum, of the samen in all tyme cuming.
[1617/5/72]*[print] [email] [cite] [preceding] [following]
Oure soverane lord, with advyse and consent of the estaittis off this present parliament, remembering and calling to mynd the maniefold actis of parliament maid be his majestie and his hienes predicessoures of worthie memorye in favoures off the old universities within this realme, quhilkis ar the seminarye of the kirk and policye within the samyne, and his majestye being moved with fervent zeall of the propagatioun and advancement of religioun and with ane eirnest luiff of the incres of the policye, and haveing thairwith ane speciall regarde to the educatioun and upbringing of the youthe and speciallie within the north pairtis of this realme, quhairoff oure said soverane lord, his colledge of and universitye of auld Aberdene hes bene speciall instructaris, and understanding that the same wes of auld foundit be King James the feard of worthie memorye, and gifted be him and certane utheris his majesties subjectis with the kirkis and landis following mortifiet and unite thairto, viz: the personage and viccarage of Abirluthnot, the personages and viccarages of Glenmuke and Glengardyne, the personages and viccarages of Slaynis, the personage and viccarage of Snaw, the personage and viccarage of Auchindore, the viccarage of Tullienessill, the halff toun and landis of Drumlugies, the toun and landis of Adiell, Balmakettill, Collyin and Andeit, Berriehill, Mundurne, certane croftis lyand in the territorie of new Abirdene, ane annuelrent off tuentie pundis yearlie out of the baronye of Balhelvie, nyntene merkis out of the kingis wateris off Banff, tuelff pundis, sex schillingis, aucht pennyis yeirlie furth of the landis of Orde, Monbrae, Blairschynnocht, and certane utheris adjacent landis in Boyne, ane anuelrent of fyve pundis out of the landis of Udoche, ane annuelrent of four pundis yeirlie furth off the landis of Pettie, the landis of the hospitall of Sanctgermanis, with the haill fructis, rentis and dewties belangand thairto quhairevir the samen beis or lyes within this realme, the landis quhairupoun the said colledge is foundit with the yairdis and croftis of the samen with the manse, yairdis and croftis of the canonist, civilist, mediciner and granmariour, with certane uther chaplanryes, landis and anuelrentis specifit and contenit in the old foundatione of the said colledge, chartouris and donatioun of the samen; as likwayis that oure said soverane lord, haveing respect that the meanis of the said rent wes not able to intertenye the memberis of the said universitye as the samyne wes first foundit, thairfore he him selff off his majestyes princelie liberalitye, luife and affectioun quhilk he had to learning and incres of vertew and lettres within this realme gave and disponit to the said universitye the kirkis, teindis, landis and annuelrentis efterspecifit, to wit: all and haill the personage and viccarage of Sanct Mather, callit the deanrie of the cathedrall kirk of Aberdene, with the haill landis, teindis, fructis, rentis, emolimentis and dewties pertening and belanging thairto, all and haill the personages and viccarages of Methlick, Furvie, Petir Kirk, callit Spittell, or the subchantorye of Abirdene, with the haill manses, gleibis, landis, rentis and dewties of the saidis kirkis respective, all lyand within the diocyes of Sanctandrois and Aberdene respective, togidder alsua with all and sindrie kirklandis, teyndis, anuelrentis, feufermes, manses, gleibis, houses, biggingis, yairdis and utheris fruttis, rentis and emolimentis quhilkis pertenit to the freiris Carmalittis of Banff, the chaplanries off Westhall and Folleroule, the chaplanrie of Sanctmagdalene, with all and sindrie kirklandis, teyndis, anuelrentis, feufermes, manses, gleibis, houses, biggingis, yairdis and utheris fructis, rentis, emolimentis and dewties quhatsumevir quhilkis appertened to the said chaplanrie or to the auld chaplane of the said universitie, togidder with all utheris landis, biggingis, proventis, teindis, annuelrentis, fewfermes, tytillis, rightis, jurisdictiounes and utheris quhatsumevir pertening and addettit to the said colledge, maisteris, regentis, bursaris or memberis thairoff, ather gevin be oure said soverane lord, his predicessoures or be him selff, quhidder it be, and with the consent off his majesties regentis, his hienes counsell or ony utheris, or be the Bischope of Abirdene off gude memorie, or be ony utheris grantit and gevin at onye tyme of before, of quhatsumevir the said colledge possesses, hes possest or ony wayis might posses, as in his majestis donatioune, gift and dispositioun thairoff at mair lenth is conteaned. And his majestie, continewing now still in the said goode affectioun, love of leirning and vertewous educatioun of the youthe, and being willing be all meanes possible sua far as lyes in his majesties power to promove vertew, advance the said colledge and corroborat the rightis and tytillis thairoff, swa that the same may the mair and mair flurische in leirning, discipline and goode maneris, thairfore his hienes, with advyse and consent of the saidis estaittis and haill bodye of this present parliament, ratifies, allowes, approves and confermes the foirsaidis haill foundatiounes and donatiounes gifted and granted to the said colledge and universitie, with