[1592/4/190]*[print] [email] [cite] [preceding] [following]
†Oure soverane lord, with avise of the estaitis of this present parliament, ratifies and apprevis the gift of pensioun maid and grantit be umquhile Esme, duk of Lennox, erll Darnelie, lord Torboltoun etc., to Robert Stewart, sone to umquhile Capitane James Stewart, for all the dayis of his lyftyme, of xxvij bollis meill and ane chalder beir yeirlie to be upliftit furth of the reddiest of the fruittis of Arbroth; and quhilk gift and pensioun oure said soverane lord hes of new, sen his perfite aige of xxv yeris compleit, gevin, grantit and disponit to the said Robert and Marion Montgumrie, his spous, induring all the dayis of thair lyftymes in all and sindrie pointis, heidis, articles and clausis thairof conforme to the tennouris of the samyne; off the quhilk pensioun he is in possessioun and hes the samyne be consent of Johnne, lord Hammiltoun, abbot of Abirbrothok.