[A1593/4/10]*[print] [email] [cite] [preceding] [following]
The quhilk day Maister David McGill of Cranstoun Riddell, advocat to oure soverane lord, produceit ane summondis of tressoun dewlie execute and indorsit aganis George, erll of Huntlie, Schir Patrik Gordoun of Auchindowne, knycht, Thomas Gordowne of Clunie and William Gordoun of Keycht and certane thair complices for the cryme of tressoun committit at Dunybrissill, as the summondis depending thairupoun at lenth beris; upoun the productioun quhairof, the said advocat askit instrumentis. And siclyk producit Williame Porteus, messinger, executour of the first executioun execute upoun the thrid day of Aprile jM vC lxxxxiij yeiris at the mercate croce of Edinburgh, and maid faith that his executioun was trew, as the samyn beiris; and Jhonne Purdie and Daniel Grahame, present, maid faith that thay war requyrit witneses to the said executioun, and that they hard and saw him execute the samyn. And also producit Daniel Grahame, messinger, executour of the secund and thrid executionis execute upoun the nynt day of Apryle lastbypast at the mercate croce of Abirdene, and Normond Lesleis duelling hous thair, and executour of the ferd executioun upoun the ellevint day of Apryle lxxxxiij at the saidis personis dwelling hous, and executour of the fyft executioun upoun the tuelf day of Aprile lxxxxiij at the mercate croce of Bamf, and executour of the saxt executioun execute upoun the twelf day of Aprile the yeir foirsaid at certane thair dwelling places, and executour of the sevint executioun execute upoun the xiij day of Apryle lxxxxiij at the mercate croces of Elgin, Forres and Invernes, and executour of the aucht executioun execute upoun the fyiftein day of Apryle lxxxxiij at certane of thair duelling houses, and executour of the penult and last executionis execute upoun the auchtein and nyntein dayis of Apryle the yeir foirsaid at certane of thair duelling houses; and the said Daniel Grahame maid fayth that he execute the saidis summondis of tressoun upoun the foirsaidis haill personeis in maner contenit in his saidis executionis; and Donald Neill and Alexander Rynd, being baith present, maid fayth that they wer requirit witneses be the said Daniel Grahame to his saidis executionis and that thay hard and saw the said Daniel execute the samyn as thay beir. Upoun the verificatioun of the quhilkis summondis, and that the saidis officiaris and thair witneses compeirit in presens of the saidis lordis commissioneris of parliament and verefiet their awin executionis that the samyn war trewlie execute as the samyn beris, the said Maister David McGill and Maister Johnne Skene, his hienes advocattis, askit instrumentis. The lordis commissionaris of parliament continewis the foirsaidis summondis in the samyn forme, force and effect quhill the tent day of Julii nixtocum.