[1605/6/23]*[print] [email] [cite] [preceding] [following]
Parliamentum excellentissimi et potentissimi principis Jacobi Dei gratia Magne Britannie Francie et Hibernie regis defensoris fidei tentum apud Perth tertio die mensis Julii anno Domini millesimo sexcentesimo sexto, per prepotentem dominum Joannem comitem Montirosarum magnum commissionarium et omnes regni status, unacum comite Arrolie constabulario, Jacobo Stewart pro mariscallo et Joanne Moncreiff milite pro vicecomite de Perth et Willielmo Makesoun adjudicatore. Sectis vocatis, curia affirmata.
[1605/6/24]*[print] [email] [cite] [preceding] [following]
The quhilk day, in presens of the haill estaittis, Johne, erle of Montrose, great commissionar of this present parliament, producit ane wryting direct be his hienes to the haill estaittis of parliament gevand thame libertie to cheis new lordis of articlis, of the date frome Grenewich, the tuentie fourt day of Junii last bipast, off the quhilk letter the tennour followes: James R[ex], richt trusty and weilbelovit cousingis, counsaillouris and utheris, oure gude, lowing and obedient subjectis of the estaittis of that oure kingdome convenit in parliament, we great yow hartlie weill. Haveing hard of the different opinionis of some of your number concernyng the ordour observeit in preceding current parliamentis of that oure kingdome, anent the reteyning of the lordis of articlis chosin in the beginning thairof during the haill following sessiounes to the finall end and conclusioun of the said parliament, or change of thame at ilk severall sessioun, for avoyding of all unnecessar controversie upoun that subject and significatioun of oure favorable allowance of your lauchfull libertie thairin, we have frelie remittit the determinatioun of that doubt to the greatest and best part of your awin number, becaus we sa assuritlie persuade oure selffis of everie ane of your dueteis and affectionis in all materis concerning ws, that nane can be ungracious to ws quha sall be thocht worthie of that place be thame to quhome the electioun appertenis. Nevirtheless, gif ye do think it expedient that, at the beginning of this sessioun of parliament, new electioun and chuse suld be maid of the lordis of articlis, in that caise, by ressone thair ar sum moir perfytlie acquantit than utheris with oure favorable designis in materis greatlie concerning the universall weill of that oure kingdome, pairtlie by oure speciall directionis and pairtlie by †oure lettres, we have [...] thocht gude to [...] roll of thair names [...] contenit in that catho[...] thame quha for just [...]selffis of your willi[...] court of Grenewiche [...].
[1605/6/25]*[print] [email] [cite] [preceding] [following]
†[...] letter being red in presens [...] thairwith being ryplie advys [...] persone of ilk estait, gif the [...] present parliament they all in ane [...] lordis of articlis in all estaittis [...] of the clergie and the haill erlis [...] they chesit thir persones underwri[...] present parliament, that is to say:
[1605/6/26]*[print] [email] [cite] [preceding] [following]
And siclyk the said lord commissionar exhibit and producit in presens of the saidis haill estaittis ane lang round contening the treatie of the unioun betuix Scotland and England within the samin, conforme to the former directit† grantit at Perth upoun the thretteine day of Julii 1606,† and also exhibit the key of the samin box to the lord clerk of register quha grantit the ressaitt of the said box and key, quhair upoun the said lord commissionar askit instrumentis.
[1605/6/27]*[print] [email] [cite] [preceding] [following]
The four summondis of treassoun being callit this instant day in presens of the haill estaittis, the ane aganis the Erle of Orknay, quha grantit him lauchfullie summonit, the secund aganis Rorie McCloyd of Herich, qua lykwayes being present grantit him also to be lauchfullie summonit, the thrid aganis Richard Grahame of Reidkirk, quha being oft tymes callit and nocht comperand, the executioun of his summondis wes verefeit be the executouris thairof and witnesses insert thairintill as the samyn wes verefeit at Edinburgh upoun the tuentie day of Marche jM vjC and sex yeiris, and the fourt summondis aganis Rorie McNeill of Baro, quhilk wes verefeit be the executouris thairof and witnesses insert thairin, as the samin wes verefeit of befoir at Edinburgh, the said tuentie day of Marche last bipast.
[1605/6/28]*[print] [email] [cite] [preceding] [following]
The haill estaittis of parliament ordinis the lordis of articlis chosin this instant day to conveyne togidder everie day fra ten houris in the morning quhill four efternone, to deliberat and advyse upoun sic effairis as sall be presentit to thame be the clerk of register quhill the haill estaittis convene of new agane to gif thair opinionis and voit thairin.