[A1593/4/5]*[print] [email] [cite] [preceding] [following]
Parliamentum currens dicti excellentissimi principis Jacobi sexti regis Scotorum, tentum apud Edinburgh primo die mensis Junii 1593 per dominos commissarios subscriptos viz Adamum episcopum Orchadensem, Alexandrum commendatarium de Culros, Eduardum commendatarium de Kinlos, Jacobum dominum Lindsay, Alexandrum dominum Urquhard, dominum Robertum Melvile de Murdocarnie militem, commissarios parliamenti per commissionem supremi domini nostri regis specialiter constitutos, unacum dictis Thoma Scott deputato mariscalli, Wilelmo Henrysoun deputato constabularii et Roberto Fraser nuntio deputato vicecomitis et Oliuer Sincler adiudicatore.
The quhilk day Maister David Mackgill of Cranstoun Riddell, advocat to oure soverane lord, produceit this summoundis undirwrittin rasit at his hienes instance aganis Francis, sumtyme Erll Bothwell, Gilbert Pennycuik, Jhonne Rutherfurd of Hunthill, elder, Thomas Rutherfurd of Hunthill, younger, Symon Armstrang, younger, of Quhythauche, dewlie execut and indorsate aganis thame, quhairby they wer summonit to haif compeirit in oure said soverane lordis parliamet for certane crymes of tressoun and lesmajestie contenit in the saidis summondis raisit thairupoun; upoun the productioun thairof, the said advocat askit instrumentis. And the saidis personis being thryis callit at the tolbuith windo and nane of thame comperand, and als the said advocat produceit the officiaris and witneses undirwrittin, executouris of the saidis summondis of tressone, to verefie the samyn executionis and that the samyn wes trewlie done as thay beir in maner efter mentionat: that is to say, Williame Porteus, messinger, executour of the first executioun execut upoun the xxvj day of Merche the yeir of God lxxxxiij yeiris, maid faith that the said executioun execute be him at the mercate croce of Edinburgh was trew; as als Williame Foirsyth, Johnne Bleinscheillis and Jhonne Purdie, witneses contenit in the samyn executioun, maid fayth that the said Williame Porteous summond the haill personis contenit thairin at the mercate croce of Edinburgh, and that thay hard and saw the said Williame Porteous execute the same executioun, as the samyn beiris; and siclyk the said Williame Porteous, messinger, executour of the tua executionis execute upoun the penult and last dayis of Merche the yeir of God foirsaid, maid faith the samyn executionis wer execute at the mercat croces of Jedburgh and Hadingtoun respective; and als Johnne Finlasoune and George Cuninghame, witneses insert in the samyn tua executionis, being present, maid faith that thay hard and saw the said Williame Porteous, messinger, execute the saidis summondis at the saidis tua croces in maner specifiet thairintill. And als the said advocat producit lettrez of relaxatioun of the dait the xvj day of Merche and of the kingis regne the xxvj yeir, with the executioun thairof, berand the said Francis, sumtyme erll of Bothwell to be relaxit fra the proces of horning led aganis him for quhatsumevir caus or occasioun bygane preceding the dait of the saidis lettrez, quhilk executioun is execute upoun the xxvj day of Merche jM vC lxxxxiij yeiris be Williame Porteus, messinger; and thairupoun the said advocat askit instrumentis.
[A1593/4/6]*[print] [email] [cite] [preceding] [following]
And als the said Maister David McGill, advocatt to oure soverane lord, producit ane uther summondis of tressone aganis Williame, erll of Angus, George, erll of Huntlie, Francis, erll of Erroll, Schir Patrik Gordoun of Auchindowne, knycht, Schir James Chisholme of Dundurne, knycht, Maister James Gordoun, persoun of Clat, and Maister Robert Abircrumby, dewlie execute and indorsate upoun thame for certane crymes of tressoun and lesmajestie, as the summondis raisit thairupoun beris.
