[1594/4/10]*[print] [email] [cite] [preceding] [following]
Parliamentum excellentissimi principis Jacobi sexti Scotorum regis illustrissimi, tentum apud Edinburgh octavo die mensis Junii anno Domini millesimo quingentesimo nonagesimo quarto, per dictum supremum nostrum dominum regem ipso presente, cum omnibus regni statibus, una cum Georgio comite Mariscalli, Guilielmo Hendersoun deputato constabularii, Roberto Stewart pro vicecomite de Edinburgh, et Jacobo Neisbit adiudicatore.
[1594/4/11]*[print] [email] [cite] [preceding] [following]
The quhilk day the saidis Maisteris David McGill of Cranstoun Riddell and Johnne Skene, advocattis to oure soverane lord, producit in presence of the kingis majestie and estaitis, lyk as thay did dyvers tymes ofbefoir, the said summondis of tressone rasit and persewit at the instance of oure said soverane lord and his hienes justice aganis the saidis Williame, erll of Angus, George, erll of Huntlie, Frances, erll of Erroll and Schir Patrik Gordoun of Auchindoun, knicht, quhairby thay wer summond to have comperit befoir oure said soverane lord and his hienes justice the xviij day of Maii last bypast, with continwatioun of dayes, to have answerit to the crymes and pointis of tressone and lesemajestie contenit in the saidis summondis. The quhilk summondis, ressonis and causes thairin contenit being first red in presens of the kingis majestie and in presens of the lordis of articles, thay fund the same summondis relevant, and thaireftir this instant day, the same summondis of tressone being red in presens of the kingis majestie and haill estaitis, and the saidis thre erllis and laird of Auchindoun being thrys callit at the tolbuith windo, and nane of thame comperand, the saidis haill estaitis fand the saidis summondis relevant, and thairfoir thay admittit the same to the saidis advocattis probatioun.
And immediatlie thaireftir the saidis advocattis, for proving of the saidis summondis of tressone aganis the saidis [erllis]† and lard of Auchindoun, producit in presence of the kingis majestie and haill estaitis the probationis following, lyk as thai producit the samyn probationis ofbefoir to the saidis lordis of articles upoun the first day of the moneth of Junii instant: in the first thai producit aucht blankis in paper, tua thairof subscrivit be the said Erll of Angus allanerlie, uther tua be the said Erll of Huntlie allanerlie, uther tua subscrivit be the said Erll of Erroll allanerlie, and uther tua be the saidis thre erllis and laird of Auchindoun, all send to Spayne, quhilkis blankis hes na designatioun on the bak nor declaratiouun of the caus for the quhilk thai wer send, bot blank and quheit paper on baith the sydis, except the said subscriptionis. Item, thai produce dyvers and sindrie seillis of the saidis erllis imprentit in paper send with Maister George Ker to Spayne, to the effect utheris seillis micht be maid thair, conforme to the samyn, to seill the saidis blankis efter thai suld be fillit. Thay produce dyvers and sindre depositionis of Maister George Ker, subscrivit with his awin hand, with ane missive lettre writtin and subscrivit be him uncompellit or coactit bot of his awin frie will to the kingis majestie, be the quhilk depositionis and lettre the haill tressonable trafficquing aganis the religioun, the king, his estait and realme is willinglie confessit and planelie declarit, and the tressounable end and effect for the quhilk the saidis blankis and seillis wer send is maid manifest, viz: that thai wer send to be fillit up be the counsaill of Spayne and Maister Williame Creichtoun, Jesuite, with sic forme and securitie as thai suld devyse anent the sending in Scotland of more for lifting of men of weir, and of threttie thowsand Spanyeardis to cum in this cuntrie and land in the wast pertis thairof, quhairof fyve thousand suld have remanit in this cuntrie, and, beand conjunct with the saidis erllis, suld alter the religioun and estait of this cuntrie. Item, for proving the premises thay produce certane depositionis subscrivit be umquhile David Grahame of Fintrie, conforme in all thingis to the depositionis of the said Maister George Ker. Item, thai produce the dome of foirfaltour gevin and pronuncit aganis the said umquhile lard of Fintrie contenand his depositionis and dittay, quhilkis ar conforme in all pointis to the said first ressone of the summondis and expreslie verifies and previs the samyn; the quhilk tressone the said Laird of Fintrie confessit in jugement and nevir revoikit the same, bot yeid to the death thairwith and wes justifiet and execute thairfoir. Item, thay produce sindre lettres writtin be Maister James Gordoun under ane fenyeit name of James Crystesoun, and siclyk ane lettre writtin be Maister Robert Abircrummy, Jesuite, having ane fenyeit subscriptioun of Robert Sandiesoun, and ane lettre writtin and subscrivit be the said umquhile laird of Fintrie, havand ane fenyeit name of David Forrester, quhilkis lettres planelie previs, conforme to the premises, the haill tressone libellit. Item, thay produce lettres writtin be Maister James Gordoun in favouris and commendatioun of Maister George Ker, writtin to sindre personis in Spanyie, to preif that he was purposit to pas to Spaine with the saidis blankis; togidder with tua obligationis subscrivit be the saidis Maister James and Robert, in the quhilk thay confess the fenyeing and mutatioun of thair awin names quhilk lykwayis may be easelie provin thair comparationem literarum and be inspectioun of the saidis obligationis that Sandesoun is Abircrummy and Crystesoun is Gordoun; and as to the fenyeit name of the said umquhile laird of Fintrie, calland him selff David Forrester, he confessit the same fals subscriptioun and name to be his awin hand write and name in his depositionis 20 Januar 1592, the quhilk lykwyis is provin thair comparationem literarum be the subscriptioun of the depositionis and ane lettre writtin and subscrivit with his awin hand heirwith producit; quhilk lettre is direct to the kingis majestie and is repetit in modum probationis of the said libell. Item, thai produce lettres of incident diligence quhairby the saidis erllis and laird of Auchindoun and Maister James Gordoun and Maister Robert Abircrummy ar summoned to this perliament to heir and sie the subscriptionis of the saidis blankis and fenyeit subscriptionis and seillis foirsaid to be thair awin, and being recognoscit, to preif aganis thame and to heir and sie all uther probatioun usit, led and deducit aganis thame as accordis of law, and repeitis the depositionis of witneses in quantum and the notorietie of thair subscriptionis and hand write. Item, becaus Maister George Ker and umquhile lard of Fintrie, Maister James Gordoun and Maister Robert Abircrummy wer traffiquing papistes, trattouris and participants of the tressone libellit, lyk as thai ar yit (except the said laird of Fintrie, quha wes execute for the same); and thairfoir it may be objectit that thair depositionis sall mak na faith in this caus, the saidis advocattis producis ane interloquittour of the lordis of the sessioun, subscryvit be the clerk of register, findand that infame personis, minoris or personis beand fellowis or companyionis in the same cryme may be witneses in the causes of tressone and heresie, quhilk interloquitour wes producit and practizit in the accusatioun of umquhile Ewfame McCalyeane. Item, thai produce the sentence of excommunicatioun aganis the personis accusit and also contrair Maister James Gordoun, umquhile David Grahame of Fintrie. Item, it is of veritie that the king and thre estaitis of this realme in criminall caus hes jurisdictioun and power of ane greit assise and may juge and decyd all crymes, conforme to thair consciences and vehement presumptionis, conjectures and probabilities, quhilk may be collectit and gatherit in the caus, and speciallie in the cryme of tressone, as is manifest in the writtin law of this realme callit Regiam Majestatem lib. 4 c. 1. And the saidis advocattis repetis in forme of probatioun the notorietie of the crymes libellit and that of the law sufficit allegare notorium sed non probare and the publict voce and fame, quhilk is ane vehement probatioun in criminibus clandestinis, and namelie in the cryme of tressone and lesemajestie, with the notorietie of the tressone and of the traffiquing libellit committit be the personis accusit at the Brig of Die the yeir of God jM vC lxxxix yeiris, for the quhilk sindrie of thame cum in his majesties will for the samyn, quhilk is ane confessioun of the cryme. Item, thay repetit and producis ane catologue of fals and fenyeit names of certane Jesuittis and traffiquing papistes, contening also certane fenyeit names of the saidis erllis quha all did fenyie thair names, to the effect thai micht the mair surelie and quietlie use the tressounable traffiquing libellit. Item, thay produce and repeittis that the saidis erllis and laird of Auchindoun, being suspect of tressone and chargit to enter in ward conforme to the act of parliament maid be King James the secund, disobeyit the same, and thairby hes incurrit the pane of tressone be ressone of thair contumacie, becaus of the law, he that is contumax may be condampnit, for his contumacie causes him be estemit as present and inducis aganis him ane confessioun of the cryme l 3 4† 9 c decernimus, and it is of treuth that of the law he is callit contumax quha is summoned to ane certane day be ane peremptour summondis, with certificatioun, and comperis not the said day l. contumacia et ibi glossa f. de re judicata. And, for verificatioun thairof, thay produce the kingis lettres, with the executionis thairof, quhairby the saidis erllis and laird ar chargit to enter thair personis in ward. Item, thay produce ane act and decreit of the secreit counsaill maid at Edinburgh, the aucht day of Merche last wes, with the publicatioun thairof at the mercat croce of Edinburgh upoun the xij day of the said moneth the yeir of God foirsaid, findand and declarand that the saidis thre erllis and Laird of Auchindoun hes contravenit the saidis chargis and suld be punissit, estemit and accusit as tratouris. Item, to the end that the saidis erllis and laird of Auchindoun, thair contumacie and perseverance, may be knawin in the tressonable tressone libellit without ony apperance of repentance or amendement, the saidis advocattis repeittis the manifest tressone committit be thame and ilk ane of thame be ressetting of certane strangearis, traffiqueris and tressonable mutineris and rasaris of seditioun aganis the estait of the realme and religioun quha laitlie arryvit and landit in the toun of Montrois and ar presentlie, lyk as thay have bene sen the tyme of thair arryving in this realme, ressett, helpit, supportit, assistit and mantenit be the saidis thre erllis and lard, and everie any of thame to the owerthraw and eversioun of this realme and religioun presentlie professit within the same. The saidis advocattis repetit the haill wreittis and utheris premises abonementionat as thai ar sett doun in maner abonementionat with the notorietie of the deid, and that this parliament is ane greit assys, sua that he quha of his conscience can not clenge, he of necessitie mon fyle and renuncit forther probatioun of the first ressone of the summondis of foirfaltore.
The quhilk day the saidis Maisteris David McGill and Johnne Skene, advocattis to oure soverane lord, efter that thai had repetit and producit all thair probationis to the saidis haill estaitis quhilkis thai wald use for proving of the saidis summondis of tressone, reproducit the samyn summondis of tressone rasit and persewit at the instance of oure said soverane lord and his hienes justice aganis the saidis George, erll of Huntlie, Williame, erll of Angus, Frances, erll of Erroll and Schir Patrik Gordoun of Auchindoun, knicht, quhairby thay wer summond to have comperit befoir oure said soverane lord and estaitis of parliament at ane certane day bygane, with continwatioun of dayes, to have answerit to the pointis and crymes of tressone and lesemajestie contenit in the saidis summondis, off the quhilkis summondis the tennour followis:
Jacobus Dei gratia rex Scotorum dilectis nostris Leoni regi armorum Ilay Albanie Ross Rothsay Snawdoun Merchemont herauldis, Roberto Stewart Davidi Bryssone Alexandro Douglas Jacobo Chalmeris clavigeris, Orment Bute Unicorne Carrik signiferis, Joanni Blindscheille Bute signifero, Roberto Fraser Unicorne signifero, etc. nunciis et eorum cuilibet coniunctim et diuisim vicecomitibus nostris in hac parte salutem. Mandamus vobis et precipimus quatenus summoneatis legittime et peremptorie coram testibus Wilhelmum comitem de Angus, Georgium comitem de Huntlie Franciscum comitem de Erroll dominum Patricium Gordoun de Auchindoun militem, conspiratores perpetratores et celatores criminum lese maiestatis subsequentium, personaliter si eorum personales presentias commode habere poteritis alioquin apud eorum loca habitationum, vel per publicam proclamationem apud cruces forales burgorum nostrorum de Edinburgh Hadingtoun Lanark Abirdene Perth Bamff etc., aliaque loca necessaria degentes vero seu existentes extra regnum nostrum seu nullum certum domicilium in eodem habentes, apud dictas cruces forales aliaque loca necessaria super premonitione sexaginta dierum, sic quod huiusmodi summonitio ad eorum aures et noticiam verisimiliter pervenire poterit, quod compareant coram nobis seu justiciario nostro vigesimo die mensis Maii proxime sequentis, in parliamento nostro apud Edinburgh decimo octauo die mensis Maii predicti, tenendo hora causarum with† continuatione dierum ad respondendum nobis nostrove justiciario in prefato parliamento, super proditoriis criminibus subsequentibus, dictos viz Guilielmum comitem de Angus Georgium comitem de Huntlie Franciscum comitem de Errole dominum Patricium Gordoun de Auchindoun militem etc. et eorum quemlibet, pro sua proditoria conspiratione consultatione et conclusione horrendi sceleris et facinoris ad exequendum destinati pro alteratione status regni nostri et vere religionis inde professe per nos nostrosque probos et fideles legios secundum dei omnipotentis verbum per acta parliamenti nostri approbate et per leges nostras confirmate, idque presertim in mensibus Junii Julii Augusti Septembris Octobris Novembris aut eorum aliquid anno Domini millesimo quingentesimo nonagesimo secundo, in ipsorum consiliis et conventionibus cum magistro Jacobo Gordoun et magistro Roberto Abircrummy Jesuitis et seminariis presbiteris, et cum magistro Georgio Ker et quondam Davide Grahame de Fintrie aut eorum aliquo excommunicatis papistis, super literis a magistro Wilhelmo Creichtoun et magistro Jacobo Tyrie jesuitis ex Hispania missis et directis ad prefatum magistrum Jacobum Gordoun; et in ipsorum proditoria consultatione et conclusione desuper habita in quibus declaratur quam diligenter et quanta cura ipsi cum rege et consilio Hispanie elaborauerunt pro pecunia et militibus in Scotiam deportantis, ad extremam subversionem et alterationem religionis nunc professe, et invasionem regni Anglie, quod solum in hoc retardabatur donec ex Scotia clarus quidem vir mitteretur cum letteris certitudinis et aliis vacuis cartis (lie blankis) subscriptis per nobiles viros qui pro parte et nomine catholicorum romanorum in hoc nostro regno existentium sese obligarent et hipothecarent. Quequidem littere (lie blankis) implerentur, cum auisamento dictorum magistri Wilhelmi Creichtoun et magistri Jacobi Tyrie in Hispania degentium tanquam certissima vincula signa et fideiussiones predicte monete et militum extendentium ad numerum triginta millium virorum armatorum anno predicto intrantium versus occidentalem partem huius regni nostri prope Kircubreiche vel fluuium de Clyde prout ventus nauigationi melius inseruiret; ad cuius impii et proditorii facinoris perimpletionem, commemorate vacue littere (lie blankis) partim latine partim gallice sub diuersis formis, una cum literis certificationis et fidei subscripte fuerunt manibus prefatorum Wilhelmi comitis Angusie, Georgii comitis Huntlie, Francisci comitis de Erroll et domini Patricii Gordoun de Auchindoun militis, palam profitentium et affirmantium se esse maiestatis regis Hispanie (ad quem iste littere mittebantur) humillimos et maxime obedientes servitores, quod ipsorum factum proditionis predicte manifeste eos arguit quod tam natura et fide sint nobis suo regi obligati (ad quem huiusmodi littere vacue non erant misse) ligeantiam et fidelitatem nobis debitam proditorie dissoluerunt, et alieno et peregrino regi sine nostro consensu fidem suam obstrinxerint, et litteras vacuas ipsorum manibus subscriptas ad eum miserunt, in quibus scribi et impleri potuit per eum et eius consilium quicquid ipsis visum esset quod posset esse nocium et detrimentosum nobis nostre auctoritati regie regno nostro et subditis; quo ipsorum facto nihil magis proditorium fieri et excogitari ab illis potuit postea eedem littere (lie blankis) ad effectum suprascriptum tradite et deliberate fuerunt in mense [...] anno Domini millesimo quingentesimo nonagesimo secundo, dicto magistro Ker una cum variis et diuersis sigillis dictorum comitum cere impressis, quiquidem magister Georgius trans mare in Hispania nauigaturus, ad hoc sceleratum opus exequendum electus fuit; idemque negotium in se libenter suscepit et iter ingressus ad Cumbram insulam usque peruenit, cum plenaria commissione personarum supramentionatarum onus in se acceptantium, pro omnibus aliis sue factionis hominibus catholicis romanis ad sedulo laborandum pro pecunia et militibus recuperandis cum ipsorum fideli permissione ad preparandum sese suosque viros et equites armatos, quoad dicta pecunia extendere et satisfacere valuerit, qui certo expectarent aduentum et introitum dictorum Hispanorum militum deducerentque maiorem numerum eorundem in Angliam pro evasione eiusdem et religionis ibi professe, et quorum Hispanorum quinque millia infra hoc nostrum regnum pro perpetuo residerent cum quibus antenominati proditores degenerati nobiles et huiusmodi omnes papiste catholice illius secte in hoc nostro regno degentes sese coniungerent, pro alteratione status eiusdem et religionis nunc professe, quorum qui alterutrumque evertit vtrumque evertit, cum inter se ita sunt coniuncta ut uno pereunte alterum perire sit necesse, et exaltatione missarum et catholice romane professionis ad euidens perriculum et detrimentum nostre regie persone disturbationem pacis regni nostri et alterationem uniuersi status eiusdem, committendo inde nefandam et manifestissimam proditionem contra deum nostrum omnipotentem, nos, auctoritatem nostram regiam et leges; ideoque antenominatos Guilielmum Angusie comitem Georgium Huntlie comitem Franciscum Errolie comitem dominum Patricium Gordoun de Auchindoun militem etc., ad videndum et audiendum sese et eorum quemlibet intuitu premissorum crimen lese maiestatis incurrisse per nos et trium regni nostri statuum decretum decerni et declarari, et propterea bona et immobilia tam terras quam officia aliasque res ad eos spectantes nobis confiscari et pro perpetuo nobiscum in proprietate remanere, personasque suas penas proditionis et vltimi supplicii a regni nostri legibus inflicti subire, ac vlterius in premissis respondendum et iuri parendum, intimando supra dictis conspiratoribus et eorum cuilibet quod siue dictis die et loco cum continuatione dierum comparuerint siue non nos dictusque noster justiciarius in premissis justicia mediante procedemus et procedet. Insuper citetis etc. ad comparendum coram nobis nostrove justiciario dictis die et loco hora causarum cum continuatione dierum ad perhibendum fidele testimonium in causa predicta sub pena legis. Et presentes litteras debite executas et indorsitas earundem latori reddatis. Et vos qui presentes executi fueritis sitis ibidem dictis die et loco coram nobis nostrove justiciario portantes vobiscum summonitionis vestre testimonium in scriptis pro premissis seu ipsos testes. Ad quod faciendum vobis et vestrum cuilibet coniunctim et diuisim vicecomitibus nostris in hac parte committimus potestatem. Datum sub testimonio nostri magni sigilli, apud Edinburgh decimo nono die mensis Marcii anno Domini millesimo nonagesimo tertio, et regni nostri vigesimo septimo.
