[A1596/9/1]*[print] [email] [cite] [preceding] [following]
[A1596/9/2]*[print] [email] [cite] [preceding] [following]
The quhilk day the kingis majestie, with avise of his nobilitie, counsall and esteatis presentlie convenit, hes concludit and resolvit that the baptisme of the princesse, his darrest dochter, salbe maid and done within the abbey of Haliruidhous upoun the xxviij day of November nixttocum, and that his majestie and the quene, his darrest bedfellow, sall mak speciall chois of sic personis tobe gossopis and witneses thairunto as they sall think maist meit and convenient. Lyk as hir educatioun and upbringing salbe with sic a nobleman or uthiris quhome they sall nominat and appoint for that eirand. And his saidis nobilitie, counsall and esteatis foirsaidis promittit to honnour, advance and furthsett the said baptisme with thair awne presens and uthir wayes according to thair habilitie and pouer.
[A1596/9/3]*[print] [email] [cite] [preceding] [following]
†Forsamekle as the act of secreit counsall maid be the kingis majestie, his nobilitie and counsale quhilkis convenit at Falkland upoun the tuelft day of August lastbipast concerning certane offeris presentit in name of George, sumtyme erll of Huntlie, and of his petitioun and sute twiching his hienes licence tobe grantit to him for his repairing and returning within this realme, being at lenth red, hard, sene and considderit be his majestie, his nobilitie, counsall and esteatis presentlie convenit, and thay haveing ryplie advisit, ressonit and conferrit upoun everie point of the same, the kingis majestie, with avise of his saidis nobilitie, counsall and esteatis foirsaidis, findis the said act in the forme as it is consavit tobe verie gude, ressounable, meit and convenient tobe followit oute tending to the suirtie of the trew religioun presentlie professit within this realme, his hienes persone, croun, commounwele and quietnes of his estate and cuntrey; and thairfoir hes allowit, ratifeit and approvit and be thir presentis allowis, ratifeis and approvis the same in all pointis according to the tennour thairof.
[A1596/9/4]*[print] [email] [cite] [preceding] [following]
The quhilk day, in presence of the kingis majestie, his nobilitie, counsall and esteatis presentlie convenit, compeirit personalie James, lord Ogilvy and Maister Petir Young of Setoun, his hienes elimosinair, and reportit thair negotiatioun and procedingis within the realme of Denmark according to his majesteis commissioun and instructionis gevin to thame thairanent, craving his hienes exoneratioun and discharge thairupoun. The kingis majestie, with avise of his saidis nobilitie, counsall and esteatis foirsaidis, having hard and considerit of thair saidis procedingis, findis and declairis that they have faithfullie, treulie, honnourablie and dewtifullie usit and execute thair said commissioun in all thingis according to the tennour of the same and instructionis foirsaidis gevin to thame thairanent, and exoneris and dischargeis thame thairof, and ordanis ane act tobe maid heirupoun ad futuram rei memoriam.