[1605/6/7]*[print] [email] [cite] [preceding] [following]
Parliamentum continuatum excellentissimi et potentissimi principis Jacobi Dei gratia Magne Britannie Francie et Hibernie Regis fideique defensoris tentum apud Edinburgh vicesimo die mensis Marcii anno Domini millesimo sexcentesimo sexto per hos commissionarios subscriptos, viz Alexandrum comitem de Dunfermeling cancellarium, Willielmum Angusie comitem, Joannem comitem de Montirose etc., Joannem comitem de Atholl, Alexandrum comitem de Lynlythqw, Andream dominum de Vchiltrie, Marcum dominum de Newbuttill, Joannem dominum Maxwell, Alexandrum dominum Elphingstoun, Petrum episcopum Dunkeldensem, Joannem commendatarium de Halyrudhous, Walterum priourem de Blantyre, Willielmum Dowglas de Quhittinghame commissionarium pro vicecomitatu de Hadingtoun, Joannem Robertsoun et Georgium Foulis pro burgo de Edinburgh, unacum comite Mariscalli, Alexandro Stobo pro constabulario, et Willielmo Makesoun pro vicecomite de Edinburgh, Davide Lyndsay adjudicatore. Sectis vocatis, curia affirmata.
[1605/6/8]*[print] [email] [cite] [preceding] [following]
The quhilk day Maister Robert Lyntoun and Thomas Henrysoun, in name of oure soverane lordis advocat, producit summondis of treassoun rasit at his hienes instance aganis Patrik, erle of Orknay, for certane crymes of treassoun specefeit thairin; lyk as Williame Makesoun, Bute pursvivant, being present, producit Robert Lowrie and Johne Moncure, messingeris, witnesses to his executioun, execute upoun the said Erle of Orknay upoun the nynt day of Januar last bipast, quhilk Williame maid faith he fund the said erle personalie apprehendit, and the saidis twa witnesses maid faith that they wer witnesses and hard and saw him summonit and wer requirit witnesses be Williame Makesoun thairto, quhairupoun the said Maister Robert Lyntoun askit instrumentis.
[1605/6/9]*[print] [email] [cite] [preceding] [following]
And siclyk the saidis Maister Robert Lyntoun and Maister Thomas Henrysoun, for oure said soverane lordis advocat, producit summondis of treassoun aganis Rorie McCloyd of Heroche for certane crymes of treassoun specefeit thairin; lyk as James Law, Snawdoun herauld, being present, producit Andro Steill and Johne Duff, witnesses to his executioun, execute upoun the tuentie nynt day of Januar jM vjC and sex yeiris at the marcat croce of Invernes; lyk as Williame Makesoun, Butte purswivant, producit Johne Moncure, messinger, and Robert Newlandis, wrytar, witnesses to his executioun, execute upoun the said Rory McCloyd at the marcat croce of Edinburgh upoun the sextene day of Januar last bipast.
[1605/6/10]*[print] [email] [cite] [preceding] [following]
And also the saidis Maister Robert Lyntoun and Maister Thomas Henrysoun, in name of oure said soverane lordis advocat, producit ane uther summondis of treassoun rasit at oure soverane lordis instance aganis Richard Grahame of Reidkirk for certane crymes of treassoun specefeit thairin; lyk as Johne Yallowleyis, Dingwall purswivant, producit Williame Makesoun, Bute purswivant, Archibald Bald and Johne Moncure, messingeris, witnesses to his executioun, execute aganis the said Richard Grahame upoun the tuentie day of Januar last bipast at the marcat croce of Edinburgh, quha and everie ane of thame maid faith they execute the said summondis at the marcat croce of Edinburgh and that the saidis thrie witnesses wer requirit to be witnesses thairto. And also Johne Yallowleyis producit Robert Grahame in Selkirk and James Chapman in Edinburgh, witnesses to his executionis, execute upoun the xxv and xxvij dayes of Januar last bipast at the marcat croce of Drumfreis and at his duelling place of Reidkirk, quha wer present, hard and saw the said Johne Yallowleyis execute the said summondis and wer requirit witnesses thairto.
[1605/6/11]*[print] [email] [cite] [preceding] [following]
And last the saidis Maister Robert Lyntoun and Maister Thomas Henrysoun producit summondis rasit be oure said soverane lord and his hienes advocat aganis Rorie McNeill of Baro for certane crymes of treassoun specefeit thairin; lyk as James Law, Snawdoun herauld, producit Andro Steill and Johne Duff, witnesses contenit in his executioun aganis the said Rory McNeill, execute upoun the xxix day of Januar last bipast at the marcat croce of Invernes; lyk as William Makesoun, Butte purswyvant, producit Robert Newlandis, wrytar, and Johne Moncure, messingeris, witnesses to his executioun, execute aganis the said Rory at the marcat croce of Edinburgh, and declarit that he hard and saw the saidis executiounes maid and that they wer witnesses requirit witnesses thairto, quhairupoun the saidis advocattis deputtis askit instrumentis; lyk as they also askit instrumentis that they producit relaxationis, quhairby the saidis Patrik, erle of Orknay, Rory McCloyd of Herech, Richard Grahame of Reidkirk and Rory McNeill of Baro wer relaxit frome all horningis, to the effect they micht compeir and defend the foirsaidis summondis of treassoun and everie ane of thame, and thairupoun lykwayes they askit instrumentis.
[1605/6/12]*[print] [email] [cite] [preceding] [following]
And the said Patrik, erle of Orknay, being personalie present, togidder with Maister Alexander King, his proloquutour, askit instrumentis that he wes personalie present and reddie to ansuer to the said summondis of treassoun.
[1605/6/13]*[print] [email] [cite] [preceding] [following]
The commissionaris of parliament continewis this present parliament in the samin forme etc. unto the threttene day of Maii nixtocum, to be haldin at Edinburgh the said day, at the quhilk ordanis all the estaittis to awaitt thairone, and continewes the foirsaidis haill summondis of treassoun quhill the said day. Upoun the fensing of the quhilk parliament and continewatioun thairof, the saidis Maisteris Robert Lyntoun and Thomas Henrysoun, advocatt deputtis, askit instrumentis.