Heir followis the executionis and indorsationis of the saidis summondis: Upoun the xxviij day of Merche the yeir of God jM vC lxxxxiiij yeris, I, Johnne Blindseill, Bute pursevant, ane of the schireffis in that pert within specifiit, past at command of thir oure soverane lordis lettres within writtin and in his hienes name and authoritie lauchtfullie and peremptorlie summond, warnit and chargeit Schir Patrik Gordoun of Auchindoun, knicht, at his duelling places respective of Auchindon and Gairtlie. Efter I had knokit sex severall knokis at the yettis thairof, I affixit ane autentik copie of the saidis lettres translatit in Englis upoun ilk ane of the saidis yettis respective foirsaidis, becaus I culd not aprehend him personallie, to compeir befoir oure soverane lord and his hienes justice the tuentie day of Maii within writtin in his majesties parliament to be haldin at Edinburgh the auchtene day of Maii foirsaid in the hour of caus, with continwatioun of dayes, to answer to his hienes or his justice in the said perliament upoun the tressonable crymes within specifiit in maner, forme and effect as is mair expreslie within rehersit, and with intimatioun to the saidis Schir Patrik as is within contenit efter the forme and tennour of thir oure soverane lordis lettres in all pointis. And this I did befoir thir witness, Alexander Hay in Abirdene, George Greif, stabler in Edinburgh, and Henrie Bell, servitour to Laurence Pacok, doctour in the grammer scule of Edinburgh, with utheris divers. And for the mair verrificatioun to this my executioun and indorsatioun subscrivit with my hand, my signet is affixit. Sic subscribitur, Johnne Blindseill, Bute pursevant. Upoun the xxix day of the said moneth of Merche the yeir of God foirsaid, I, the said Johnne Blindseill, Bute pursevant, past at command of the saidis lettres and in his hienes name and authoritie lauchtfullie and peremptorlie summond, warnit and chargeit George, erll of Huntlie at his duelling place in Strathbogie becaus I culd not aprepend him personallie. Efter I had knokit sex severall knokis at the yett of his said duelling place, I affixit ane autentik copie of the saidis lettres translaitit in Englis upoun the yett thairof, to compeir befoir oure soverane lord or his hienes justice the xx day of Maii within writtin in his majesties perliament to be haldin at Edinburgh the xviij day of Maii foirsaid in the hour of caus, with continwatioun of dayes, to answer to his hienes or his justice in the said perliament upoun the tressonable crymes within specifiit in maner, forme and effect as is mair specially within contenit, and with intimatioun to the said erll as is within writtin efter the forme and tennour of thir oure soverane lordis lettres in all pointis. And this I did befoir thir witnes, Johnne Hammiltoun, servitour to the said George, erll of Huntlie, Alexander Hay in Abirdene, George Greif, stabuler in Edinburgh, the foirsaid Henrie Bell, with utheris dyvers. And for the mair verrificatioun of this my executioun and indorsatioun, my signet is affixit. Sic subscribitur, Johnne Blindseill, Bute pursevant. Upoun the said xxix day of Merche the yeir of God foirsaid, I, the said Johnne Blindseill, Bute pursevant, past at command of the saidis lettres and in his hienes name and authoritie lauchtfullie and peremptourlie summond, warnit and chargit Frances, erll of Erroll, personallie apprehendit and deliverit him ane authentic copie of the foirsaidis lettres translatit in Englis to compeir befoir oure soverane lord or his hienes justice the xx day of Maii within writtin in his hienes parliament to be haldin at Edinburgh the xviij day of Maii foirsaid in the hour of caus, with continwatioun of dayes, to answer to his hienes or his justice in the said perliament upoun the tressonable crymes within specifiit in maner, forme and effect as is mair speciallie within contenit, and with intimatioun to the said erll as is within contenit efter the forme and tennour of the saidis lettres in all pointis. And this I did befoir thir witnes, Johnne Leslie of Balquhyne, Patrik Con of Auchry, Alexander Hay in Abirdene, George Greif, stabler in Edinburgh, and the said Henrie Bell, with utheris dyvers. And for the mar verrificatioun to this my executioun and indorsatioun subscrivit with my hand, my signet is affixit. Sic subscribitur, Johnne Blindseill, Bute pursevant. Upoun the said xxix day of Merche the yeir of God abonewrittin, I, the said Johnne Blindseill, Bute pursevant, past at command of the saidis lettres to the mercat croce of Bamf, quhilk is the heid burgh of the schire quhair the foirsaid Schir Patrik Gordoun, George, erll of Huntlie and Frances, erll of Erroll duellis, and thair be oppin proclamatioun in his hienes name and authoritie lauchtfullie and peremptourlie summond, warnit and chargit the saidis Schir Patrik Gordoun, George, erll of Huntlie and Frances, erll of Erroll, and affixit ane autentik copie of the saidis lettres translatit in Englis upoun the said mercat croce, to compeir befoir oure soverane lord or his hienes justice the xx day of Maii within writtin in his majesties perliament to be haldin at Edinburgh the xviij day of Maii foirsaid in the hour of caus, with continewatioun of dayes, to answer to his hienes or his justice in the said perliament upoun the tressonable crymes within specifiit in maner, forme and effect as is mair speciallie within contenit, and with intimatioun to the saidis erllis and the said Schir Patrik Gordoun as is within contenit after the forme and tennour of the saidis lettres in all pointis. And this I did befoir thir witnes, Williame Leslie in Edinburgh, Alexander Hay in Abirdene, George Greif, stabler in Edinburgh, and the said Henrie Bell, with utheris dyvers. And for the mair verrificatioun of this my executioun and indorsatioun subscrivit with my hand, my signet is affixit. Sic subscribitur, Johnne Blindseill, Bute pursevant. Upoun the first day of Aprile the yeir of God jM vC lxxxxiiij yeiris, I, Johnne Blindsele, Bute pursevant, past at command of thir oure soverane lordis lettres to the marcat croce of the burgh of Abirdene, being the heid burgh of the schire quhair the personis undirwrittin duellis, and thair be oppin proclamatioun in his hienes name and authoritie lauchtfullie and peremptourlie summond, warnit and chargit the saidis Schir Patrik Gordoun, George, erll of Huntlie and Frances, erll of Erroll and affixit ane autentik copie of the saidis lettres translatit in Englis upoun the said mercat croce, to compeir befoir oure soverane lord or his hienes justice the xx day of Maii within writtin in his majesties perliament to be haldin at Edinburgh the xviij day of Maii foirsaid in the hour of caus, with continwatioun of dayes, to answer in† his hienes or his justice in the said perliament upoun the tressounable crymes within specifiit in maner, forme and effect as is mair speciallie within contenit, with intimatioun to the saidis erllis and Schir Patrik Gordoun as is within contenit efter the forme and tennour of the saidis lettres in all pointis. And this I did befoir thir witnes, Gilbert Guthrie, Merchemont herauld, Alexander Hay in Abirdene, George Greif, stabler in Edinburgh, and the said Henrie Bell, with uthairis dyvers. And for the mair verrificatioun to this my executioun and indorsatioun subscrivit with my hand, my signet is affixit. Subscribitur, Johnne Blindseill, Bute pursevant. Upoun the secund day of Aprile the yeir of God jM vC lxxxxiiij yeiris, I, Robert Fraser, Unicorne pursevant, ane of the schireffis in that pert specifiit in oure soverane lordis lettres within writtin, past at command of the same and in his hienes name and authoritie lauchtfullie and peremptourlie summond, warnit and chargit Williame, erll of Angus at his duelling place of Douglas. Efter I had knokit sex severall knokis at the yett thairof, I affixt ane autentik copie of the saidis lettres translatit in Englis out of the testimoniall of his hienes gret seill upoun the yett of his said duelling place becaus I culd not apphend him personallie. And als upoun the samyn day and yeir of God foirsaid, I past to the mercat croce of Lanerk, quhilk is the heid burgh of the schire quhair the said erllis duellis, and thair be oppin proclamatioun lauchtfullie and peremptourlie summond, warnit and chargit the said Williame, erll of Angus and affixit ane autentik copie of the saidis lettres translatit as said is upoun the said mercat croce. And alsua upoun the fyft day of the said moneth and yeir of God abone writtin, I past to the mercat croce of Hadingtoun and lauchtfullie and peremptourlie summond, warnit and chargit the said erll be oppin proclamatioun thairat, and thairefter I affixit ane autentik copie of the saidis lettres translatit as said is upoun the said croce. And lykwayes upoun the aucht day of the said moneth and yeir of God foirsaid, I past to the mercat croce of Edinburgh and thair be oppin proclamatioun lauchtfullie and peremptourlie summond, warnit and chargit the said erll and affixt ane autentik copie of the saidis lettres upoun the said mercat croce, translatit as said is, to compeir befoir oure soverane lord or his hienes justice the xx day of Maii nixtocum in his hienes perliament to be haldin at Edinburgh the xviij day of Maii foirsaid in the hour of caus, with continwatioun of dayes, to answer to his majestie or his justice in the said perliament upoun the tressonable crymes within contenit and as mair speciallie is within rehersit, with intimatioun to the said erll as is within writtin, efter the forme and tennour of oure soverane lordis lettres in all pointis. And this I did befoir thir witnes, Johnne Findlasone in Edinburgh and George Cuninghame thair, with utheris dyvers. And for the mair verrificatioun to this my executioun and indorsatioun subscrivit with my hand, my signet is affixit. Sic subscribitur, Robert Fraser, Unicorne pursevant.
The quhilk summondis, with the executionis and indorsationis thairof respective foirsaidis, being this instant day red in presens of his majestie and haill estaitis of parliament first in Latyne and syne in Scottis, and the saidis Williame, erlle of Angus, George, erlle of Huntlie, Francis, erlle of Arroll and Schir Patrik Gordoun of Auchindoun, knycht, being oftymes callit of new at the tollbuyth wyndow of the said burgh of Edinburgh to haif comperit and answer to the said summondis and ressone contenit thairin, and thai nocht comperand to haif defendit in the said mater and to haif answerit to the said summondisis, the saidis Maisteris David MacGill and Johnne Skeine, advocatis to his majestie, desyrit the saidis estaitis declaratioun gif the ressoun of the said summondisis wer relevant aganis the saidis thrie erllis and Schir Patrik Gordoun of Auchindoun, knycht. Quhilkis estaitis, all with ane voce, fund the sam relevant aganis tham. Thairfoir the saidis advocatis of new, for verefeing of the said ressoun contenit in the said summondis of tressoun, producit and repetit the haill aucht blankis in paper, twa thairof subscryvit be the said Erle of Angus allanerlie, uther twa be the said Erlle of Huntlie allanerlie, uther twa subscrivit be the said Erlle of Aroll allanerlie, and uther twa subscryvit be the saidis erllis and lard of Auchindoun, all send to Spane; and als repetit the haill uthair probationis repetit be him ofbefoir in the said mater this instant day, and desyrit the saidis estaitis of parliament to advyis the probationis foirsaidis led and deducit in the said mater and to pronunce thair sentence of parliament thairintill acording to the sam probationis and thair consciencis. And thairefter the haill writtis and probationis being red, sene and considerit be the haill estaitis of parliament in presens of the kingis majestie, and thai thairwithe being ryplie advysit, the saidis lordis and estaitis of parliament findis, decernis and declaris that the saidis Williame, erlle of Angus, George, erlle of Huntlie, Francis, erlle of Eroll and Schir Patrik Gordoun of Auchindoun, knycht, hes committit and done oppin and manifest tressoun aganis oure said soverane lord in all poyntis, articlis and maner contenit in the said summondis. And thairfoir it was gevin for dome be the mouthe of James Nesbet, dempster of parliament, in maner and forme as followis: This court of parliament schawis for law that the saidis Williame, sumtyme erle of Anguis, George, sumtyme of Huntlie, Francis, sumtyme erlle of Eroll and Schir Patrik Gordon, sumtyme of Auchindoun, knycht, and ilkane of tham, hes committit and incurrit the speciall cryme of tressoun and lesemajestie abonewrittin, the tymis and in maner at lenthe contenit in the ressoun of the said summondis of tressoun; and thairfoir decernis and declaris all thair gudis moveable and unmoveable, alsweill landis as officis and uthairis thingis quhatsumevir belanging to tham, to be confiscat to oure soverane lord and to remane perpetuallie with his hienes in propertie in tyme cumming, and thair personis to underly the panis of tressoun and utter punishement appoyntit be the lawis of this realm; and this I gif for dome.
[1594/4/12]*[print] [email] [cite] [preceding] [following]
Oure soverane lord and estaitis of this present parliament ratefeis, apprevis and, for his hienes and his successouris, perpetuallie confermis the proces, sentence and dome of forfaltour led, deducit and pronuncit be his hienes and estaitis in parliament haldin at Edinburgh the fyft day of Junii jM vC lxxxxij yeiris aganis Dame Margaret Douglas, countes of Bothuill, James Douglas of Spott, Archibald Wauchop, younger, of Nudrie, Maister Johnne Colvill of Strarudie and uthairis personis contenit in thair proces of forfaltrie aganis quhome dome is pronuncit thairintill. And siclyk oure said soverane lord and his estaitis ratefeis and apprevis and, for his hienes and his successoris, perpetuallie confermis the uthair proces, sentence and dome of forfaltour led and deducit judiciallie aganis Frances, sumtyme erll Bothuill ratefeit and apprevit in the said perliament haldin the said fyft day of Junii 1592, with the act of disherising of thair posteritie maid at the said perliament, togidder with the proces, sentence and dome of forfaltour led, deducit and pronuncit be his hienes and estaitis in the perliament haldin at Edinburgh, the xxj day of Julii 1593 aganis the said Frances, sumtyme erll Bothuill, with all conditionis, clauses and circumstances thairof. And oure said soverane lord and his saidis estaitis statutis and ordanis all the saidis proceses, sentences and dome of forfaltour and act aganis the posteritie to stand in full strenth, force and effect and to haif dew executioun in all tyme cuming, and the clerk of register and his deputtis to registrat the samyn.
[1594/4/13]*[print] [email] [cite] [preceding] [following]
Oure soverane lord and his thrie estattis of perliament hes ratefeit and apprevit and be the tennour heirof ratefeis and apprevis the annexatioun of the temporalitie of the abbaceis of Kelso and Coldinghame to the croun in the perliament haldin at Edinburgh, the [...] day of [...] the yeir of God jM vC lxxx[...] yeiris efter the forme and tennour of the generall annexatioun of the ecclesiasticall landis quhilkis wer annexit to the croun in the perliament haldin at Edinburgh upoun the xxix day of Julii the yeir of God jM vC fourscoir sevin yeiris, as oure said soverane lord and his saidis thrie estaitis of new annexis the said temporalitie of the foirsaidis abbacies of Coldinghame and Kelso to the croun with the limitationis, provisionis and conditionis contenit in the said generall annexatioun quhilkis ar conceavit in favour of the vassellis, frie tennentis and few fermoraris of the landis pertening to the saidis abbais, quhilkis provisionis, conditionis and limitationis and everie ane of tham ar repetit in this present act. And oure soverane lord and his said thrie estaitis hes decernit and declairit and be the tennour heirof decernis and declairis that the heritablle tennentis, vassallis and fewaris of the temporall landis of the saidis abbais of Coldinghame and Kelso hes bene in all tyme bipast, sence the annexatioun of the temporalitie thairof, ar now presentlie and salbe in all tyme cuming immediat tennentis and vassallis to oure said soverane lord and his successouris and haldin and sall held of thame and of nane uthairis. And farder, oure said soverane lord and his saidis thrie estaitis hes declairit and declairis be thair presentis that the foirsaid annexatioun of the temporall landis of the saidis tua abbaceis of Kelso and Coldinghame dependis not frome the proceses of forfaltour led aganis Frances, sumtyme Erll Bothuill and commendater of the saidis abbaceis of Coldinghame and Kelso, nor yit upone the act and ordinace of perliament be the quhilk his bairnis and posteritie war declairit to be unhable to bruik ony landis or benefice within this realme, bot that the said annexatioun proceidis allanerlie fra oure said soverane lordis authoritie, with the avys of the saidis thrie estaittis of this realme, and upone the samyn fundament of the first generall annexatioun of the ecclesiasticall landis to the croun.†
[1594/4/14]*[print] [email] [cite] [preceding] [following]
Oure soverane lord, with avise of his estaitis of parliament, statutis and ordanis that in all tyme cuming all wilfull heiraris of messe and concellaris of the same be executed to the death, and thair guidis and geir escheatit to his hienes use sasone as thay salbe fund giltie and convict thairof or declarit fugitive for the same befoir the justice generall or his depuittis or the lordis of his majesties privie counsell.
[1594/4/15]*[print] [email] [cite] [preceding] [following]
Oure soverane lord, with advise of his estaitis in this present parliament, ordanis all presbiteriis within this realme to caus lauchtfullie summond and charge all personis papistes or suspect of papistrie within the boundis of thair presbiteries, personallie or at thair duelling places, to compeir befoir the saidis presbiteries and satisfie the kirk and presbiterie quhair thay remane and makis residence betuix and the first day of August nixtocum. And incace of thair not comperance or compering sall refuis to gif obedience and mak satisfactioun as said is betuix and the said day, his hienes, with avise of his estaites foirsaidis, ordanis significatioun thairof to be maid be the presbiterie to his hienes privie counsell, and upoun the said significatioun, the privie counsell to direct lettres chargeing the saidis personis papistes or suspectit of papistrie to compeir befoir thame and produce sufficient testimoniall of the presbiterie quhair thay remane of thair satisfactioun as said is, under the pane of rebellioun and putting of thame to the horne; and gif thai failyie, to denunce thame thairto; be the quhilk denunceatioun, oure said soverane lord and estaitis foirsaidis declaris that not onlie thair moveable guidis sall fall in escheat and be confiscat to his hienes use, bot the lyverent of quhatsumevir thair landis, rowmes, possessionis and utheris belanging unto thame sall apertene unto his hienes as escheat, to be intromettit with and disponit upoun as he thinkis gods. And inlikemaner declaris that quhatsumevir persoun or personis sall resset, supplie or interteney the saidis papistes efter the intimatioun of thair disobedience and denunceatioun as said is sall incur the same penaltie of tinsell of thair guidis, geir and liferent. And to the effect that the premises may be the better accomplischit, his hienes and estaitis foirsaidis declaris that incace the saidis presbiteries beis fund remise or negligent in citatioun of the saidis personis befoir thame to the effect abonewrittin, the ministeris of the said presbiterie, or ony ane persoun of the ministerie thairof in quhome the fault salbe tryit, sall amit and tyne the ane half of thair benefice or stipend that yeir, and the collectour or his depuittis sall uplift the same to be disponit be advise of the lordis modifearis of the ministeris stipend, to the help, supplie and interteynement of uthair ministeris as yit not provydit to sufficient stipendis.
