[A1594/4/29/2]*[print] [email] [cite] [preceding] [following]
Forsamekle as it is thocht expedient be the kingis majestie and his esteatis and counsale present, inrespect of the approcheing of his parliament and uthiris necessair occasionis, that his armey appointit to convene at the burgh of Dundee upoun the tuentie nyne day of Aprile instant sall desert, thairfoir ordanis lettrez tobe direct to mak publicatioun heirof to all and sindrie his majesteis liegis be oppin proclamatione at the mercat croceis of the heid burrowis of the schirefdomes subject to this present raid, quhairthrou nane pretend ignorance of the samine; and to command and charge all and sindrie erllis, lordis, baronis, fewaris, freehaldaris and landit gentilmen, togidder with the inhabitantis of burrowis within the haill boundis of this realme, to prepair thame selffis and be in full reddynes to repair to his majestie to sic pairtis and placeis and with samony dayis victuallis and provisioun as thay salbe advertist be new proclamatioun upoun sax dayis wairning, for persute of quhatsumevir personis his majesteis tratouris and rebellis, undir the pane of tinsall of lyffe, landis and guidis.