And siklyke the said advocat produceit Williame Porteous, messinger, executor of the first executioun execute upoun the xix day of Merche fourscoir tuelf at the mercate croce of Edinburgh, and maid faith that the said executioun execute be him was trew; as als Williame Foirsythe, Jhonne Purdie and Jhonne Blindscheillis, messingeris, witneses contenit in the samyn executioun, maid faith that the said Williame Porteous summound the haill personeis contenit in the said summoundis at the said mercate croce of Edinburgh, and that they hard and saw the said Williame Porteous execute the same as it beiris.
And als producit Johnne Broun, messinger, executour of the secund executioun execute upoun the xxiij day of Merche the yeir of God foirsaid at the mercate croce of Perth, and fyift executioun execute upoun the xxvj day of March lxxxxiij at the mercate croce of Abirdene, and executour of the saxt executioun upoun the xxvij day of Merche the yeir of God foirsaid, upoun the Erll of Erroll at his duelling place of Slanis, and executour of the sevint executioun upoun the xxviij day of the said moneth of Merche the yeir of God foirsaid at the mercate croce of Bamf, executour of the aucht executioun upoun the xxix day of the said moneth of Merche the yeir of God foirsaid execute aganis the lard of Auchindowne at his duelling places of Garthlie and Auchindowne, and executour of the nynt executioun upoun the penult day of the samyn moneth of Merche the yeir of God foirsaid at Elgyne, and maid faith that he lawfullie summoundit the foirsaidis personis in maner contenit in his executionis; and Gawin Towris and Johnne Craufurde, being present, maid faith that thay hard and saw the said Johnne Broun execute the said summondis of tressone at the places contenit in his executionis, and wer requirit witness be him to that effect.
And siklyke the said advocate producit Williame Foirsyth, executour of the thrid executioun execute upoun the xxiiij day of the said moneth of Merche jM vC lxxxxij at the mercate croce of Striviling, executour of the ferd executioun execute upoun the said Schir James Chisholme at his duelling place of Dumblane upoun the said xxiij day of Merche the yeir of God foirsaid, executour of the tent executioun execute upoun the penult day of Merche lxxxxiij at the mercat croce of Lanark, and maid fayth that he execute the saidis summondis upoun the speciall dayes and at the speciall places specifiit in the saidis executionis; and Patrik Thomesoun and Robert Symontoun, present, maid fayth that thay hard and saw the said Williame Foirsyth execute the saidis summoundis of tressoun conforme to the tenour of the saidis executiones and wer requyrit witneses be him to that effect. And als produceit George Liddell, messinger, executour of the penult and last executionis at the Erll of Angus dwelling place of Tamptalloun and at the mercate croce of Hadingtoune upoun the penult and last dayes of Merche jM vC lxxxxiij yeiris, and maid fayth that he trewlie execute the saidis summoundis upoun the said Erll of Angus, as his executioun beiris. And als Laurence Saidlair and Williame Young, witneses present, maid faith that thay hard and saw the said George Liddell execute the saidis summondis upoun the said Erll of Angus conforme to the saidis tua last executiones, and that thay war requirit witness thairto.