[1594/4/16]*[print] [email] [cite] [preceding] [following]
Oure soverane lord, with avise of his estaitis in parliament, retreitis, rescindis and declaris all erectionis grantit and ratifiit sen the act of parliament maid in the yeir of God jM vC fourscoir sevin yeiris anent the annexatioun of the temporalities to the croun (quhilkis ar not speciallie excepted in the said act frome the said annexatioun) to be null and of nane availl, force nor effect.
[1594/4/17]*[print] [email] [cite] [preceding] [following]
Oure soverane lord and his estaitis in this present parliament decernis and declaris all commoun kirkis to be of the same nature of uther personages and vicarages, and ordanis the same commoun kirkis to be conferrit be presentatioun of the lauchtfull patrons and sufficient collatioun to ministeris serrving thairat, seing thai ar benefices of cure.
[1594/4/18]*[print] [email] [cite] [preceding] [following]
Forsamekle as thair is dyvers personis denuncit rebellis, quha being suspectit of papistrie of befoir and fearing the sentence of excommunicatioun to have followit aganis tham, hes procurit the giftes of their eschaetis and lyfrentis disponit be oure soverane lord to their barnis or utheris conjunct personis upoun horningis execute aganis thame for civile causes, and nevirtheles hes retenit the possessioun of thair haill guidis, geir, landis, possessionis as gif thai had remanit his hienes faithfull and obedient subjectis, quhilk hes gevin thame occasioun to continew in thair rebellioun, as alsua in thair superstitious opinioun of papistrie and remaning under the said sentence of excomunicatioun in manifest contempt of God, his trew religioun and lawes of this realme. For the repressing of quhilk contempt and remeid thairof, oure said soverane lord, with avise of the estaitis in this present perliament, decernis and declaris all and quhatsumevir giftes of escheate and liferentis grantit to the saidis barnis and conjunct personis of ony of the foirnamit personis, denuncit rebellis and put to the horne for quhatsumever caus, quha being suspectit of papistrie ofbefoir hes sufferit the sentence of excomunicatioun to pas aganis thame, and quhais guidis, geir, landis and possessionis may be verifiet to have remanit in thair awin possessionis as gif thai had remanit faithfull and obedient subjectis, to have bene fra the beginning and to be in all tyme cuming null and of nane availl with all that hes followit or may follow thairupoun, nochtwithstanding quhatsumevir decreittis or declaratouris gevin and past in favouris of the saidis rebellis, thair barnis or conjunct personis; and the richt of the said eschaet guidis, geir and liferentis to have pertenit and to pertene to oure said soverane lord and to be at his gift and dispositioun als frelie as gif the saidis pretendit giftes and dispositionis thairof had nevir bene grant nor disponit to thair saidis barnis and conjunct personis, and as declaratour had nocht past thairupoun.
[1594/4/19]*[print] [email] [cite] [preceding] [following]
Item, oure soverane lord and estaitis of this present parliament ratifies and apprevis the actis maid be his hienes ofbefoir anent the dischargeing of halding of mercattis on the Sabboth day with this additioun: that quhasoevir prophanis the Sabboth day be selling or presenting and offering to be sauld upoun the said day ony guidis or geir or quhatsumevir uther merchandise, be thame selffis or ony uther in thair name, and beis thre severall tymes lauchtfullie convict thairof, ather befoir the provest and baillies within burgh quhair the prophanatioun salhappin to be committit, or befoir certane commissionerris and justices in everie presbiterie to be appointit be the kingis majestie, with avise of his privie counsell, thair haill guidis and geir salbe escheatit to his hienes use and thair personis punist at the will of his majestie, with avise of his secreit counsell.
[1594/4/20]*[print] [email] [cite] [preceding] [following]
Oure soverane lord and estaitis of this present parliament, understanding thair ar sindrie fewaris and possessouris having kirklandis neir adjacent to the kirk quhair thair hes bene na mansis nor gleibis of auld, nor yit designit of new, and considdering [that it wer baith against reasone and gude conscience]† that thair suld be ane gleib designit onlie of the saidis kirklandis that pertenis to ane feuar and possessour and nocht of the rest, and speciallie quhair the haill landis within the parochin or ane greit pert of the saidis landis ar alyk haldin of the kirk and payis the like dewtie, thairfoir, to the effect that the ministeris may be the better answerit of thair manses and gleibis in tyme cuming and enter thairto but ony truble or contentioun, conforme to the former act of parliament maid anent manses and gleibis of the ministeris, statutis and ordanis that quhair designatioun of manse and gleibis beis maid and tane of kirkland (the haill parochin or ane greit pert thairof being kirkland, and the minister notwithstanding designit to the kirkland maist ewest and adjacent to the kirk), that the fewares, possessouris and takismen out of quhais landis the manses or gleibis ar designit salhave thair releif of the remanent parochineris quha ar fewaris, possessouris and takismen of kirklandis liand within the said parochin pro rata.
[1594/4/21]*[print] [email] [cite] [preceding] [following]
Oure soverane lord, with avise of his estaitis in this present parliament, findis and declares that na beneficit man under a prelat within this realme may in tyme cuming set langer takis of teyndis, or utheris pertinentis of thair benefices, without the consent of thair patronis, bot for the space of thre yeiris allanerlie.
[1594/4/22]*[print] [email] [cite] [preceding] [following]
Oure soverane lord and estatis of this present parleament cassis, annullis and abrogates the act of parliament maid at Edinburgh, the fift day of Junii the yeir of God jM vC fourscoir tuelf yeiris in favour of the vassellis of the personis foirfaltit, and decernis and declares the said act to have na strenth, force nor effect and to be deleit furth of the buikis of parliament.
[1594/4/23]*[print] [email] [cite] [preceding] [following]
Oure soverane lord and estaitis of this present parliament, understanding that divers personis quha hes committit the cryme of tressone and lesemajestie in defraud of his hienes and his donatouris hes maid dyvers bandis, obligationis, lettres of takis, assignationis, giftes of pensionis, lettres of factorie and divers utheris giftes and dispositionis as gif the same had bene maid and grantit be thame betuix† the cryme of tressone attemptit be the saidis personis foirfaltit, for remeid quhairof, it is statute and ordanit that na lettrez of pensioun, factorie, bandis, obligationis or assignationis maid or grantit be ony persoun foirfaltit salbe valide, effectuall, sufficient nor gif ony actioun without the samyn be ether lauchtfullie confermit be his majestie or auctorizit be ane decreit of the ordiner juge obtenit befoir the saidis personis foirfaltit wer first summonit and challengit for the crymes of tressone for the quhilkis thai wer foirfaltit, notwithstanding quhatsumevir confirmatioun or decreit obtenit and following thairupoun sen thair said first citatioun upoun the crymes of tressone laid to thair charge. And in speciall oure soverane lord, with avise of his estaitis in this present parliament, statutis, decernis and declaris quhatsumevir contract, obligatioun or dispositioun of landis, guides and geir onywayis maid be Williame, sumtyme erll of Angus, George, sumtyme erll of Huntlie, Frances, erll of Errole and Schir Patrik Gordoun of Auchindoun, personis foirfaltit in this present perliament, in prejudice of his hienes and his donatouris sen the saidis personis foirfaltit wer first summonit to heir and sie thame foirfaltit, to be null and of nane availl, force nor effect with all that hes followit or may follow thairupoun.
[1594/4/24]*[print] [email] [cite] [preceding] [following]
Oure soverane lord and estaitis of this present parliament ratifies and apprevis the actis of parliament maid be King James the secund and King James the fyft intitulat 'Anent the annexatioun of landis to the croun', and speceallie the act maid be the said King James the secund upoun the fourth day of August jM four hundreth fiftie fyve yeiris, and als ane uther act maid be the said King James the fyft upoun the thrid day of December the yeir of God jM vC and xl yeiris and haill pointis, articles and clauses specifiit thairin, and all utheris actis maid be ony oure soverane lordis predicessouris concerning the keping of the annexit propirtie to remane with the croun. And further, oure said soverane lord, with avise of his estaitis in parliament, declares that all personis quha hes upliftit, ressavit and intromettitwith or sall heireftir intromettwith at his hienes speciall command ony of the kingis annexit propirtie be vertew of the saidis actis of parliament sall incur na danger of ejectioun, spuilyie or wrangous intromissioun, and declares that thai salbe quite and free thairof and all actioun that may follow thairupoun. And siclyk oure soverane lord and estaitis in this present parliament findis, decernis and declares the act of dissolutioun maid be oure soverane lord in his hienes minoritie in the parliament haldin at Edinburgh in the yeir of God jM vC fourscoir four, and all utheris actis of dissolutioun maid be his hienes or his saidis predicessouris in thair minorities, althogh the samyn actis and infeftmentis following thairupoun be ratefiet in parliament in thair majoritie, to be null and of nane availl, force nor effect with all that hes followit or may follow thairupoun.
[1594/4/25]*[print] [email] [cite] [preceding] [following]
Oure soverane lord, with avise of his estaitis in this present perliament, statutis and ordanis that it salbe lesum to his hienes to sett all his auld propre landis, baith annexit and unannexit, in fewferme, sua that it be not in diminutioun of his rentall, gressumes or uther dewties bot in augmentatioun of the samyn, with sic clauses and condicionis as he thinkis expedient, to the effect foirsaid; and that the landis that he settis in his tyme stand perpetuallie to the airis efter the forme of thair condicioun; and that this dissolutioun indure for the lyvetyme of the king, oure soverane lord that now is, allanerlie, sua that the landis quhilkis he settis in his tyme with the condicionis foirsaidis sall stand perpetuallie; and efter his deceis, the annexationis maid ofbefoir to returne agane to the awin nature, sua that his successoris sall not have power to annalie nor sett in few mair nor thay had befoir the making of this statute, provyding that this statute sall not extend to the setting in fewferme of ony of oure soverane lordis castellis, palices, yardis, woddis, parkis, forrestis, pastures for scheip and nolt, and in speciall the Lowmondis of Falkland, coilheuchis and offices, bot the same to remane inseparablie annext to the crown nochtwithstanding this present dissolutioun. And oure soverane lord and his estaitis foirsaidis decernis and declaris that this present dissolutioun is and salbe onlie to this effect: that the saidis annext landis salbe sett in few to the ancient and kyndlie tennentis, possessouris and occupearis of the ground quha wer infeft be oure soverane lord and his predicessouris ofbefoir, and to all utheris personis quhilkis hes heretable infeftment of fewferme grantit to thame be oure soverane lord or ony of his predicessouris, thai seikand thair infeftmentis of fewferme and payand thair compositionis thairfoir to be modifiit be his hienes comptroller, with avise of Johnne, lord Thirlestane, chancellair, Johnne, erll of Mar, lord Erskin, Johnne, erll of Montrois, lord Grahame, Alexander, lord Levingstoun, Robert, lord Seytoun, Mark, lord of Newbotle, maister of requestes, Maister Thomas Lyoun of Baldukie, thesaurair, Schir Johnne Cokburne of Ormeistoun, knicht, justice clerk, Walter, commendater of Blantyre, kepair of the privie seill, Maister Robert Dowglas, provest of Lincluden, collectour generall, Schir Johnne Carmichaell of that Ilk, knicht, Maister David Carnegie of Culluthie, Alexander Hay of Eister Kennet, clerk of register, Alexander Hume of Northberuik Manys, provest of Edinburgh (or ony sevin of thame, the said comptroller being alwayes ane), betuix and the first day of August jM vC fourscoir and fyftene yeiris; utherwayes that it be lauchtfull to his majestie to sett the saidis annext landis now dissolvit to quhatsumevir personis his hienes thinkis expedient, alwayes on condicioun of augmentatioun of his hienes rentale as said is. And alsua ordanis this present act of dissolutioun to be extendit in favour of the quenis majestie, to have sic richtis and infeftmentis of quhatsumevir landis pertening to hir as scho had befoir.
[1594/4/26]*[print] [email] [cite] [preceding] [following]
Oure soverane lord, with avise of his estaitis in this present parliament, ratifies and apprevis and for his hienes and his successouris perpetuallie confirmis the act maid be his noble progenitouris King James the first of worthie memorie aganis lesing makaris, the act maid be King James the secund intitulat 'Aganis lesing makaris and tellaris of thame', the act maid be King James the fyft intitulat 'Off lesing makaris', and the act maid be his hienes selff, with avise of his estaitis in parliament, upoun the xxij day of Maii the yeir of God jM vC fourscoir four yeiris, intitulat 'For punisement of the authouris of slanderis and untrew calumnies aganis the kingis majestie, his counsell and procedingis, to the dishonour and prejudice of his hienes, his parentis, progenitouris, crown and estait'; as likwayes the act of his hienes perliament haldin at Linlithgw upoun the tent day of December the yeir of God jM vC fourscoir fyve yeiris intitulat 'Aganis the authouris of slanderous speichis or wreittis'. And statutis and ordanis all the saidis actis to be publeist of new and to be put in executioun in tyme cuming with this additioun: that quha evir hearis the saidis lesingis, calumnies or slanderous speichis or wreittis to be maid, and apprehendis not the authoris thairof, gif it ly in his power, or revelis not the same to his hienes or to ane of his previe counsell or to the schiref, stewart or baillie of the schire, stewartrie or balliarie in regalitie or ryaltie or to the provest or ane of the baillies within burgh, be quhome the same may cum to the knawlege of his hienes or his said privie counsaill, quhairthrough the saidis lesing makaris or authouris of slanderous speichis may be callit, tryit and punissit according to the saidis actis, the heirar and not apprehender, and (gif it ly in his power) conceilar and not reveilar of the saidis lesing makaris and authouris of the saidis sklanderous speichis or wreittis, sall incur the like pane and punisement as the principall offendour.
[1594/4/27]*[print] [email] [cite] [preceding] [following]
It is statute and ordanit be oure soverane lord and estaitis of this present parliament that the dewtie grantit be the estaitis to his majestie upoun the wynes be thankfullie payit to his majesties collectour in all tyme cuming, within the space of ten dayes nixt efter thair arryving within this cuntrie; and to this effect, ordanis the provest and baillies of ilk burgh within quhais boundis and jurisdictioun ony wynes sall arryve in tyme cuming to tak sufficient cautioun and souirtie of the merchandis, marinaris and utheris hamebringaris of the saidis wynes, that thay sall thankfullie pay the said dewtie grantit to oure soverane lord thairof within the space foirsaid to his hienes collectouris appointit for ingaddering thairof, and heirupoun ordanis lettrez to be direct (gif neid beis) baith to charge the saidis provest and ballies to tak the said cautioun; as also ather to charge the cautioun or then the hamebringaris at the plesour of the collectour to mak payment of the said dewtie to his hienes within the said ten dayes nixt efter thair arryving within this realme, under the pane of rebellioun. And gif thay failyie thairin, the saidis ten dayes being bypast, to denunce thame rebellis and put thame to the horne, and that thay be not relaxit thairfra unto the tyme thay pay the double of the said dewtie to the collectour for thair contemptioun.
[1594/4/28]*[print] [email] [cite] [preceding] [following]
Oure soverane lord, with avise of the estaitis of this present parliament, hes unite, annexit and incorporat and be the tennour of this present act unitis, annexis and incorporattis in his hienes patrimonie and to his croun, to remane thairwith inseparablie in all tyme cuming, all and sindrie the few males and blenche dewties of all landis, lordschippis and baronies quhilkis pertenit of auld to quhatsumevir benefice within this realme and have bene erectit in temporall levingis befoir or sen the act of annexatioun maid in Julii jM vC fourscoir sevin yeiris. And thairfoir have cassit and annullit and be the tennour heirof cassis and annullis all and quhatsumevir pensionis and uther dispositionis maid be his majestie heirtofoir sen the said act of annexatioun to quhatsumevir persoun or personis of ony pert or pertinent thairof ar of ony temporalities of vacand benefices fallin in his hienes handes at ony tyme sen the said act of annexatioun, and that be estemit in all tyme cuming null and of nane availl, notwithstanding quhatsumevir confirmatioun or grant thairof in perliament or utherwayes.
[1594/4/29]*[print] [email] [cite] [preceding] [following]
Item, becaus that the souirties of all officiaris of armes admittit be lyoun king of armes ar fund to him and his clerk, it is thairfoir statute and ordanit that thai be chargit twys in the yeir to produce thair buikis of souirties, to the effect oure soverane lord and his thesaurair be not defraudit of the halff of the penalties for the deprivit officiaris; and this to be usit be the thesaurair in sic sort as the schireff clerkis ar ordanit to produce thair horningis, to the effect that executioun may follow thairupoun and the thesaurair to be chargit with his ressett of the foirsaidis penalties in his comptis. And furder ordanis all the saidis officiaris that hes [not]† fund sufficient cautioun for dew administratioun in thair office, or quhais cautiounaris ar deceissit or ar not sufficient, to find cautioun of new betuix and the first day of August nixtocum; utherwayes, the not findingof the said cautioun is presentlie declarit to be caus of thair deprivatioun. Quhilk deprivatioun salbe immediatlie publissit at the mercat croces of the schirefdomes quhair the saidis officiaris remanis, and all thair executionis fra thence furth to be unautentik and null.
[1594/4/30]*[print] [email] [cite] [preceding] [following]
Oure soverane lord, with avise of his estaitis in this present parliament, understanding that in tymes bygane his hienes and his thesaurair hes bene grytumlie prejugeit anent the escheatis of sic personis as hes bene ordourlie denuncit rebellis and put to the horne; and that throw collusioun of perties efter thair lauchfull denunceatioun, the escheatis being cum in his hienes handis, aggreis with the perties at quhais instance thai ar denuncit, and intendis reductioun aganis the pertie, the kingis thesaurair and advocat for annulling of the process of horning and denunceatioun led aganis thame and obtenis decreit thairintill be productioun of antedaitit dischargis and acquittances, as gif the sowmes or caus thai wer chargit for had bene payit, done and fulfillit lang befoir the denunceatioun. For remeid quhairof, it is statute and ordanit that quhensoevir ony pairtie grounds thair ressonis of suspensioun or reductioun for annulling of horningis upoun payment or satisfactioun maid befoir the denunceatioun, and producis acquittances and dischargis thairupoun, the producear thairof salbe haldin in presence of the lordis to mak faith, sollempnitlie suorne that the acquittances and dischargis producit ar trew in thame selffis, maid and subscryvit off the samyn dait as thai wer producit; utherwayes the usaris of the saidis acquittances not to be hard to ground ony ressonis of suspensionis for annulling of horningis upoun sic acquittances and discharges, nor to use the same aganis his hienes and his thesaurair.