all priviledges, immunities, exemptiounes, jurisdictiounes, fredomes and liberties of the samen, in all and sindrie the heiddis, poyntis, articles, clauses and circumstances thairoff quhatsumevir efter the formes and tennoures of the samen; and willis, grantis and declairis that the said universitie sall injoye the samen, intrometwith and uplift the haill landis, teyndis, fructis, rentis, annuelrentis, chaplanries and utheris quhatsumevir abovespecifit pertening and belanging thairto, and alsua all utheris priviledgis, immunities, fredomes and exemptiounes quhilkis ony tyme the said colledge and universitye or ony uther colledge or universitie within this realme bruikis and injoyes, or has bruikit and injoyed in ony tyme bigane. And becaus the deanerie and subchantorye off Abirdene, with the personage off Methlick, ar now unite, annexit and incorporat to the said universitye, and that the principale of the said colledge hes divers yeiris bigane servit the cure of the said kirk of Sanct Machar pertening to the said deanerye and hes exercesed the said office, and his majestie being nawayes willing that the said chaptour be hurt, impairit or frustrat of ony of the old memberis or priviledgis thairoff, thairfore his hienes, withe advyse foirsaid, statutes and ordanis that the principale of the said colledge sall, in all tyme cuming, be deane off Abirdene, and that the subprincipale salbe subchantour off Abirdene, and that ane qualifiet regent of the said colledge sall sitt in the said chaptour and have vote as persoun of Methlick, quhilk regent salbe elected and nominat furth of the number of the saidis regentis be the present Bischope of Abirdene and his successoures, prowyding alwayes the said colledge mak ane sufficient stepend and provisioun to the minister actuallie serveing the cure at the said kirk.
[1617/5/73]*[print] [email] [cite] [preceding] [following]
Oure soverane lord, understanding that umquhile Maister Duncane Liddell, doctoure off medicine, for the lufe and favoure quhilk he bure to poore studentis and bursoures within his native cuntrey and for incres of letteris and literature within the samen, foundit and mortifiet all and haill the toun and landis off Pitmedden with salmond fisches, mosses, pairtis, pendicles and pertinentis thairoff lyand within the parochin of Dycie and schirrefdome off Abirdene, togidder with the teindscheaves of the saidis landis to have bene unite, annexit and incorporat thairwith, and to that effect dissolvit fra the personage of Kinkell quhairunto the saidis teyndis did apperteane; lyik as Maister Johne Walker, persoun of Kinkell, for furtherance of the said gude and charitable work, with consent of ane richt reverend father Jhonne, archebischope of Sanctandros, be thair procuratouris resignit the saidis teyndschevis in his majesties handis to the effect underwrittin, quhilkis haill landis and teyndis war acquyrit be the said umquhile Maister Duncane upoun his awin chairgis and with his awin money to the intent he micht have foundit and mortefiet the samen for the sustentatione and upbringing off sex bursoures in the colledge of Abirdene; and becaus the said umquhile Maister Duncane wes preventit be deathe before the saidis teyndis wes resignit in his majesties handis, and the said mortificatioun formallie perfyittit and endit, thairfore his majestie, being carefull that sua godlie and sua charitable ane wark suld not remayne unperfyittit and want the laudable end quhairunto the same was destinat be the said umquhile Maister Duncane, authour thairoff, hes, with the advyse of the estaittis of this present parliament, dissolvit fra the said personage of Kinkell all and haill the teyndscheavis of the saidis landis off Pitmedden, with the pairtis, pendicles and pertinentis thairoff, to remayne separat fra the said personage in all tyme cuming, and unittis, annexis and incorporattis the saidis teyndschevis with the saidis landis of Pitmedden with the pairtis, pendicles and pertinentis thairofff, to remayne thairwith unseparat or dewydit thairfra in ony tyme cuming, to the effect that the saidis haill landis, fischeingis and utheris abovespeit with the teindschevis thairoff thairin includit may be foundit and mortified to the sustentatioun of the saidis bursoures according to the will and lettir of mortificatioun and procuratorie of resignatioun off the saidis teindis in all poyntis. Lyik as his majestie, with consent foirsaid, ratefies, approves and confermes the said chartour of mortificatioun to be exped according to the will and mynd of the said umquhile Maister Duncane Liddell in all poyntes, as gif the same wer alreddie perfyittit and exped, quhilk his majestie willis and declairis salbe ane sufficient right and securitie to the saidis sex† bursoures for bruiking and joysing of the fructis of the saidis landis, teyndis and fischeingis, and thair patrones and oversearis appoyntit be the said umquhile Maister Duncane for doing and observeing off sick chairgis and burdingis as ar committit unto thame be the said mortificatioun in all tyme cuming. And his majestie ordanis the haill conditiounes conteanit in the said mortificatioun to be observit and keipit and insert in the chartour to be extendit thairupoun, quhilkis haill provisiounes and conditiounes his majestie lyikwayis, with advyse foirsaid, ratiefies and confermes.
