Parliament 1593
[A1593/4/1]*[print] [email] [cite] [preceding] [following]
Jacobus Dei gratia rex Scotorum dilectis nostris Leoni regi armorum, Ilay, Albany, Ross, Rothesay Snadoun Merchemont, heraldis, Johanni Fergussone Roberto Stewart Alexandro Douglas Davidi Bryssoun clauigeris, Ormond Bute Unicorne Carrik signiferis [...] nunciis ac eorum cuilibet coniunctim vicecomitibus nostris in hac parte specialiter constitutis, salutem. Mandamus et precipimus quatenus summoneatis legitime et peremptorie coram testibus Franciscum olim comitem de Bothuell, Gilbertum Pennycuik, Johannem Rutherfurde de Hunthill seniorem, Thomam Rutherfurde de Hunthill juniorem, Symonem Armestrang juniorem de Quhithauche, conspiratores perpetratores et celatores criminum lese majestatis personaliter, si eorum personales presentias commode habere poteritis, alioquin apud loca eorum habitationum, vel per publicam proclamationem apud cruces forales burgorum nostrorum de Edinburgh Hadington Jedburgh [...], aliaque loca necessaria degentes vero seu existentes extra regnum nostrum seu certum nullum domicilium in eodem habentes apud dictas cruces forales aliaque loca necessaria super premonitione sexaginta dierum sic quod huiusmodi summonitio ad eorum aures et notitiam verisimiliter peruenire poterit, quod compareant coram nobis seu justiciario nostro primo die mensis Junii proxime sequentis in nostro parliamento apud Edinburgh tertio die mensis Aprilis sequentis tenendo hora causarum cum continuatione dierum, ad respondendum nobis nostrove justiciario in prefato parliamento super proditoriis criminibus subsequentibus inprimis, dictos scilicet Franciscum olim comitem de Bothuell, Gilbertum Penniecuik, Johannem Rutherfurde de Hunthill seniorem et Thomam Rutherfurde de Hunthill juniorem Symonem Armstrang juniorem de Quhithauche, et eorum quemlibet, pro sua proditoria arte parte consilio in ipsorum proditoria conspiratione, consultatione et conclusione horrendi facinoris contra nostram honorabilem personam et vitam per dictas personas commissi vigesimo septimo die mensis Decembris anno Domini millesimo quingentesimo nonagesimo primo sub noctis silentio, in ipsorum proditoria invasione palatii nostri de Halyruidhous intrando ibidem cum assistantia consortio et convocatione aliorumque homicidorum oppressorum latronum ac huiusmodi insolentium virorum armatorum et a legibus nostris fugitiuorum, ex deliberato animo et certa intentione violentas manus in nostram regiam personam imponere, ut vitam nostram vel nefarie extinguerent vel nos captiuos secum deducerent; et ad hunc effectum prefati conspiratores directe accesserunt ad nostrum privatum conclaue seu cubiculum et ostiis ignem nefarie iniecerunt domesticos nostros presenti violenta morte minitando obiurgandoque nisi ipsis declararent ubi nos essemus, nulla unquam inquisitione per eos facta ob quamcunque aliam personam, nisi propter nosmet ipsos, ac preterea violenter effregerunt malleis ostia interioris cubiculi regine nostre charissime coniugis, atque demum ubi parum se promouisse, et ad illorum inusitatum scelus ad propositum nefandum peruenire non posse intellexerunt, in eorum regressu nondum satisfacti crudeliter et sine ulla misericordia domesticos et familiarissimos nostros seruitores ob nostram causam interfecerunt et iugulauerunt, hinc manifestissime crimen summe proditionis contra nos nostram vitam authoritatem regiam et leges committendo. Secundo, prefatos Franciscum olim comitem de Bothuell, Gilbertum Penniecuike, Johannem Rutherfurde de Hunthill seniorem, et Thomam Rutherfurde de Hunthill juniorem, Symonem Armstrang de Quhittauche juniorem, et eorum quemlibet pro sua proditoria arte parte auxilio et consilio in sua proditoria conspiratione consultatione et conclusione horrendi facinoris contra nostram honorabilem personam et vitam per dictos conspiratores commissi vigesimo octauo die mensis Junii anno Domini millesimo quingentesimo nonagesimo secundo, in ipsorum proditoria invasione palatii nostri de Falkland intra vicecomitatum nostrum de Fyffe nobis ibidem intus pro tempore existentibus, accedendo ibidem cum assistentia et concursu homicidorum oppressorum latronum declaratorum proditorum et huiusmodi insolentium virorum armatorum et a legibus nostris fugitiuorum, ex deliberato animo et certa intentione violentas