[1594/4/31]*[print] [email] [cite] [preceding] [following]
Oure soverane lord and his estaitis in this present parliament, foirseing that his haill woiddis, forrestis, parkis, haningis, da, ra, hartis, hyndis, fallow deir, phesane, fowlis and utheris wyld bestis within the same ar greitlie distroyit and dalie decressis be ressone the actis and statutis quhilkis ar sett doun aganis the distroyaris of the saidis woddis, forrestis, parkis, haningis and slayaris of the saidis wyld beistis hes not bene put to executioun, sua that all men hes tane libertie to distroy and slay at thair awin appetites. For remeid quhairof, and better interteynement of his hienes royall pastyme in tyme cuming, it is statute and ordanit that quhatsumevir persone or personis at ony tyme heireftir salhappin to cut ony tymmer or grene woid within his hienes woddis or parkis, or salhappin to slay deir, hartis, phesanis, foullis, partrikis or ether wildfoull quhatsumevir, ather with gun, cors bow, hand bow, doggis, halkis or girnis or be uther ingyne quhatsumever within the same, or that beis fund schutting with ony gun thairin without speciall licience and tollerance of his majestie haid and obtenit thairto, or that slayis ony of his hienes deir strayand in tyme of stormes to barne yardis or uther partis maist ewest seikand thair fude, or beis fund tryit to have schot with hagbute in the winter nicht within ony of the foirsaidis woddis or parkis, or within the space of ane myle thairabout, quhether thai be apprehendit slayand the deir or not, that thair haill guidis and geir salbe escheit and inbrocht to his hienes use, and thair personis punist at his hienes will; and this to be ane ordiner point of dittay, and the offendour to be criminallie accusit heiron in all tymes heireftir. And also it is statute and ordanit that gif ony persone or personis salhappin to put ony of thair guidis within the saidis woddis, forrestis, parkis or haningis, the same salbe confiscat and eschetit; and that it salbe lesum to the keparis to intromett thairwith at thair awin handis but ony further process of law, and thay to be frie of all danger and actioun that in onywayis may follow and ensew thairupoun, the ane half to be employit to oure soverane lordis use and the uther half to the forsteris and keiparis. And likwayes it is statute and ordanit that na persoun nor personis sall hunt nor halk within the bounds of sex myles to ony of his hienes woddis, parkis, castellis and palices; and incaice ony do in the contrair, that ilk persoun contravening sall pay the sowme of ane hundreth pundis money, the ane half thairof to the dilators of thame and the uther half to his hienes use; and als quhatsumevir persoun salbe deprehendit or tryit till have slayne hartis or ony kynd of wyld foullis in snaw or ony uther tyme with gunnis or girnis, or yit beis fund to have schot at duik, drak or hair or uthar wildfoull with ane hagbute within ony pert of this realme, that thai salbe subject to the foirsaid penaltie of ane hundreth pundis. And incace thai or ony of thame beis not responsall, to be punissit in thair personis at his hienes will and plesour.
[1594/4/32]*[print] [email] [cite] [preceding] [following]
Oure soverane lord, with avise of his estatis in parliament, ratifies, apprevis and confirmis all and quhatsumevir privilegeis, liberties and immunities grantit ofbefoir be his majestie and his maist noble progenitouris to the chancellair and haill senatouris, baith spirituall and temporall, and memberis of the college of justice, for mantinance of thame in thair personis, honouris and dignities and for bruiking of thair landis, rentis, benefices and pensionis in sic forme as is contenit in the first erectioun of the said college and as thay and thair predicessouris hes bruikit and possest sensyn, conforme to the ratificatioun thairof in parliament or in ony uther actis, lawis or statutis maid be his majestie or his predicessouris in favouris of the said college, senatouris and memberis thairof in all pointis, nochtwithstanding quhatsumevir actis or constitutionis that may appear to derogate the same.
[1594/4/33]*[print] [email] [cite] [preceding] [following]
Oure soverane lord, with avise of his estaitis in this present parliament, statutis and ordanis that na senatouris of the college of justice ordiner or extraordiner sall sitt or vote in ony actioun or caus intendit or to be intendit befoir thame quhair the parties, persewer or defender, is ather thair father, brothair or sone, sua that the father sall on nawys be juge in the sones caus, the sone in the fatheris caus, nor the brothair in the brotheris, bot be declynit thairin.
[1594/4/34]*[print] [email] [cite] [preceding] [following]
Oure soverane lord, with avise of the estaitis of the parliament, considering the greit skaith that the leigis sustenis throw sitting of the sessioun after the first day of August, harvest being in mony partis of the cuntrie alreddy then begun, and understanding that the lordis of sessioun ar content during the haill somer sessioun to enter in the tolbuith and call materis dalie at aucht houris, quhair as thair ordiner dyett wes not quhill nyne, thairfoir statutis and ordanis that the harvest vacance sall begin the first day of August and the sessioun to sitt bot the last day of Julii inclusive.
[1594/4/35]*[print] [email] [cite] [preceding] [following]
Oure soverane lord and estaitis of this present parliament, understanding that sindrie of his hienes leigis ar heretablie infeft in divers landis and annuelrentis within this realme; lyk as thair predicessouris and authouris fra quhome thair richt thairof proceidis hes bene heretablie infeft in the same landis and annuelrentis, and be verteu of thair severall infeftmentis and lyfrentis thairin reservit, thay and thair predicessouris and authouris (fra quhome thair richt thairof proceidis) hes bruikit the foirsaidis landis and annuelrentis be the space of fourtie yeris togidder, nochtwithstanding quhairof the saidis infeftmentis maid and grantit to thame and thair predicessouris and authouris ar sindrie tymes drawin in questioun for laik and want of procuratories of resignatioun, instrumentis of resignatioun, preceptis of clare constat or utheris preceptis of sasing quhilkis ar not extant to be producit and usit in respect that the same ar tint and amittit, partlie be iniquitie of tyme, pertlie be perisching of prothogollis and scrollis of notaris, pertlie for not delivering of the samyn be the personis, sellaris and disponeris thairof, pairtlie becaus the evidentis of comprysit landis usis to be abstractit and withhaldin upoun malice of perties, and pertlie as evidentis not thot necessair to have bene kepit efter sa lang tyme, be ressone that the charteris makis mentioun of the procuratories and instrumentis of resignationis, and instrumentis of sasing makis mentioun of the preceptis of sasing quhairupoun the samyn proceidis. For remeid quhairof, oure said soverane lord, with avise of the saidis estaitis and haill body of this present perliament, findis, decernis and declaris that nane of his hienes leigis may be compellit efter the space of fourtie yeiris to produce procuratories or instrumentis of resignatioun, preceptis of clare constat or utheris preceptis of sasing of landis or annuelrentis quhairof the present heretable possessouris and thair predicessouris and authouris and utheris personis be verteu of lyfrentis reservit in the saidis infeftmentis ar and wes in possessioun be the space of fourtie yeiris togidder, and that the wanting and inlak thairof, nor nane of thame, salbe na caus of reductioun of the infeftmentis grantit to the proprietaris or thair predicessouris or authouris of the landis or annuelrentis quhairof the charter or charteris (makand mentioun of the resignatioun or resignationis to have bene maid, and the instrument of seasing makand mentioun of the preceptis of sasingis be verteu quhairof the sasingis wer gevin) ar extant. And willis, statutis and ordanis that this act salbe extendit to all procuratories and instrumentis of resignatioun, preceptis of clare constat or utheris preceptis of sasingis, the wanting and inlaik quhairof and nane of thame salbe na caus of reductioun nor other quarrell quhatsumevir efter the space of fourtie yeiris quhair infeftmentis hes tane effect be possessioun be the said space of fourtie yeiris in maner abone rehersit, and quhair the charteris and instrumentis of sasing ar extant as said is.
[1594/4/36]*[print] [email] [cite] [preceding] [following]
Oure soverane lord and estaitis of this present perliament statutis and ordanis and declaris that na ratificationis grantit in favour of particuler parties in this present perliament salbe hurtfull or prejudiciall to ony of the leigis of the realme not hard nor callit speciallie thairto, bot all the ratificationis salbe understand and interpreit salvo jure cujuslibet.
[1594/4/37]*[print] [email] [cite] [preceding] [following]
Oure soverane lord and estaitis of this present perliament statutis and ordanis that in tyme cuming it sall not be lesum to ony lordis of sessioun, ordiner or extraordiner, advocattis, clerkis, writtaris, thair servandis or ony uther member of the college of justice, or ony inferiour jugementis within this realme, thair depuittis, clerkis or advocattis, directlie or indirectlie be thame selffis or ony utheris in thair names to thair behuif or utilitie, to by ony landis, teyndis, rowmes or posesionis quhilkis ar dependand in contraversie or questioun betuix ony perties, or hes bene dependand and not as yit decydit, quhilkis gif thai or ony of thame do and contravenis the premissis, the saidis lordis of sessioun, advocattis, clerkis, writtaris, thair servandis or ony uther member of the college of justice or ony inferior jugementis within this realme, thair depuittis, clerkis and advocattis sall amit and tyne thair office, place and all privilegies and immunities bruikit or that may be bruikit be thame be verteu thairof.
[1594/4/38]*[print] [email] [cite] [preceding] [following]
Oure soverane lord, with avise of the estaitis of this present parliament, understanding the greit disordour quhilk hes arysen and daly dois arys among his hienes leigis quhair as personis wrangouslie intrusing thame selffis in the rowmes and posesionis of utheris be bangstre and force being altogither unresponsall thame selffis, mantenis thair posesioun thairof, and quhen thai ar challengit befoir the lordis of the sessioun or uther jugeis ordiner be the pairtie grevit, the personis, intrusaris of thame selffis in sic possessioun, delayis the mater be proponing of peremptour exceptionis quhilkis ar not of veritie, and delayis upoun the probatioun thairof; and efter lang pley, quhen as the pairtie grevit hes gottin decreit ordaning him to be repossessit to his rowme and proffittis thairof, his pertie being unresponsall altogider, gettis na commoditie thairof; for remeid of the quhilk, it is statute and ordanit that in all tyme cuming the pertie persewit be ane uther for ejectioun sall find cautioun for the violent proffittis as in caus of removing the first dyet of the litiscontestatioun, or utherwvyis decreit to be gevin ordinand the pertie to be repossessit.
[1594/4/39]*[print] [email] [cite] [preceding] [following]
Oure soverane lord and his estaitis in this present parliament, having consideratioun of the greit faischerie and inconvenience at sindrie perliamentis throu presenting of a confusit multitude of doubtfull and informall articles and supplicationis, for remeid quhairof in tyme cuming, statutis and ordanis that quhen evir the perliament is appointit and ordanit to be proclamit, thair sall ane conventioun be appointit of four of everie estait to meit xx dayes befoir the perliament to ressave all maner of articles and supplicationis concerning generall lawes or tuiching perticuler pertiis; quhilkis articles and supplicationis salbe delyverit to the clerk of registerie and be him presentit to the personis of the estaitis to be considerit be thame, to the effect that thingis ressonable and necessarie may be formallie maid and presentit in a buik to the lordis of articles in the perliament tyme, and all impertinent, frivolous and impropre materis rejectit, and that na article or supplicatioun wantand a speciall title or unsubscryvit be the presentar salbe red or answerit in that conventioun or perliament following the same. It is alwayes provydit that his majestie may present sic articles as he thinkis guide concerning him self or the commoun weill of the realme at all tymes quhen he thinkis expedient.
[1594/4/40]*[print] [email] [cite] [preceding] [following]
Oure soverane lord, having consideratioun of the manifald oppressionis done within this realme and for the maist pert occurring betuix parties contending in justice be proud and undantonit braggaris, boisteris and oppressouris, and understanding that thair wes ane act of perliament maid of lang tyme bypast first in the dayis of umquhile Marie, quene dowrier, his hienes guidame of worthie memorie, quhilk wes onlie temporall for the space of thre yeiris nixt following, and approvin be his hienes in his perliament haldin at Edinburgh in the moneth of Maii jM vC fourscoir four yeiris, quhairby it wes fund and declarit that gif ony persoun, ather persewar or defendar, suld happin to slay or wound to the effusioun of blude or utherwayes to invaid ane of thame, ane uther in ony sort quhairupoun thai micht be criminallie accusit, efter the rasing of the summondis or preceptis and lauchtfull executioun thairof or in ony tyme befoir the compleit executioun to be recoverit thairupoun, the committer of the slauchter, blude or invasioun in maner foirsaid, or being airt, pert, red or counsaill thairof, gif it be the defendar, he salbe condampnit at the instance of the persewar, gif he be on lyff; or incais of his deceis, the narrest of his kin quha is slane, without ony probatioun of the libell, except summar cognitioun to be tane of the slauchter, bludsched or invasioun befoir the justice or ony uther juge competent thairto. And gif the persewar slayis, woundis or invaidis the defendair as said is, or be airt, pert, red or counsaill thairof, cognitioun being tane incace the defender be on lyve, or incace of his deceis, the narest of the kin salhave absolvitour fra the persewaris libell. And gif the slayair, schedder of blude or invader as said is hes landis or lyfrentis and beis denuncit rebell and put to the horne for non finding of souirtie, or non comperance to underly the law for the said slauchter, bludsched or invasioun, in that cace the slayer, schedder of blude or invader incontinent efter the denunceatioun sall tyne the benefite of his lyfrent of quhatsumevir his landis, offices or commodities as in the saidis actis and statutis maid thairupoun at mair lenth is contenit, quhilk last act wes also temporall, to indure for the space of sevin yeiris. And now it being knawin to his hienes and the saidis estaitis how necessair the same is to be alwayes observit and kepit in continwall observance as ane universall law in all tyme cuming for repressing of the saidis invasionis, thairfoir his hienes, with avise of the saidis estaitis and haill body of this present perliament, ratifies, apprevis and affirmes baith the saidis first and secund actis, with the haill pointis, articles and conditionis contenit thairintill, and ordanis the same to stand as ane perpetuall law in all tyme cuming.
[1594/4/41]*[print] [email] [cite] [preceding] [following]
Oure soverane lord and estatis of this present parliament, understanding the abhominable and odious crueltie that hes bene at sumtymes heirtofoir usit within this realme be children aganis thair parentis in murthering of thame and takand of thair lyves maist unnaturally, hes thairfoir statute and ordanit that quhatsumevir he be that hes slayne or sall heireftir slay his father or mother, guidschir or guddame and hes bene alreddie or salbe heireftir convict be ane assyis, the committaris of the said cryme and his posteritie in linea recta salbe disheresit in all tyme heireftir fra thair landis, heretages, takis, possessonis and the samyn sall apertene to the nixt collaterall and narrest of blude quha utherwayes micht succeid falyeing of the richt lyne.
[1594/4/42]*[print] [email] [cite] [preceding] [following]
Oure soverane lord and estaitis in this present parliament, in respect of the greit derth and skarsitie off all kynd of flesches, statutis and ordanis that in all tyme cuming the tyme of Lentren salbe certane fra the first day of Merche inclusive to the first day of Maii exclusive, and that na lambis nor young weillis within yeir auldis be slayne or eattin befoir Witsonday yeirlie under the panis following. And als ratifies, apprevis and confirmis the actis of perliament maid ofbefoir aganis the eittaris of flesche in Lentrone or on the Wadnisday, Fryday or Seterday in everie oulk, except the penaltie appointit in the saidis actis aganis the contravenaris thairof, quhilk oure soverane lord and estaitis foirsaidis cassis, annullis and haldis that point of the same as deleit and reservis the said penaltie as followis to the effect the same may be the better execute: That is to say, quhasoevir salbe tryit to have contravenit the same, for the first fault, salbe adjugeit in the sowme of ten pundis money; for the secund falt, in the sowme of tuentie pundis; and for the thrid, in the sowme of fourttie pundis; and sua ordanis the pane to be multipliit according to the contempt and oft contravening of the saidis actis. And that the same may tak the better effect, oure soverane lord and estaitis foirsaidis ordanis that within burrowis, his hienes thesaurair nominat ane sufficient persone, and that everie burgh nominat ane uther quha salhave pouer to try, serch and seik quhatsumevir personis, contravenaris of this present act, and persew thame befoir the justice generall or his depuittis monethlie for the same. And incace of convictioun of ony persone or personis, ordanis the ane half of the penaltie to apertene to oure soverane lord, and the uther half to the burgh quhair the convictioun salhappin to be, to be employit by thame as thai sall think gude. Quhilk act oure said soverane lord and estaitis foirsaidis ordanis to be put to executioun in tyme cuming without exceptioun or pretence of ony former licience grantit befoir the dait heirof, alsweill aganis the eittaris as aganis the fleschouris, cuikis, oistellaris and utheris prepararis thairof, and that na licience be grantit heireftir without ane sufficient testimoniall be schawin to oure soverane lordis thesaurair be ane minister of Goddis word and doctour of medicine, apothecar or chirurgiane of the infirmitie of the persoun that suittis and cravis the same, utherwayes the licience to be null. And incace the persoun, obtenar of the said licience, be challengeit for contravening of this present act, the licience sall not be sufficient to absolve the persoun accusit, except the same, togidder with the foirsaid testimoniall, be likwyis producit and schawin in jugement.
[1594/4/43]*[print] [email] [cite] [preceding] [following]
Forsamekle as usurie and ocker is ane greit cryme condempnit be the lawes of God and all commoun welthis, and yit has bene ovre frequentlie usit within this realme this dyvers yeris bygane throw want of ane certane pane and punisement, thairfoir oure soverane lord, with avise of his estaitis in this present perliament, statutis and ordanis that quha evir committis usurie or ocker in tyme cuming directlie or indirectlie, that is to say takis mair proffite for the len of money nor as it cummis to ten pundis in the yeir for ane hundreth pundis, or fyve libs. wictuall, and sua pro rata, quether the same be greit or small upoun wed, plege or obligatioun, act or contract afoir hand or efter the yeir or tyme, salbe countit and estemit usuraris and ockararis, and the pertie, payar or obleist for the said unlawfull proffite, reveilland the same salhave repetitioun of his plege, wed or discharge of his obligatioun, act or contract for his reward. And gif the pertie, receavar, conceilis the resset thairof, quhatsumever uther man that revelis and verefeis the said ocker salhave the said benefite and richt to the sowmes of money gevin for ocker as the gever micht† had incace he had revelit it him self, and the pertie, resaifar of the said unlauchtfull proffite or contracter thairanent, to tyne the principall sowme and stok quhilk was employit be him for payment of the said unlauchtfull proffite and oker.
[1594/4/44]*[print] [email] [cite] [preceding] [following]
Item, becaus the bursaris, studentis and maisteris of collegis ar grytumlie drawin frome thair studies and oftymes incurris greit skaith and perrell thame selffis and dois damnage unto utheris throw thair licentious libertie in resorting nicht and day to frie burghis armed with suordis, pistolettis and utheris wapynnis, thairfoir oure soverane lord and estaitis of this present parliament ordanis the provest and ballies of his majesties frie burghis, incace thai find the foirsaidis personis or ony of thame vagand nicht or day within thair saidis townis armed in maner abonespecifiit, to tak and intromett with thair armour and to dispone upoun the same as thai think gude.
[1594/4/45]*[print] [email] [cite] [preceding] [following]
Oure soverane lord and estaitis of this present parliament, understanding that the actis of parliament maid aganis slayaris of blak or reid fische in forbiddin tyme, distroyaris of smoltis and fry of salmond hes not bene put to executioun in tymes bygane be ressone of the jurisdictioun of the schireffis of everie schirefdome impeiding the provest and baillies of burrowis to prosequute justice thairanent, hes thairfoir ratifiet and approvin the former actis maid anent slaying of salmond fische in forbiddin tyme and distroying of smoltis etc., and declaris that it salbe lauchtfull to the provest and baillies of everie burgh in tyme cuming to proceid aganis the contravenaris of the saidis actis, gif thay salhappin first to atteich and apprehend thame, befoir thai be challengeit be the schireff or his deputtis, notwithstanding that be the former actis the said power wes restrictit to the saidis schireffis.