[1617/5/74]*[print] [email] [cite] [preceding] [following]
Oure soverane lord, with advyse and consent of his hienes haill estaittis of this present parliament, ratefies, apprevis and confermes the chartour and infeftment made be his majestie to Schir Henrie Wardlaw of Pittrevye, knicht, his airis and assignis quhatsumevir heretablie off all and sindrie the landis of Pettravie, with maner place, houses, biggingis, orcheardis, yairdis, doucat, pairtis, pendicles and all thair pertinentis quhatsumevir lyand within the schirrefdome of Fyiff, off the date the tuentye sevint day off Maii jM vjC and fourtene yeiris, in all and sindrie heidis, articles, circumstances, poyntis, clauses and conditiounes thairoff, conforme to the tennour of the same in all poyntes; and decernis and ordanis this present ratificatioun to be als sufficient to the said Schir Henrie and his foirsaidis as giff the said chartour wer heirintill worde be worde ingrossed and insert; quhairanent his majestie, with advyse foirsaid, hes dispensit and dispenses for evir be thir presentis.
[1617/5/75]*[print] [email] [cite] [preceding] [following]
Oure soverane lord and estaittis of this present parliament ratefies and apprevis the lettiris of pensioun underwrittin, the ane thairof grantit be his majestie to Schir Henrie Wardlaw off Pittrevye, knight, gevand to him yearlie during his lyiftyme the soume of ane thousand poundis Scottis money to be upliftit yeirly furth off the reddiest of his majestyes rentis, ather propertie or casualitye, within the said kingdome, as the said lettir off pensioun off the date at Tybollis, the tuentye day off September jM vjC and fyiftene yeiris, at mair lenthe beiris; and the uther grantit be his majestie to James Bailyee off Lochend, gevand to him yeirlie during his lyiftyme the soume of ane uther thousand pundis money foirsaid to be yeirlie upliftit also furthe of his majesties proper rentis and casualityes of the said kingdome, as the said lettre off pensioun off the dait at Quhyithall, the sext day of November the yeir of God jM vjC and fyiftene yeiris at mair lenth beiris; in all and sindrie heiddis, articles, clauses and contentis thairoff efter the forme and tennour of the samyne in all poyntis. And oure said soverane lord and estaittis foirsaidis willes and grantis that this present ratificatioune off the saidis pensiounes is and salbe als sufficient and valide to the saidis persounes as gif the foirsaidis lettres of pensioun wer verbatim at lenthe insert in this present act; quhairanent his majestie and estaittis foirsaidis hes dispensit and dispenses for evir.