[A1593/4/7]*[print] [email] [cite] [preceding] [following]
And in lykmaner the said advocate producit the thrid summoundis of tressoun dewlie execute and indorsit aganis Angus MacConyl of Dynnevaig and Glennis, Donald MacConyll Gorme of Slatt, Jhone McAne of Ardnamurchin, and certane utheris, thair collegis, for certaine crymes of tressoun and lesmajestie committit be thame, as the summondis beiris. And siklyk the said advocate producit Williame Porteus, messinger, executour of the first executioun execute upoun the nyntein day of Merche lxxxxijo at the mercat croce of Edinburgh upoun the foirsaidis personeis, and maid fayth that he execute the saidis summondis at the mercate croce of Edinburgh, as his executioun beiris; and Johnne Blindscheill, Johnne Purdy and Williame Foirsythe, being present, maid fayth that they hard and saw [him] mak the said executioun in maner specifiit thairin, and war requirit witnes be him to that effect etc. And als the said advocat producit Johnne Broun, messinger, executor of the secund executioun upoun the xxiij day of Merche lxxxxij at the mercate croce of Perthe, and executour of the last executioun execute upoun the last day of Merche lxxxxiij yeiris at the mercate croce of Invernes, and maid fayth that the saidis executionis war trew; and als Gawin Towris and Johnne Craufurd, being present, maid fayth that thai war requyrit witnes be the said Johnne Broune to the saidis executiounis, and that they hard and saw the said Johnne Broun execute the samyn. And also the said advocate producit Williame Foirsyth, messinger, executour of the thrid executioun execute the xxiiij day of Merche at the mercat croce of Striveling, executour of the ferd charge upoun the xxvj day of Marche lxxxxiij yeiris at the mercat croce of Dumbartane, executour of the fift executioun upoun the xxviij day of Merche the yeir of God foirsaid at the mercate croce of Irwing, and executour of the saxt executioun upoun the samyn day at the mercat croce of Air, and maid fayth that he trewlie execute the saidis summondis of tressoun at the foirsaidis mercate croces conforme to his saidis executionis; and Patrik Thomesoun and Robert Symontoun, being baith present, maid fayth that thay war requyrit bayth witnes be the said Williame Foirsyth to the saidis executionis, and that thay hard and saw him execute the samyn, as thai beir. And in lykmaner the said advocat producit the ferd summoundis deulie execute and indorsat aganis Lauchlane McClane of Dowart, McClene of Lochloy and certane thair complices for certane crymis of tressoun and lesmajestie specifiit thairin. And als producit Williame Porteous, messinger, executour of the first executioun execute upoun the nyntene day of Merche lxxxxij at the mercate croce of Edinburgh upoun the foirsaidis personeis, and maid fayth that he execute the said summoundis at the said mercate croce of Edinburgh as his executionis beiris; and Johnne Blindsheill, Johnne Purdie and Williame Forsythe, being present, maid fayth that thay hard and saw him mak the said executioun in maner specifiit thairin and war requirit witnes be him to that effect. And als the said advocat producit Johnne Brown, messinger, executour of the secund executioun upoun the xxiij day of Merche lxxxxij at the mercate croce of Perth, and executour of the last executioun execute upoun the last day of Merche lxxxxiij yeiris at the mercate croce of Invernes, and maid fayth that the saidis executionis war trew; and als Gawin Touris and Johnne Craufurd, being present, maid fayth that thay war requirit witnes be the said Johnne Broun to the saidis executiones, and that thay hard and saw the said Johnne Broun execute the samyn. And also the said advocate producit Williame Forsythe, messinger, executour of the thrid executioun execute upoun the xxiiij day of Merche at the marcate croce of Striviling, executour of the ferd charge upoun the xxvj day of Merche lxxxxiij yeiris at the mercate croce of Dumbartane, executour of the first† executioun and sext executioun upoun the xxviij day of Merche lxxxxiij at the mercate croces of Irwing and Air, and maid fayth that he trewlie execute the said summondis of tressoun at the foirsaidis mercate croces conforme to his saidis executionis; and Patrik Thomsoun and Robert Symontoun, being bayth present, maid faith that thay wer requirit witness be the said Williame Forsyth to the saidis executiones, and that they hard and saw him execute the samyn as thay beir. Upoun the verificatioun of the quhilkis executiounis of the saidis four summondis of tressone, and that the haill officiaris and their witneses comperit this instant day in presens of the lordis commissionaris of parliament and verefiit the saidis executionis to be trew and dewlie execute as the samyn beiris, the said Maister David McGill, advocat, askit instrumentis in name of oure soverane lord.