[1594/4/46]*[print] [email] [cite] [preceding] [following]
Oure soverane lord, with avise of his estaitis in this present parliament, ratifies, apprevis and confirmis the act and statute maid in his hienes perliament haldin at Edinburgh upoun the fyft day of Junii the yeir of God jM vC fourscoir tuelf yeiris in favouris of the frie burrowis of this realme and thair liberties and privilegeis aganis unfrie traffickeris and anent using of craftis in all the suburbis of the saidis suburowis,† speciallie bering that all maner of personis, inhabitantis of the saidis burrowis, exerceand ony maner of traffiquing in merchandise, or having exchange within the same, sall beir thair pairt of all stentis and taxationis, watching and warding in all dewties and suites pertening to oure soverane lord, the weill of the realme and utilitie of the burgh, as at lenth is contenit in the said act and all clauses and condicionis thairin contenit, with this additioun: that the samyn salbe extendit to all merchandis or craftismen, alsweill frie as unfrie, that hes na uther duelling place bot within burgh and hes thair commoditie within the same burgh and beris na burding of taxatioun without the same burgh.
[1594/4/47]*[print] [email] [cite] [preceding] [following]
Oure soverane lord, with avise of his estaitis in this present parliament, ratifies and apprevis the actis and statutis maid be his hienes maist noble progenitouris of worthie memorie concerning the uphalding of landis gevin in conjunct infeftment, alsweill to burgh as land, and for the better executioun thairof and reparatioun of the decayed policie within burgh, statutis and ordanis that the provest and baillies of ilk burgh sall at the instance of the heretouris of the landis within the same, upoun citatioun of pairtie, tak summar cognitioun of the estait of the landis, houses or tenementis within the burgh be ane condigne inquest of the nichtbouris thairof. And gif the samyn be found auld, decayed and ruinous in ruif sklattis, durris, windois, fluringis, loftis, tymmer wark and wallis, or ony of thame, and ane lang† biggit of auld and throw lang tyme decayed in sic sort that it be alreddie inhabitable, or that within schort tyme may becum inhabitable, in that cace to decerne that the conjunctfear or lyfrenter sall repair the saidis landis and tenementis in the partis thairof decayed as salbe fund be the said inquest within the space of yeir and day nixt efter thai be requirit thairto be the heretouris; and falyeing thairoff, declaris that it salbe frie to the saidis heretouris to enter to the possessioun of the same, to have the setting, rasing, using and disponing thairupoun in all tymes cuming as gif thair wer na lyfrent or conjunctfie standing thairof, provyding alwyes that sufficient securitie† quhair the landis or tenementis lyis be tane for termelie payment to the conjunctfearis or lyfretaris thairof induring thair lyftyme of sic maill and dewtie as the same presentlie gevis the tyme of the said cognitioun or micht ressonablie gif in that estait incace it be nocht presentlie sett, deduceand alwayes the annuellis and uther burding lyand thairupoun, and this to be extendit to all brunt and waist landis and aganis all conjunctfearis present and to cum within burgh.
[1594/4/48]*[print] [email] [cite] [preceding] [following]
Oure soverane lord and his estaitis in this present parliament, considering that nochtwithstanding the sindrie actis maid be his hienes and his mair noble progenitors for punischement of the authoris of thift, reif, oppressioun and sorning and masteris and sustenaris of thevis, yit sic has bene and presentlie is the barbarous cruelties and dalie heirschippis of the vickit thevis and lynmaris of the clannis and surnames following inhabiting the hielandis and iles, thay ar to say Clangregour, Clanfarlane, Clanlawren, Clandowill, Clandonochie, Clanchattane, Clanchewill, Clanchamron, Clanronald in Lochaber, Clanranald in Knoydert, Modert and Glengarie, Clanleyid of the Lewis, Clanlewid of Harriche, Clandonald south and north, Clangilliane, Clanayioun, Clankinnoun, Clanneill, Clankenzie, Clanandries, Clanmorgun, Clangun, Cheilphale and als mony brokin men of the surnames of Stewartis in Athoull, Lorne and Balquhidder, Campbellis, Grahames in Menteith, Buchannanis, McCawlis, Galbraithis, McNabbis, McNabrichis, Menzeis, Fergusonis, Spadingis, McIntosches in Athoill, McThomas in Glensche, Ferquharsonis in Bra of Mar, McInphersonis, Grantis, Rossis, Fraseris, Monrois, Neilsonis and utheris inhabiting the schirefdomes of Ergyle, Bute, Dumbartane, Striviling, Perth, Forfar, Abirdene, Bamf, Elgin, Forres, Narne, Invernes and Cromertie, stewartries of Stratherne and Menteith and likwyis a greit nowmer of wickit thevis, oppressouris and pece brekaris and ressettaris of thift of the surnames of Armstrangis, Ellottis, Niksonis, Crosaris, Grahames, Irwingis, Bellis, Carleillis, Batisonis, Litillis, Thomesonis, Glendonigis, Carutheris, Johnnestonis, Jardanis, Moffettis, Latimeris and utheris inhabiting the bordouris foiranent England in the schirefdomes of Roxburgh, Selkirk, Peiblis, Dumfreis and stewartrie of Annerdaill, in the murthour, heirschip and dalie oppressioun of his hienes peceable and guid subjectis in the haill cuntries adjacent to the hielandis and bordouris, to the displesour of God, contempt and dishonour of his hienes persoun and authoritie and to the wasting and desolatioun of a guid pairt of the plentifull ground of the cuntrie, gif spedie remeid be not providit. And understanding that this mischeif and schamefull disordour increscis and is nureschit be the oursicht, hounding out, ressett, mentinence and not punischement of the thevis, limmeris and vagabundis pairtlie be the landislordis, maisteris and baillies of the landis and boundis quhair thai dwell and resortis, and pertlie throw the counsellis, directionis, ressett and pertaking of the chiftanis, principallis of the branches, and houshalderis of the saidis surnames and clannis quhilkis beris quarrell and seikis revenge for the leist hurting or slauchter of ony ane of thair unhappie races, although it wer be ordour of justice or in reskew and following of trew mennis geir stollen or reft, sua that the saidis chiftanis, principallis of the branches, and houshaldaris worthelie may be estemit the verie authouris, fosteraris and mantenaris of the wickit deidis of the vagabundis of thair clannis and surnames. For remeid quhairoff, and that thair may be anys a perfite distinctioun be names and surnames betuix thame that ar and desiris to be estemit honest and trew men and thame that ar and escheamis not to be estemit thevis, reifaris, sorneris and ressettaris and sustenaris of thift and thevis in thair wikit and odious crymes and deidis, it is statute and ordanit that thair be ane roll and catologue maid with all possible diligence of all personis of the surnames foirsaidis suspectit of slauchter, thift, reif, ressett of thift or thevis or sorningis within the saidis schirefdomes and stewartries, in quhat townis and parochinis and under quhat landislordis, maisteris or baillies thai dwell, that all landislordis and baillies be chargit to find suirtie to releve the king and wardane in the bordouris and over all quhair to mak thair men, tennentis and servandis answerable to justice, and to redress parties skaithit quhilkis hes not fund the said souertie alreddie, that the haill personis suspectit and dilatit of the saidis crymes salbe gevin in valentynes to thair maisteris, landislordis or baillies to be presentit befoir his hienes justice and his deputtis and utheris commissionerris or assessouris to be appointit at certane dayes and places, that it may be understand quha wilbe obedient and quha inobedient and fugitive, sic houshaldaris of the saidis clannis as comperis to find cautioun for releif of thair landislordis, sic as comperis not to be denuncit rebellis and fugitives. The chiftanis, principall of the branches, and houshalderis to be chargit to enter pleiges for releif also of the landislordis. The pleges to be deliverit in keping to the noble men, baronis and gentilmen that hes ressavit grytest and latest harmes of the saidis thevis and sornaris of clannis and thair assistaris in thair awin houses, or with thair freindis in the cuntrie quhair thai think maist sure. Gif the personis complenit upoun comperis and findis guid souirtie for releif of thair masteris and landislordis, to bruik thair takis and titles. Gif thay compere not, or comperand findis not the said souirtie, to be denuncit rebellis and thair escheatis of takis to be disponit to thair landislordis. For thair better releif, the complener to have actioun, criminall or civile, aganis the landislordis, masteris or baillies or thair souirties for the attemptat to be committit efter the souirtie fund. The availl and quantitie of the guidis stollen or reft or uther skaith done salbe referit to the aith of the complener, the treuth of the fact being provin be tua witneses. Or gif the pairtie complenit on comperis not personally befoir the justice to mak his defence, or excuses him not be the aith of his maister personallie comperand, na landislord to sett his land or to suffer his land to be occupiit and possessit with his consent or resaif males, gressume or dewtie fra the occupear thairof that being of a clan findis not souirtie to releif his landislord betuix and the first day of August nixt, quhilk gif the landislord omit to seik for his releif, he to be answerable to the complener, criminallie or civilie, as gif he had done the deid him selff. Nane of the saidis clannis or uther brokin men, thair wyffis, barnis, heiris, executouris or assignais salhave actioun, criminallie or civilie, aganis quhatsumevir personis for effecting spulyie, slauchter, fire rasing or uther alleagit violent deid committit aganis thame be ony of his hienes leygis, except thai instruct with thair summondis that the persoun alleagit hurt, spulyeit, slayne or ejectit wes the kingis fre leige man the tyme of that deid, and had fund souirtie to be answerable to justice for releif of his landislord. And to redress pertiis skaithit, everie theif and sorner salbe estemit the man and servand of him quhom of he hes land in tilage and pasturage, or quhome the said theif, sorner or reivar accumpanies at conventionis, gatheringis or at ony violent deidis, or on quhais ground the theif or rever is ressett and taries tuell houris togidder with the knawlege of the landislord being of habilitie and power to aprehend him, or quha hes ressavit band of manrent or gevin band of mantinence to the thevis or reivaris or receavis thair cawlpis and hereyeldis, or quha hes had the saidis thevis and revaris under thair assurance or exemptioun. Tua justice courtis to be haldin yeirlie for the ordiner executioun of this present act and statute within everie ane of the saidis schirefdomes and stewartries at leist, at Jedburgh for Roxburgh, Selkirk and Peiplis; at Drumfreis for the schirefdome thairof and stewartries of Kircubreich and Annerdaill; at Striviling for Ergyle, Bute, Dunbartane and Perth, stewartries of Menteith and Stratherne; at Abirdene for the schirefdome thairof and Bamf; at Elgin or Inverness for the schirefdomes of Elgin, Forres, Narne, Invernes and Cromertie. And the expenses of officiaris, clerkis and utheris thingis neidfull to be tane of the reddiest unlawis and escheatis of the saidis courtis, ane band to be maid, suorne and subscryvit be all noblemen, baronis and landit men within the boundis of the saidis schirefdomes and stewartries, obleissand thame to seik the trew executioun of this present act for thair awin pertis and to concur aganis the saidis thevis, rebellis and sornaris, and to keip ordinar watching and warding and to contribute to that effect in sic sort as salbe thocht metast among thame selffis. Certefeing thame that salbe fund not to convene and further this gude wark, thay salbe haldin infamous and favoraris and partakaris with the saidis thevis and sornaris in thair evill deidis. And oure said soverane lord, with advise of his saidis estatis, declaris that this present act of parliament sall extend not onlie aganis all inhabitantis of the saidis speciall schirefdomes and stewartries bot aganis the landislordis, maisteris and baillies of all personis that ar or salbe suspectit and dilatit of thift, reif, oppressioun and sorning ower all pertis of the realme, and namelie aganis the heretouris and lyfrentaris of landis within townis and suburbis thairoff quhilkis salbe haldin to enter and present to justice personis duelland within thair tenementis and houses suspectit to be harlottis, thevis, ressettaris of thift or vagabundis; siclyk as landislordis in hielandis or borderis for thair men and tennentis that ar thevis and sorneris. And thairfoir that the saidis heretouris or lyfrentaris in townis or suburbis thairof tak souirtie of thair tennentis quhome unto thay sett thair houses, for thair releif at thair awin prell. And further, oure soverane lord, with avise of his saidis estaitis, ratifies and apprevis and for his hienes and his successouris perpetuallie confirmes all former lawis and actis maid be his hienes and his maist noble progenitouris in ony tymes bygane anent punischement of thift, reif, sorning and oppressioun, not rising and following to effray, sitting under assurance of thevis, or taking or paying of blak maill, and ordanis the same actis to be put to executioun with diligence efter the forme and tennour thairof. And finallie that as thevis and sornaris concurris, assistis and mantenis utheris in wickit deidis aganis trew men without feir of God, the king or the lawes, sua it salbe lauchtfull to trew and honest men to concur and joyne thame selffis in counsaillis and actionis for defence of the lyves and guidis of thame selffis and thair tennentis aganis thevis and sornaris, and to follow and persew thame and all of thair races, clannis and names duelland within the boundis of the hielandis and bordouris (not subject be guid and sufficient souirties and pleigis to be answerable to the lawes and redress of parties skaithit), and to tak and apprehend thair personis and guidis, keip thame selffis in prisone or execute thame to the deathe, makand all oure soverane lordis officiaris and ministeris of justice to burgh or land and all his frehaldaris remaning at his hienes faith, peace and obedience conjunctlie or severallie his hienes justice to that effect, with power to hald courtis, creat memberis thairof, summond assys, ilk persoun under the pane of ten pund, als oft as neid beis. And incace ony of the saidis thevis, sornaris of the saidis clannis or thair assistaris duelland in the hielandis or bordouris (quhilkis sall not be under guid souirtie and plegeing as said is, betuix and the first day of August nixtocum) happynnis to be tane hurt, slayne or mutilat, thair guidis to be taken and intromettit with, thair houses to be brunt, distroyit or cassin to the ground, oure soverane lord, with avise of his said estaitis in this present parliament, willis, grantis and declaris that the same sall nevir be impute as ony cryme or offence to quhatsumevir trew men, authouris or executouris thairof, nor thay nor nane of thame salbe callit nor accusit thairfoir criminallie nor civilie be ony maner of way in tyme cuming, axonerand and dischargeand thame of the same for evir. And ratifies and apprevis all utheris actis abonespecifiit and ordanis thame to extend ower all the realme.
[1594/4/49]*[print] [email] [cite] [preceding] [following]
Oure soverane lord, with avise of his estaitis in this present perliament, declaris, statutis and ordanis that na act maid in this present parliament salbe onywayis prejudiciall or hurtfull to his hienes darrest spous, oure soverane lady, anent ony hir richtis and titles of the erledome of Fyff, lordschip of Linlithgow or quhatsumevir uther landis pertening to hir majestie within this realme; and decernis and ordanis all richtis, titillis and infeftmentis maid and gevin to hir be vertew and for fulfilling of the contract of marage betuix oure soverane lord and hir majestie be speciallie exceptit. Lyk as his majestie, with avise foirsaid, exceptis the same furth of all actis and constitutionis presentlie maid be him and his estaitis in this parliament, and nawyis to be hurt or prejugeit be the samyn, lyk as the samyn had nevir bene maid.
[1594/4/50]*[print] [email] [cite] [preceding] [following]
Oure soverane lord, having consideratioun how that thair wes divers rentis and commodities dotat to certane chaplanis and preistis for giving in the new kirk of the college of Glasgow, and efter alteratioun of the religioun, thair being ane gift and dispositioun of the said chaplanries, rentis and emolumentis of the said college kirk to the provest, baillies, counsaill and comunitie of Glasgw, makand and constituand thame patronis of the samyn, to the effect that the samyn micht be imployit owther in hospitalitie or uther uses of pietie, and the saidis provest and baillies and counsell, for avanceing of guid literature within this realme, dotit the samyn to certane bursaris foundit within the said college to be haldin at the scuill thairinto, and that of the purest of the toun quha utherwayes had not the moyen to remane at the scoillis; and nevirtheless, sic hes bene the abuse in tymes bygane that the richest menis sonnes of the said toun hes bene sustenit upoun the rent of the saidis chaiplanries and fundatioun nor thai for quhome the samyn wes appointit, and the saidis provest, baillies and counsaill willing to tak away the said abuse and to employ the fruittis and rentis of the said chaiplanries to better use, hes alterit and changeit thair former fundatioun of interteyneing of bursaris thairupoun, and hes deducit the haill rentis and fruittis thairof for sustentatioun of the ministrie within the said citie; thairfoir oure soverane lord, with avise of the estaitis of this present perliament, hes ratifiit and apprevit this last fundatioun and dispositioun maid be the saidis provest, baillies, counsaill and comunitie of the toun of Glasgow off the fruittis, rentis, proventis, emolumentis and dewties of the saidis chaiplanries appointit of auld for sustening of certane chaiplanis or preistis for thair service in the said college kirk of Glasgow, to the sustentatioun of the said ministrie within the said citie of Glasgw; and ordanis the same to have effect in all tyme cuming; and suppressis all utheris fundationis and dispositionis of the saidis chaiplanries, rentis, fruittis and dewties thairof ather for suffering of the saidis chaiplanries or preistis, or for sustening of the saidis bursaris, ordanis the same to ceis in all tyme cuming, and ordanis the said fundatioun thairof to the sustentatioun of the ministrie to have place in all tyme heirefter.
[1594/4/51]*[print] [email] [cite] [preceding] [following]
Oure soverane lord and estaitis of this present parliament ratifies, apprevis and for his hienes and his successouris perpetuallie confermis the act of the provinciall assemblie of Fiff maid in the moneth of Merch lastbypast, ratifiet thaireftir be the generall assemblie convenit laitlie in Edinburgh, anent the transporting of the paroch kirk of Bruntiland and building of ane new kirk in the place quhair the same standis presentlie buildit and erectit in all the heidis, pointis, articles and clauses thairof, and ordanis the same to stand in full strenth, force and effect in tyme cuming.
[1594/4/52]*[print] [email] [cite] [preceding] [following]
Oure soverane lord and estaitis in parliament findis, decernis and declaris all and quhatsumevir alienationis, resignationis or uther dispositionis maid be the wyffis or barnis of umquhile Maister Partik Adamesoun, archebishoip of Sanctandrois, and als all and quhatsumevir resignationis ressavit be the said bischoip off landis or annuelrentis pertening to the said bischoiprik of Sanctandrois or patrimonie thairof. Upoun the quhilkis resignationis maid be his wyff or barnis, the said bischoip gaif infeftmentis to the personis and thair aris in quhais favouris the samyn resignationis wer maid, to have bene fra the beginning and to be now in all tymes cuming guid, sufficient, lauchtfull and valiable alienationis, resignationis, assignationis and dispositionis to the personis in quhais favour the same is maid, thair aris and successouris, nochtwithstanding the minoritie and less aige of the barnis of the said umquhile bischoip, aganis quhilkis alienationis, resignationis, assignationis and dispositionis the saidis minouris, thair aris and successouris sall nevir be hard in jugement, nor outwith, bot the samyn to be of als greit strenth and effect as gif the samyn alienationis, resignationis and utheris dispositionis had bene maid be the saidis barnis at thair perfite aige of xxj yeris compleit.