[1617/5/76]*[print] [email] [cite] [preceding] [following]
Oure soverane lord, estaittis and haill bodie off this present parliament, for thame and thair successoures, ratiefies, approves and perpetuallie confermes the chartour of alienatioun maid and grantit be Laurence, lord Oliphant to Maister James Oliphant, eldest sone and appeirand air to Schir Williame Oliphant off Newtoun, knight, advocate to his hienes, and to his airis maill and assigneyis quhatsumevir heretablie and irredimablie, but onye reversioun, regres or redemptioun quhatsumevir, off all and haill the landis and baronye off Murehous, with tennentis, tenandries and all their pertinentis lyand within the schirrefdome off Edinburgh principall, withe the precept of seasing ingrossed thairin and the instrument of seasing following thairupoun; and als ratifeis and apprevis the chartour of confirmatioune past under his majesties gryit seall confermand the foirsaid chartour of alienatioune, togidder with the chartour and gift de novo damus conteaned in the foirsaid chartour of confirmatioun gevand and disponand of new to the said Maister James, his airis maill and assigneyis quhatsumevir all and haill the foirnamit landis and baronie of Murehous, with the precept and instrument of seasing following thairupoun, togidder also with the haill liberties, priviledgis and immunities exprest in the foirsaidis chartouris of alienatioun and confirmatioun, contenand ane gift de novo damus as said is, in all and sindrie heiddis, poyntes, articles, clauses, circumstances and conditiounes thairin exprest as the samen chartoures, preceptis and instrumentis of seasing in thame selffis respective at mair lenth proportis; and willis and declairis this present ratificatioun to be off als gryit strenthe, force and effect as giff the foirnamit chartouris of alienatioun and confirmatioun contenand the gift de novo damus, preceptis and instrumentis off seasing, haill tennoures and contentis thairoff wer word be word at lenth insert heirin; quhairanent oure said soverane lord and estaittis of parliament dispenses be thir presentis.
[1617/5/77]*[print] [email] [cite] [preceding] [following]
Oure soverane lord and thrie estaittis of this present parliament convenit, understanding that his majestie be his hienes lettres off gift off pensioun of the date at Quhyithall, the secund day of November, the yeir of God jM vjC and fyiftene yearis, under his hienes previe seall, for the gude, trew and thankfull service done to his hienes be his majestyes weilbeloved servitoure Maister Patrik Hammiltoun, brother germane to his hienes right traist cousing and counsellor Thomas, lord Bynning etc.,† getand, grantited and disponited to the said Maister Patrik during all the dayes of his lyiftyme, all and haill ane yearlie pensioun of the soume of tuelff hundereth pundis goode and usuall monie of his hienes realme of Scotland yeirlie to be uplifted and takin at tua termes in the yeir Witsonday and Mertimes in winter be equall portiounes furth of the first and reddiest of his hienes rentis and dewties of his majesties propertie and casualitye of his hienes thesaurarye, comptrollarye and collectourye of his majesties kingdome of Scotland, as the said lettre of gift off pensioun in the selff mair fullie proportis; thairfore, and for dyvers goode respectis and consideratiounes moveing his majestie, his hienes and estaittis foirsaidis hes of certane knawledge and proper motive ratefiet and approvin and be the tennour heiroff ratefies and approves the foirsaid lettre of gift of pensioun grantit be oure soverane lord, with advyse and consent of his trustie and weilbeloved counsellour Schir Gedeoun Murray off Elibank, knicht, his hienes thesaurer, comptroller and collectoure depute, to the said Maister Patrik Hammiltoun in lyverent dureing all the dayes of his lyiftyme off all and haill the foirsaid yeirlie pensioun of tuelff hundereth pundis money of this realme yeirlie to be upliftit and takin at the saidis tua termes in the yeir Witsonday and Mertimes in winter be equall portiounes furthe of the first and reddiest off the fructis, rentis and dewties off his hienes propertye and casualitye of his hienes thesaurarie, comptrollarye and collectourye of his hienes said kingdome of Scotland frome his hienes thesaurer, comptrollar and collectour present and to cum and frome quhatsumevir ressaveris of his hienes saidis rentis and casualyties, in the haill headdis, clauses, conditiounes and circumstances quhatsumevir specifit and contenit in the said gift of pensioun and haill contentis thairoff; decerning and ordaning this present ratificatioun and approbatioun of the said gift of pensioun to be als gude, valide and sufficient in the selff as gif the said haill lettre of pensioun wer at lenthe worde be worde insert heirin, dispensand thairanent be thir presentis and decerning and ordaning his hienes said thesaurer, comptroller and collectour and under ressaveris and all quhatsumevir utheris his hienes officeris that salhappin in tyme cuming to posses anye off the saidis offices as principallis or deputtis, to reddielie ansuer, intend, obey and mak thankfull payment to the said Maister Patrik Hammiltoune, his factouris and servitouris in his name off the said yeirlie pensioun of tuelff hundereth pundis yeirlie and termelie in tyme cuming during all the dayes of the said Maister Patrik, his lyifetyme, efter the forme and tennour of the said lettre of gift of pensioun in all poyntis.