manus in nostram regiam personam imponere, ut vitam nostram vel nefarie extinguerent vel nos captivos secum deducerent, et ad hunc effectum predicti conspiratores cum suis sociis accesserunt ad posticum dicti nostri palacii eiaculando tormenta ferrea, et huiusmodi machinas eneas violenter idem posticum oppugnarunt, ut eo dirupto facilius ingressi prefatam suam coniurationem et horrendum facinus inceptum complerent, hinc manifestissime crimen summe proditionis contra nos nostram vitam authoritatem regiam et leges committendo; atque adeo pro ipsorum proditoria celatione et occultatione prefate coniurationis consultationis conclusionis et executionis eiusdem. Tertio commemoratos Johannem Rutherfurde dominum de Hunthill seniorem et Thomam Rutherfurde de Hunthill juniorem, Symonem Armstrang juniorem de Quhithauche, et eorum quemlibet pro sua proditoria receptione et auxilio prestito dicto Francisco olim comiti de Bothuell, et pro eorum proditoria assistantia participatione et intercommunicatione cum prefato Francisco et suis complicibus nostris proditoribus declaratis contra leges et statuta regni nostri, idque in mensibus Aprilis Maii Junii Julii Augusti Septembris Octobris Novembris Decembris Januarii Februarii Marcii anno Domini millesimo quingentesimo nonagesimo secundo et eorum quolibet respective in locis de Hunthill Jedburgh Hawik, Liddisdaill, hinc manifestissime crimen proditionis contra nos nostramque vitam auctoritatem regiam et leges regni nostri committendo, atque adeo pro ipsorum proditoria celatione et occultatione predicte sue intercommunicationis receptionis et auxilii supra specificatis. Quarto prefatum Symonem Armstrang pro sua proditoria arte parte et consilio in excudendo monetam adulterinam domi sue de Royne in Liddisdaill in mensibus Aprilis Maii Junii Julii Augusti Septembris Octobris Novembris Decembris Januarii Februarii et Martii et quolibet eorum anno Domini millesimo quingentesimo nonagesimo primo, hinc manifestissime crimen summe proditionis contra nos auctoritatem regiam et leges regni nostri committendo, atque adeoque pro sua celatione et occultatione eiusdem; ideoque suprascriptos conspiratores ad videndum et audiendum sese et eorum quemlibet respectum premissorum crimen lese maiestatis incurrisse per nos et trium regni nostri statuum decretum decerni et declarari, et super predictis et aliis complurimis rebellionibus et transgressionibus et proditoriis criminibus per prenominatas personas, contra nos regnum nostrum authoritatem regiam impie et nefarie perpetratis, et dictis die et loco cum continuatione dierum proponendis et ostendendis ac juri parendum, et super huiusmodi iudicium nostrum et nostri parliamenti secundum leges regni nostri expectandum et subeundum, dictas videlicet personas conspiratores perpetratores et celatores criminum precedentium ad videndum et audiendum sese et eorum quemlibet intuitu premissorum crimen lese majestatis incurrisse per nos et trium regni nostri statuum decretum decerni et declarari; et propterea ipsorum bona mobilia et immobilia tam terras quam officia aliasque res ad eos spectantes nobis confiscari et pro perpetuo nobiscum in proprietate remanere, personasque suas penam proditionis et ultimi supplicii a regni nostri legibus inflictam subire et uberius in premissis respondendum et nostri parendum, intimando supradictis conspiratoribus eorumque cuilibet quod, siue dictis die et loco cum continuatione dierum comparuerint siue non, nos dictusque noster justiciarius in premissis justicia mediante procedemus et procedet. Insuper citetis [...] ad comparendum coram nobis nostroue justicicario dictis die et loco cum continuatione dierum ad perhibendum fidele testimonium in causa predicta sub pena legis. Et presentes litteras debite executas et indorsatas earundem latori reddatis. Et vos qui presentes executi fueritis, sitis ibidem dictis die et loco coram nobis seu dicto nostro justicario portantes vobiscum summonitionis vestre testimonium in scriptis pro premissis seu ipsos testes, ad quod faciendum vobis et vestrum cuilibet coniunctim et divisim vicecomitibus nostris in hac parte committimus potestatem. Datum sub testimonio nostrii magni sigilli apud Edinburgh vicesimo tertio die mensis Martii anno Domini millesimo quingentesimo nonagesimo secundo, et regni nostri vicesimo sexto.