[1594/4/53]*[print] [email] [cite] [preceding] [following]
Oure soverane lord and his estaitis in parliament hes ratifiet and apprevit and be the tennour heirof ratifies and apprevis the dissolutioun of the paroche kirk of Carraill, personage and vicarage thairof, fra the abbey and monasterie of Hadingtoun and the divisioun of the fruittis thairof in thre pertis and pertionis: the first pairt to the minister that sall serve the cure at the said paroche kirk of Carreall, quha salbe callit the persone thairof; the secund pairt of the fruittis of the said kirk annext to the new college, callit the pedagog situat within the citie of Sanctandrois, for sustentatioun within the said college of certane bursaris, studentis of theologie; and the thrid pert of the saidis fruittis annexit to the college newlie foundit within the burgh of Edinburgh for sustening within the samyn of certane bursaris, studentis of philosophie, as at mair lenth is contenit in the said dissolutioun and annexatioun. In the quhilk it is speciallie provydit that James, lord Lindsay is constitute heretable patrone of the said personage and bursaries, lyk as at mair lenth is contenit in oure soverane lordis charter exped under his greit seill thairupoun. And forder, oure said soverane lord and his saidis estaitis of new dissolvis the said paroche kirk of Carraill, haill fruittis of the same, personage and vicarage thairof fra the said abbey of Hadingtoun for evir and hes ordanit and ordanis the haill fruittis, proffittis and emolumentis thairof to be devydit in maner abone rehersit, as is perticularlie contenit in the said chartour; quhilk chartour his hienes and estaitis ordanis to be insert and registrat in the buikis of perliament, gif neid beis, to remane ad futuram rei memoriam.
[1594/4/54]*[print] [email] [cite] [preceding] [following]
Oure soverane lord and estaitis of this present parliament ratifies and apprevis the act maid in the perliament haldin at Edinburgh, the fyft day of Junii the yeir of God jM vC fourscoir tuell yeiris anent the erectioun of the paroche kirk of Grenok, laitlie bigit be Johnne Schaw of Grenok, in all pointis, heidis, circumstances thairof as in the said act at mair lenth is contenit; and to the effect that the same may be put to better executioun and tak full effect, oure said soverane lord and estaitis of this present perliament hes dissolvit and devydit and be thir presentis dissolvis and devydis the personage and vicarage of Inverkip in tua severall prochynnis, personages and vicarages, the ane thairof to retene the name of the personage and vicarage of Inverkip, and the uther to be callit in all tyme cuming the personage and vicarage of Grenok; and the haill teyndis, fruittis, rentis, proffittis and emolumentis of the landis of Grenok, Fynert and Spangok, with thair pertinentis, quhilk wer accustumat ofbefoir, to be pait to the personis and vicaris of Inverkip and now ar designit to the boundis of the said new erectit kirk and prochin of Grenok, conforme to the said act of perliament, to apertene to the said personage and vicarage of Grenok, but prejudice alwayes of the patronis richt or† presentatioun to present the personis or vicaris of baith the saidis perochynnis quhen the samyn salhappin to vaik, and the said personage and vicarage of Grenok to be gevin to the ministeris serving the cure at the said kirk thairof, and the said personage and vicarage of Inverkip to be gevin to the ministeris serving the cure at the same; and als decernis and ordanis that the same divisioun tak effect betuix the saidis tua ministeris of Inverkip and Grenok for the croip and yeir of God jM vC fourscoir threttene yeiris, and for this instant croip and yeir of God jM vC fourscoir fourtene yeiris, and siclyk in all tyme cuming salvo jure cujuslibet.
[1594/4/55]*[print] [email] [cite] [preceding] [following]
Oure soverane lord and estaitis of this present parliament, considdering that his majesties maist noble progenitouris of guid memorie, conforme to the example of uther civile and Christiane princes, foundit the chappell royall of Striviling and disponit certane landis, rentis and benefices thairto for interteynment of ane certane nowmer of musicianis to mak residence and service in his hienes hous and chappell at all tymes requisit, nevirtheless, be the inoportune sute of sindre personis in his majesties minoritie, the rentis of the said benefice ar sua alterit and disponit that the saidis musicianis ar not hable to mak residence, nor thair is na thing left to thame to leif upoun, bot that the said erectioun and fundatioun appearis alluterlie to decay; thairfoir his hienes and estaitis foirsaidis retretis, rescindis, cassis and annullis all takis, pensionis or uther dispositionis quhatsumevir maid be his hienes of the few males and dewties of few landis and of the dewties of the takis of teyndis of the said benefice or ony pert of the same to quhatsumevir persone or personis at ony tyme heirtofoir, and decernis the saidis takis, pensionis and uther dispositionis foirsaidis of the few males of the saidis landis and of the dewties of the takis of the teyndis thairof to be null, saulffand allanerlie and exceptand the assignationis maid to the ministeris resident and servand the cures of the kirkis of the said benefice.
[1594/4/56]*[print] [email] [cite] [preceding] [following]
Oure soverane lord and estaitis of this present parliament, for the better explaning of the releif grantit to prelattis† ministeris provydit to personages and vicarages, vicaris and utheris beneficit men be the act maid be the estaitis laitlie convenit upoun the taxatioun of ane hundreth thowsand pundis grantit be thame for the defray of the honorable chargis of the princes baptisme, findis and declaris that thay and everie ane of thame salhave thair just releif pro rata of thair pairt of this present taxatioun upoun the fewaris, wassellis, pensionaris and takismen of teyndis of thair severall benefices.
[1594/4/57]*[print] [email] [cite] [preceding] [following]
Oure soverane lord and estaitis of this present parliament declaris and ordanis that all few landis annexit to his majesties croun be the act of annexatioun remane with his majestie and croun in all tyme heireftir, and that all few landis annexit or uther few landis quhatsumevir within this realme be retourit and avalit to mark or pund landis, that his majestie may knaw the awner thairof; and being retourit, that quhen it salhappin ony impost or taxatioun to be raisit, that the saidis fewaris salbe chargit according to thair retoure.
[1594/4/58]*[print] [email] [cite] [preceding] [following]
Oure soverane lord and haill estaitis of this present parliament ratifies and apprevis the act of parliament maid in his hienes last parliament haldin at Edinburgh upoun the tuentie ane day of Julii in the yeir of God jM vC fourscoir threttene yeiris in favour of skynnaris and frie craftismen of that occupatioun anent the transportaris of calf skynnes, kid skynnis, hudderonis and schurlingis, ordaning the samyn to haif full executioun in all tymes heireftir.
[1594/4/59]*[print] [email] [cite] [preceding] [following]
Oure soverane lord and his estaitis of parliament hes dissolvit and dissolvis the paroche kirk of Nether Airlie, personage and vicarage thairof, haill fruittis, proffittis and emolumentis of the samyn fra the abbacie of Couper quhairinto the samyn pertenit ofbefoir, and is now vacand in his majesties handis throw being of Leonard, present commendater of Couper, lauchfullie denuncit rebell and put to his majesties horne, at the instance of Maister Johnne Abircrumby, sone lauchtfull to Robert Abircrumby, saidler, burges of Edinburgh; and als at the instance of the said Maister Johnne, Isaac, Robert, Richert and Jeremie Abircrummyes, sonnes lauchtfull to the said Robert, for non payment to thame and ilk ane of thame respective of certane monkis portionis of the said abbacie, and throw the said abbottis being and abyding at the said proces of horne attour the space of yeir and day, as in the lettres and executioun thairof at mair lenth is contenit; be the quhilk the said commendater hes amittit and tint the said abbacie, haill patrimonie, proffittis, dewties and emolumentis thairof for his lyftyme, and oure said soverane lord and his estaitis hes erectit and erectis ane rectorie or personage at the said paroch kirk of Nethair Airlie, the rectour and persoun quhairof sall serve the cure of the said peroch kirk and salbe sustenit upoun the fruittis thairof, the advocatioun, donatioun and richt of patronage of the quhilk kirk sall apertene to his hienes trustie and weilbelovit counsellour Schir Thomas Lyoun of Auldbar, knicht, thesaurair, his aris and assignais heretablie.
[1594/4/60]*[print] [email] [cite] [preceding] [following]
Oure soverane lord and estaitis of this present parliament, understanding that the patrimonie and rent of the bischoiprie of Dunkeld is exhaustit be takkis, pensionis and utheris dispositionis maid and grantit be the bischoippis and titularis thairoff ofbefoir, sua that litle or na commoditie thairof remanis to Piter, now bischoip of Dunkeld, except the superioritie thairof; having consideratioun also of the service and guid offices done be the said Piter, bischoip of Dunkeld in the publict effayres of the kirk and commoun weill of this cuntrie, thairfoir oure said soverane lord and estaitis foirsaidis, be the tennour heirof, gevis and grantis to the said Piter, now bischoip of Dunkeld, during all the dayis of his lyftyme, the richt of the superioritie off the haill temporall lands, mylnis, multuris, woddis, forrestis, fischingis and utheris belanging to the temporalitie thairof, with all and sindre liberties, privelegeis, canys, custumes, casualities and commodities of the same quhatsumevir, with full pouer to him during his lyftyme as said is to enter and ressave all and sindre the fewaris, frehaldaris, wassellis and tennentis of the temporalitie of the said benefice, thair aris, assignais and successouris, ather upoun resignatioun thairof to be maid in his handis, confirmationis, preceptis of clare constat or upoun retouris past upoun brevis direct furth of oure said soverane lordis chancellarie, the gressumes, compositionis and entres silver to intromettwith and to his awin use to apply, siclyk and als frelie and his predicessouris, titularis of the said benefice, micht have done befoir the making of the act of annexatioun efterspecifiit, or as oure said soverane lord micht have done sensyn, declaring all and sindre the entreses foirsaidis to be gevin be the said Piter, bischoip of Dunkeld to the saidis fewaris, frehaldaris, wassellis and tennentis of the saidis temporall landis and utheris abonewrittin, thair aris, assignais or successoris in maner abone rehersit, to be als guid, valide and sufficient to the ressaveris thairof for bruiking and joysing of thair saidis landis and utheris abonementionat, as gif the samyn had bene gevin and grantit be his hienes or be the titularis of the said benefice as said is. Attoure, oure said soverane lord and estaitis foirsaidis declaris and ordanis all and quhatsumevir pensionis gevin furth of the temporalitie of the said benefice ofbefoir to quhatsumevir persoun or personis quhilkis hes vaikit, presentlie vaikis or salhappin to vaik during the said bischoipis lyftyme be foirfaltour, dimissioun, resignatioun, rebellioun and lying at the horne attour the space of yeir and day, or be quhatsumevir way in his hienes handes, to have apertenit and to apertene in tyme cuming during the space foirsaid to the said Piter, bischoip of Dunkeld and to return and accress to him as ane pert of the patrimonie of the said benefice, to be bruikit and joysit be him during all the dayis of his lyftyme siclyk and als frelie as the saidis pensionaris bruikit and possest the same ofbefoir. With full pouer to him to uplift and intromett with the same and to charge the tennentis, fewaris and utheris addettit in payment thairof to answer, obey and mak thankfull payment of the same be verteu of his lettres rasit upoun his provisioun to the said benefice or utherwyis as he sall think expedient; dischargeing heirfoir the collectour generall and thesaurair of the new augmentationis and utheris, his hienes officiaris quhatsumevir, of all trubling or molesting of the said Piter, bischoip of Dunkeld in the ressaving and entering of the foirsaidis wassellis, fewaris, frehaldaris, thair aris, assignais and successouris uplifting the compositionis thairof and of the pensionis vacand or that salhappin to vaik in maner abonerehersit, notwithstanding of the act of annexatioun of the temporalitie of all benefices to the croun maid in the perliament haldin at Edinburgh the xxix day of Julii jM vC fourscoir sevin yeiris, to the quhilk this present act makis and sall mak expres dirogatioun in safar as the same may be extendit to the superioritie of the temporalitie of the said bischoiprie during the said Piter, bischoip of Dunkeld, his lyftyme; and that lettres of publicatioun be direct heirupon in forme as effeiris.
[1594/4/61]*[print] [email] [cite] [preceding] [following]
Forsamekle as in the parliament haldin in the moneth of Julii jM vC fourscoir sevin yeiris it wes statute and ordanit that the prelattis within this realme suld not be hurt nor prejugeit in the yeirlie rent and commodities of thair benefices induring thair lyftymes, notwithstanding of the annexatioun of thair temporall landis to his hienes crown, according to the quhilk, and for satisfactioun and recompense of the temporalitie of the bischoiprik of Abirdene, his hienes gaif and disponit to David, now bischoip thairof, the soum of four hundreth pundis usuall money of this realme, with speciall immunities and privilegis contenit thairin, as the saidis lettres and gift maid and grantit to him under the privie seill thairupoun at mair lenth proportis; quhilkis lettres of gift his hienes, with advise of the estatis of this realme in the perliament haldin the xxj day of Julii lastbypast, not onlie ratifiet and confirmit in all the heidis, articles, poyntis and clauses thairin contenit, bot lykwyis decernit and declarit that all takis and pensionis gevin furth of the said bischoiprie to quhatsumevir persoun or personis quhilkis than vaikit or sall happin to vaik be ony maner of way induring his lyftyme suld accress and pertene to him selff, and siclyk gaif full power and commissioun to him to ressave the frie tennentis, fewaris and wassellis of the said bischoiprie in the richt, title and place of thair predicessouris, and to mak, grant and deliver to thame sufficient charteris and infeftmentis under his awin seill and subscriptioun. Quhilkis infeftmentis sua to be maid his hienes, with avise foirsaid, decernit and declarit to be als valide and sufficient as gif the same had bene grantit be his majestis selff under his hienes greit seill, as the saidis lettres of gift and act of perliament respective contenand dyvers and sundre uther heidis, clauses and conditionis at lenth beris and proportis. Quhilkis lettres of gift and act of perliament for the causes thairin contenit, and for divers and sindre uther guid causes and considerationis moving his hienes and the saidis estaitis, ratifies, apprevis and for his hienes and his successouris perpetuallie confermis in all heidis, pointis, articles, clauses, circuumstances, immunities, privilegiis specifiit and contenit thairin efter the forme and tennour of the same in all pointis, decernis and declaris the samyn to have bene fra the beginning and siclyk to be in all tyme cuming gude, valide, effectuall and sufficient richtis, titillis and securities alsueill to the said David, bischoip of Abirdene during all the dayis of his lyftyme as to the tennentis and vassellis of the said bischoiprie, notwithstanding quhatsumevir act maid in this present perliament or at ony tyme heirtofoir, quhilk onywayis salbe hurtfull, prejudiciall or mak dirogatioun to the foirsaid act of parliament nor ony provisioun thairin contenit in ony maner of way in tyme cuming; and ordanis the said act of perliament (gif neid beis) to be insert and ingrossit heirin word be word.
[1594/4/62]*[print] [email] [cite] [preceding] [following]
Oure soverane lord and estaitis of this present perliament ratifies and apprevis the gift of lifrent grantit be his majestie sen his perfite aige in the parliament haldin at Edinburgh, jM vC lxxxxij yeiris off the temporall landis of the abbacie of Kilwinning during all the dayis of his lyvetyme in all and sindre pointis, articles and clauses thairof, notwithstanding of ony act or law maid in this present perliament or utherwayis that may tend to the derogatioun of the same.
[1594/4/63]*[print] [email] [cite] [preceding] [following]
Oure soverane lord and his estaitis of parliament hes ratifiet and apprevit and be the tennour heirof ratifies and apprevis the act maid ofbefoir in the parliament maid at Edinburgh upoun the xxix day of Julii 1587 in favouris of the new college of Sanctandrois, confirming the privilegeis and immunities grantit to the said college, with the giftes of prebendaries, commonis, chaiplanries, annuelrentis, males and utheris dewties annexit and belanging thairto, quhairin alsua it wes statute and ordanit that the said college suld be frie in all tymes cuming fra payment of ony minister or reidaris stipend serving at the kirkis thairof, as the said act contening certane uther clauses mair amplie beris; and ordanis that this present ratificatioun is and salbe als effectuall as the said foirsaid act and haill contentis thairof wer word be word insert and ingrossit heirintill; and siclyk statutis and ordanis that the haill rentis, fruittis, commodities, emolumentis and dewties belanging to the said new college sall be frie of all impostis, taxationis, stentis and all uther kynd of burdingis quhatsumevir in all tymes cuming, sua that the haill rentis and emolumentis of the said new college halelie may be imbrocht to the onlie use of the said new college for the professing of theologie, for the quhilk effect annullis and dischargis be thir presentis all and sindre giftes, richtis and titillis gevin or to be gevin to ony persoun or personis of quhatsumevir prebendaries, chaiplanries, alterages or utheris rentis belanging and annexit to the said college in hurt and prejudice of the same.
[1594/4/64]*[print] [email] [cite] [preceding] [following]
Oure soverane lord and estaitis of this present parliament, understanding that the gift, assignatioun and dispositioun of the superplus of the thrid of the priorie of Quhithorne maid be his hienes to his trustie and weilbelovit counsellour Maister Robert Douglais, provest of Lincluden, collectour generall, wes grant to him for maist just and ressounable causes, viz: for payment of his superexpenses restand awand to him at the fute of his comptis of the collectorie and thesaurarie of augmentationis, extending to the sowme of aucht thowsand tuentie pundis tuell schillingis vij d., quhilk restis cheiflie upoun his furnessing maid for the provisioun of his hienes hous, as the samyn at mair lenth beris; thairfoir his hienes and estatis ratifies and apprevis the said gift, assignatioun and dispositioun of the superplus of the said thrid of the priorie of Quhithorne in all the pointis, articles, clauses, conditionis and provisionis thairin contenit, and declaris the same not to be comprehendit under the act maid in the moneth of Februar jM vC fourscoir sevin yeiris and ratifiet thaireftir in parliament anent the annulling of all giftes of the thriddis, in respect the same is maid for his hienes furnessing, quhilk is ane of the endis mentionat in the said act quhair to the saidis thriddis ar destinat and appointit, bot to be ane guid, sufficient and valiable title and richt to the said Maister Robert, his aris and assignais for bruiking and joysing of the said superplus in all respectis efter the forme and tennour thairoff. And seing his entrie in and to the said superplus is confirrit to sic tyme as the said Maister Robert ceises to be collectour generall of the saidis thriddis be his deceis or utherwyis, in respect the samyn is assignit to him for his ordinar fie of the collectorie yeirlie; lyk as alsua he hes avancit and debursit sen the making of his last comptis of the collectorie and thesaurarie of augmentationis, and is dalie burdynnit and chargit with the avancement of greit sowmes of money to his hienes and furnessing of his hous, quhilkis makis the said supexpenses dalie to grow and increse, thairfoir his hienes and estaitis ratifies and apprevis the said assignatioun of the surperplus foirsaid to him be the lordis auditouris of the chekker for the yeirlie payment of his fie of the said office of collectorie of all yeris and termes bygane sen the dait thairof and siclyk yeirlie in tyme cuming during his continwance in the said office of collectorie; ordaning the lordis auditoris of the same to allow the same yeirlie to him in his fie for samekle and according to the samyn prices as wes allowit to him in his last compt of the thriddis, and declaring the said assignatioun of the said superplus for his yeirlie fie during his said office nawyis to be prejudiciall or to mak ony dirogatioun to the said gift and dispositioun of the said superplus maid and grantit to him, his aris and assignais in satisfactioun and payment of his superexpenses foirsaidis; bot the gift to be valide, sufficient and effectuall in the self to him, his aris and assignais, notwithstanding of the suspensioun of the entrie thairto quhill the seassing of his said office in maner abonespecifiit, as gif he had apprehendit reall and actuall possessioun of the said superplus be vertew of the said gift, at the day and dait heirof. Attour his majestie and estaitis foirsaidis gevis, grantis and disponis to the said Maister Robert, his aris and assignais the said superplus of the thrid of the money and wictuall of the said priorie of Quhithorne, extending to the quantitie aboverehersit, not onlie in payment and satisfactioun of his said superexpenses extending to the sowme of aucht thousand tuentie pundis xij s. vij d. foirsaid, quhilkis ar fund restand awand to him at the fute of his said last compt as said is, bot also in payment and satisfactioun of all and quhatsoevir uther sowmes of money quhairin he salhappin to be fund superexpendit in ony tyme cuming in his saidis comptis of his saidis offices of collectorie of the thriddis and thesaurarie of new augmentationis, sua that the said Maister Robert, his aris and assignais sall peceablie bruik, joyse, uplift and intromett with the said superplus, baith money and wictuallis thairof, off all yeiris and termes following his entrie foirsaid in and to the said gift ay and quhill he and thai be compleitlie satisfiit and payit off all and quhatsumevir sowmes of money quhilkis salhappin to be restand awand to him at the fute of his saidis comptis of the collectorie and thesaurarie foirsaid, provyding alwayes that the same be not allowit to him in payment of his said superexpenses quhill he cease to be collectour generall be deceis or utherwayes in maner specifiit in the said former gift.