[1617/5/78]*[print] [email] [cite] [preceding] [following]
Oure soverane lord and estaittis of parliament, perfyitlie understanding that his majesties burgh off Abirdene, being ane of the most ancient and famous borrowes of this his majestyes kingdome off Scotland, wes erectit be his majestyes maist nobill predicessoures of worthie memorye and doted with ampill priviledges and immunityes for yeirlie payment of the soume of tua hundereth threttene pundis, sex schillingis, aucht pennyes of borrow maill specifit and conteanit in the rightis and infeftmentis maid to the said burgh thairupoun, as the samyne in the selff proportis; and howbeit in ane of the saidis auld infeftmentis the said borrow maill and yeirlie dewtie be exprest to be sterling monie, yit it is of veritie that the provest, bailyeis, counsell and communitie of the said burgh off Abirdene and thair predicessouris wes nevir in use of payment to his majestie or his hienes comptrollaris bot off the soume off tua hundereth threttene pundis, sex schillingis, aucht pennyes current and usuall money of Scotland allanerlie, quahiroff compt hes bene maid in his hienes† exchekquer past memorie of man; and his majestye, considdering that giff the said burgh of Abirdene suld be urgit and burdenit with the payment of the said borrow maill in sterling money, the same wald tend to the utter ruine of the said burgh, in respect the haill commoun landis and rentis pertening thairto ar not able to pay the said borrow maill, it being comptit in sterling money; his hienes thairfore, be infeftment under the gryit seill off the date at Faulkland, the fourtene day off August the yeir of God jM vjC and ane yeiris, of new gave, grantit and disponit to the said burgh all and sindrie thair landis, mylnes, houses, fischeingis, watteris and the said burgh it selff, and all utheris priviledgis, liberties, immunities and utheris commodities quhatsumevir quhilk did at ony tyme of before pertene or belang to the said burgh, to be haldin of his majestie and his successoures in frie burgage for yearlie payment of the soume of tua hundereth threttene pundis, sex schillingis, aucht pennyes usuall money of the realme of Scotland, and tuentye schillingis in augmentatioun of the rentall, as in the said infeftment off the date foirsaid contening ane ratificatioun of all former rightis and evidentis grantit to the said burgh at mair lenth is conteanit; quhilk infeftment his majestie hes ratefiet in the parliament haldin at Peirth, the nynt day off Julii, jM vjC and sex yeiris. And now his majestie, being of mynd that the said gift and erectioun maid to the said burgh may be sua formalie exped according to his majesties lawes that the same may be effectuall to the provest, bailyeis, counsell and communitie of the said burgh and ane sufficient right unto thame and thair successoures in all tyme cuming for payment of the said yeirlie dewtie and borrow maill of tua hundereth and threttene pundis, sex schillingis, aucht pennyes usuall money of this realme of Scotland, and tuenty schillingis money foirsaid of augmentatioun allanerlie, thairfore his majestie, with advyse and consent of the haill estaittis of this present parliament, hes dissolvit and be the tennour heiroff, for his hienes and his successoures, with consent and advyse foirsaid, off certane knawledge perpetuallie dissolvis fra the croun and all annexatioun thairto the said burgh of Abirdene, with all and sindrie thair landis, forrestis, woddis, watteris, salmond fischeingis upoun Dee and Done, mylnes, thirle multeris, castellis, medowis, hillis, linkes, heavines, poirtis, blokhouses, bulwarkis, anchorages, small customes, bell customes, trone wechtis, measures, utheris proffittis, casualities and dewties quhatsumevir quhilk at ony tyme before perteanit or belangit to the said burgh of Abirdene, togidder with the said borrow maill and yeirlie dewtie of tua hundereth threttene pundis, sex schillingis, aucht pennyes money conteanit in quhatsumevir infeftmentis or evidentis grantit to the said burgh off quhatsumevir designatioun the said borrow maill and yeirlie dewtie be of, quhither sterling money or usuall money of this realme, to this effect: that his majestie may of new geve, grant and dispone to the provest, bailyeis, counsell and communitie of Abirdene and thair successoures the said burgh with all and sindrie thair landis, forrestis, woddis, wateris, salmond fischeingis upoun Dee and Done, mylnes, thirle multouris, castellis, medowis, hillis, linkes, blokhouses, bulwarkis, anchorages, small customes, bell customes, trone wechtis, measures, utheris proffittes, casualities and dewties quhatsumevir quhilk at ony tyme bigane pertenit or belangit to the said burgh of Abirdene, to be haldin of his majestie and his hienes successouris in frie burgage for yeirlie payment of the said sowme of tua hundereth threttene pundis, sex schillingis, aucht pennyes and tuentye schillingis of augmentatioune usuall money of Scotland allanerlie, with als ampill priviledgis, immunities and liberties as ony uther burgh within this realme. Lyik as his majestie ordanis ane new gift to be maid to the saides provest, bailyeis, counsell and communitie off the said burgh and utheris above specifit efter this present dissolutioun under his hienes gryit seall, quhilk infeftment swa to be exped his majestie, with consent foirsaid, now as gif the samen wer alreddye perfyittit, ratefies, affermes and apprevis in the haill heiddis, articles and clauses thairoff, and willes and declairis the said infeftment to follow upoun this present dissolutioun to be ane guid, valide and perfyit right for the saidis provest, bailyeis, counsell and communitie of the said burgh off Abirdene, present and to come, for bruikeing and joysing of the said burgh and all and sindrie landis, forrestis, mylnes, woddis, salmond fischeingis, customes, casualityes, trone wechtis, priviledgis, liberties, immunities and utheris dewties quhatsumevir thairin to be conteanit for payment of the said yearlie dewtie of tua hundereth threttie pundis, sex schillingis, aucht pennyes usuall money of Scotland and tuenty schillingis of the same money in augmentatioun of the rentell allanerlie and na farder, as giff the same wer alreddy past and expreslie sett doun in this present act, and nochtwithstanding thairoff; quhairanent his hienes, for his majestie and successoures, with advyse and consent foirsaid, hes and, be thir presentis, dispenses for evir.
