Legislation
Act in favouris of the kirk

Oure soverane lord and estaittis of parliament ratefeis and appreves all and quhatsumevir actis of parliament maid be his majestie or be his umquhile darrest mother in favouris of the kirk and religioun presentlie professit and establissit within this realme of Scotland; and in speciall ratefeis and appreves all actis of parliament maid aganis Jesuitis, papistis, seminarie preistis and thair ressaitteris, and ordinis the samyn actis to have full effect and to be put to executioun in all pointis in tyme cummyng eftir the forme and tennour thairof. And forder, the estaittis foirsaidis of this present parliament findis, decernis and declaris that the commissionaris nominat and electit in this present parliament for treating upoun the unioun betuix the realmes of Scotland and England sall have na power be vertue of thair said commissioun of the date of thir presentis to treat, confer, deliberat nor do ony thing that in ony maner of way may be hurtfull or prejudiciall to the religioun presentlie professit in Scotland, actis of parliament maid in favouris of the samyn religioun and discipline establissed and observit for intertenement and preservatioun thairof.

  1. NAS, PA2/16, f.39r. Back
  2. '2 V' written in margin beside heading. Back