[1594/4/65]*[print] [email] [cite] [preceding] [following]
Forsamekle as be the act of oure soverane lordis chekker of the dait at Edinburgh, the auchtene day of Januar the yeir of God jM vC fourscoir ellevin yeiris, it is fund and declarit be the lordis auditouris of his hienes chekker that David Seytoun of Parbroth, comptroller, is superexpendit in the sowme of aucht thousand tua hundreth fourscoir fourtene pundis sevin s. v d., and thairfoir thai have decernit and ordanit the clerk of register and his depuittis that thai onnawayis extract, draw furth or deliver ony extract of ony debt contenit in his comptis quhairof he hes tane allowance to na personis, quhairby he may onnywayis be chargeit for payment of ony of the saidis allowances unto the tyme he be first satisfiet and pait be his hienes of the sowme abonespecifiit contenit in his compt quhairin he is fund superexpendit, and that na lettres nor chargis salbe direct or usit at the instance of ony pairtie aganis the said comptroller for payment of ony of the saidis allowances or sowmes of money thairin contenit, suspendand and dischargeand the samyn in the meantyme ay and quhill the said comptroller be first satisfiet and pait of the foirsaid haill sowme of aucht thousand tua hundreth fourscoir fourtene pundis quhairin he is fund superexpendit as said is, as at mair lenth is contenit in the said act. Oure soverane lord and estaitis of parliament, havand at lenth hard, sene and considderit the said act, findis and declaris that na lettres, actioun nor executioun salbe grantit, usit nor execut at the instance of quhatsumevir personis, creditouris, aganis the said comptroller for payment to thame or ony of thame of ony debt quhairof he hes tane allowance in his saidis comptis unto the tyme the said comptroller be first satisfiet and pait be his hienes of the said sowme of aucht thousand tua hundreth fourscoir fourtene lib. sevin s. fyve d., quhairin he in his saidis comptis is fund superexpendit as said is; or els that his majestie obtene at the handis of the saidis creditouris sufficient dischargis and exoneratiounis dischargeing simpliciter the said comptroller, his aris, executouris and assignais of the foirsaid sowme of aucht thousand fourscoir fourtene pundis sevin schillingis fyve pennies. Quhilk being done, the kingis majestie and estatis foirsaidis decernis and ordanis lettres and executioun to be direct upoun the extractis of the saidis comptis to be subscrivit be the clerk of register aganis the said comptroller at the instance of the perticuler creditouris, of quhais debtis allowances is tane be him in his saidis comptis for payment to thame and ilk ane of thair speciall debtis thairin mentionat efter the forme and tennour of the saidis comptis in all pointis, notwithstanding the foirsaid act of supersedere grantit in the chekker to the said comptroller of deat abonewrittin, siclyk as gif the same had nevir bene maid.
[1594/4/66]*[print] [email] [cite] [preceding] [following]
Oure soverane lord, with the advise and consent of his hienes estaitis of this present perliament, and for his hienes and his successouris, ratifies and approvis the charter of confirmatioun maid and grantit be his hienes in his minoritie and efter his generall revocatioun upoun the xxiiij day of Maii the yeir of God jM vC fourscoir threttene yeris off tua auld infeftmentis grantit of auld be his hienes predicessouris to the burgh of Linlithgw, quhairof the ane is maid of the said burgh with the small custumes and port of Blaknes, the uther of the frie custuming of certane wearis without ony dewtie to be payit thairfoir, as the said charter of confirmatioun in the selff at mair lenth beris; in the quhilk oure said soverane lord hes of new disponit to the said burgh the said port of Blaknes, with the small custumes and liberties, commodities, privilegeis, dignities and immunities quhatsumevir perteningto the said burgh, as the provest, baillies, counsaill and commwnitie thairof and thair predicessouris hes occupiet and possest ofbefoir, as is perticularlie expressit in the said charter, and declaris the said charter of confirmatioun, with the haill pointis, pases, articles and clauses respective contenit thairintill, to be ane perpetuall richt and securitie to the saidis provest, baillies, counsaill and commwnitie of the said burgh and thair successouris in all tyme cuming, and that this present act of ratificatioun be als valide and sufficient as gif the perticuler heidis and clauses of the said charter haid bene exprest and sett down thairintill.
[1594/4/67]*[print] [email] [cite] [preceding] [following]
Oure soverane lord and estaitis of this present perliament, understanding be supplicatioun gevin in to thame ofbefoir† the inhabitantis, fremen, induellaris abone the Gray Freir Wynd of the citie of Glasgw anent the establisching of ane mercat at the wynd heid thairof, for the support and releif of thame, thair wyffis, famelies and barnis and uphalding of thair houses and landis, the samyn being the maist commodious and cheif pairt of the said citie for recept of his hienes and his court quhen occasioun offeris of thair repairing in the cuntrie, now altogidder becum rwinous and almaist decayed be ressone of the removing of the clergie sen the reformatioun of religioun that sustenit and upheld the samyn ofbefoir; and als the haill mercattis aucht not to be placit at ane port of the said citie, bot suld be sett at dyvers partis thairof for the commoun commoditie of the haill inhabitants thairof, sen at all occasionis of stentis, taxationis and utheris impositionis thay beir equall burding, commissoun wes gevin and grantit to umquhile Robert, lord Boyid, Walter, prior of Blantire, the provest and baillies of the said citie, for the maist pert thairof, for establischingof the beir marcat or salt mercat above the wynd heid, quha thaireftir placit the salt mercat thair, quhilk was altogidder incommodious be reasone the same wes far distant fra the brig and watter of the said citie quhair the salt is maist usit, and put the merchandis and fischeris quha bocht the same to greit expenses of cariage and transporting thairof fra the said wynd heid to the brig be the space of ane myle and mair. Lyk as the sellaris of the salt upoun that occasioun removit thame selffis to the auld place narrer the said brig quhair the same wes sauld of befoir, and the saidis commissionerris wer myndit to have placit the beir and malt mercat above the said wynd heid in place of the said salt mercat gif, be deceis of the said umquhile Robert, lord Boyd, the said commissioun had nocht expyrit. For remeid quhair of, oure said soverane lord, with avise of his saidis estaitis, be thir presentis gevis and grantis full power and commissioun to his trustie counsellour Walter, priour of Blantire, lord privie seill, Robert Boyd of Badinhaith, David Foirsyth of Dykis, the ordiner ministeris of Glasgw, the provest and ballies thairof, or the maist pert of thame, to raise and lift the beir and malt mercat and establische the same abone the wynd heid of the said citie to the effect abonewrittin at ony pairt or place thairof maist commodious as thai sall think expedient, and to remove the said salt mercat to the auld statioun quhair it stude for the commoun benefite of the haill inhabitantis, and generallie all and sindrie uther thingis to do that to the executioun of this present commissioun apertenis, ferme and stable etc.
[1594/4/68]*[print] [email] [cite] [preceding] [following]
Oure soverane lord, with avise of his estaitis of this present parliament, ratifies, apprevis and confirmis all and quhatsumevir actis and statutis of his hienes burrowis within this realme tending to the beiting and reparatioun of thair wallis, streittis, havynnis and portis, and willis and declaris that thair saidis actis salbe put to executioun be the provest, baillies and magisratis of the saidis burrowis, and speciallie the actis, statutis and ordinances of the burrowis of the coist syd of Fyff maid anant the tuell penneis of everie boit pertening to the saidis burrowis that croces the watter of Forth, quhilk is appointit to be payit to the commoun guid of the saidis burrowis for the reparatioun of thair havynnis and herbreis, and that for the space of fyve yeris nixt efter the dait heirof.
[1594/4/69]*[print] [email] [cite] [preceding] [following]
Oure soverane lord and estaitis of this present parliament ratifies, apprevis and for his hienes and his successouris perpetuallie confirmis the erectioun of the burgh of the Cannougait, with the haill auld privilegeis, immunities and liberties grantit to the said burgh, superiouris thairof, burgeses, craftismen and inhabitantis of the same, be his hienes and his predicessouris in ony tyme bygane befoir the dait heirof in all and sindre clauses, articles, privilegis and circumstances quhatsumevir specifiit and contenit thairin, providing alwayes that the magistratis of the Cannowgait tak sufficient ordour anent the removing of the commoun and idle beggarris of the hie gait and streit thairoff.
[1594/4/70]*[print] [email] [cite] [preceding] [following]
Oure soverane lord and estatis of this present parliament, understanding that the schirefdome of Bathcat is and hes bene of auld ane schirefdome within the selff and is ane patent pert of the cuntrie quhair oppin faires wer verey meit and apt to be haldin yeirlie, quhilk weld tend to the greit weill of the haill cuntrie and inhabitantis of this realme, and in speciall for furnessing of guidis to his hienes hous and to the burgh of Edinburgh quhair commoun repair is of ane greit pert of the leigis of this realme, alsueill for thair perticular as commoun affayres, thairfoir his hienes and estaitis foirsaidis gevis and grantis full power and libertie to Robert Hammiltoun of Bathcatt to proclame, hald and continew tua severall fair dayis yeirlie to be haldin within the town and upoun the croftis of Bathcat, the ane thairof to be haldin upoun the fourt day of August and the uther to be haldin upoun the xxj day of October yeirlie in tyme cuming. And to this effect, grantis thairunto all liberties, commodities and casualities as belangis to ony siclyk frie fair within this realme, provyding alwayes that the same fairis be nether haldin upoun the Sabboth day nor upoun ony day grantit to the heid burgh of the schire ofbefoir.
[1594/4/71]*[print] [email] [cite] [preceding] [following]
Oure soverane lord and estaitis of this present parliament, considdering that frome tyme to tyme thay have bene grantit ane supersedere frome translatioun and executioun of ane decreit of warrandice gevin at the instance of Schir Johnne Wischert of Pittarro, knicht, upoun the landis of Strathdie and Braymar, sauld and annaleit be umquhile James, erll of Mrray, regent to the said Schir Johnne, his aris and assignais, be ressone of the said erllis less aige, and that the evidentis competent for his defences wer brunt in the place of Dunybrissell the tyme of the murthour of his umquhile father, be quhais deceis and suddane awaytaking thair wes greit and exorbitant debtis contractit quhairin he is involvit, and the maist pairt of his evidentis abstractit and tane away at the taking of the places of Darneway in Moray and castell of Doun in Menteith; and considdering likwyis that throw the contentioun betuix the erll of Athoill and Harie, commendater of Sanct Colmis Inche, ather of thame clameand to be tutour to him, his leving and rentis is sua trublit and burdynnit that he can not defend the said actioun, being sua wechty that the same is hable to comprys ane greit pairt of his heretage; thairfoir oure said soverane lord and estaitis of this present perliament hes supersedit and superseidis all proces to be led and deducit in the foirsaid actioun of translatioun and all executioun of the said decreit of warrandice of the foirnamit landis off Strathdie and Braymar at the instance of [...] Wischert, now of Pittarro or ony utheris for the space of tua yeiris nixtocum efter the dait heirof.
[1594/4/72]*[print] [email] [cite] [preceding] [following]
Forsamekle as be ane act maid in the parliament haldin at Edinburgh the fyft day of Junii the yeir of God jM vC fourscoir tuell yeiris it wes statute that all actionis competent to ony persone be vertew of the act of repossessioun maid at Linlithgw upoun the tent day of December jM vC fourscoir fyve yeiris suld be persewit within yeir and day nixt efter the publicatioun of the said act at the marcat croce of Edinburgh, with certificatioun that the said space being expyrit, thay suld not be hard thaireftir; be the quhilk act of prescriptioun Johnne, lord Fleming and his servandis and freindis of the name of Fleming quha wer perticipant of the trublis past ar stayit fra persewing and using of thair actionis and chargis competent to thame be the benefite of the act of repossessioun anent the restoring of thame to sic landis, heretages, benefices, pensionis, teyndis, rowmes and possessionis as thai, thair fatheris and utheris thair predicessouris wer dispossessit fra be occasioun of the saidis trublis, howbeit the said Johnne, lord Fleming the tyme of the making of the said act of repossessioun and lang thaireftir wes minour, and the evidentis belangand to him, his saidis freindis and servandis being within the castell of Dunbartane wer abstractit furth thairof and sparpellit, and bot laitlie cum to thair handis, quhairthrou it wer hard to seclude thame fra the benefite of the said act of repossessioun, namelie in respect the foirsaid act of prescriptioun wes onlie publissit at the said mercat croce of Edinburgh and nevir prentit, as alsua the tyme of the said proscriptioun wes verray schort, quhairby the samyn is bot laitlie cum to thair knawlege; thairfoir oure soverane lord, his estatis and haill bodie of this present parliament hes prorogat and prorogattis the foirsaid act of repossessioun maid at Linlithgw the said tent day of December jM vC fourscoir fyve yeiris quhill the first day of November nixtocum, to the effect the said Johnne, lord Fleming, his servandis and freindis of the name of Fleming may intent, persew, raise and follou furth all and quhatsumevir actionis, causes, lettres and chargeis competent to thame be the foirsaid act of reposessioun for restoring and repossessing of thame to all landis, heretages, benefices, pensionis, teyndis, rowmes and possessionis quhatsumevir quhairfra thai or ony of thame or ony of thair fatheris or utheris thair predicessouris wer dispossesit be occasioun of the saidis trubles in ony tymes bygane, siclyk and als frelie and in the samyn maner as the space foirsaid contenit in the said act of prescriptioun maid upoun the said fyft day of Junii lxxxxij yeris wer not expyrit or the samyn act of prescriptioun had not bene maid, provyding alwayes, incace the said lord, his servandis and freindis of the said name of Fleming intent not, persew and follow furth the saidis actionis betuix this and the said first day of November nixtocum, that thai sall nevir be hard thaireftir.
[1594/4/73]*[print] [email] [cite] [preceding] [following]
Oure soverane lord and estatis of this present perliament, understanding that Francis, sumtyme erle of Arroll, is addettit to Alexander, lord Levingstoun in dyvers great sowmes of money restand awand be the said Frances, sumtyme erle of Arroll to him as propre dett, and als that the said Alexander, lord Levingstoun standis obleist as cawtioner and souertie for the said Frances, sumtyme erle of Arroll for payment of grit sowmes of money to sindrie persouns and for warrandyce of certane landis and anualrentis sauld and annaleit be the said Frances, sumtyme erle of Arroll of befoir, swa that the said Alexander, lord Levingstoun, be the dome and sentence of foirfaltour gevin and pronuncit in this present perliament aganis the said Francis, sumtyme erle of Arroll, sall incur and sustein grit skaith without tymous remeid be provydit. And oure said soverane lord and estaittis, being of mynd that the said Alexander, lord Levingstoun be not prejugit be the said foirfaltour; thairfoir, and for remeid thairof, oure said soverane lord, be the counsaill and advyce of the saidis thre estaittis, in recompance and satisfactioun of the saidis sowmes of money restand unpayit to the said Alexander, lord Levingstoun, and for his releif of the foirsaid cautionarie, findis and concluidis be the tennour of this present act ane infeftment to be maid and grantit to the said Alexander, lord Levingstoun, his aris and assignais quhatsumever heretablie be his heanes in dew forme off all and haill the landis and baronie of Logre, with frie regalitie and privilege of the samyn, with the tower, fortalice, maner place, yairdis, orchardis, mylnes, fischingis, pertis, pendicles, annexis, connexis, tennentis, tennendreis, serrvice of frie tennentis thairof and all thair pertinentis, lyand within the stewartrie of Stratherne and schirefdome of Fyiff, quhilkis pertenit of befoir to the said Frances, sumtyme erll of Arroll and now pertening to oure said soverane lord, fallin and becuming in his heanes handis throw proces and dome of foirfaltour ordourlie led and deducit aganis the said Frances, sumtyme erle of Arroll for certane crymes of tressoun, leis majestie committit be him quhairof he wes convict in this present perliament; and to that effect, oure said soverane lord and estaittis foirsaidis be thir presentis dissolwis the saidis landis, baronie and uthiris perticularlie abonewryttin.