[1617/5/79]*[print] [email] [cite] [preceding] [following]
Oure soverane lord and estaittis of this present parliament ratifies and apprevis the infeftment maid and grantit be Schir Richard Cokburne, younger, of Clerkingtoun, knight, lord keipar of his hienes previe seall and ane of the senatoures of his hienes colledge of justice for the kingdome of Scotland, with expres consent and assent of Dame Margaret Cokburne, his spous, to and in favoures of his hienes trustie and weilbelovit familiar clerk and counselloure Schir Williame Oliphant of Newtoun, knight, his hieghnes advocat, ane uther of the senatoures of the said colledge of justice, in lyverent for all the dayes of his lyvetyme, and to his majesties lovit Maister Williame Oliphant, his secund lauchfull sone, his airis maill and assignais quhatsumevir in fee heretablie and irredimablie but ony reversione, redemptioun, regres, band, promeis or conditione of reversioun or redemptione quhatsumevir off all and haill the said Schir Richard his landis of Kirkhill, with the maner place, houses, biggingis, yairdis, pairtis, pendicles and pertinentis of the same quhatsumevir lyand within the parochin of Strabrok and schirefdome of Linlithgow, to be haldin of our said soverane lord and his successoures, now superiouris of the saidis landis, in sted and place of the deane of the colledge kirk of Restalrig and prebendaris off the same, sumtyme superiouris of the samen be vertew of the act of annexatioun of the kirklandis to the croun, in feuferme for payment of the feudewthies thairin conteaned, off the date at Edinburgh, the last day of Julii, the yeir of God jM vjC and fourtene yeiris, with oure said soverane lordis confirmation following thairupoun and new gift thairin contened, off the date at Edinburgh, the nyntene day of October, the yeir of God jM vjC and fouretene yeiris; togidder with the chartour maid and grantit be his majestie under his hienes gryit seall, with consent of his hienes thesaurer depute and of the remanent lordis of his hienes secreit counsell of the kingdome of Scotland, his majesties commissionaris, to the said Maister Williame Oliphant, his airis maill and assigneyis quhatsumevir heretablie, off all and haill that halff of the landis and baronye of Strabrok with the halff milne thairof, advocatioun and donatioun of the kirk and chaplanrie of Strabrok alternative, with tennentis, tenandries, service of frie tennentis and pertinentis of the samen lyand within the schirrefdome of Linlithgow, quhilk pertenit of before to Laurence, lord Oliphant, proceding upoun the resignatioun off the said Laurence, lord Oliphant, with the new gift and dispositioun thairin conteanit, to be haldin off his majestie and his successoures, off the date at Edinburgh, the third day of November, the yeir of God jM vjC and fourtene yeiris, togidder with the preceptis and instrumentis of seasing following upoun the saidis infeftmentis respective, in all and sindrie poyntis, passis, heidis, articles, clauses and conditiounes quhatsumevir thairin conteaned efter the formes and tennoris thairof. Lyik as his majestie and estaittis foirsaidis willis, grantis, decernis and declairis that this present ratificatione is and salbe als valide and sufficient in all respectis as gif the saidis infeftmentis respective, preceptis and instrumentis of seasing respective wer at lenth insert heirin de verbo ad verbum.