Slaying of salmond in forbiddin tyme to be ane cryme of theift in tyme cummyng

Oure soverane lord and estaittis of parliament statutis and ordinis that the slaying of salmond in forbiddin tyme, or of kipper smoltis or sic blak fische at ony tyme, sall be in all tyme cumming ane cryme of thyift to the committer quhatsumevir and sall be punischit as thyift in everie qualitie according to the committeris rank and estaitt, exceptand alwayes furth of this present act the salmond, kipper smoltis and all uther fische slayne or tane within the riveris of Annand and Tweid alanerlie.

  1. NAS, PA2/16, f.20v. Back
  2. 'V' written in margin beside heading. Back