[1594/4/74]*[print] [email] [cite] [preceding] [following]
The kingis majestie and estaittis of this present perliament cassis and annullis ane decreit allegit gevin and pronuncit be his majestie at Drumfreis the awcht day of Junii the yeir of God jM vC fourscoir awcht yeiris, or of quhatsumever dait or daittis, withall that hes followit or may follow thairwpoun, be the quhilk his majestie decernit, declairit and pronuncit Harie Lindesay, fear of Kinfauns, Williame Stewart of Setoun and James Scott of Ballbirne and Williame Scott of Abotishall, thair cawtioneris and souerteis, thair executouris and successouris to be fred, exonorit and dischargit of dyvers and sindrie maillis, fermes and dewteis intromettit with and taikin up be tyme fra the tennentis and possessaris of the landis and lordschip of Brechin, fischingis and wtheris, and of thair intromissioun thairwith in haill or in pairt of the croip and yeir of God jM vC fourscoir foure yeiris pertening to Dame Annabill Murray, countes of Mar and of all actioun that may be movit or that hes bene movit aganis thame or ony of thame thairanent, with all actis of cawtioun, decreittis and utheris quhatsumever maid and gevin concerning the samyn, and all and haill contenttis thairof as the samyn of the dait foirsaid at mair lenth proportis. Becaus the said decreit arbitrale wes pronuncit be his majestie upoun the viij day of Junii the yeir of God etc. lxxxviij, being than occupyit in the publict effairis concerning the estait and quyetnes of this realme, and wrangouslie informit of the said Harie Lindesay and uthairis havand na uthair rycht nor ground bot ane pretendit supplicatioun gevin in be the saidis Harie Lindesay and Willame Stewart to the effect foirsaid in the perliament haldin at Edinburgh the xxix day of Julij lxxxvij yeiris, quhilk supplicatioun, contenttis and desyne thairof wes at that tyme remittit be the thre estaittis onlie to his majestie to tak ordour, pronunce and decyid thairintill according to ressoun, equitie and guid conscience, the said Dame Annabell Murray having obtenit decreit aganis the saidis persounis befoir the lordis of sessioun in foro contradictorio decerning thame or ather of thame to pay to hir the saidis maillis, fermes and uthris dewteis of the saidis landis as is perticularie contenit in the samyn of the dait the xviij day of Februar lxxxvj yeiris, and tharby havand speciall entres in the said caus perfitlie knawin to the saidis perteis, and not being warnit to the geving in of the said supplicatioun nor remitting thairof be the thre estaittis to his majestie as onlie juge arbitour, nor never being hard to use hir lauchtfull defenses aganis the pronunciatioun of the said decreit arbitrall as scho awcht to haif bein, conforme to the lawis of this realme; and thairfoir decernis and declairis the foirsaid act of remissioun and decreit arbitrale abonewryttin following tharupoun to be null and of nane availl in maner abonspecifeit.
[1594/4/75]*[print] [email] [cite] [preceding] [following]
Forsamekle as it is meanit to oure soverane lord and his estaitis of this present perliament be Alexander Gaw of Maw that the inhabitantis and community of the town of Culros hes laitlie purchest ane infeftment of oure soverane lord erectand the said town of Culros in ane frie burgh regall and disponand to the inhabitantis thairof the said burgh and commoun mure of the same within certane boundis, meithis and merchis, within the quhilkis thair ar contenit and comprehendit the landis, tenementis, perkis and utheris efterspecifiit pertening to the said Alexander Gaw of Maw heretablie and wer sett in fewferme to his predicessouris and him selff respective be the commendater and convent of Culros for the tyme deulie and lauchtfullie confermit, off the quhilkis the said Alexander and his predicessouris ar and hes bene in peceable possessioun without ony contradictioun; thay ar to say the landis of Eschis, extending to ane pleuch of land and aker of land in Nather Gogie, thre akaris of land callit the Bawcroft and four akaris of land beside the Barchappell, the sisternis or park, ane hous abone the over port, with the greynis at south and north partis thairof, the ground of the auld tolbuith, tua houses and yardis and tua salt pannis in the town of Culros; quhilk infeftment grantit to the said communitie of Culros is confirmit in the parliament haldin at Edinburgh the fyft day of Junii the yeir of God jM vC fourscoir tuell yeris, with ane speciall provisioun that the said ratificatioun suld not be hurtfull to Robert Bruce of Blairhall, Walter Callender of Bordy and Johnne Colvill, sone lauchtfull to Alexander, commendater of Culros. And seing the said Alexander Gaw of Maw hes als greit entres as ony of the foirsaidis perticuler personis, it is maist ressonable that declaratioun suld be maid in his favour that the ratificatioun foirsaid suld nawyis hurt or prejuge him, his aris or successouris, thairfoir oure said soverane lord and his saidis estaitis of this present perliament decernis and declaris that the infeftment gevin to the comunitie of the said burgh of Culros and confirmatioun and ratificatioun thairof sall onnawyis hurt nor prejuge the said Alexander Gaw of Maw, his aris nor successouris in thair richtes, titles and possessioun of the foirsaidis landis, mures, akaris, tenementis and utheris abone mentionat, and that this present declaratioun salbe als sufficient as gif the samyn wer insert in the said infeftment grantit to the said communitie of Culros and confirmatioun thairof in perliament as said is.
[1594/4/76]*[print] [email] [cite] [preceding] [following]
Oure soverane lord and haill estatis of this present perliament, respecting the trew, guid, thankfull and acceptable service done to his hienes be his weilbelovit servitour Maister George Young, archedene of Sanctandrois, hes thairfoir ratifiet and approvin and be the tennour of this present act ratifies, apprevis and confirmis the gift of pensioun grantit to him be his majestie off twa hundreth pundis furth of the reddiest custumes of the burgh of Edinburgh; and for his better service thairof, off new gevis, grantis and disponis to the said Maister George the said pensioun of tua hundreth pundis to be yeirlie upliftit be him of the reddiest custumes of the said burgh nixt unto the yeirlie assignatioun of the castell of Edinburgh, beginnad the first termes payment at the feist of Witsonday last bypast, and sua continwand yeirlie and termelie during his lyftyme. And to that effect, hes dissolvit and be thir presentis dissolvis the said pensioun for the said Maister Georgeis lyftyme fra his hienes propirtie quhairinto the haill custumes of this realme ar annexit, to the effect the samyn may be peceablie bruikit and upliftit be the said Maister George, conforme to this present gift during the space foirsai; and siclyk hes ratifiit and apprevit and be the tennour heirof ratifies and apprevis and of new gevis, grantis and disponis to the said Maister George during his said lyvetyme the pensioun of fourscoir pundis grantit to him ofbefoir be his majestie and pait to him yeirlie sen his gift be the commendater of Glenluce, as the dewtie quhairin he is addettit for the monkis portionis of the said abbey disponit to him be his majestie for the sowme foirsaid, and als the pensioun of the few males of Cauldstreme grantit to the said Maister George during his said lyvetyme be oure said soverane lord off the dait the xiij day of September anno jM vC lxxxviij yeris, in all heidis, clauses and conditionis thairof, dissolving the same pensioun of Cauldstreme fra his hienes propirtie during the space foirsaid, to the effect the samyn may be mair effectuall, willing and granting and for his hienes and his successouris decerning and ordaning the saidis pensionis to be and remaine valide and effectuall to the said Maister George during his said lyftyme according to his giftes thairof and this present ratificatioun and new dispositioun of the samyn in all pointis, dispensand with all actis, statutis, constitutionis or ordinances of perliament haldin heirtofoir be his majestie or ony his hienes predicessouris quhilkis onnywyis may dirogat or be interpreit to the prejudice heirof in ony sort.
[1594/4/77]*[print] [email] [cite] [preceding] [following]
Oure soverane lord, with avise of the estaitis of this present perliament, ratifies and apprevis the gift and dispositioun maid be his hienes to his daly servitour Johnne Andro, writter, off ane yeirlie pensioun of tua hundreth markis and assignit to be pait out of the reddiest of the silver males and fischingis of the abbacie of Kinloss in all and sindre pointis, articles and clauses expressit thairin. And als for the said Johnnes farder securitie, off new gevis, grantis and disponis the same pensioun to him during the said space, decerning and declaring be thir presentis that the samyn gift is and salbe guid and effectuall to him, and that he, be vertew thairof, sall bruik and uptak the said pensioun of all yeris and termes bygane restand awand unpayit, and siclyk yeirlie and termelie in tyme cuming during all the dayis of his lyftyme, notwithstanding the act of secreit counsall maid in the moneth of Februar the yeir of God jM vC lxxxvij yeris, ratificatioun thairof in perliament or ony utheris actis of perliament, secreit counsaill, sessioun or chekker maid at ony tyme befoir or sensyne; quhilkis actis his hienes and his saidis estatis decernis and declaris is not nor sall not be extendit to the hurt, prejudice or annulling of the gift foirsaid; nather is nor sall the samyn be extendit nor interpreit to the prejudice thairof in ony point, nor yit is the said gift of that nature as be the foirsaidis actis or ony of thame may be callit in doubt or questioun or utherwayis annullit or dischargeit be ony maner of way.
[1594/4/78]*[print] [email] [cite] [preceding] [following]
Oure soverane lord and estaitis of this present parliament, considdering that umquhile Johnne Achesoun, maister cunyeour to his hienes, contractit dyvers greit debtis and became cautioner to sindre personis for his hienes effayres at the instant request of umquhile Williame, erll of Gowrie, thesaurair to his majestie for the tyme, and that the said Johnne hes obtenit dyvers decreittis befoir the lordis of sessioun aganis Johnne, now erll of Gowrie, and his umquhile father for releif of dyvers and sindre decreittis obtenit aganis the said Johnne as air to his said umquhile father for the saidis debtis, quhairof the executioun is supersedit be the kingis majestie and lordis of sessioun for the space of fyve yeiris for certane causes contenit in the said supersedere; thairfoir oure said soverane lord and estatis foirsaidis, finding that nather resone, equitie nor guid conscience wald that the said Johnne suld be alluterlie wrakit for his hienes debtis contractit throu the occasioun foirsaid, hes in likemaner supersedit and supersedis the executioun of all sentencis and decreittis recoverit and obtenit at the instance of quhatsumevir creditouris aganis the said Johnne as sone and air foirsaid for the caus abone exprimit, and dischargis all creditouris of persewing of the said Johnne for the same or putting of the saidis decreittis alreddie recoverit to executioun aganis him for the space of ane yeir efter the dait heirof.
[1594/4/79]*[print] [email] [cite] [preceding] [following]
The kingis majestie and estaitis of this present parliament gevis and grantis full and frie licence and libertie to James Smyth and Johnne Waluoid, sumtyme citienaris of Sanctandrois, to returne and remane within this realme of Scotland as his hienes frie leigis at thair plesour, nochtwithstanding of the submissioun and decreit arbitrall past thairupoun betuix Maister Johnne Arthour, ane of the commisionaris of Edinburgh, and certane his brether and freindis on the ane pert, and the saidis James Smyth and Johnne Walwoid and utheris, thair collegis, on the uther pert, off the dait the [...] day off [...] the yeir of God jM vC [...] yeiris, and of all panis and executioun that hes follouit or may follou thairupoun, provyding within xl dayes nixt efter thair arryving within this realme the saidis James Smyth and Johnne Walwoid ather offer thame to abyd the law befoir the justice or his depuittis for the alleagit actuall stryking and slaying with thair awin handis of umquhile James Arthour, bruther to the said Maister Johnne, or els satisfie the pertie, safar as of ressone can be craved, and find cautioun to that effect. And incace it salhappin thame to cum to Sanctandrois within the said space of xl dayis nixt efter thair first arryving, that thai contene thai selffis quyet within thair houses of Sanctandrois salang as it salhappin thame to remane thair during the said space of xl dayes.
[1594/4/80]*[print] [email] [cite] [preceding] [following]
Oure soverane lord, having consideratioun of the guid, trew and lang service done to his majestie sen his coronatioun be his lovit servitour Robert Abircrummy, his maister saidlair, alsueill in furnessing of stuff and faschioun baith befoir the deceis of his hienes traist cousing Williame, erll of Gowrie, exceding the sowme of fyve thowsand pundis, as also sensyn at the command of Schir Robert Melvill, thesaurer depute, abone the sowme of ten thousand merkis, as the compt beris. In the quhilk doing not onlie the said Robert bestowit his haill substance, but alsua hes contractit greit debtis for the quhilk he hes pait yeirlie proffite, quhairoff his hienes, willing to recompance the said Robert in ane pert, in the perliament maid in the yeir of God jM vC lxxxvij yeiris, gaif, grantit and disponit to the said Robert and to umquhile Maister Johnne, Isaac, Robert, Richert and Jherome Abircrummyes, his sonnes, and to ilk ane of thame respective for thair awin pertis, the tuell monkis portionis undirwrittin furth of the abbacie of Couper, quhairoff the said Johnne had four, the said Isaac had tua, and everie ane of the uthair thre sonnes tua portionis disponit to thame be oure soverane lord, viz: to the said Robert Abircrummy, younger, the portionis of umquhile deane Thomas Hammiltoun, priour dene Williame Baxter, subpriour deane Johnne Donaldsoun and deane James Mastertoun; to the said Richerd Abircrummy, the portionis of deane Piter Trent, dene Johnne Lawsoun, dene Alexander and dene Adame Andersonis; and to the said Jerome Abircrummy, the portionis of umquhile dene Andro McAchane, dene Robert Drysdaill, dene Thomas Dron and dene Andro Moncur, as at mer lenth is contenit in the gift maid thairupoun; quhairupoun alsua the saidis personis hes obtenit decreit of the lordis of sessioun for answerring and obeying of thame of the fruittis, rentis, dewties and proffittis pertening to the saidis monkis during thair lyftymes. Thairfoir oure soverane lord, with avise and consent of the estaitis of this present perliament, ratifies and apprevis the foirsaid gift and dispositioun maid and gevin be his hienes to the saidis Robert Abircrummy, Richert and Jherome Abircrummies in all pointis, articles and clauses thairof, and willis and declaris that the same sall stand for ane perpetuall securitie to the saidis personis and to the said Robert as factour and administratour to thame during thair lyftymes, and the langest levair of thame, sua that incace ony of thame deceis, his pert and pertioun sall accres to his brether equallie to be devydit amongis thame, sua lang as ony of thame salbe on lyff; renunceand all actioun that his majestie hes or may haif for impunging of ony pert of the said gift or validitie thairof, and dischargis his hienes thesaurer and advocat off all persewing, trubling or molesting of the saidis personis in the peceable posesioun, bruiking and uplifting of the saidis monkis portionis be the saidis personis during thair lyftymes.
[1594/4/81]*[print] [email] [cite] [preceding] [following]
Oure soverane lord, with avise of his estaitis, ordanis and declaris that all his fewaris, tenentis and possessouris of his awin propre landis within the lordschip, stewartrie and schirefdome of Fyff, in respect thay pay greit males, fermes and dewties [to] his majestie, and nevir hes bene in use of payment of ony taxatioun or impost rasit be his hienes or his predicessouris in tymes bypast, bot evir hes bene fred and frie thairof, thairfoir oure said soverane lord, with avise of the estaitis of this present perliament, decernis and ordanis the saidis fewaris, firmoraris and tennentis, thair aris and successouris within the said lordschip, stewartrie and schirefdome in all tyme to cum and quhen it salhappin oure said soverane lord and his successouris to rais or lift ony taxatioun within this realme, this present act and ordinace of perliament to be ane sufficient discharge to the saidis fewaris and tennentis of the same; and exoneris and discharges thame of all taxatioun be thir presentis bygane and to cum, and all schireffis, stewartis and officiaris of forder trubling of thame for the same and of thair offices in that pert.
[1594/4/82]*[print] [email] [cite] [preceding] [following]
Oure soverane lord, understanding that be the fyning out of mynes of gold, silver, copper, leid and utheris minerallis within this realme not onlie his majesties particular proffite may be augmentit, bot als the weill and commoditie of the realme avancit, with avise of his majestie and his theasurer depute, and with avise of Maister Johnne Lindsay, persone of Menmure, ane of the senatouris of the college of justice and maister of the mettellis within this realme and dominionis thairof, gaif and disponit to his lovit servitour Thomas Foulis, goldsmyth, burges of Edinburgh, and his aris, assignais and servitoris full pouer and commissioun, libertie and licience to serch, seik, brek the ground, wirk, win, intromettwith and ressave, cary, fyne, refyne and transport to ony pairt of this realme or outwith the same, use and dispone at thair plesour all and quhatsumevir mettallis and minerallis, alsweill of gold, silver, leid, tyn and utheris liand within quhatsumevir the landis, boundis and ground of the fourtie pund land callit the Freir Mure pertening of auld to the abbacie of Newbotle and utheris, his fewaris and takismen thairof, liand within the baronie of Craufurd Linsay and schirefdom of Lanerk, and speciallie the mynes upoun Glenonie sumtyme possest be George Douglais of Parkheid, and the mynes upoun Awand Watter, quhilkis mettallis and minerallis pertenis to oure soverane lord be the lawis of this realme and privilege of his croun, to try and fyn the same for all the dayes, space, yeris and termes of tuentie ane yeiris nixt and immediatlie following the day and dait of thir presentis. Be vertew of the quhilk gift, the said Thomas hes employit the uttermaist of his power in the finding out of the saidis mynes and minerallis, and trying of the valor and fynnes thairof, and hes brocht strangeris within the cuntrie to labour and travell thairinto; lyk as he is also of purpos upoun his chargis to bring utheris out of all pertis quha hes understanding of the said mater and to employ his haill substance thairinto, and that it wer nocht ressone that he war frustrat of his expectatioun of the said gift or ony pairt thairof or privilege contenit thairintill imparit or brocht in questioun be ony persoun, thairfoir oure soverane lord, with the advise of the estaitis of this present perliament, hes ratifiet and apprevit and ratifies and apprevis the foirsaid gift and dispositioun maid be his hienes, with avise foirsaid, to the said Thomas Foulis and his aris and utheris contenit in the samyn in all the heidis, pointis, clauses, conditionis, and privilegeis thairof contenit thairinto, and that the said gift salbe ane sufficient title and richt to him and his foirsaidis to serch, seik and brek the ground, wirk, win, intromettwith, ressave, cary, fyne and refyn or transport out of the realme at all plesour all and quhatsumevir mettallis and minerallis abonespecifiit liand within quhatsumevir part of the landis abonewrittin, dischargeing all and quhatsumevir uthair richtis and titles maid be his hienes in ony maner of way in prejudice or imparing the said gift maid to the said Thomas and his foirsaidis or ony poynt, article, heid or conditioun thairof and all utheris that salhappin to be maid heireftir, declaring the samyn to be null and of na availl be way of exceptioun allanerlie but intenting of ony actioun thairupoun.
[1594/4/83]*[print] [email] [cite] [preceding] [following]
Item, anent the act of parliament maid in favouris of the wobistaris and walkaris to have bene imbrocht within the realme out of the low cuntries and put to wark be Nicol Uduard, merchand burges of Edinburgh, and contening ane exemptioun of the said Nicoll frome extentis and taxationis; for doing thairof, oure soverane lord, with avise of his estatis, findis that the said mater hes not tane effect, and thairfoir hes decernit and decernis the immunitie grantit to the said Nicoll fra all extentis and taxationis to have na effect in tyme cuming, and the said Nicoll to beir burding with his nichtbouris in all tyme cuming, as he aucht to have done befoir the said act.
[1594/4/84]*[print] [email] [cite] [preceding] [following]
Oure soverane lord and estaitis in perliament, for the beiting, uphalding and mending of the tua briggis of Dalkeith, the ane biggit upoun South Esk on the south syd of the said toun, and the uther biggit on North Ersk upoun the north syd of the said town, quhilk briggis ar now almaist decayed, statutis and ordanis that all cariages and burdingis of mylstanes, wyne, tymmer and utheris graith passand endlangis the saidis tua briggis with cartis sall pay to the baillies and counsaill of the said toun of Dalkeith, or thair collectour to be appointit be thame, for repairing, mending and uphalding of thair saidis briggis the taxt and impost following, that is to say: of ilk mylnestane passand endlangis ony ane of the saidis tua briggis, fourtie penneis, and for ilk cartfull laydnit with wyne, tymmer or uther geir, aucht penneis money of this realme. And this act to tak beginning the xx day of this instant moneth of Junii jM vC fourscoir fourtene yeiris, and to leist and continew for the space of thre yeiris nixt and immediatlie following the said tuentie day of Junii.