Ratificatioun to Gavin Hamiltoun of Roploche

Oure soverane lord and estaitis of this present parliament, having sene and considderit the infeftment maid be his majestie efter his perfite aige of tuentie ane yeiris to his lovit Gawin Hamiltoun of Roploche, his aris and assignais, off all and haill the landis, annuelrentis and utheris undirwrittin: thay ar to say, of the fourtie schilling land of auld extent of Cummer Heid; the landis of Kittimuris Eister and Wester, and Cordlett, lyand within the schiredome of Lanerk; the landis of Borneis, Kilbowies Eister and Wester, lyand within the schiredome of Dumbartane; the fyve merk land of Granis, lyand within the balliarie of Cuninghame and schiredome of Renfrew; the landis of Potie with myln and pertinentis of the samyne, lyand within the regalitie of Sanctandrois and stewartrie of Stratherne; the landis of the tua Collennoquheis and Holtoun and Casseldewglie, with the mylne thairof, lyand within the schiredome of Kynroscheir, with all and sindre partis, pendicles and pertinentis; and als of all and haill ane annuelrent of sextene bollis meill, four bollis beir, nyne scoir auchtene stanis cheis, sevin stirkis, to be pait yeirlie be the possessouris of the landis of Auchintebir, Overland, Auchinmaid, with the pertinentis, lyand within the balliarie of Cuninghame and schiredome of Aair; and als off all and haill Cragmylne with astrictit multeris with the pertinetis, liand within the said balliarie as in the said infeftment at mair lenth is contenit. And thairfoir, oure said soverane lord and his saidis estaitis in parliament, for his hienes and his successouris, haif confermit, ratifiet and apprevit the said infeftment off all and sindrie the landis, mylnes, annuelrentis and utheris particularlie thairin expressit to the said Gawin, his aris and assignais foirsaidis; and decernis and ordanis the same to stand in full force, strenth and effect to thame in all pointis, heidis, articles and clausis thairof according to the tennour of the samyne.

  1. NAS, PA2/14, ff.65r-v. Back
  2. Written in margin: 'P'. Back